डॉ. सुनिलम, शेष राव, प्रहलाद अग्रवाल और दयामनी बारला को तत्काल रिहा करो।

जंतर मंतर पर विरोध प्रदर्शन

11 बजे, 26 नवंबर, 2012 से

प्रिय साथी,

सोमवार 26 नवंबर, 2012 को डॉ. सुनीलम और दयामनी बरला की रिहाई की मांग को लेकर आयोजित साझा विरोध प्रदर्शन में शामिल हों.

डॉ सुनीलम और दयामानी बरला को जेल में रख कर भारत का शासक वर्ग कारपोरेट जगत का हित साधने में लगा है। डॉ. सुनीलम, शेष राव और प्रहलाद अग्रवाल को बैतूल जिले के प्रथम सत्र न्यायाधीश एस.सी. उपाध्याय द्वारा मुलताई गोली कांड में आजीवन कारावास की सजा सुनाई गई। 12 जनवरी, 1998 को बैतूल जिले के मुलताई तहसील में पुलिस ने गोली चालन कर 24 किसानों को मौत के घाट उतार दिया और 150 किसानों को घायल किया। ‘आजाद’ भारत में इतने बड़े जनसंहार कराने वाले शासक वर्ग के एक भी दोषी अधिकारी या राजनीतिक को कोई सजा नहीं हुई। सजा हुई भी तो उन किसान नेताओं को जो अन्नदाता कहे जाने वाले किसानों की जायज मांग को लेकर प्रदर्शन का नेतृत्व कर रहे थे।
दयामनी बरला को झारखंड सरकार द्वारा 16 अक्टूबर, 2012 से गिरफ्तार कर के जेल में रखा गया है। झारखंड में इस आदिवासी महिला को जनता के हित में सघर्षों के लिए जाना जाता है। झारखंड सरकार जो कि जनता के संसाधनों को कारोपरेट जगत के हाथों बेचने के लिए विख्यात है उसकी नीतियों का लगातार दयामनी पर्दाफाश करती रही हैं। दयामनी दुनिया के सबसे बड़ी स्टील प्लांट कम्पनी के विरोध का नेतृत्व भी कर रही थी जो खूंटी तोरपा में आर्सेलर-मित्तल के द्वारा लगना था। पूंजीवादी परस्त नीतियों के विरोध के कारण ही दयामनी को गलत तरीके से जेलों में रखा गया है।
दयामनी को 16 अक्टूबर, 2012 को 6 साल पुराने मामले में जेल जाना पड़ा। दयामनी को उस मामले में जेल जाना पड़ा जिसमें भारत सरकार भी मानती है कि भ्रष्टाचार हो रहा है। 29 अप्रैल, 2006 को अनगड़ा में ग्रामीणों द्वारा मनरेगा में हुए भ्रष्टाचार के विरोध और जॉब कार्ड की मांग को लेकर विरोध किया गया था उस विरोध प्रदर्शन में दयामनी भी थी।
दयामनी को जेल जाने के बाद हाई कोर्ट के मुख्य न्यायाधीश प्रकाश टाटिया और न्यायाधीश जया राय की खंडपीठ ने झारखंड सरकार को निर्देश दिया है कि पैरा मिलिट्री फोर्स लगाकर निर्माण कार्य करवाया जाये। झारखंड सरकार उसके बाद बहुत भारी मात्रा में फोर्स लगाकर निर्माण कार्य करवा रही है और जनता के विरोध को कुचलने के लिए कई सौ ग्रामीणों पर झूठे मुकदमे फिर से लगा दिये गये हैं। झारखंड उच्चन्यायालय के मुख्यन्यायाधीश जो सुनवाई कर रहे हैं स्वयं ही उस ‘ला यूनिर्वसिटी’ के चान्सलर हैं जिसे इस जमीन का एक हिस्सा मिल रहा है।
डॉ. सुनीलम और दयामनी के उदाहरण आम जनता के मन में न्यायापालिका की स्वायत्तता और स्वतंत्रता पर गम्भीर सवालिया निशान खड़े करते हैं, जो किसी भी तरह से जनतंत्र के लिए शुभ संकेत नहीं है।
इस लिए हम मांग करते हैं कि-

·         डॉ. सुनिलम, शेष राव, प्रहलाद अग्रवाल और दयामनी बारला को तत्काल रिहा करो।

·          डॉ. सुनिलम, शेष राव, प्रहलाद अग्रवाल और दयामनी बारला पर दर्ज फर्जी मुकदमें वापस लिए जाए।

·         मुलताई गोली कांड की न्याययिक जांच हो।

·         पेंच परियोजना व नगड़ी में किसानों की भूमि अधिग्रहण बंद किया जाये।

अधिक जानकारी के लिए संपर्क करें:

डॉ. सुनीलम-दयामनी बारला रिहाई कमेटी
ए- 124/6, कटवारिया सराय, नई दिल्ली 110016
फोन – 9999046291

ਸ਼ਰੂਤੀ ਦੇ ਅਗਵਾਕਾਰਾਂ ਦੀ ਹਮੈਤਣ, ਸਰਕਾਰ ਤੇ ਪੁਲਸ ਦੇ ਪੱਲੇ ਪਈ ਨਮੋਸ਼ੀ

ਚੋਰ ਦੀ ਮਾਂ, ਗੋਡਿਆਂ 'ਚ ਸਿਰ!
ਸ਼ਰੂਤੀ ਦੇ ਅਗਵਾਕਾਰਾਂ ਦੀ ਹਮੈਤਣ, ਸਰਕਾਰ ਤੇ ਪੁਲਸ ਦੇ ਪੱਲੇ ਪਈ ਨਮੋਸ਼ੀ

ਸ਼ਰੂਤੀ ਦੀ ਘਰ ਵਾਪਸੀ, ਅਗਵਾਕਾਰਾਂ-ਗੁੰਡਿਆਂ ਨੂੰ ਸਜ਼ਾਵਾਂ ਅਤੇ ਅਗਵਾਕਾਰਾਂ ਦੀ ਪੁਸ਼ਤ ਪਨਾਹੀ ਕਰਨ ਵਾਲੇ ਸਿਆਸਤਦਾਨਾਂ ਤੇ ਪੁਲਸ ਦੇ ਉੱਚ ਅਧਿਕਾਰੀਆਂ ਨੂੰ ਬੇਪਰਦ ਕਰਨ ਤੇ ਬਣਦੀਆਂ ਸਜਾਵਾਂ ਦੁਆਉਣ ਲਈ 24 ਸਤੰਬਰ ਤੋਂ ਲਗਾਤਾਰ ਇਕ ਸੰਘਰਸ਼ ਚੱਲ ਰਿਹਾ ਹੈ। ਇਹ ਸੰਘਰਸ਼ ਸ਼ਹਿਰ ਤੋਂ ਤੁਰਦਾ ਹੋਇਆ ਜਿਲ•ਾ ਤੇ ਪੰਜਾਬ ਤੱਕ ਫੈਲ ਚੁੱਕਾ ਹੈ। ਇਹ ਸੰਘਰਸ਼ ਸ਼ਹਿਰੀਆਂ ਦੀ ਬਣੀ, ਗੁੰਡਾਗਰਦੀ ਵਿਰੋਧੀ ਐਕਸ਼ਨ ਕਮੇਟੀ ਦੀ ਅਗਵਾਈ ਵਿਚ ਚੱਲ ਰਿਹਾ ਹੈ। ਪੰਜਾਬ ਦੇ ਮਜ਼ਦੂਰਾਂ, ਕਿਸਾਨਾਂ, ਵਿਦਿਆਰਥੀਆਂ, ਨੌਜਵਾਨਾਂ, ਮੁਲਾਜ਼ਮਾਂ, ਔਰਤਾਂ ਦੀਆਂ ਜਥੇਬੰਦੀਆਂ ਤੇ ਜਨਤਕ-ਜਮਹੂਰੀ ਸੰਗਠਨਾਂ ਵੱਲੋਂ ਇਸ ਸੰਘਰਸ਼ ਦੀ ਡਟਵੀਂ ਹਮਾਇਤ ਕੀਤੀ ਜਾ ਰਹੀ ਹੈ। ਇਸ ਸੰਘਰਸ਼ ਦੀ ਧਾਰ, ਪੂਰਾ ਪਹਿਲਾ ਇਕ ਮਹੀਨਾ ਇਸ ਅਗਵਾ ਹੋਈ ਧੀ ਨੂੰ ਗੁੰਡਿਆਂ-ਅਗਵਾਕਾਰਾਂ ਦੇ ਚੁੰਗਲ ਵਿਚੋਂ ਛੁਡਵਾਉਣ ਦੀ ਮੰਗ ਅਤੇ ਹੁਣ ਆਹ ਪੂਰਾ ਮਹੀਨਾ, ਬੱਚੀ ਨੂੰ ਪੁਲਸ ਦੀ ਕੈਦ ਵਿਚੋਂ ਰਿਹਾਅ ਕਰਵਾਉਣ ਦੀ ਮੰਗ 'ਤੇ ਕੇਂਦਰਤ ਰਹੀ ਹੈ। ਹੁਣ ਤੱਕ ਦੋ ਮਹੀਨੇ ਤੋਂ ਚੱਲ ਰਹੇ ਇਸ ਸੰਘਰਸ਼ ਨੇ ਲੋਕ-ਤਾਕਤ ਤੇ ਲੋਕ-ਸੰਘਰਸ਼ ਦੀ ਝੋਲੀ ਜਿੱਤ ਅਤੇ ਪੁਲਸ-ਸਿਆਸੀ-ਗੁੰਡਾ ਗਠਜੋੜ ਦੇ ਪੱਲੇ ਨਮੋਸ਼ੀ ਹੀ ਪਾਈ ਹੈ।

ਮਾਪਿਆਂ ਦਾ ਸਿਰ ਪਾੜ ਕੇ ਤੇ ਬਾਹਾਂ ਤੋੜ ਕੇ ਕੇਸਾਂ ਤੋਂ ਧੂਹ ਕੇ ਲਿਜਾਈ ਗਈ ਇਹ ਨਾਬਾਲਗ ਬੱਚੀ ਸ਼ਰੂਤੀ ਨਾਲ ਜੱਗੋਂ ਤੇਰਵੀਂ ਕਰਨ ਦੇ ਦੋਸ਼ੀ ਅਗਵਾਕਾਰਾਂ ਦੀ ਪੁਸ਼ਤ-ਪਨਾਹੀ ਕਰਨ ਵਾਲੇ ਅਕਾਲੀ-ਸਿਆਸਤਦਾਨ ਤੇ ਪੁਲਸ ਦੇ ਉੱਚ ਅਧਿਕਾਰੀ ਆਵਦੇ ਮੱਥੇ ਕਲੰਕੀ ਦਾ ਕਾਲਾ ਟਿੱਕਾ ਲਵਾਉਣ ਤੋਂ ਬਚ ਨਹੀਂ ਸਕੇ। ਸੰਘਰਸ਼ ਦੇ ਸ਼ੁਰੂ ਦੇ ਦਿਨਾਂ ਵਿਚ ਹੀ ਇਹ ਅਗਵਾਕਾਰਾਂ ਦੇ ਨਾਲ ਨਾਲ ਲੋਕ ਰੋਹ ਦਾ ਨਿਸ਼ਾਨਾ ਬਣ ਗਏ ਸਨ। ਲੋਕਾਂ ਤੋਂ ਮਣਾਂ ਮੂੰਹੀ ਥੂ-ਥੂ ਕਰਵਾਈ ਹੈ।

ਇਹਨਾਂ ਗੁੰਡਿਆਂ-ਅਗਵਾਕਾਰਾਂ ਨਾਲ, ਨਾ ਸਿਰਫ਼ ਪਹਿਲਾਂ, ਅਕਾਲੀ ਲੀਡਰਾਂ ਦੇ ਤੇ ਪੁਲਸ ਦੇ ਜਿਲ•ਾ ਪੱਧਰੇ ਉੱਚ ਅਫਸਰਾਂ ਦੇ ਨੇੜਲੇ ਸੰਬੰਧਾਂ ਦੇ ਚਰਚੇ ਸ਼ਰੇਬਾਜਾਰ ਹਨ। ਸਗੋਂ ਇਸ ਅਗਵਾ ਤੋਂ ਬਾਅਦ ਵੀ ਖੁਦ ਅਕਾਲੀ ਲੀਡਰ ਹੀ ਨਹੀਂ, ਪੂਰੀ ਦੀ ਪੂਰੀ ਹਕੂਮਤੀ ਮਸ਼ੀਨਰੀ ਸਮੇਤ ਪੁਲਸ ਦਾ ਸੂਬਾ ਮੁਖੀ ਵੀ ਅਗਵਾਕਾਰਾਂ ਦੀ ਪਿੱਠ ਥਾਪੜਨ ਅਤੇ ਹਰ ਤੱਤੀ ਵਾਅ ਤੋਂ ਬਚਾਉਣ ਦੀਆਂ ਬੇਸ਼ਰਮ ਕੋਸ਼ਿਸ਼ਾਂ ਕਰਦੇ ਲੋਕ-ਸੰਘਰਸ਼ ਵੱਲੋਂ ਰੰਗੇ-ਹੱਥੀਂ ਫੜ ਕੇ ਚੁਰਾਹੇ ਵਿਚ ਨੰਗੇ ਕੀਤੇ ਜਾਂਦੇ ਰਹੇ ਹਨ। ਇਸ ਮਾਮਲੇ ਵਿਚ ਅਕਾਲੀ-ਭਾਜਪਾ ਸਰਕਾਰ ਦੇ ਸਿਆਸੀ ਬੁਲਾਰੇ ਬਣੇ ਪੁਲਸ ਦੇ ਸੂਬਾ ਮੁਖੀ ਵੱਲੋਂ ਇਸ ਬੱਚੀ ਖਿਲਾਫ਼ ਊਜਾਂ-ਤੁਹਮਤਾਂ ਦੀ ਹਨੇਰੀ ਝੁਲਾ ਕੇ ਪੰਜਾਬ ਅੰਦਰ ਧੁੰਦ-ਗੁਬਾਰ ਉਠਾਉਣ ਅਤੇ ਲੜਕੀ ਬਾਰੇ ਸੁਆਲ ਤੇ ਸ਼ੰਕੇ ਖੜੇ ਕਰਕੇ ਘੋਲ ਨੂੰ ਲੀਹੋ ਲਾਹੁਣ ਦੀ ਮਨ 'ਚ ਪਾਲੀ ਲੋਕ-ਦੋਖੀ ਇੱਛਾ ਨੂੰ ਲੋਕ-ਸੰਘਰਸ਼ ਦੀ ਰੋੜ• ਰੁੜ•ਾ ਕੇ ਲੈ ਗਈ ਹੈ।

ਜਦੋਂ ਸਰਕਾਰ ਤੇ ਪੁਲਸ ਦੇ ਉੱਚ ਅਧਿਕਾਰੀਆਂ ਦੀਆਂ ਸਭ ਚਾਲਾਂ ਤੇ ਊਜਾਂ-ਤੁਹਮਤਾਂ ਦੀਆਂ ਸਭ ਨਰਦਾਂ ਕੁੱਟੀਆਂ ਗਈਆਂ। ਪੰਜਾਬ ਸਰਕਾਰ ਦੇ ਵਜੀਰਾਂ-ਸ਼ਮੀਰਾਂ ਦਾ ਫਰੀਦਕੋਟ ਵਿਚ ਵੜਣਾ ਲੋਕਾਂ ਵੱਲੋਂ ਵਰਜਿਤ ਹੋ ਗਿਆ। ਹਲਕੇ ਦੀ ਮੈਂਬਰ ਪਾਰਲੀਮੈਂਟ ਟੂਣਾ ਕਰਨ ਵਾਲਿਆਂ ਵਾਂਗੂੰ ਨੀਂਹ ਪੱਥਰ ਧਰ ਕੇ ਮੂੰਹ ਵਲੇਟ ਕੇ ਤੁਰ ਗਈ। ਦਿਨੇ ਆਈ ਤਾਂ ਕਾਲੀਆਂ ਝੰਡੀਆਂ ਨੇ ਘੇਰ ਲਈ। ਪੰਜਾਬ ਸਰਕਾਰ ਦਾ ਇਕ ਅਕਾਲੀ ਮੰਤਰੀ ਫਰੀਦਕੋਟ ਵਿੱਚੋਂ ਦੀ ਕਾਰ ਤੋਂ ਝੰਡੀ ਲਾਹ ਕੇ ਚੋਰਾਂ ਵਾਂਗ ਲੰਘਿਆ। ਖੁਦ ਬਾਦਲ (ਦੋਵੇਂ-ਤਿੰਨੇ) ਦੂਰੋਂ ਹੀ ਦੌਰਾ ਰੱਦ ਕਰ ਗਏ। 'ਨੰਨੀ ਛਾਂ' 'ਤੇ ਰੋੜੇ ਵੱਜਣ ਲੱਗ ਪਏ। ਤਾਂ ਪੰਜਾਬ ਦੇ ਮੁੱਖ ਮੰਤਰੀ ਨੇ ਆਪਣਾ ਬੀਬਾ-ਚੇਹਰਾ ਬਚਾ ਕੇ ਰੱਖਣ ਲਈ ਆਪਣੇ ਇਕ ਹੋਰ ਮੋਹਰੇ ਨੂੰ ਵਰਤਿਆ। ਸੰਘਰਸ਼ ਨੂੰ ਕੁਚਲਣ ਲਈ ਆਵਦੇ ਮੀਡੀਆ ਸਲਾਹਕਾਰ ਤੋਂ ਗਿੱਦੜ ਧਮਕੀਆਂ ਦਿਵਾਈਆਂ, ਜਿੰਨਾਂ ਨੂੰ ਲੋਕ-ਸੰਘਰਸ਼ ਨੇ ਮਿੱਟੀ-ਘੱਟੇ ਵਿਚ ਰੋਲ ਕੇ ਸਿੱਟ ਦਿੱਤਾ।
ਪਹਿਲਾਂ ਗੁੰਡਿਆਂ-ਅਗਵਾਕਾਰਾਂ ਤੇ ਮਗਰੋਂ ਕੁਝ ਦਿਨਾਂ ਦੀ ਪੁਲਸ-ਦਹਿਸ਼ਤ ਆਸਰੇ ਲੜਕੀ ਦੇ ਮਨ 'ਚ ਬਿਠਾਏ ਦਹਿਲ ਤੇ ਡਰ ਦੇ ਬਾਵਜੂਦ, ਅਦਾਲਤ ਵਿਚ ਆਉਣਸਾਰ ਲੜਕੀ ਵੱਲੋਂ ਮਾਪਿਆਂ ਕੋਲ ਜਾਣ ਅਤੇ ਮੈਡੀਕਲ ਕਰਵਾਉਣ ਦੇ ਦਿੱਤੇ ਮੁੱਢਲੇ ਬਿਆਨ ਦੇ ਉਲਟ ਜਾ ਕੇ, ਸਰਕਾਰੀ ਲੋੜਾਂ ਤੇ ਇੱਛਾ ਅਨੁਸਾਰ ਲੜਕੀ ਨੂੰ ਨਾਰੀ ਨਿਕੇਤਨ ਜਲੰਧਰ ਭੇਜਣ ਦੇ ਅਦਾਲਤ ਦੇ ਫੈਸਲੇ ਨੇ ਖੁਦ ਹੀ ਨਿਆਂ-ਪ੍ਰਬੰਧ ਦਾ ਜਮਹੂਰੀ ਤੇ ਆਜ਼ਾਦ ਗਿਲਾਫ਼ ਲੀਰਾਂ-ਲੀਰਾਂ ਕਰ ਦਿੱਤਾ। ਰਹਿੰਦੀ ਕਸਰ ਪੁਲਸ ਵੱਲੋਂ ਇਸ ਅਦਾਲਤੀ ਫੈਸਲੇ ਨਾਲ ਖੇਹ-ਖਰਾਬੀ ਕਰਦਿਆਂ ਨਾਰੀ ਨਿਕੇਤਨ ਦੀ ਥਾਂ 'ਚ ਹੀ ਕੱਚੀ ਜੇਲ ਬਣਾ ਕੇ ਆਪਣੀ ਸਖਤ ਤੀਹਰੀ ਪਹਿਰੇਦਾਰੀ ਵਿਚ ਕੈਦ ਕਰਕੇ ਰੱਖਣ ਨੇ ਦੁਨੀਆਂ ਦੀ ਸਭ ਤੋਂ ਵੱਡੀ ਜਮਹੂਰੀਅਤ ਦੇ ਗਿਲਾਫ਼ ਨੂੰ ਹੀ ਭਰਿਆੜ ਕਰ ਦਿੱਤਾ।
ਲੜਕੀ ਨੂੰ ਜਲੰਧਰ ਜਾ ਕੇ ਮਾਪਿਆਂ ਦੇ ਮਿਲਣ 'ਤੇ ਅਤੇ ਸ਼ਰੂਤੀ ਵੱਲੋਂ ਬਿਆਨ ਦੇਣ, ਬਿਆਨ ਲਿਖਣ ਤੇ ਵਕਾਲਤਨਾਮੇ 'ਤੇ ਦਸਤਖਤ ਕਰਨ ਉਤੇ ਪੁਲਸ ਦੀ ਤਾਕਤ ਨਾਲ ਲਾਈਆਂ ਰੋਕਾਂ ਤੇ ਪਹਿਰੇ, ਨਾਰੀ ਨਿਕੇਤਨ ਮੂਹਰੇ ਮਾਰੇ ਜਾਣ ਵਾਲੇ ਧਰਨੇ ਨੇ, ਚੱਕਣ ਲਈ ਸਰਕਾਰ ਤੇ ਪੁਲਸ ਲਈ ਬੇਵਸੀ ਤੇ ਮਜਬੂਰੀ ਵਾਲੀ ਹਾਲਤ ਬਣਾ ਦਿੱਤੀ ਸੀ।

ਲੋਕਾਂ ਅੰਦਰ ਨਿਆਂ-ਪ੍ਰਬੰਧ ਦੀ ਹੋਈ ਤੋਏ ਤੋਏ ਕਰਕੇ, ਅਦਾਲਤ ਨੂੰ ਲੜਕੀ ਦੇ ਮਾਪਿਆਂ ਵੱਲੋਂ ਪਾਈਆਂ ਅਰਜੀਆਂ ਦੀ ਸੁਣਵਾਈ ਕਰਨੀ ਪਈ। ਸਰਕਾਰੀ ਵਕੀਲ ਵੱਲੋਂ ਅਤੇ ਸਰਕਾਰੀ ਜੋਰ ਦੀ ਸ਼ਹਿ 'ਤੇ ਅਗਵਾਕਾਰਾਂ ਦੇ ਬਣੇ ਵਕੀਲ ਵੱਲੋਂ ਡਾਹੀਆਂ ਢੁੱਚਰਾਂ ਭਾਵੇਂ ਇਸ ਫੈਸਲੇ ਨੂੰ ਚਾਰ ਦਿਨ ਲੇਟ ਤਾਂ ਕਰ ਗਈਆਂ ਪਰ ਅੰਤ ਲੜਕੀ ਦੀ ਇੱਛਾ ਅਨੁਸਾਰ ਅਦਾਲਤ ਨੂੰ ਫੈਸਲਾ ਕਰਨਾ ਪਿਆ। ਸ਼ਰੂਤੀ ਮਾਪਿਆਂ ਦੇ ਸਪੁਰਦ ਕਰਨੀ ਪਈ।
ਘਰ ਆ ਕੇ ਸ਼ਰੂਤੀ ਵੱਲੋਂ ਅਖਬਾਰਾਂ ਨੂੰ ਦਿੱਤੇ ਬਿਆਨ, ''. . .ਉਸ ਬਾਰੇ ਮੁਹੱਬਤ ਦੇ ਕਿੱਸੇ ਵਰਗੀਆਂ ਅਫਵਾਹਾਂ ਬਿਲਕੁਲ ਬੇਬੁਨਿਆਦ ਹਨ ” ਨੇ ਪੁਲਸ, ਸਿਆਸੀ, ਗੁੰਡਾ ਗਠਜੋੜ ਦੇ ਪਹਿਲੀ ਠਾਹ-ਚਪੇੜ ਮਾਰੀ ਹੈ।
ਇਸ ਫੈਸਲੇ ਨੇ ਲੋਕਾਂ ਵਿਚ ਏਕੇ ਤੇ ਸੰਘਰਸ਼ ਦੀ ਜਿੱਤ ਦਾ ਅਹਿਸਾਸ ਪੱਕਾ ਕੀਤਾ ਹੈ। ਸੰਘਰਸ਼ ਦੇ ਟੈਂਟ ਵਿਚ ਸਵੱਲੜੇ ਰਾਹ ਦੀ ਜੈ ਜੈ ਕਾਰ ਕਰਦਿਆਂ ਬੁਲਾਰਿਆਂ ਵੱਲੋਂ ਏਸੇ ਰਾਹ ਦਾ ਪੱਲਾ ਫੜੀ ਰੱਖਣ ਦੇ ਅਹਿਦ ਲਏ ਗਏ। ਸ਼ਹਿਰ ਵਿਚ ਹੋਏ ਮਾਰਚ ਸਮੇਂ ਕਾਉਂਟਰਾਂ ਤੋਂ ਉੱਠ ਉੱਠ ਦੁਕਾਨਦਾਰਾਂ ਵੱਲੋਂ ਹਿਲਾਏ ਹੱਥਾਂ ਨੇ ਜਿੱਤ ਦਾ ਸਵਾਗਤ ਕੀਤਾ ਹੈ ਤੇ ਭਰਵਾਂ ਸਹਿਯੋਗ ਦੇਣ ਦਾ ਸੁਨੇਹਾ ਦਿੱਤਾ ਹੈ। ਇਹ ਸਮੇਂ ਦਾ ਸੱਚ ਹੈ, ਸਹੀ ਹੈ ਕਿ ਪੁਲਸ-ਸਿਆਸੀ ਗੁੰਡਾ ਗਠਜੋੜ ਨੂੰ ਸਜਾਵਾਂ ਦਿਵਾਉਣ, ਲੋਕ-ਸੱਥਾਂ 'ਚ ਬੇਪਰਦ ਕਰਨ ਅਤੇ ਇਸ ਤੋਂ ਅਗਾਂਹ ਇਸ ਗੱਠਜੋੜ ਹੱਥੋਂ ਜਾਬਰ-ਸ਼ਕਤੀ ਖੋਹ ਕੇ ਇਸਨੂੰ ਲੋਕ ਤਾਕਤ ਮਤਹਿਤ ਕਰਨ ਦਾ ਕਾਰਜ ਕਿਸੇ ਕੱਲੇ ਕਹਿਰੇ ਵਿਅਕਤੀ, ਪ੍ਰੀਵਾਰ ਜਾਂ ਤਬਕੇ ਦੇ ਵੱਸ 'ਚ ਨਹੀਂ ਹੈ, ਵਿਤੋਂ ਵੱਡਾ ਕੰਮ ਹੈ। ਏਹਦੇ ਲਈ ਲੋਕ ਧੜੇ ਦੀ ਤਾਕਤ ਨੂੰ ਇਕਜੁੱਟ ਕਰਨ ਤੇ ਸੰਘਰਸ਼ ਦੇ ਰਸਤੇ ਤੋਰਨ ਦਾ ਕਾਰਜ ਸਿਰ ਖੜਾ ਹੈ। ਚੱਲ ਰਹੇ ਸੰਘਰਸ਼ ਨੂੰ ਅਗਾਂਹ ਜਾਰੀ ਰੱਖਣ ਦੀ ਅਣਸਰਦੀ ਲੋੜ ਹੈ।

ਜਗਮੇਲ ਸਿੰਘ
ਜਨਰਲ ਸਕੱਤਰ, ਲੋਕ ਮੋਰਚਾ ਪੰਜਾਬ
ਫੋਨ: 9417224822
---------------------- 27 ਨਵੰਬਰ 2012 ਨੂੰ ਫਰੀਦਕੋਟ 'ਚ ਹੋ ਰਹੇ ਮੁਜ਼ਾਹਰੇ ਵਿੱਚ ਵੱਧ ਚੜ• ਕੇ ਸ਼ਾਮਿਲ ਹੋਵੋ।

ਸੁੰਦਰੀਏ, ਮੁੰਦਰੀਏ ਤੇਰਾ ਕੌਣ ਵਿਚਾਰਾ ਹੋ....

                                                                   ਸ਼ਰੂਤੀ ਕਾਂਡ
                                      ਸੁੰਦਰੀਏ, ਮੁੰਦਰੀਏ ਤੇਰਾ ਕੌਣ ਵਿਚਾਰਾ ਹੋ....
                                                                 (ਅਮੋਲਕ ਸਿੰਘ)

ਪਹਿਲਾਂ ਨਿਸ਼ਾਨ ਸਿੰਘ ਅਤੇ ਉਸਦੇ ਗ੍ਰੋਹ ਵੱਲੋਂ ਅਤੇ ਹੁਣ ਸਰਕਾਰ ਦੀ ਸਰਪ੍ਰਸਤੀ ਹੇਠ ਦੋਹਰੇ ਸ਼ਰੂਤੀ ਅਗਵਾ ਕਾਂਡ ਦੀ ਕਹਾਣੀ ਪੁਲਿਸ ਪਹਿਰੇ ਹੇਠ ਕਿੰਨਾ ਕੁ ਚਿਰ ਢਕੀ ਰਿਝਦੀ ਰਹੇਗੀ। ਸ਼ਰੂਤੀ, ਇਕ ਨਾਬਾਲਗ ਲੜਕੀ ਜਿਹੜੀ ਆਪਣੇ ਮਾਪਿਆਂ ਨਾਲ ਥਾਣੇ ਜਾ ਕੇ ਬਲਾਤਕਾਰ ਅਤੇ ਅਗਵਾ ਦੀ ਸ਼ਿਕਾਇਤ ਦਰਜ਼ ਕਰਾਉਂਦੀ ਹੈ ਉਸਨੂੰ ਇਨਸਾਫ ਦੇਣ ਅਤੇ ਦੋਸ਼ੀਆਂ ਨੂੰ ਸੀਖਾਂ ਪਿੱਛੇ ਡੱਕਣ ਦੀ ਬਜਾਏ ਅਜੋਕਾ ਜੋਰਾਵਰਾਂ, ਬਲਾਤਕਾਰੀਆਂ, ਅਗਵਾਕਾਰਾਂ ਅਤੇ ਰਾਜ-ਦਰਬਾਰੇ ਪਹੁੰਚ ਵਾਲਿਆਂ ਦਾ ਰਖੇਲ ਪ੍ਰਬੰਧ, ਉਹਨਾਂ ਨੂੰ ਥਾਪੜਾ ਦਿੰਦਾ ਹੈ। ਸੁਰੱਖਿਆ ਛਤਰੀ ਮੁਹੱਈਆ ਕਰਦਾ ਹੈ।

ਪੁਲਿਸ, ਪ੍ਰਸ਼ਾਸਨ, ਕਾਇਦਾ ਕਾਨੂੰਨ, ਨਿਸ਼ਾਨ ਸਿੰਘ ਵਰਗੇ ਹੰਕਾਰੇ ਛੋਕਰਿਆਂ ਨੂੰ ਨੱਥ ਪਾਉਣ ਦੀ ਬਜਾਏ ਬਾਬਾ ਫਰੀਦ ਮੇਲੇ ਤੇ ਉੱਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਦੇ ਨਾਲ ਅਤੇ ਬਿਕਰਮ ਮਜੀਠੀਆ ਦੇ ਲੰਗੋਟੀਏ ਯਾਰ ਦੇ ਫਰੀਦਕੋਟ ਸਥਿਤ ਘਰ 'ਚ ਸਾਂਝਾ ਪ੍ਰੀਤੀ ਭੋਜਨ ਕਰਦੇ ਨੂੰ ਦੇਖ ਕੇ ਵੀ ਅਣਡਿਠ ਕਰਦਾ ਹੈ। ਅਜੇਹੀ ਹਕੂਮਤੀ ਪੁਸ਼ਤ-ਪਨਾਹੀ ਸਦਕਾ ਦੀਵਾਲੀ ਵਾਂਗ ਪਟਾਕੇ ਚਲਾਉਂਦੇ ਨਿਸ਼ਾਨ ਸਿੰਘ ਅਤੇ ਉਸਦੇ ਲੁੱਟਮਾਰ ਸ਼ਰੂਤੀ ਦੇ ਮਾਪਿਆਂ ਦੀਆਂ ਬਾਹਵਾਂ ਭੰਨ ਕੇ ਸ਼ਰੂਤੀ ਨੂੰ ਉਧਾਲ ਕੇ ਲਿਜਾਣ ਦੇ ਜਸ਼ਨ ਮਨਾਉਂਦੇ, ਬੱਕਰੇ ਬੁਲਾਉਂਦੇ ਕਿਵੇਂ ਸੁਰੱਖਿਅਤ ਨਿਕਲ ਗਏ ਇਹ ਕੋਈ ਅਲੋਕਾਰੀ ਘਟਨਾ ਨਹੀਂ। ਇਹ ਬਲਾਤਕਾਰੀ ਅਤੇ ਅਗਵਾਕਾਰ ਟੋਲਾ ਦੇਖਣ ਨੂੰ ਗਿਣਤੀ ਪੱਖੋਂ 8 ਲੱਗਦਾ ਹੈ ਪਰ ਇਸ ਦਾ ਤੰਦੂਆ ਜਾਲ ਅਤੇ ਵਹਿਸੀਆਨਾ ਖੁੰਖਾਰ ਪੰਜੇ ਪੁਲਿਸ, ਸਿਆਸਤ, ਪ੍ਰਸ਼ਾਸਨ ਅਤੇ ਗੁੰਡਾ ਗ੍ਰੋਹ ਦੇ ਗੱਠਜੋੜ ਦੀ ਨੰਗੀ ਚਿੱਟੀ ਕਹਾਣੀ ਹੈ। ਇਹਨਾਂ ਨੂੰ ਪਾਲਦਾ ਹੈ ਲੋਕ-ਦੁਸ਼ਮਣ ਅਜੋਕਾ ਨਿਜ਼ਾਮ। ਜਿੱਥੇ ਧੀਆਂ ਦੇ ਉਧਾਲੇ ਕਰਨ ਵਾਲੇ 'ਅਕਬਰ', 'ਰਾਵਣ' ਅਤੇ ਉਹਨਾਂ ਦੇ ਤੁਖ਼ਮ ਹੁਣ ਸ਼ਕਲਾਂ ਅਤੇ ਬਾਣੇ ਬਦਲ ਕੇ ਸਾਊ ਤੇ ਕਮਾਊ, ਇੱਜ਼ਤਦਾਰ ਅਤੇ ਸ਼ਰੀਫ, ਲੋਕਾਂ ਨੂੰ ਲੁੱਟਣ, ਕੁੱਟਣ, ਉਹਨਾਂ ਦੀਆਂ ਜ਼ਿੰਦਗੀਆਂ, ਅਣਖ-ਆਬਰੂ ਨਾਲ ਖਿਲਵਾੜ ਕਰਨ ਲਈ ਪੂਰੀ ਤਰ੍ਹਾਂ ਆਜ਼ਾਦ ਹਨ। ਲੋਕ ਉਹਨਾਂ ਦੀਆਂ ਨਜ਼ਰਾਂ 'ਚ ਉਹਨਾਂ ਦੇ ਗੁਲਾਮ ਹਨ। ਰਾਜ ਤੰਤਰ ਵਹਿਸ਼ੀ ਦਰਿੰਦਿਆਂ ਨਾਲ ਘਿਓ-ਖਿਚੜੀ ਹੈ। ਅਜੇਹੀ ਹਾਲਤ ਵਿਚ ਫੇਰ ਦੁੱਲੇ ਭੱਟੀ ਲੋੜੀਂਦੇ ਹਨ। 'ਸੁੰਦਰੀਏ, ਮੁੰਦਰੀਏ, ਤੇਰਾ ਕੌਣ ਵਿਚਾਰਾ ਹੋ' ਦੇ ਲੋਕ ਗੀਤ, ਲੋਕ ਲਹਿਰ ਬਣਨਾ ਲੋਚਦੇ ਹਨ।

ਰਾਜ ਤੰਤਰ ਕਠਪੁਤਲੀ ਨਾਚ ਨੱਚਦਾ ਹੈ। ਨਹੀਂ ਤਾਂ 22 ਕੇਸਾਂ ਵਿਚੋਂ ਮੁਜ਼ਰਿਮ ਕਰਾਰ ਦਿੱਤਾ ਨਿਸ਼ਾਨ ਸਿੰਘ ਪੰਜਾਬ ਦੇ ਰਾਜਿਆਂ ਮਹਾਰਾਜਿਆਂ ਵਾਂਗ ਵਿਚਰਦੇ ਹਾਕਮਾਂ ਦੀ ਬੁੱਕਲ ਦਾ ਨਿੱਘ ਕਿਵੇਂ ਮਾਣ ਸਕਦਾ ਹੈ? ਦਿਨ ਦੀਵੀ ਜਿਸ ਘਰ 'ਚੋਂ ਸ਼ਰੂਤੀ ਨੂੰ ਤਾੜ ਤਾੜ ਗੋਲੀਆਂ ਵਰ੍ਹਾ ਕੇ ਅਗਵਾ ਕੀਤਾ ਗਿਆ ਜੇ ਸਦਰ ਥਾਣੇ ਤੋਂ ਪੈਦਲ ਚੱਲ ਕੇ ਵੀ ਉਸ ਘਰ ਆਉਣਾ ਹੋਵੇ ਤਾਂ ਮੁਸ਼ਕਲ ਨਾਲ 5-7 ਮਿੰਟ ਦਾ ਰਾਹ ਹੈ। ਅਮਨ ਕਾਨੂੰਨ, ਜਾਨ-ਮਾਲ ਦੇ ਰਾਖੇ ਕਿੱਥੇ ਘੁਰਾੜੇ ਮਾਰਦੇ ਰਹੇ? ਜੇ ਕਦੇ ਹੱਕ ਮੰਗਦੇ ਲੋਕਾਂ ਦਾ ਮਾਮਲਾ ਹੋਵੇ ਤਾਂ ਪੁਰਅਮਨ ਲੋਕਾਂ ਉਪਰ ਵੀ 6-6 ਜ਼ਿਲ੍ਹਿਆਂ ਦੀ ਪੁਲਿਸ ਝੋਕਣ ਲਈ ਅੱਖ ਝਪਕਣ ਜਿੰਨੀ ਦੇਰ ਨਹੀਂ ਲੱਗਦੀ। ਮਾਸੂਮ ਬਾਲੜੀ ਜਦੋਂ ਦਹਿਸ਼ਤ ਦੇ ਪੰਜਿਆਂ 'ਚ ਛਟਪਟਾ ਰਹੀ ਸੀ, ਜਦੋਂ ਬੇਵਸ ਅਤੇ ਲਾਚਾਰ ਮਾਪੇ ਗੁੱਥਮ-ਮ-ਗੁੱਥ ਹੋ ਰਹੇ ਸਨ ਤਾਂ 'ਚੁਸਤ ਪ੍ਰਬੰਧ' ਅਤੇ 'ਰਾਜ ਨਹੀਂ ਸੇਵਾ' ਵਾਲੇ ਪੂਰੀ ਚੁਸਤੀ ਨਾਲ ਕੀਹਦੀ ਸੇਵਾ ਕਰ ਰਹੇ ਸਨ।

ਕੋਈ ਢਾਈ ਤਿੰਨ ਮਹੀਨੇ ਪਹਿਲਾਂ ਸ਼ਰੂਤੀ ਅਤੇ ਉਸਦੇ ਮਾਪਿਆਂ ਵੱਲੋਂ ਰਪਟ ਦਰਜ ਕਰਾਉਣਾ, ਨਿਸ਼ਾਨ ਸਿੰਘ ਦਾ ਚੋਟੀ ਦੇ ਹਾਕਮਾਂ ਦੇ ਗੋਡੇ ਮੁੱਢ ਬੈਠਣਾ, ਸ਼ਰੇਆਮ ਸ਼ਰੂਤੀ ਨੂੰ ਅਗਵਾ ਕਰਨਾ, ਅਗਵਾ ਕਾਂਡ ਨੂੰ ਆਹਲਾ ਦਰਜਾ ਪੁਲਿਸ ਅਫਸਰਾਂ ਵੱਲੋਂ ਵਿਆਹ ਦਾ ਨਾਂਅ ਦੇਣਾ, ਮੀਡੀਆ ਦੇ ਇਕ ਹਿੱਸੇ ਵੱਲੋਂ ਪੱਤਰਕਾਰਤਾ ਦੀ ਮਾਣਮੱਤੀ ਮਰਿਯਾਦਾ ਨੂੰ ਖ਼ਾਕ 'ਚ ਮਿਲਾ ਕੇ, ਅਗਵਾਕਾਰਾਂ ਦੀ ਪਿੱਠ ਥਾਪੜਨ ਅਤੇ ਹਕੀਕੀ ਕਹਾਣੀ ਉਪਰ ਮਿੱਟੀ ਪਾ ਕੇ ਲੋਕਾਂ ਦੀਆਂ ਨਜ਼ਰਾਂ 'ਚ ਵੀ ਧੂੜ ਪਾਉਣ ਲਈ 'ਮੁਹੱਬਤ ਦਾ ਕਿੱਸਾ' ਦੱਸਣਾ ਇਹ ਪੂਰਾ ਵਰਤਾਰਾ ਨਾ ਕਿਸੇ ਕੁਤਾਹੀ ਕਰਕੇ ਹੈ ਨਾ ਕਿਸੇ ਅਨਜਾਣਤਾ ਕਰਕੇ। ਇਹ ਸੋਚੀ ਸਮਝੀ ਨੀਤੀ ਦਾ ਹਿੱਸਾ ਹੈ। ਉਸ ਨੀਤੀ ਦਾ ਜਿਹੜੀ ਨਿਸ਼ਾਨ ਵਰਗੇ ਧਾੜਵੀਆਂ, ਬਲਾਤਕਾਰੀਆਂ ਨੂੰ ਆਪਣੇ ਰਾਜ ਭਾਗ ਦੇ ਪਾਵਿਆਂ ਦੀ ਮਜ਼ਬੂਤੀ ਲਈ ਵਰਤਣ ਵਾਸਤੇ ਪਾਲਦੀ ਹੈ। ਜਿਸ ਨੀਤੀ ਤਹਿਤ ਅਗਲੇ ਸਮੇਂ ਅੰਦਰ ਹਾਕਮਾਂ ਨੇ ਲੋਕ-ਆਵਾਜ਼ ਲੋਕ ਲਹਿਰਾਂ ਦੀ ਸੰਘੀ ਨੱਪਣ ਲਈ ਸਿਰਫ ਬਾਵਰਦੀ ਹਥਿਆਰਬੰਦ ਟੁੜੀਆਂ ਤੋਂ ਹੀ ਕੰਮ ਲੈਣ ਦੀ ਬਜਾਏ ਨਿਸ਼ਾਨ ਸਿੰਘ ਵਰਗਿਆਂ ਨੂੰ ਸ਼ਿਸ਼ਕਾਰਕੇ ਲੋਕਾਂ ਉਪਰ ਝਪਟਣ ਲਈ, ਇਨਕਲਾਬੀ ਜਮਹੂਰੀ ਲਹਿਰਾਂ ਦੇ ਆਗੂਆਂ ਉਪਰ ਹਮਲੇ ਕਰਾਉਣ ਲਈ ਵਰਤਣਾ ਹੈ।

ਪੰਜਾਬ ਅੰਦਰ ਆਪਣੀ ਕਿਸਮ ਦੇ 'ਸਲਵਾ ਜੁਡਮ' ਅਤੇ 'ਰਣਬੀਰ ਸੈਨਾ' ਦੀਆਂ ਪਲਟਣਾ ਤਿਆਰ ਕਰਨ ਲਈ ਨਿਸ਼ਾਨ ਸਿੰਘ ਵਰਗਿਆਂ ਨੂੰ ਹਕੂਮਤੀ ਚੁੰਘਣੀ ਦਿੱਤੀ ਜਾ ਰਹੀ ਹੈ। ਸ਼ਰੂਤੀ ਅਗਵਾ ਕਾਂਡ, ਨਿਸ਼ਾਨ ਸਿੰਘ ਤੇ ਤਾਣੀ ਸੁਰੱਖਿਆ ਛਤਰੀ, ਸ਼ਰੂਤੀ ਨੂੰ ਪਹਿਲਾਂ ਨਿਸ਼ਾਨ ਸਿੰਘ ਵੱਲੋਂ ਅਤੇ ਹੁਣ ਹੁਕਮਰਾਨਾਂ ਵੱਲੋਂ ਜਿਵੇਂ ਮਾਪਿਅੰ, ਮੀਡੀਆ, ਜਮਹੂਰੀਅਤ ਪਸੰਦ ਹਲਕਿਆਂ ਤੋਂ ਦੂਰ ਅਤੇ ਨੰਗੀ ਚਿੱਟੀ ਪੁਲਿਸ ਹਿਰਾਸਤ ਵਿਚ ਰੱਖਿਆ ਗਿਆ ਹੈ ਇਸ ਰਾਹੀਂ ਇਹ ਸੁਣਾਉਣੀ ਕੀਤੀ ਜਾ ਰਹੀ ਹੈ ਕਿ ਅਜੋਕਾ ਰਾਜ ਪ੍ਰਭੰਧ ਸਭ ਨੂੰ ਟਿੱਚ ਜਾਣਦਾ ਹੈ। ਅਣਕਹੇ ਹੀ ਉਸਦਾ ਇਹ ਕਹਿਣਾ ਹੈ ਕਿ ਲੋਕ ਜਿਵੇਂ ਮਰਜ਼ੀ ਪੁਤਲੇ ਸਾਡਜ਼ਨ, ਮੁਜਾਰਹੇ, ਘਿਰਾਓ ਕਰਨ, ਸ਼ਹਿਰ ਬੰਦ ਕਰਨ, ਕਾਨੂੰਨੀ ਚਾਰਾਜੋਈ ਕਰਨ, ਸੜਕਾਂ ਤੇ ਨਿਕਲਦੇ ਰਹਿਣ, ਹਾਕਮਾਂ ਨੂੰ ਇਸਦੀ ਕੋਈ ਪਰਵਾਹ ਨਹੀਂ। ਲੋਕਾਂ ਨੂੰ ਨਿਸੱਲ, ਬੇਦਿਲ ਕਰਨ, ਨਿਆਸਰੇ ਮਹਿਸੂਸ ਕਰਨ, ਹਾਕਮਾਂ ਦੇ ਲੰਮੇ ਹੱਥਾਂ ਦਾ ਅਹਿਸਾਸ ਕਰਾਉਣ ਅਤੇ ਦੜ ਵੱਟ ਜ਼ਮਾਨਾ ਕੱਟ ਦੀ ਮੁਹਾਰਨੀ ਪੜ੍ਹਾਉਣ ਦਾ ਗੁਝਾ ਰਾਜ ਕੰਮ ਕਰਦਾ ਹੈ ਇਸ ਸਾਰੇ ਵਰਤਾਰੇ ਦੀਆਂ ਗੋਲ ਗੰਢਾਂ ਵਿਚ।

ਉਲਟਾ ਪੁਲਿਸ ਮੁਖੀ ਇਨਸਾਫ ਮੰਗਦੇ ਲੋਕਾਂ ਨੂੰ ਹੀ ਡਾਂਟ ਰਹੇ ਹਨ ਕਿ ਜਿਹੜੇ ਲੋਕ ਸੜਕਾਂ 'ਤੇ ਰੇਡੀਓ ਸਪੀਕਰਾਂ ਆਦਿ ਰਾਹੀਂ ਨਾਅਰੇ ਲਗਾ ਕੇ ਅਤੇ ਬਿਨਾਂ ਕਿਸੇ ਮਨਜ਼ੂਰੀ ਦੇ ਵਿਖਾਵੇ ਕਰਕੇ, ਸ਼ਰੂਤੀ ਦੀ ਇੱਜ਼ਤ ਖ਼ਰਾਬ ਕਰ ਰਹੇ ਹਨ ਉਹਨਾਂ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਮੁੱਖ ਮੰਤਰੀ ਦੇ ਮੀਡੀਆ ਸਲਾਹਕਾਰ ਸ਼ਰੂਤੀ ਦੇ ਮਰਜ਼ੀ ਨਾਲ ਜਾਣ ਦੀ ਰਟ ਲਗਾ ਕੇ ਅਸਲ 'ਚ ਧਾੜਵੀਆਂ ਦੀ ਰਾਖੀ ਲਈ ਅੱਗੇ ਆ ਰਹੇ ਹਨ। ਨਾਬਾਲਗ ਲੜਕੀ ਦੇ 'ਵਿਆਹ' ਦੀ ਕਹਾਣੀ ਨੂੰ ਜਾਇਜ਼ ਠਹਿਰਾਉਣ ਵਾਲੇ ਪੁਲਿਸ ਅਧਿਕਾਰੀਆਂ ਦੀ ਕੀ ਮਜ਼ਾਲ ਸੀ ਜੇ 'ਉਪਰੋਂ' ਸ਼ਾਬਾਸ਼ ਮਿਲਣ ਦੀ ਆਸ ਨਾ ਹੁੰਦੀ। ਪ੍ਰਤੱਖ ਨੂੰ ਪ੍ਰਮਾਣ ਦੀ ਲੋੜ ਨਹੀਂ। ਪਹਿਲਾਂ ਲੰਮੀ ਚੁੱਪ ਧਾਰੀ ਰੱਖੀ ਜਦੋਂ ਮੁੱਖ ਮੰਤਰੀ, ਉਪ ਮੁੱਖ ਮੰਤਰੀ ਅਤੇ ਹਰਸਿਮਰਤਜੀਤ ਬਾਦਲ (ਨੰਨ੍ਹੀ ਛਾਂ) ਬੋਲੇ ਤਾਂ ਪੁਲਿਸ ਨੂੰ ਸ਼ਾਬਾਸ਼ ਦਿੱਤੀ। ਅਜੇ ਤੱਕ ਵੀ ਨਿਸ਼ਾਨ ਸਿੰਘ ਦੀ ਕਾਲੀ ਕਰਤੂਤ ਬਾਰੇ ਇਕ ਸ਼ਬਦ ਵੀ ਨਹੀਂ ਬੋਲਿਆ ਗਿਆ।

ਪੀੜਤ ਲੜਕੀ ਦੇ ਮਾਪਿਆਂ ਅਤੇ ਪੱਤਰਕਾਰਾਂ ਸਾਹਮਣੇ ਬਿਆਨ ਹੋਏ ਕਿ ਉਹ ਮੈਡੀਕਲ ਕਰਾਉਣਾ ਅਤੇ ਮਾਪਿਆਂ ਨਾਲ ਜਾਣਾ ਚਾਹੁੰਦੀ ਹੈ। ਪਲਾਂ ਛਿਣਾਂ 'ਚ ਹੀ ਸ਼ਰੂਤੀ ਪੁਲਿਸ ਹਿਰਾਸਤ ਦੇ ਤੰਗ ਸ਼ਿਕੰਜੇ 'ਚ ਲਈ ਜਾਂਦੀ ਹੈ। ਨਾਰੀ ਨਿਕੇਤਨ ਦੇ ਨਾਂਅ ਹੇਠ ਪੁਲਿਸ ਦੇ ਸਖ਼ਤ ਪਹਿਰੇ ਹੇਠ ਰੱਖੀ ਜਾਂਦੀ ਹੈ। ਮੀਡੀਆ, ਅਧਿਕਾਰੀਆਂ ਅਤੇ ਸਰਕਾਰ ਦਾ ਮਨਮਰਜ਼ੀ ਦਾ ਕੁਫ਼ਰ ਵਰ੍ਹਦਾ ਹੈ। ਮਾਪਿਆਂ ਅਤੇ ਜਮਹੂਰੀ ਜੱਥੇਬੰਦੀਆਂ ਨੂੰ ਖੁੱਲ੍ਹ ਕੇ ਮਿਲਣ 'ਤੇ ਅਣ-ਐਲਾਨੀ ਪਾਬੰਦੀ ਮੜ੍ਹੀ ਜਾਂਦੀ ਹੈ। ਹਰ ਸੰਵੇਦਨਸ਼ੀਲ ਮਨੁੱਖ ਨੂੰ ਖੁੜਕ ਰਿਹਾ ਹੈ ਕਿ ਜ਼ਰੂਰ ਕੁਝ ਅਜੇਹਾ ਹੈ ਜਿਸਨੂੰ ਜੱਗ ਦੀਆਂ ਨਜ਼ਰਾਂ ਅਤੇ ਕੰਨਾਂ ਤੋਂ ਛੁਪਾਇਆ ਜਾ ਰਿਹਾ ਹੈ। ਜ਼ਰੂਰੀ ਨਹੀਂ ਕਿ ਜਿਹੜੀ ਕਹਾਣੀ ਪੁਲਿਸ ਪੇਸ਼ ਕਰ ਰਹੀ ਹੈ ਉਹੀ ਹੋਵੇ। ਜੇ ਸਦਮੇ, ਪਹਿਰੇ, ਡਰ 'ਚੋਂ ਬਾਹਰ ਆ ਕੇ ਉਸਦੀ ਅਤੇ ਮਾਪਿਆਂ ਦੀ ਸੁਰੱਖਿਆ ਦੀ ਜਾਮਨੀ ਹੋ ਕੇ ਸ਼ਰੂਤੀ ਲਈ ਸੁਖਾਵਾਂ ਅਤੇ ਯਕੀਨ ਭਰਿਆ ਮਾਹੌਲ ਬਣੇ ਫਿਰ ਸ਼ਰੂਤੀ ਸ਼ਾਇਦ ਸਾਰੇ ਨਾਟਕ ਦੀ ਪੋਲ ਖੋਲ੍ਹ ਦੇਵੇ। ਪਤਾ ਨਹੀਂ ਫਿਰ ਕਿੰਨੇ ਕੁ ਖ਼ਲਨਾਇਕ ਲੋਕਾਂ ਅੱਗੇ ਨੰਗੇ ਹੋ ਜਤਣ।

'ਗੱਲ ਸਹੇ ਦੀ ਹੀ ਨਹੀਂ ਪਹੇ ਦੀ ਹੈ'। ਲੋਕਾਂ ਅਤੇ ਲੋਕ-ਜੱਥੇਬੰਦੀਆਂ ਦਾ ਸੁਲੱਖਣਾ ਵਰਤਾਰਾ ਸਾਹਮਣੇ ਆਇਆ ਹੈ। ਜ਼ਬਰਦਸਤ ਅਤੇ ਨਿਰੰਤਰ ਵਿਰੋਧ ਇਹ ਦਰਸਾਉਂਦਾ ਹੈ ਕਿ ਪੰਜਾਬ ਅੰਦਰ ਗ਼ੈਰਤ ਜਿਉਂਦੀ ਹੈ। ਬੰਦੂਕਾਂ, ਰਿਵਾਲਵਰਾਂ, ਲੰਡੀਆਂ ਜੀਪਾਂ, ਟਕੂਏ, ਗੰਡਾਸਿਆਂ ਅਤੇ ਗੋਲੀਆਂ ਦੀ ਵਾਛੜ ਨਾਲ ਕੁੜੀਆਂ ਨੂੰ ਘੇਰਨ ਅਤੇ 'ਬੰਦੇ ਮਾਰਨ' ਦੀਆਂ ਸ਼ੇਖ਼ੀਆਂ ਪੇਸ਼ ਕਰਦੀ ਗਾਇਕੀ ਅਤੇ ਹੁਕਮਰਾਨਾਂ ਵੱਲੋਂ ਅਜੇਹੀ ਗਾਇਕੀ ਦੀ ਪੁਸ਼ਤਪਨਾਹੀ ਦਰਸਾਉਂਦੀ ਹੈ ਕਿ ਅਣਖ਼ਾਂ ਦਾ ਭੋਗ ਪਾ ਕੇ ਪੰਜਾਬ ਨੂੰ ਫੁਕਰੇ ਬਾਜ਼ੀ, ਹਿੰਸਾ, ਜਾਤ ਅਤੇ ਜਮਾਤ ਦੇ ਹੰਕਾਰ ਵੱਲ ਧੱਕਣ ਲਈ ਕੋਈ ਰੜਕ ਨਹੀਂ ਛੱਡੀ ਜਾ ਰਹੀ ਹੈ। ਇਸ ਲਈ ਸ਼ਰੂਤੀ ਵਰਗੇ ਘਿਨੌਣਾ ਕਾਂਡ ਰੋਕਣ ਲਈ ਜਗਦੀ, ਰੌਸ਼ਨ ਦਿਮਾਗ ਅਤੇ ਜੂਝਦੀ ਹੋਈ ਵਿਸ਼ਾਲ ਲੋਕਾਈ ਦੀ ਲਹਿਰ ਖੜ੍ਹੀ ਕਰਨਾ ਸਮੇਂ ਦੀ ਵਡੇਰੀ ਲੋੜ ਹੈ।

ਸੰਪਰਕ : 94170-76735

ਫ਼ਲਸਤੀਨ 'ਚ ਇਸਰਾਈਲ ਦੇ ਹਮਲੇ ਖਿਲਾਫ਼ ਬੁੱਧੀਜੀਵੀਆਂ ਨੂੰ ਆਵਾਜ਼ ਉਠਾਉਣ ਦਾ ਸੱਦਾ

           ਫ਼ਲਸਤੀਨ 'ਚ ਬੱਚਿਆਂ, ਔਰਤਾਂ, ਮੀਡੀਆ ਉਪਰ ਹਮਲੇ ਖਿਲਾਫ਼
           ਪਲਸ ਮੰਚ ਵੱਲੋਂ ਬੁੱਧੀਜੀਵੀਆਂ ਨੂੰ ਆਵਾਜ਼ ਉਠਾਉਣ ਦਾ ਸੱਦਾ


ਜਲੰਧਰ: 19 ਨਵੰਬਰ ਪੰਜਾਬ ਲੋਕ ਸਭਿਆਚਾਰਕ ਮੰਚ (ਪਲਸ ਮੰਚ) ਨੇ ਫ਼ਲਸਤੀਨ ਦੇ ਲੋਕਾਂ ਉਪਰ ਵਿਸ਼ੇਸ਼ ਕਰਕੇ ਬੱਚਿਆਂ, ਔਰਤਾਂ, ਪੱਤਰਕਾਰਾਂ, ਫੋਟੋਗ੍ਰਾਫ਼ਰਾਂ ਅਤੇ ਸਮੂਹ ਮੀਡੀਆਂ ਕਾਮਿਆਂ ਉਪਰ ਚੋਣਵੇਂ ਹਮਲੇ ਕਰਨ ਨੂੰ ਘਿਨੌਣਾ ਅਪਰਾਧ ਕਰਾਰ ਦਿੰਦਿਆਂ ਸਮੂਹ ਜਮਹੂਰੀਅਤ, ਇਨਸਾਫ਼ ਅਤੇ ਨਿਆਂ-ਪਸੰਦ ਸ਼ਕਤੀਆਂ ਉਚੇਚੇ ਤੌਰ 'ਤੇ ਬੁੱਧੀਜੀਵੀਆਂ, ਸਾਹਿਤਕਾਰਾਂ, ਲੇਖਕਾਂ ਅਤੇ ਰੰਗ ਕਰਮੀਆਂ ਨੂੰ ਢੁਕਵੇਂ ਰੂਪਾਂ 'ਚ ਅਜਿਹੇ ਧਾੜਵੀ ਹਮਲਿਆਂ ਦਾ ਜ਼ੋਰਦਾਰ ਵਿਰੋਧ ਕਰਨ ਲਈ ਅੱਗੇ ਆਉਣ ਦਾ ਸੱਦਾ ਦਿੱਤਾ ਹੈ।

ਪਲਸ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ, ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਨੇ ਲਿਖਤੀ ਪ੍ਰੈਸ ਬਿਆਨ 'ਚ ਫ਼ਲਸਤੀਨ ਉਪਰ ਇਸਰਾਈਲ ਵੱਲੋਂ ਵਿੱਢੇ ਨਿਰੰਤਰ ਹਵਾਈ ਹਮਲਿਆਂ ਦੀ ਤਿੱਖੀ ਆਲੋਚਨਾ ਕਰਦਿਆਂ ਕਿਹਾ ਹੈ ਕਿ ਡੇਢ ਦੋ ਸਾਲ ਉਮਰ ਦੇ ਤਿੰਨ ਬੱਚਿਆਂ, ਔਰਤਾਂ ਸਮੇਤ 50 ਦੇ ਕਰੀਬ ਨਿਰਦੋਸ਼ ਨਿਹੱਥੇ ਨਾਗਰਿਕਾਂ ਦੀ ਹੱਤਿਆ ਕਰਨਾ, ਮੀਡੀਆ ਕੇਂਦਰਾਂ ਨੂੰ ਤਬਾਹ ਕਰਨਾ, ਪੱਤਰਕਾਰਾਂ ਨੂੰ ਲੱਤਾਂ ਤੋਂ ਨਕਾਰਾ ਕਰਨਾ ਇਹ ਦਰਸਾਉਂਦਾ ਹੈ ਕਿ ਇਸਰਾਈਲੀ ਧਾੜਵੀ, ਜੰਗੀ ਹਾਲਾਤ ਸਮੇਂ ਦੀਆਂ ਮਰਿਯਾਦਾਵਾਂ ਨੂੰ ਵੀ ਛਿੱਕੇ ਟੰਗਕੇ ਕੁੱਲ ਦੁਨੀਆਂ ਦੀਆਂ ਜਮਹੂਰੀਅਤ ਪਸੰਦ ਤਾਕਤਾਂ ਨੂੰ ਤਿੱਖੀ ਚੁਣੌਤੀ ਦੇ ਰਹੇ ਹਨ।

ਪਲਸ ਮੰਚ ਨੇ ਅਮਰੀਕੀ ਰਾਸ਼ਟਰਪਤੀ ਬਰਾਕ Àਬਾਮਾ ਵੱਲੋਂ ਉਲਟਾ ਇਨ•ਾਂ ਹਮਲਿਆਂ ਦੀ ਕਾਰਵਾਈ ਨੂੰ 'ਇਸਰਾਈਲ ਦੀ ਸਵੈ-ਰਾਖੀ' ਦਾ ਨਾਂਅ ਦੇ ਕੇ, ਪਿੱਠ ਥਾਪੜਨ ਵਾਲੇ ਬਿਆਨ ਦਾਗਣ ਦਾ ਵਿਰੋਧ ਕਰਦਿਆਂ ਕਿਹਾ ਹੈ ਕਿ ਇਸ ਤੋਂ ਸਗੋਂ ਪ੍ਰਤੱਖ ਹੁੰਦਾ ਹੈ ਕਿ ਅਮਰੀਕੀ ਜੰਗਬਾਜ਼ਾਂ ਦੀ ਵਿਸ਼ਵ ਯੁੱਧਨੀਤੀ ਦੇ ਅੰਗ ਵਜੋਂ ਹੀ ਫ਼ਲਸਤੀਨੀ ਲੋਕਾਂ ਦੇ ਨਸਲਘਾਤ ਲਈ ਇਸਰਾਈਲ ਦੀਆਂ ਡੋਰਾਂ ਹਿਲਾਉਣ, ਪਦਾਰਥਕ ਅਤੇ ਇਖ਼ਲਾਕੀ ਸਹਾਇਤਾ ਦੇਣ ਦਾ ਕੰਮ ਕੀਤਾ ਜਾ ਰਿਹਾ ਹੈ।

ਦੋਵਾਂ ਆਗੂਆਂ ਨੇ ਕਿਹਾ ਹੈ ਕਿ ਮਲਾਲਾ ਉਪਰ ਹਮਲਾ ਬਿਨਾ ਸ਼ੱਕ ਨਿੰਦਣਯੋਗ ਹੈ ਪਰ ਮਲਾਲਾ ਦੇ ਨਾਂਅ 'ਤੇ ਮਗਰਮੱਛ ਦੇ ਹੰਝੂ ਕਰਨ ਵਾਲੇ ਅਮਰੀਕੀ, ਯੂਰਪੀਨ ਮੁਲਕਾਂ ਦੇ ਹੁਕਮਰਾਨਾਂ ਅਤੇ ਯੂ.ਐਨ.ਓ. ਦੇ ਆਗੂਆਂ ਨੇ ਹੁਣ ਫ਼ਲਸਤੀਨੀ ਬੱਚਿਆਂ ਤੇ ਔਰਤਾਂ ਉਪਰ ਹੋ ਰਹੇ ਹਮਲਿਆਂ ਮੌਕੇ ਮੂੰਹ 'ਚ ਘੁੰਗਣੀਆਂ ਕਿਉਂ ਪਾ ਲਈਆਂ ਹਨ?

ਜਾਰੀ ਕਰਤਾ:
ਅਮੋਲਕ ਸਿੰਘ
ਪ੍ਰਧਾਨ, ਪੰਜਾਬ ਲੋਕ ਸਭਿਆਚਾਰਕ ਮੰਚ
(ਪਲਸ ਮੰਚ)