ਕਿਸਾਨਾਂ ਤੋਂ ਜਬਰੀ ਜਮੀਨ ਅਧਿਗਰੈਹਣ ਕਰਨ ਕਰਕੇ 250 ਸੰਘਰਸ਼ ਸ਼ੁਰੂ ਹੋਏ

ਸਾਲ 2013 ਅਤੇ 2014 ਚ ਸਰਕਾਰ ਵਲੋਂ 

ਕਿਸਾਨਾਂ ਤੋਂ ਜਬਰੀ ਜਮੀਨ ਅਧਿਗਰੈਹਣ ਕਰਨ ਕਰਕੇ 250 ਸੰਘਰਸ਼ ਸ਼ੁਰੂ ਹੋਏ 

ਸਾਲ 2013 ਅਤੇ 2014 ਚ ਜਬਰੀ ਜਮੀਨ ਅਧਿਗਰੈਹਣ ਕਰਨ ਕਰਕੇ ਸ਼ੁਰੂ ਹੋਏ ਭਾਰਤ ਚ 250 ਸੰਘਰਸ਼ 

ਸਾਲ 2013 ਅਤੇ 2014 ਚ ਸਰਕਾਰ ਵਲੋਂ ਭਾਰਤ ਦੇ 664 ਜ਼ਿਲਿਆਂ ਚੋਂ 165 ਜ਼ਿਲਿਆਂ ਵਿਚ ਕਿਸਾਨਾਂ ਤੋਂ ਜਬਰੀ ਜਮੀਨ ਅਧਿਗਰੈਹਣ ਕਰਨ ਕਰਕੇ 250 ਸੰਘਰਸ਼ ਸ਼ੁਰੂ ਹੋਏ | ਇਹਨਾਂ ਚੋਂ ਬਹੁਤੀ ਥਾਈਂ, ਜਮੀਨ ਕਿਸੇ ਨਿੱਜੀ ਕੰਪਨੀ ਲਈ ਹਾਸਲ ਕੀਤੀ ਗਈ ਹੈ| ਇਸ ਗੱਲ ਦਾ ਖੁਲਾਸਾ ਵਾਸ਼ਿੰਗਟਨ ਸਥਿਤ ਇਕ ਗੈਰ ਸਰਕਾਰੀ ਸੰਸਥਾ  Rights and Resources Initiative (RRI), ਅਤੇ ਦਿੱਲੀ ਦੀ ਸੰਸਥਾ Society for Promotion of Wasteland Development (SPWD) ਵਲੋਂ ਮਿਲ ਕੇ ਤਿਆਰ ਕੀਤੀ ਰਿਪੋਟ ਚ ਕੀਤਾ ਗਿਆ ਹੈ | ਇਹਨਾਂ ਸੰਸਥਾਵਾਂ ਨੇਂ ਆਪਣੀ ਰਿਪੋਟ ਦੇ ਅਧਾਰ ਤੇ ਸੰਘਰਸ਼ ਵਾਲਿਆਂ ਥਾਵਾਂ ਦੀ ਨਿਸ਼ਾਨ ਦੇਹੀ ਕਰਦਾ ਇਕ ਨਕਸ਼ਾ ਵੀ ਤਿਆਰ ਕੀਤਾ ਹੈ |  

ਵੱਡੀ ਪਧਰ ਤੇ ਜਬਰੀ ਜਮੀਨ ਗਰੈਹਣ ਕਰ ਦੇ ਮਾਰੂ ਅਸਰਾਂ ਬਾਰੇ ਸਰਕਾਰ ਵਲੋਂ ਨਿਯੁਕਤ - "ਕਬਾਈਲੀ ਲੋਕਾਂ ਦੇ ਜੀਵਨ ਪਧਰ ਬਾਰੇ ਉਚ ਪਧਰੀ ਕਮੇਟੀ" ਨੇਂ ਆਵਦੀ ਰਿਪੋਟ ਚ ਨੋਟ ਕੀਤਾ ਹੈ ਕਿ ਸਾਲ 1947 ਤੋਂ  2000 ਤਕ ਅਨੁਮਾਨਤ 6 ਕਰੋੜ ਲੋਕਾਂ ਦਾ ਵਖ ਵਖ ਪ੍ਰੋਜੇਕਟਾਂ  ਰਾਹੀਂ ਉਜੜਾ ਕੀਤਾ ਗਿਆ ਹੈ| 

ਇਸ ਅਰਸੇ ਦੌਰਾਨ ਲੋਕਾਂ ਨੂੰ ਦੋ ਕਰੋੜ 50 ਲਖ ਹੈਕਟੇਅਰ ਜਮੀਨ ਤੋਂ ਉਜਾੜਿਆ ਗਿਆ ਹੈ ਜਿਸ ਚ 70 ਲਖ ਹੈਕਟੇਅਰ ਜੰਗਲੀ ਜਮੀਨ ਹੈ ਅਤੇ 60 ਲਖ ਹੈਕਟੇਅਰ ਪਿੰਡਾਂ ਦੀ ਸਾਂਝੀ ਜਮੀਨ ਹੈ | 

ਸਰਕਾਰ ਨੇਂ ਇਸ ਰਿਪੋਟ ਨੂੰ ਜਨਤਕ ਨਹੀਂ ਕੀਤਾ | 
ਇਹ ਦੋਵੇਂ ਰਿਪੋਟਾਂ, ਮੋਦੀ ਸਰਕਾਰ ਵਲੋਂ ਪਿਛੇ ਜੇਹੇ ਜਾਰੀ ਕੀਤੇ ਆਰਡੀਨੈੰਸ ਤੋਂ ਪੈਹਲਾਂ ਦੀਆਂ ਹਨ   

ਬਜਰੰਗ ਦਲੀਆਂ ਦੀ ਗੁੰਡਾਗਰਦੀ ਰੋਕਣ ਦੀ ਥਾਂ ਕਿਸਾਨ ਆਗੂ ਜੇਲ ਡੱਕੇ

ਮਾਮਲਾ ਅਵਾਰਾ ਪਸ਼ੂਆਂ ਤੋਂ ਫਸਲਾਂ ਦੀ ਰਾਖੀ ਦਾ

ਬਜਰੰਗ ਦਲੀਆਂ ਦੀ ਗੁੰਡਾਗਰਦੀ ਰੋਕਣ ਦੀ ਥਾਂ ਕਿਸਾਨ ਆਗੂ ਜੇਲ ਡੱਕੇ

ਰਾਮਪੁਰਾ ਇਲਾਕੇ ਦੇ ਤਿਨ ਪਿੰਡਾਂ - ਗਿੱਲ ਕਲਾਂ, ਪਿਥੋ, ਅਤੇ ਰਾਮਪੁਰਾ ਚ ਅਵਾਰਾ ਪਸ਼ੂਆਂ ਦੀ ਸਮਸਿਆ ਬਹੁਤ ਗੰਭੀਰ ਬਣੀ ਹੋਈ ਹੈ | ਅਵਾਰਾ ਗਾਈਆਂ ਅਤੇ ਢਠਿਆਂ ਦੇ ਵੱਗ ਖੇਤਾਂ ਚ ਹਰਲ ਹਰਲ ਕਰਦੇ ਫਿਰਦੇ ਹਨ, ਹਰ ਰੋਜ਼ ਫਸਲ ਦਾ ਉਜੜਾ ਕਰਦੇ ਹਨ | ਪੁੱਤਾਂ ਵਾਂਗ ਪਾਲੀਆਂ ਫਸਲਾਂ ਦੀ ਰਾਖੀ ਲਈ ਕਿਸਾਨਾਂ ਨੂੰ ਪੋਹ ਮਾਘ ਦੀਆਂ ਬਰਫੀਲੀਆਂ ਰਾਤਾਂ, ਖੇਤਾਂ ਵਿਚ ਠੁਰ ਠੁਰ ਕਰਦਿਆਂ ਕਟਨੀਆਂ ਪੈ ਰਹੀਆਂ ਹਨ |  ਕਿਸਾਨਾਂ ਦੀਆਂ ਜਥੇਬੰਦੀਆਂ ਨੇਂ ਜ਼ਿਲਾ ਅਧਿਕਾਰੀਆਂ ਨੂੰ ਪਹੁੰਚ ਕਰਕੇ ਮਾਮਲਾ ਉਹਨਾਂ ਦੇ ਧਿਆਨ ਵਿਚ ਲਿਆਂਦਾ ਅਤੇ ਅਵਾਰਾ ਪਸ਼ੂਆਂ ਦਾ ਕੋਈ ਢੁਕਵਾਂ ਬੰਦੋਬਸਤ ਕਰਕੇ ਕਿਸਾਨਾਂ ਦੀਆਂ ਫਸਲਾਂ ਬਚਾਉਣ ਦੀ ਮੰਗ ਕੀਤੀ| ਅਧਿਕਾਰੀਆਂ ਨੇਂ ਕਾਰਵਾਈ ਦਾ ਭਰੋਸਾ ਤਾਂ ਦਿਵਾਇਆ ਪਰ ਕੀਤਾ ਕੁਝ ਨਹੀਂ|

ਆਖਿਰ ਇਹਨਾਂ ਪਿੰਡਾਂ ਦੇ ਲੋਕਾਂ ਨੇਂ ਮਿਲ ਕੇ ਕੁਝ ਰਖੇ ਤੈਨਾਤ ਕਰ ਦਿੱਤੇ, ਜੋ ਸਾਰੀ ਰਾਤ ਪੈਹਰਾ ਦਿੰਦੇ ਸਨ ਅਤੇ ਅਵਾਰਾ ਪਸ਼ੂਆਂ ਨੂੰ ਖੇਤਾਂ ਚ ਵੜਨ ਨਹੀਂ ਦਿੰਦੇ ਸਨ |

ਆਪਣੀਆਂ ਫਸਲਾਂ ਦੀ ਰਾਖੀ ਲਈ ਚੁੱਕੇ ਇਸ ਕਦਮ ਤੋਂ ਬਜਰੰਗ ਦਲੀਏ ਬੁਖਲਾ ਉਠੇ | 14 ਜਨਵਰੀ ਦੀ ਰਾਤ ਨੂੰ ਉਹਨਾਂ ਨੇਂ ਮਿਲ ਕੇ ਰਾਖਿਆਂ ਤੇ ਹਮਲਾ ਕਰ ਦਿੱਤਾ, ਉਹਨਾਂ ਨੂੰ ਕੁੱਟਿਆ ਅਤੇ ਸੱਟਾਂ ਮਾਰੀਆਂ |

ਇਸ ਘਟਨਾਂ ਤੋਂ ਰੋਹ ਵਿਚ ਆਏ ਤਿਨ ਪਿੰਡਾਂ - ਗਿੱਲ ਕਲਾਂ, ਪਿਥੋ, ਅਤੇ ਰਾਮਪੁਰਾ ਦੇ ਕਿਸਾਨਾਂ ਨੇਂ ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾਂ ਦੀ ਅਗਵਾਈ ਚ 15 ਜਨਵਰੀ ਨੂੰ ਥਾਣੇ ਮੁਹਰੇ ਧਰਨਾ ਲਾਕੇ ਗੁੰਡਾਗਰਦੀ ਕਰਨ ਵਾਲੇ ਬਜਰੰਗ ਦਲੀਆਂ ਖਿਲਾਫ਼ ਕਾਰਵਾਈ ਕੀਤੇ ਜਾਨ ਅਤੇ ਅਵਾਰਾ ਪਸ਼ੂਆਂ ਦੀ ਸਮਸਿਆ ਨਾਲ ਨਜਿਠਣ ਲਈ ਢੁਕਵੇਂ ਕਦਮ ਚੁਕਣ ਦੀ ਮੰਗ ਕੀਤੀ |

ਕਿਸਾਨਾਂ ਦਾ ਕਹਿਣਾ ਸੀ ਕਿ ਆਵਦੀ ਫਸਲ ਦੀ ਰਾਖੀ ਲਈ ਢੁਕਵੇਂ ਕਦਮ ਚੂਕਨਾ ਉਹਨਾਂ ਦਾ ਕਨੂਨੀ ਅਧਿਕਾਰ ਹੈ | ਜੇ ਬਜਰੰਗ ਦਲੀਆਂ ਜਾਂ ਕਿਸੇ ਹੋਰ ਨੂੰ ਇਹਨਾਂ ਅਵਾਰਾ ਗਾਈਆਂ ਅਤੇ ਢਠਿਆਂ ਨਾਲ ਬਹੁਤ ਮੋਹ ਹੈ ਤਾਂ ਉਹ ਇਹਨਾਂ ਨੂੰ ਜਾਂ ਤਾਂ ਆਵਦੇ ਘਰੇ ਲਿਜਾ ਕੇ ਪਾਲ ਲੈਣ ਜਾਂ ਅਜੇਹਾ ਬੰਦੋਬਸਤ ਕਰਨ ਕਿ ਇਹ ਕਿਸਾਨਾਂ ਦੇ ਖੇਤਾਂ ਚ ਜਾ ਕੇ ਉਹਨਾਂ ਦੀਆਂ ਫਸਲਾਂ ਦਾ ਨੁਕਸਾਨ ਨਾਂ ਕਰਨ | ਪਰ ਬਾਦਲ ਅਤੇ ਮੋਦੀ ਸਰਕਾਰ ਦੇ ਸਿਰ ਤੇ ਚਾਂਭਲੇ ਬਜਰੰਗ ਦਲੀਏ ਕੁਝ ਵੀ ਸੁਨਣ ਲਈ ਤਿਆਰ ਨਹੀਂ ਸਨ | ਸਰਕਾਰੀ ਥਾਪੜੇ ਕਰਕੇ ਪੁਲਸ ਵੀ ਉਹਨਾਂ ਦੇ ਖਿਲਾਫ਼ ਕੋਈ ਕਾਰਵਾਈ ਨਹੀਂ ਕਰਨਾਂ ਚਾਹੁੰਦੀ ਸੀ | ਇਸ ਕਾਰਣ ਕਿਸਾਨਾਂ ਨੂੰ ਟ੍ਰੈਫਿਕ ਜਮ ਕਰਨਾਂ ਪਿਆ | ਗੰਭੀਰ ਸਥਿਤੀ ਬਣਦਿਆਂ ਹੀ ਉਚ ਅਧਿਕਾਰੀ ਮੌਕੇ ਤੇ ਪਹੁੰਚ ਗਏ ਅਤੇ ਉਹਨਾਂ ਨੇਂ ਤਿਨ ਦਿਨਾਂ ਦੇ ਅੰਦਰ ਅੰਦਰ ਇਸ ਮਾਮਲੇ ਤੇ ਢੁਕਵੀਂ ਕਾਰਵਾਈ ਕਰਨ ਦਾ ਭਰੋਸਾ ਦਿਵਾਇਆ |

ਪ੍ਰੰਤੂ ਤਿਨ ਦਿਨ ਲੰਘਣ ਦੇ ਬਾਦ ਵੀ ਅਧਿਕਾਰੀਆਂ ਨੇਂ ਕੋਈ ਕਾਰਵਾਈ ਨਹੀਂ ਕੀਤੀ | ਇਸ ਤੇ ਰੋਸ ਵਜੋਂ ਅਜ ਲਗਪਗ ਡੇਢ -ਦੋ ਸੌ ਕਿਸਾਨ ਇਹਨਾਂ ਪਿੰਡਾਂ ਚੋਂ ਰੋਸ ਪ੍ਰਗਟਾਉਣ ਲਈ ਰਾਮਪੁਰਾ ਨੂੰ ਚਲ ਪਏ | ਪੁਲਸ ਨੇਂ ਰਾਹ ਵਿਚ ਹੀ, ਜਦੋਂ ਇਹ ਕਿਸਾਨ ਮੁਖ ਸੜਕ ਤੇ ਚੜ ਰਹੇ ਸਨ ਤਾਂ ਇਹਨਾਂ ਨੂੰ ਰੋਕ ਕੇ ਡੰਡੇ ਵਰਾਹੁਨੇ ਸ਼ੁਰੂ ਕਰ ਦਿੱਤੇ| ਕਿਸਾਨਾਂ ਦੇ 18 ਆਗੂਆਂ ਜਿਨਾਂਹ ਚ ਮੋਠੂ ਸਿੰਘ ਕੋਟੜਾ, ਸੁਰਜੀਤ ਗਿੱਲ, ਸੁਖਦੇਵ ਜਵੰਦਾ, ਦਰਸ਼ਨ ਪਿਥੋ (ਸਾਬਕਾ ਸਰਪੰਚ, ਪਿਥੋ ), ਹਰਜੀਵਨ ਸਿੰਘ (ਸਾਬਕਾ ਸਰਪੰਚ ਰਾਮਪੁਰਾ ) ਸ਼ਾਮਿਲ ਸਨ ਨੂੰ ਗਿਰਫਤਾਰ ਕਰ ਲਿਆ ਅਤ ਉਪ ਮੰਡਲ ਮਜਿਸਟ੍ਰੇਟ  ਫੂਲ ਦੇ ਹੁਕਮਾਂ ਅਨੁਸਾਰ ਕੇਂਦਰੀ ਜੇਲ ਬਠਿੰਡਾ ਬੰਦ ਕਰ ਦਿੱਤਾ |

ਲੋਕ ਮੋਰਚਾ ਪੰਜਾਬ, ਸਰਕਾਰ ਦੀ ਇਸ ਕਾਰਵਾਈ ਦੀ ਸਖਤ ਨਿਖੇਦੀ ਕਰਦਾ ਹੈ | ਬਾਦਲ ਅਤੇ ਮੋਦੀ ਸਰਕਾਰਾਂ ਨੇਂ ਇਸ ਕਦਮ ਰਾਹੀਂ ਦਿਖਾ ਦਿੱਤਾ  ਹੈ ਕਿ :

# ਪੰਜਾਬ ਚ ਨਸ਼ੇ ਵੇਚਣਾਂ ਜੁਰਮ ਨਹੀਂ ;

# ਰੇਤੇ, ਬਜਰੀ ਅਤੇ ਯੂਰੀਆ ਖਾਦ ਦੀ ਕਾਲਾ ਬਜਾਰੀ ਜੁਰਮ ਨਹੀਂ;

# ਫਿਰਕੂ ਅੱਗ ਦੇ ਭਾਂਬੜ ਬਾਲਨਾਂ ਜੁਰਮ ਨਹੀਂ;

# ਆਪਣੀਆਂ ਫਸਲਾਂ ਦੀ ਰਾਖੀ ਕਰਨਾਂ ਜੁਰਮ ਹੈ

   

ਲੋਕ ਮੋਰਚਾ ਪੰਜਾਬ, ਮੰਗ ਕਰਦਾ ਹੈ ਕਿ:

    @ ਕਿਸਾਨਾਂ ਵਲੋਂ ਆਪਣੀਆਂ ਫਸਲਾਂ ਦੀ ਰਾਖੀ ਕਰਨ ਦੇ ਹੱਕ ਦੀ ਜਾਮਨੀ

        ਕੀਤੀ ਜਾਵੇ

    @ ਅਵਾਰਾ ਪਸ਼ੂਆਂ ਤੋਂ ਰਾਖੀ ਲਈ ਤੈਨਾਤ ਰਾਖਿਆਂ ਦੀ ਕੁੱਟ ਮਾਰ ਕਰਨ 

        ਵਾਲੇ ਬਜਰੰਗ ਦਲੀਆਂ ਖਿਲਾਫ਼ ਮੁਕਦਮਾ ਦਰਜ ਕੀਤਾ ਜਾਵੇ

    @ ਸਾਰੇ ਗਿਰਫਤਾਰ ਕਿਸਾਨਾਂ ਨੂੰ ਬਿਨਾ ਸ਼ਰਤ ਰਿਹਾ ਕੀਤਾ ਜਾਵੇ

    @ ਅਵਾਰਾ ਪਸ਼ੂਆਂ ਦੀ ਸਮਸਿਆ ਦਾ ਕੋਈ ਚਿਰ ਸਥਾਈ ਹੱਲ ਲਭਿਆ 

        ਜਾਵੇ
Jagmel Singh, General Secretary
N.K.Jeet, Advisor,
Lok Morcha Punjab

ਸ਼ਰਧਾਂਜਲੀ ਸਮਾਗਮ 'ਤੇ ਵਿਸ਼ੇਸ਼: ਇਨਕਲਾਬੀ ਟਰੇਡ ਯੂਨੀਅਨ ਲਹਿਰ ਦਾ ਮੋਢੀ ਸੀ ਅਮਰ 'ਲੰਬੀ'

 18 ਜਨਵਰੀ ਨੂੰ ਸ਼ਰਧਾਂਜਲੀ ਸਮਾਗਮ 'ਤੇ ਵਿਸ਼ੇਸ਼:

ਇਨਕਲਾਬੀ ਟਰੇਡ ਯੂਨੀਅਨ ਲਹਿਰ ਦਾ ਮੋਢੀ ਸੀ ਅਮਰ 'ਲੰਬੀ'

ਅਮਰ 'ਲੰਬੀ'

ਜ਼ਿੰਦਗੀ ਨੂੰ ਖੂਬਸੂਰਤ ਬਣਾਉਣ ਦੀ ਚੇਤਨ ਖਾਹਸ਼ ਨਾਲ ਆਪਣੇ ਨਿੱਜੀ ਸੁੱਖਾਂ ਨੂੰ ਤਿਆਗ ਕੇ ਕੰਡਿਆਲੇ ਰਾਹ ਦਾ ਸਫਰ ਤਹਿ ਕਰਦਿਆਂ ਲੋਕ ਹਿੱਤਾਂ ਲਈ ਜੂਝਣ ਵਾਲੇ ਮਨੁੱਖ ਹੀ ਲੋਕ ਨਾਇਕ ਅਖਵਾਉਣ ਦੇ ਹੱਕਦਾਰ ਹੁੰਦੇ ਹਨ। ਅਜਿਹੇ ਮਨੁੱਖ ਹੀ ਲੋਕਾਂ ਦੇ ਸਤਿਕਾਰ ਤੇ ਸਲਾਮ ਦੇ ਹੱਕਦਾਰ ਬਣਦੇ ਹਨ। ਅਜਿਹਾ ਹੀ ਇੱਕ ਲੋਕ ਨਾਇਕ ਸੀ ਅਮਰ 'ਲੰਬੀ', ਜਿਸਨੇ ਆਪਣੀ ਜ਼ਿੰਦਗੀ ਦੇ ਹੁਸੀਨ ਪਲ, ਲਿਆਕਤ, ਸਮੁੱਚਾ ਸਮਾਂ ਅਤੇ ਸ਼ਕਤੀ ਲੋਕ ਹਿੱਤਾਂ ਲਈ ਅਰਪਤ ਕਰ ਦਿੱਤੇ।

ਜ਼ਿਲਾ ਮਾਨਸਾ ਦੇ ਪਿੰਡ ਦਾਤੇਵਾਸ ਵਿਖੇ 2 ਜੁਲਾਈ 1946 ਨੂੰ ਪਿਤਾ ਭਰਪੂਰ ਸਿੰਘ ਅਤੇ ਮਾਤਾ ਭਗਵਾਨ ਕੌਰ ਦੇ ਘਰ ਜਨਮੇ ਅਮਰ ਲੰਬੀ ਨੇ ਹਰ ਕਿਸਮ ਦੀ ਲੁੱਟ, ਜਬਰ ਅਤੇ ਵਿਤਕਰਿਆਂ ਤੋਂ ਮੁਕਤ ਸਮਾਜ ਸਿਰਜਣ ਲਈ ਜ਼ਿੰਦਗੀ ਦੇ ਕਰੀਬ 47 ਵਰੇ ਲੋਕ ਸੰਗਰਾਮ ਦੇ ਲੇਖੇ ਲਾਏ। ਸਾਲ 1968 ਵਿੱਚ ਬਿਜਲੀ ਬੋਰਡ ਵਿੱਚ ਬੁਢਲਾਡਾ ਵਿਖੇ ਬਤੌਰ ਲਾਈਨਮੈਨ ਭਰਤੀ ਹੋਣ ਤੋਂ ਪਹਿਲਾਂ ਉਹਨਾਂ ਸਾਲ ਭਰ ਬੰਗਲੌਰ ਵਿਖੇ ਇੱਕ ਸਨਅੱਤੀ ਅਦਾਰੇ ਵਿੱਚ ਨੌਕਰੀ ਕਰਦਿਆਂ ਸਰਮਾਏਦਾਰ ਮਾਲਕਾਂ ਵੱਲੋਂ ਕੀਤੀ ਜਾਂਦੀ ਲੁੱਟ ਅਤੇ ਧੱਕੇ ਨੂੰ ਨੇੜਿਉਂ ਤੱਕਦਿਆਂ ਅਤੇ ਹੰਢਾਉਂਦਿਆਂ ਆਪਣੀ ਹੋਣੀ ਨੂੰ ਮਜ਼ਦੂਰ ਜਮਾਤ ਦੀ ਹੋਣੀ ਨਾਲ ਪੱਕੇ ਤੌਰ 'ਤੇ ਜੋੜ ਲਿਆ। ਇਸਦੇ ਨਾਲ ਹੀ ਉਹਨਾਂ ਸ਼ਹੀਦ ਭਗਤ ਸਿੰਘ ਨੂੰ ਆਪਣਾ ਆਦਰਸ਼ ਬਣਾ ਲਿਆ ਅਤੇ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਕਰ ਦਿੱਤੀ। ਇਹਨਾਂ ਗੁਣਾਂ ਦੀ ਬਦੌਲਤ ਹੀ ਬਿਜਲੀ ਬੋਰਡ ਅੰਦਰ ਭਰਤੀ ਹੁੰਦਿਆਂ ਸਾਰ ਉਹਨਾਂ ਮੁਲਾਜ਼ਮਾਂ ਦੇ ਹੱਕਾਂ ਦੀ ਰਾਖੀ ਲਈ ਅਫਸਰਸ਼ਾਹੀ, ਮੈਨੇਜਮੈਂਟ ਅਤੇ ਸਰਕਾਰ ਦੇ ਮੁਲਾਜ਼ਮ ਵਿਰੋਧੀ ਕਦਮਾਂ ਅਤੇ ਨੀਤੀਆਂ ਖਿਲਾਫ ਸੰਘਰਸ਼ ਦਾ ਝੰਡਾ ਲਹਿਰਾ ਦਿੱਤਾ। ਬਿਜਲੀ ਕਾਮਿਆਂ ਦੀ ਜਥੇਬੰਦੀ ਟੈਕਨੀਕਲ ਸਰਵਿਸਜ਼ ਯੂਨੀਅਨ ਦੇ ਸਾਧਾਰਨ ਵਰਕਰ ਤੋਂ ਆਪਣੀ ਸੰਘਰਸ਼ਮਈ ਜ਼ਿੰਦਗੀ ਦਾ ਸਫ਼ਰ ਸ਼ੁਰੂ ਕਰਕੇ ਉਹ ਸੂਬਾ ਪੱਧਰੇ ਚੋਟੀ ਦੇ ਕੁੱਝ ਗਿਣੇ-ਚੁਣੇ ਆਗੂਆਂ ਵਜੋਂ ਪ੍ਰਵਾਨ ਚੜਿਆ, ਜਿਹਨਾਂ ਬਿਜਲੀ ਮੁਲਾਜ਼ਮਾਂ ਸਮੇਤ ਸਮੂਹ ਮੁਲਾਜ਼ਮ ਲਹਿਰ ਨੂੰ ਆਰਥਿਕ ਅਤੇ ਤਬਕਾਤੀ ਤੰਗ ਹਿੱਤਾਂ ਦੀ ਵਲਗਣ ਵਿੱਚੋਂ ਕੱਢ ਕੇ ਇੱਕ ਨਵਾਂ ਇਨਕਲਾਬੀ ਅਤੇ ਜਮਹੂਰੀ ਮੁਹਾਂਦਰਾ ਅਤੇ ਸੋਚ ਅਤੇ ਰਾਹ ਪ੍ਰਦਾਨ ਕੀਤਾ। 

ਬੁਢਲਾਡਾ ਵਿਖੇ ਨੌਕਰੀ ਦੌਰਾਨ ਮੁਲਾਜ਼ਮ ਹਿੱਤਾਂ ਲਈ ਨਿਭਾਏ ਜਾ ਰਹੇ ਰੋਲ ਸਦਕਾ ਉਸਦੀਆਂ ਗਤੀਵਿਧੀਆਂ ਦਾ ਗਲ਼ਾ ਘੁੱਟਣ ਲਈ ਅਫਸਰਸ਼ਾਹੀ ਵੱਲੋਂ ਉਸ ਨੂੰ ਸੈਂਕੜੇ ਕਿਲੋਮੀਟਰ ਦੂਰ ਲੰਬੀ ਵਿਖੇ ਤਬਦੀਲ ਕਰ ਦਿੱਤਾ। ਪਰ ਉਸ ਨੇ ਘਰ-ਪਰਿਵਾਰ ਤੋਂ ਦੂਰ ਅਨੇਕਾਂ ਦੁਸ਼ਵਾਰੀਆਂ ਝੱਲਦਿਆਂ ਲੰਬੀ ਖੇਤਰ ਨੂੰ ਹੀ ਆਪਣੀ ਕਰਮਭੂਮੀ ਬਣਾ ਲਿਆ। ਉਸਨੇ ਮੁਲਾਜ਼ਮਾਂ ਤੋਂ ਅਗਾਂਹ ਵਧ ਕੇ ਲੰਬੀ ਇਲਾਕੇ ਦੇ ਨੌਜਵਾਨਾਂ, ਵਿਦਿਆਰਥੀਆਂ ਅਤੇ ਕਿਸਾਨਾਂ ਨੂੰ ਵੀ ਸ਼ਹੀਦ ਭਗਤ ਸਿੰਘ ਦੇ ਵਿਚਾਰਾਂ ਦੀ ਗੁੜਤੀ ਦੇਣ, ਆਪਣੇ ਹੱਕਾਂ ਲਈ ਚੇਤਨ ਅਤੇ ਲਾਮਬੰਦ ਕਰਨ ਲਈ ਦਿਨ-ਰਾਤ ਇੱਕ ਕਰ ਦਿੱਤਾ। ਇਸ ਮਕਸਦ ਦੀ ਪੂਰਤੀ ਲਈ ਉਸਨੇ ਉੱਘੇ ਨਾਟਕਕਾਰ ਸ੍ਰੀ ਗੁਰਸ਼ਰਨ ਸਿੰਘ ਅਤੇ ਲੋਕ ਕਵੀ ਸੰਤ ਰਾਮ ਉਦਾਸੀ ਦੇ ਸਭਿਆਚਾਰਕ ਪ੍ਰੋਗਰਾਮਾਂ ਨੂੰ ਕਲਾਮਈ ਢੰਗ ਨਾਲ ਵਰਤੋਂ ਵਿੱਚ ਲਿਆਂਦਾ। ਉਹਨਾਂ ਬਿਜਲੀ ਕਾਮਿਆਂ ਨੂੰ ਆਰਥਿਕ ਹਿੱਤਾਂ ਤੋਂ ਉੱਪਰ ਉੱਠ ਕੇ ਆਪਣੀ ਪੁੱਗਤ ਸਥਾਪਤੀ ਲਈ ਕਿਸਾਨਾਂ, ਮਜ਼ਦੂਰਾਂ, ਨੌਜਵਾਨਾਂ ਅਤੇ ਵਿਦਿਆਰਥੀਆਂ ਸਮੇਤ ਮਿਹਨਤਕਸ਼ ਲੋਕਾਂ ਦੀ ਲਹਿਰ ਨਾਲ ਜੋਟੀ ਪਾ ਕੇ ਚੱਲਣ ਦੀ ਚੇਤਨਾ ਦਾ ਸੰਚਾਰ ਕਰਨ ਲਈ ਅਣਥੱਕ ਘਾਲਣਾ ਘਾਲੀ। ਬੇਹੱਦ ਕਠਿਨ ਹਾਲਤਾਂ ਦੇ ਸਨਮੁੱਖ ਉਸਨੇ ਭੁੱਖਣਭਾਣੇ 50-50 ਮੀਲ ਦਾ ਸਫਰ ਪੈਦਲ ਤਹਿ ਕਰਦਿਆਂ ਇੱਕ ਸੂਝਵਾਨ ਸਿਰੜੀ ਅਤੇ ਆਪਾਵਾਰੂ ਆਗੂ ਵਜੋਂ ਮਕਬੂਲੀਅਤ ਹਾਸਲ ਕੀਤੀ। ਅੱਜ ਵੀ ਸਮੂਹ ਮੁਲਾਜ਼ਮ ਵਰਗ ਅੰਦਰ ਲੰਬੀ ਗਰੁੱਪ ਦੇ ਨਾਂ ਨਾਲ ਜਾਣੀ ਜਾਂਦੀ ਇਨਕਲਾਬੀ ਟਰੇਡ ਯੂਨੀਅਨ ਲੀਹ ਦੀ ਸੋਚ ਅਤੇ ਧਾਰਾ ਨੂੰ ਵਿਕਸਤ ਅਤੇ ਸਥਾਪਤ ਕਰਨ ਵਿੱਚ ਆਪਣੇ ਮੋਹਰੀ ਯੋਗਦਾਨ ਦੀ ਬਦੌਲਤ ਹੀ, ਉਸਦਾ ਨਾਂ ਅਮਰ ਸਿੰਘ ਤੋਂ ਅਮਰ ਲੰਬੀ ਬਣ ਗਿਆ। ਇਹ ਉਸਦੀ ਅਣਥੱਕ ਘਾਲਣਾ ਦਾ ਹੀ ਫਲ ਸੀ ਕਿ ਮਲੋਟ ਸ਼ਹਿਰ ਅੰਦਰ ਸਿਆਸੀ ਸ਼ਹਿ ਪ੍ਰਾਪਤ ਗੁੰਡਿਆਂ ਵੱਲੋਂ ਅਗਵਾ ਕੀਤੀ ਔਰਤ ਦੇ ਮੁੱਦੇ ਨੂੰ ਲੈ ਕੇ ਅਚਲਾ ਅਗਵਾਕਾਂਡ ਵਿਰੋਧੀ ਘੋਲ ਵਿੱਚ ਬਿਜਲੀ ਕਾਮਿਆਂ ਨੇ ਮੋਹਰੀ ਭੂਮਿਕਾ ਨਿਭਾਈ। ਇਸ ਤੋਂ ਬਿਨਾ ਬਿਜਲੀ ਮੁਲਾਜ਼ਮਾਂ ਵੱਲੋਂ ਪੁਲਸ ਜਬਰ ਵਿਰੁੱਧ ਅਤੇ ਵੱਖ ਵੱਖ ਤਬਕਿਆਂ ਦੇ ਹੱਕੀ ਘੋਲਾਂ ਵਿੱਚ ਸਿਰਕੱਢ ਭੂਮਿਕਾ ਨਿਭਾਉਣ ਦੀਆਂ ਪਾਈਆਂ ਮਿਸਾਲੀ ਪੈੜਾਂ ਉੱਪਰ ਅਮਰ ਲੰਬੀ ਦੀ ਉੱਭਰਵੀਂ ਛਾਪ ਆਖੀ ਜਾ ਸਕਦੀ ਹੈ। 

ਅਪ੍ਰੈਲ 1974 ਵਿੱਚ ਬਿਜਲੀ ਮੁਲਾਜ਼ਮਾਂ ਵੱਲੋਂ ਕੀਤੀ ਲੰਮੀ ਹੜਤਾਲ ਦੌਰਾਨ ਸਿਰਕੱਢ ਆਗੂ ਹੋਣ ਦੇ ਨਾਤੇ ਹੀ ਅਮਰ ਲੰਬੀ ਨੂੰ 'ਪੰਜਾਬ ਸੇਫਟੀ ਐਕਟ' ਦੇ ਤਹਿਤ ਗ੍ਰਿਫਤਾਰ ਕਰਕੇ ਮਹੀਨਿਆਂ ਬੱਧੀ ਜੇਲ ਵਿੱਚ ਡੱਕਣ ਤੋਂ ਇਲਾਵਾ, ਲੰਮਾ ਸਮਾਂ ਨੌਕਰੀ ਤੋਂ ਮੁਅਤਲ ਰੱਖਿਆ ਗਿਆ। ਇਸ ਹੜਤਾਲ ਦੌਰਾਨ ਸਰਕਾਰ ਵੱਲੋਂ ਸੂਬੇ ਭਰ ਵਿੱਚ ਬਿਜਲੀ ਮੁਲਾਜ਼ਮਾਂ ਉੱਪਰ ਕੀਤੇ ਜਬਰ ਦੇ ਅੱਲੇ ਜ਼ਖਮਾਂ ਦੇ ਚੱਲਦਿਆਂ ਹੀ ਇੰਦਰਾ ਗਾਂਧੀ ਦੀ ਅਗਵਾਈ ਵਾਲੀ ਕੇਂਦਰ ਸਰਕਾਰ ਵੱਲੋਂ ਮੜੀ ਐਮਰਜੈਂਸੀ ਸਦਕਾ ਮੁੜ ਭਾਰੀ ਜਬਰ ਦਾ ਇਸ ਜਥੇਬੰਦੀ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਇਸ ਜਬਰ ਤਸ਼ੱਦਦ ਤੋਂ ਤ੍ਰਭਕ ਕੇ ਜਦ ਟੀ.ਐਸ.ਯੂ. ਦੀ ਲੀਡਰਸ਼ਿੱਪ ਵੱਲੋਂ ਇਸ ਜੁਝਾਰੂ ਜਥੇਬੰਦੀ ਨੂੰ ਭੰਗ ਕਰ ਦਿੱਤਾ ਤਾਂ ਅਮਰ ਲੰਬੀ ਵੱਲੋਂ ਹੋਰਨਾਂ ਆਗੂਆਂ ਨਾਲ ਮਿਲ ਕੇ ਛੇਤੀ ਹੀ ਟੈਕਨੀਕਲ ਸਰਵਿਸਜ਼ ਯੂਨੀਅਨ ਨੂੰ ਮੁੜ ਸੁਰਜੀਤ ਕਰਨ ਵਿੱਚ ਸਿਰਕੱਢ ਭੂਮਿਕਾ ਨਿਭਾਈ ਗਈ। 

ਸ੍ਰੀ ਲੰਬੀ ਨੇ ਬਿਜਲੀ ਮੁਲਾਜ਼ਮਾਂ ਤੋਂ ਅਗਾਂਹ ਸੰਨ 1978 ਵਿੱੰਚ ਚੱਲੇ ਬੇਰੁਜ਼ਗਾਰ ਅਧਿਆਪਕਾਂ ਦੇ ਘੋਲ ਅਤੇ ਵਿਦਿਆਰਥੀ ਆਗੂ ਪ੍ਰਿਥੀਪਾਲ ਰੰਧਾਵਾ ਦੇ ਕਤਲ ਵਿਰੋਧੀ ਘੋਲ, ਮੋਗਾ ਦੇ ਵਿਦਿਆਰਥੀ ਘੋਲ, 1980 ਦੇ ਬੱਸ ਕਿਰਾਇਆ ਘੋਲ ਅਤੇ ਹੋਰ ਅਨੇਕਾਂ ਲੋਕ ਘੋਲਾਂ ਵਿੱਚ ਉੱਘੜਵਾਂ ਰੋਲ ਨਿਭਾਇਆ। ਪੰਜਾਬ ਅੰਦਰ ਚੱਲੇ ਕਾਲੇ ਦੌਰ ਦੌਰਾਨ ਉਸਨੇ ਹਕੂਮਤੀ ਅਤੇ ਫਿਰਕੂ ਦਹਿਸ਼ਤਗਰਦੀ ਵਿਰੁੱਧ ਲੋਕਾਂ ਨੂੰ ਲਾਮਬੰਦ ਕਰਨ ਲਈ 'ਜਬਰ ਅਤੇ ਫਿਰਕਾਪ੍ਰਸਤੀ ਵਿਰੋਧੀ ਫਰੰਟ' ਦੇ ਅਹਿਮ ਆਗੂ ਵਜੋਂ ਰੋਲ ਦਿੱਤਾ। ਸ੍ਰੀ ਲੰਬੀ ਅਸਲ ਅਰਥਾਂ ਵਿੱਚ ਇੱਕ ਚੇਤਨ ਇਨਕਲਾਬੀ ਘੁਲਾਟੀਆ ਅਤੇ ਲੋਕ-ਆਗੂ ਸੀ। ਇਸੇ ਕਰਕੇ ਲੋਕ ਲਹਿਰ ਵਿੱਚ ਆਪਣਾ ਹੋਰ ਵੀ ਵੱਧ ਤੋਂ ਵੱਧ ਯੋਗਦਾਨ ਪਾਉਣ ਲਈ ਉਹਨਾਂ ਸੰਨ 2000 ਵਿੱਚ ਛੇ ਵਰੇ ਪਹਿਲਾਂ ਹੀ ਨੌਕਰੀ ਤੋਂ ਸਵੈ-ਇੱਛਤ ਰਿਟਾਇਰਮੈਂਟ ਲੈ ਕੇ ਆਪਣਾ ਸਮੁੱਚਾ ਸਮਾਂ ਅਤੇ ਸ਼ਕਤੀ ਲੋਕ ਲਹਿਰ ਨੂੰ ਸਮਰਪਣ ਕਰ ਦਿੱਤੀ। ਇੱਕ ਸੜਕ ਹਾਦਸੇ ਉਪਰੰਤ 10 ਜਨਵਰੀ 2015 ਨੂੰ ਉਹ ਆਪਣੇ ਪਰਿਵਾਰ ਅਤੇ ਲੋਕ ਲਹਿਰ ਦੇ ਸਭਨਾਂ ਸਾਥੀਆਂ ਨੂੰ ਵਿਛੋੜਾ ਦੇ ਗਏ। ਅੱਜ 18 ਜਨਵਰੀ 2015 ਨੂੰ ਆਪਣੇ ਮਹਿਬੂਬ ਅਤੇ ਲੋਕ ਨਾਇਕ ਅਮਰ ਲੰਬੀ ਨੂੰ ਪੰਜਾਬ ਭਰ ਵਿੱਚੋਂ ਹਜ਼ਾਰਾਂ ਲੋਕ ਮੋਗਾ ਵਿਖੇ ਪਹੁੰਚ ਕੇ ਸੂਹੀ ਸ਼ਰਧਾਂਜਲੀ ਭੇਟ ਕਰਨਗੇ। 

 -ਯਸ਼ਪਾਲ  ਫੋਨ- 98145 35005 

“ASSUMING FALSE NAME TO WORK AS A NAXALITE” – COM DALJIT SINGH ACQUITTED BY BATHINDA COURT

“ASSUMING FALSE NAME TO WORK AS A NAXALITE” – 

COM DALJIT SINGH ACQUITTED BY BATHINDA COURT

Com Daljit being produced in Bathinda court  on  30..07.2010

Com Daljit Singh has been acquitted by a Bathinda court, after a trial spanning over more than 4 years, in a case registered at Police Station Thermal Bathinda against him under section 420 (Cheating), 467, 468, 471 of the IPC. The police had then claimed in a press note that he was a top Naxalite leader of CPRCPI (ML) who has taken command of the organization after the death of Com. Harbhajan Singh Sohi. The police had further claimed that he has been working underground since 1992, under an assumed name amongst the people in Orissa, Andhra Pradesh etc mobilizing them to join the Naxalite movement. 

The police also had claimed recovery of some secret Naxalite documents from him, which were in fact the messages from various Naxalite organizations from all over India, including the CPI (Maoist), paying homage to legendary communist leader Com Harbhajan Singh Sohi, on his death. All these messages were circulated to the press by a Committee formed to conduct “Shardhanjli Samagam” of Com Harbhajan Sohi, under the convenership of Jaspal Jassi, Editor “Surkh Rekha”. The police had also accused him of inciting various organizations of farmers, agri-labour, and employees etc to resort to agitations against the Govt policies and indulge in violence.

In police remand, Daljit Singh was subjected to lengthy and strenuous interrogation by the officials of the I.B., Intelligence Wing of the Punjab Police and various other agencies. The Police even sought his custody for 10 days pleading that as he was a Maoist, he was to be interrogated by the Intelligence sleuths at Joint Interrogation Center at Amritsar.

Com Daljit Singh was abducted on 28.7.2010 from his house by 15/20 armed policemen in plain clothes, posing as members of a power theft checking team. People apprehended that the armed abductors, who were in fact policemen in mufti, might cause physical harm to Daljit Singh or implicate him in some false criminal case. Advocate N.K.Jeet, President Lok Morcha Punjab, Advocate Balwant Singh Dhillon, President Lawyers For Justice & Democratic Rights, and others immediately informed the press, Human Rights Commission, Punjab & Haryana High Court, DGP Punjab, Chief Secretary Govt of Punjab & other authorities.

Hundreds of people including a large number of women had come to express moral support and solidarity with Daljit Singh when he was produced in the court. Earlier residents of Hazura Kapura Basti held rallies to condemn his illegal arrest and false implication and had decided to stand with and support his family. The ‘Maoist’ and the ‘Naxalite’ tag put on him by the police, did not scare them. Daljit Singh was also in high spirits. He raised slogans such as ‘Inquilab-Zindabad’, ‘Long live the Communist Revolutionary movement’ etc. while appearing in the court.

During trial, the police could not produce even a single witness against Com Daljit Singh from the public, although in the chargesheet some were cited. Even the state witnesses failed to prove any charge against him. Resultantly he has been acquitted on 15.01.2015 by the court.

Advocate N.K.Jeet Advisor,

LOK MORCHA PUNJAB (Mob 94175-07363)

ਇਨਕਲਾਬੀ ਟ੍ਰੇਡ ਯੂਨੀਅਨ ਲੈਹਰ ਦੇ ਮੋਢੀਆਂ ਚੋਂ ਇਕ - ਸਾਥੀ ਅਮਰ ਲੰਬੀ ਸਦੀਵੀ ਵਿਛੋੜਾ ਦੇ ਗਏ

ਪੰਜਾਬ ਦੀ ਇਨਕਲਾਬੀ ਟ੍ਰੇਡ ਯੂਨੀਅਨ ਲੈਹਰ ਦੇ ਮੋਢੀਆਂ ਚੋਂ ਇਕ -
ਸਾਥੀ ਅਮਰ ਲੰਬੀ ਸਦੀਵੀ ਵਿਛੋੜਾ ਦੇ ਗਏ

ਇਨਕਲਾਬੀ ਜਮਹੂਰੀ ਹਲਕਿਆਂ ਲਈ ਇਹ ਖਬਰ ਬੜੇ ਦੁਖ ਵਾਲੀ ਹੈ ਕਿ ਪੰਜਾਬ ਦੀ ਇਨਕਲਾਬੀ ਟ੍ਰੇਡ ਯੂਨੀਅਨ ਲੈਹਰ ਦੇ ਮੋਢੀਆਂ ਚੋਂ ਇਕ - ਸਾਥੀ ਅਮਰ ਲੰਬੀ ਦੀ ਕਲ੍ਹ (09.01.2015) ਨੂੰ ਹੋਏ ਇਕ ਸੜਕ ਹਾਦਸੇ ਚ ਬੇਵਕਤ ਦੁਖਦਾਈ ਮੌਤ ਹੋ ਗਈ | ਉਹਨਾਂ ਦਾ ਅੰਤਿਮ ਸੰਸਕਾਰ ਅਜ ਬਾਦ ਦੁਪਿਹਰ ਮੋਗਾ ਵਿਖੇ ਕੀਤਾ ਜਾਵੇਗਾ |

ਸਾਥੀ ਅਮਰ ਲੰਬੀ ਨੇਂ ਆਪਣੇਂ ਕੰਮ ਦੀ ਸ਼ੁਰੁਆਤ ਬਿਜਲੀ ਮੁਲਾਜਮਾਂ ਦੀ ਸੰਘਰਸ਼ ਸ਼ੀਲ ਜਥੇਬੰਦੀ ਟੈਕਨੀਕਲ ਸਰਵਿਸਜ਼ ਯੂਨੀਅਨ ਤੋਂ ਕੀਤੀ | ਲੰਬੀ ਕਸਬੇ ਚ ਕੰਮ ਕਰਦਿਆਂ ਉਹਨਾਂ ਮਾਸਟਰ ਯਸ਼ ਪਾਲ ਅਤੇ ਹੋਰ ਸਾਥੀਆਂ ਨਾਲ ਮਿਲ ਕੇ "ਲੰਬੀ ਤਾਲਮੇਲ ਕੇਂਦਰ " ਕਾਇਮ ਕੀਤਾ ਜਿਸਨੇਂ ਪੰਜਾਬ ਦੀ ਟ੍ਰੇਡ ਯੂਨੀਅਨ ਲੈਹਰ ਨੂੰ ਇਨਕਲਾਬੀ ਲੀਹਾਂ ਤੇ ਜਥੇਬੰਦ ਕਰਨ ਦਾ ਬੀੜਾ ਚੁਕਿਆ | ਉਹ ਆਪਣੀ ਸਾਰੀ ਉਮਰ ਲੋਕ ਘੋਲਾਂ ਨੂੰ ਪ੍ਰਣਾਏ ਰਹੇ | ਉਹਨਾਂ ਦੀ ਅਗਵਾਈ ਚ ਬਿਜਲੀ ਮੁਲਾਜਮਾਂ ਨੇ ਆਪਣੀਆਂ ਹੱਕੀ ਮੰਗਾਂ ਮਸਲਿਆਂ ਤੇ ਲੜਨ ਦੇ ਨਾਲ ਨਾਲ, ਕਿਸਾਨਾਂ, ਖੇਤ ਮਜਦੂਰਾਂ, ਵਿਦਿਆਰਥੀਆਂ, ਸਨਅਤੀ ਮਜਦੂਰਾਂ, ਅਤੇ ਆਮ ਗਰੀਬ ਲੋਕਾਂ ਦੇ ਸੰਗ੍ਰਾਮਾਂ ਚ ਵੀ ਵਧ ਚੜ ਕੇ ਹਿੱਸਾ ਪਾਉਣ ਦੀ ਇਨਕਲਾਬੀ ਪਿਰਤ ਪਾਈ |      

ਲੋਕ ਮੋਰਚਾ ਪੰਜਾਬ ਉਹਨਾਂ ਦੀ ਬੇਵਕਤ ਅਤੇ ਦੁਖਦਾਈ ਮੌਤ ਤੇ ਡੂੰਘੇ ਦੁਖ ਦਾ ਇਜਹਾਰ ਕਰਦਾ ਹੈ ਅਤੇ ਉਹਨਾਂ ਵਲੋਂ ਇਨਕਲਾਬੀ ਟ੍ਰੇਡ ਯੂਨੀਅਨ ਸੰਘਰਸ਼ਾਂ ਦੀਆਂ ਪਾਈਆਂ ਪਿਰਤਾਂ ਨੂੰ ਅੱਗੇ ਤੋਰਨ ਦਾ ਪ੍ਰਣ ਕਰਦਾ ਹੈ |  

ਉੱਘੇ ਨਾਟਕਕਾਰ ਪ੍ਰੋਫੈਸਰ ਅਜਮੇਰ ਔਲਖ ਨੂੰ ''ਭਾਈ ਲਾਲੋ ਕਲਾ ਸਨਮਾਨ''

ਹਜ਼ਾਰਾਂ ਲੋਕ ਉੱਘੇ ਨਾਟਕਕਾਰ ਪ੍ਰੋਫੈਸਰ  ਅਜਮੇਰ ਔਲਖ ਨੂੰ 

''ਭਾਈ ਲਾਲੋ ਕਲਾ ਸਨਮਾਨ'' ਨਾਲ ਸਤਿਕਾਰਨਗੇ

ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲੇ ਦੀ ਮੁਹਿੰਮ ਸ਼ੁਰੂ

ਪੰਜਾਬ ਦੀ ਅਗਾਂਹਵਧੂ, ਲੋਕ-ਪੱਖੀ ਅਤੇ ਇਨਕਲਾਬੀ ਸਾਹਿਤਕ ਧਾਰਾ ਦੀ ਉੱਘੀ ਸਖਸ਼ੀਅਤ, ਪ੍ਰੋ. ਅਜਮੇਰ ਸਿੰਘ ਔਲਖ ਨੂੰ ਪੰਜਾਬ ਦੀ ਇਨਕਲਾਬੀ ਜਨਤਕ ਲਹਿਰ ਵੱਲੋਂ ''ਭਾਈ ਲਾਲੋ ਕਲਾ ਸਨਮਾਨ'' ਨਾਲ ਸਤਿਕਾਰਿਆ ਜਾ ਰਿਹਾ ਹੈ।

ਪਹਿਲੀ ਮਾਰਚ ਨੂੰ ਪੰਜਾਬ ਦੇ ਹਜ਼ਾਰਾਂ ਕਿਰਤੀ-ਕਿਸਾਨ, ਨੌਜਵਾਨ, ਵਿਦਿਆਰਥੀ, ਮੁਲਾਜ਼ਮ, ਔਰਤਾਂ, ਬੁੱਧੀਜੀਵੀ, ਸਾਹਿਤਕਾਰ,ਕਲਾਕਾਰ, ਰੰਗਕਰਮੀ, ਲੋਕ-ਪੱਖੀ ਪੱਤਰਕਾਰ, ਇਨਕਲਾਬੀ, ਲੋਕ-ਪੱਖੀ ਜਮਹੂਰੀ ਅਤੇ ਸਮਾਜਿਕ ਕਾਰਕੁਨ, ਤਰਕਸ਼ੀਲ, ਇਤਿਹਾਸਕਾਰ ਅਤੇ ਹੋਰ ਹਿੱਸੇ ਮਾਨਸਾ ਨੇੜੇ ਮਾਈ ਭਾਗੋ ਗਰਲਜ਼ ਕਾਲਜ, ਰੱਲਾ ਵਿਖੇ ਇਕੱਤਰ ਹੋਣਗੇ ਅਤੇ ਪ੍ਰੋ. ਅਜਮੇਰ ਔਲਖ ਨੂੰ ਖਰੀ ਲੋਕ-ਪੱਖੀ ਕਲਾ ਨੂੰ ਉਹਨਾਂ ਦੇ ਯੋਗਦਾਨ ਲਈ ਸਲਾਮ ਕਰਨਗੇ।

ਇਹ ਸਮਾਗਮ ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ ਨਾਂ ਦੇ ਪਲੇਟਫਾਰਮ ਵੱਲੋਂ ਕੀਤਾ ਜਾ ਰਿਹਾ ਹੈ। ਇਹ ਪਲੇਟਫਾਰਮ ਗੁਰਸ਼ਰਨ ਸਿੰਘ ਇਨਕਲਾਬੀ ਸਲਾਮ ਕਮੇਟੀ ਦਾ ਜਾਰੀ ਰੂਪ ਹੈ, ਜਿਸ ਨੇ 11 ਜਨਵਰੀ 2006 ਨੂੰ ਮੋਗਾ ਨੇੜੇ ਪਿੰਡ ਕੁੱਸਾ ਵਿਖੇ, 20 ਹਜ਼ਾਰ ਲੋਕਾਂ ਦੀ ਇਕੱਤਰਤਾ 'ਚ ਪੰਜਾਬ ਦੀ ਇਨਕਲਾਬੀ ਨਾਟਕ ਲਹਿਰ ਦੇ ਸ਼੍ਰੋਮਣੀ ਉਸਰੱਈਏ ਗੁਰਸ਼ਰਨ ਸਿੰਘ ਨੂੰ ''ਇਨਕਲਾਬੀ ਨਿਹਚਾ ਸਨਮਾਨ'' ਨਾਲ ਸਤਿਕਾਰਿਆ ਸੀ। ਇਸ ਸਨਮਾਨ ਸਮਾਰੋਹ ਰਾਹੀਂ ਲੋਕ ਹੱਕਾਂ ਦੀ ਸੰਘਰਸ਼ ਲਹਿਰ ਅਤੇ ਇਨਕਲਾਬੀ ਲੋਕ-ਪੱਖੀ ਸਾਹਿਤਕ ਲਹਿਰ ਦੀ ਸਾਂਝ ਦੀ ਇੱਕ ਨਿਵੇਕਲੀ ਪ੍ਰੰਪਰਾ ਸ਼ੁਰੂ ਹੋਈ। ਨਾਟਕਕਾਰ ਅਜਮੇਰ ਸਿੰਘ ਔਲਖ ਇਸ ਪਲੇਟਫਾਰਮ ਵੱਲੋਂ ਜਨਤਕ ਸਨਮਾਨ ਹਾਸਲ ਕਰਨ ਵਾਲੇ ਅਗਲੀ ਸਾਹਿਤਕ ਸਖਸ਼ੀਅਤ ਹਨ। ''ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ'' ਦੀ ਮੀਟਿੰਗ ਤੋਂ ਬਾਅਦ, ਪ੍ਰੋ. ਅਜਮੇਰ ਔਲਖ ਦੇ ਰੰਗ-ਮੰਚ ਦੀ ਕਰਮਭੂਮੀ ਮਾਨਸਾ ਤੋਂ ਮੁਹਿੰਮ ਦਾ ਆਗਾਜ਼ ਕਰਦਿਆਂ ਕਨਵੀਨਰ ਜਸਪਾਲ ਜੱਸੀ ਨੇ ਦੱਸਿਆ ਕਿ ਸਲਾਮ ਕਾਫ਼ਲਾ ਮਿਹਨਤਕਸ਼ ਅਤੇ ਇਨਸਾਫਪਸੰਦ ਲੋਕਾਂ ਦੀ ਇਨਕਲਾਬੀ ਲਹਿਰ ਅਤੇ ਸਮਾਜ ਨੂੰ ਬਦਲਣ ਲਈ ਇਨਕਲਾਬੀ ਜਾਗਰਤੀ ਪੈਦਾ ਕਰ ਰਹੀ ਸਾਹਿਤਕ ਲਹਿਰ ਦੇ ਸੰਗਮ ਨੂੰ ਸਮਰਪਤ ਹੈ। ਲੋਕ ਹੱਕਾਂ ਲਈ ਸੰਘਰਸ਼ ਦੇ ਮੈਦਾਨ ਦੀਆਂ ਸਮਰਪਤ ਮਕਬੂਲ ਸਖਸ਼ੀਅਤਾਂ ਇਸ ਪਲੇਟਫਾਰਮ ਦਾ ਧੁਰਾ ਹਨ। ਦੂਜੇ ਪਾਸੇ ਪੰਜਾਬੀ ਸਾਹਿਤ ਅਤੇ ਕਲਾ ਜਗਤ ਦੀਆਂ ਕੱਦਾਵਰ ਸਖਸ਼ੀਅਤਾਂ ਅਤੇ ਸਮਰਪਤ ਕਲਾ ਕਾਰਕੁਨ ਇਸ ਪਲੇਟਫਾਰਮ ਨਾਲ ਨੇੜਿਉਂ ਜੁੜੇ ਹੋਏ ਹਨ।

''ਕਾਫ਼ਲਾ ਟੀਮ'' ਵਿੱਚ, ਕਨਵੀਨਰ ਤੋਂ ਇਲਾਵਾ ਸ੍ਰੀਮਤੀ ਕੈਲਾਸ਼ ਕੌਰ, ਅਮੋਲਕ ਸਿੰਘ, ਝੰਡਾ ਸਿੰਘ ਜੇਠੂਕੇ, ਜ਼ੋਰਾ ਸਿੰਘ ਨਸਰਾਲੀ, ਦਰਸ਼ਨ ਸਿੰਘ ਕੂਹਲੀ, ਕਰੋੜਾ ਸਿੰਘ, ਯਸ਼ਪਾਲ, ਪਵੇਲ ਕੁੱਸਾ, ਹਰਜਿੰਦਰ ਸਿੰਘ, ਡਾ. ਪਰਮਿੰਦਰ ਸਿੰਘ, ਰਾਮ ਸਵਰਨ ਲੱਖੇਵਾਲੀ, ਪੁਸ਼ਪ ਲਤਾ, ਹਰਿੰਦਰ ਕੌਰ ਬਿੰਦੂ ਅਤੇ ਕੁਲਦੀਪ ਕੌਰ ਕੁੱਸਾ ਸ਼ਾਮਲ ਹਨ। ਕਾਫ਼ਲੇ ਦੀ ਸਹਿਯੋਗੀ ਕਮੇਟੀ ਵਿੱਚ ਸੁਰਜੀਤ ਪਾਤਰ, ਵਰਿਆਮ ਸਿੰਘ ਸੰਧੂ, ਡਾ. ਆਤਮਜੀਤ, ਅਤਰਜੀਤ, ਬਲਦੇਵ ਸਿੰਘ ਸੜਕਨਾਮਾ, ਲੋਕ ਨਾਥ, ਕੇਵਲ ਧਾਲੀਵਾਲ, ਪਾਲੀ ਭੁਪਿੰਦਰ, ਸ਼ਬਦੀਸ਼, ਡਾ. ਸਾਹਿਬ ਸਿੰਘ, ਸੈਮੂਅਲ ਜੌਹਨ, ਹਰਕੇਸ਼ ਚੌਧਰੀ, ਮਾਸਟਰ ਤਰਲੋਚਨ, ਹੰਸਾ ਸਿੰਘ, ਹਰਵਿੰਦਰ ਦੀਵਾਨਾ, ਇਕੱਤਰ ਸਿੰਘ, ਗੁਰਪ੍ਰੀਤ ਕੌਰ, ਮਾਸਟਰ ਰਾਮ ਕੁਮਾਰ, ਜਗਸੀਰ ਜੀਦਾ, ਜੁਗਰਾਜ ਧੌਲਾ, ਅਮਰਜੀਤ ਪ੍ਰਦੇਸੀ, ਦੇਸ ਰਾਜ ਛਾਜਲੀ, ਲੋਕ ਬੰਧੂ, ਦਲਜੀਤ ਅਮੀ, ਜਸਪਾਲ ਮਾਨਖੇੜਾ, ਰਾਕੇਸ਼ ਕੁਮਾਰ, ਡਾ. ਅਰੀਤ, ਨਵਸ਼ਰਨ ਅਤੇ ਮਨਜੀਤ ਔਲਖ ਸ਼ਾਮਲ ਹਨ।

ਪ੍ਰੋ. ਅਜਮੇਰ ਔਲਖ ਦੀ ਸਾਹਿਤਕ ਘਾਲਣਾ ਦੇ ਮਹੱਤਵ 'ਤੇ ਟਿੱਪਣੀ ਕਰਦਿਆਂ ਕਾਫ਼ਲਾ ਕਨਵੀਨਰ ਨੇ ਕਿਹਾ ਕਿ ਅਜਮੇਰ ਔਲਖ ਦੇ ਨਾਟਕ ਲੁੱਟ ਅਤੇ ਜਬਰ 'ਤੇ ਆਧਾਰਤ ਸਮਾਜ ਦੀ ਅਸਲੀਅਤ ਨੂੰ ਬੇਨਕਾਬ ਕਰਦੇ ਹਨ, ਰਾਜ-ਸੱਤਾ ਦੀ ਅੱਤਿਆਚਾਰੀ ਤਬੀਅਤ ਦਾ ਪਰਦਾਫਾਸ਼ ਕਰਦੇ ਹਨ ਅਤੇ ਸਮਾਜ ਨੂੰ ਬਦਲਣ ਲਈ ਜਾਗਰਤੀ ਦਾ ਹੋਕਾ ਦਿੰਦੇ ਹਨ। ਅਜਮੇਰ ਔਲਖ ਦੇ ਰੰਗ-ਮੰਚ ਨੇ ਪਿਛਾਂਹ-ਖਿੱਚੂ ਸਭਿਆਚਾਰਕ ਕਦਰਾਂ-ਕੀਮਤਾਂ ਨੂੰ ਬੇਨਕਾਬ ਕਰਨ ਅਤੇ ਵੰਗਾਰਨ ਵਾਲੀ ਜੁਝਾਰ ਕਲਾ ਦਾ ਝੰਡਾ ਉੱਚਾ ਕੀਤਾ ਹੈ। ਸੰਸਾਰੀਕਰਨ ਦੇ ਹੱਲੇ ਦੀਆਂ ਮੌਜੂਦਾ ਹਾਲਤਾਂ 'ਚ ਲੋਕ-ਪੱਖੀ ਕਲਾਕਾਰਾਂ ਦੇ ਕਿਰਦਾਰ ਦੀ ਸਾਲਮੀਅਤ ਖ਼ਤਰੇ ਮੂੰਹ ਆਈ ਹੋਈ ਹੈ। ਇਹਨਾਂ ਹਾਲਤਾਂ ਵਿੱਚ ਪ੍ਰੋ. ਅਜਮੇਰ ਔਲਖ ਨੇ ਨਾ ਸਿਰਫ ਮਜ਼ਲੂਮ ਲੋਕਾਈ ਦੇ ਹਿੱਤਾਂ ਨਾਲ ਆਪਣੀ ਕਲਾ ਦਾ ਰਿਸ਼ਤਾ ਬਰਕਰਾਰ ਰੱਖਿਆ ਹੈ ਸਗੋਂ ਇਸ ਨੂੰ ਹੋਰ ਅੱਗੇ ਵਧਾਇਆ ਹੈ। ਨੌਜਵਾਨਾਂ ਨੂੰ ਨਰੋਈ, ਲੋਕ-ਪੱਖੀ ਅਤੇ ਕਰਾਂਤੀਮੁਖੀ ਕਲਾ ਦੇ ਲੜ ਲਾਉਣ ਵਿੱਚ ਪ੍ਰੋ. ਅਜਮੇਰ ਔਲਖ ਦਾ ਉੱਘੜਵਾਂ ਅਤੇ ਨਿਵੇਕਲਾ ਯੋਗਦਾਨ ਹੈ। ਸਾਹਿਤਕ ਖੇਤਰ ਦੀਆਂ ਅਗਲੀਆਂ ਕਤਾਰਾਂ ਵਿੱਚ ਆਪਣੇ ਯੋਗਦਾਨ ਤੋਂ ਇਲਾਵਾ ਪ੍ਰੋ. ਅਜਮੇਰ ਔਲਖ ਉਹਨਾਂ ਸਖਸ਼ੀਅਤਾਂ ਵਿੱਚ ਸ਼ਾਮਲ ਹਨ, ਜਿਹਨਾਂ ਨੇ ਜਮਹੂਰੀ ਹੱਕਾਂ ਦੀ ਰਾਖੀ ਦਾ ਝੰਡਾ ਚੁੱਕਿਆ ਹੋਇਆ ਹੈ। ਉਹ ''ਅਪ੍ਰੇਸ਼ਨ ਗਰੀਨ ਹੰਟ'' ਦੀ ਲੋਕ-ਦੁਸ਼ਮਣ ਅਸਲੀਅਤ ਨੂੰ ਲੋਕਾਂ ਸਾਹਮਣੇ ਲਿਆਉਣ ਦੇ ਉੱਦਮ ਵਿੱਚ ਸ਼ਰੀਕ ਹਨ। ਬਿਮਾਰੀ ਨਾਲ ਜੂਝਦੇ ਹੋਏ ਵੀ ਉਹਨਾਂ ਨੇ ਆਪਣੀ ਮਾਨਸਿਕ ਅਤੇ ਜਿਸਮਾਨੀ ਸ਼ਕਤੀ ਲੋਕ-ਹਿੱਤਾਂ ਨੂੰ ਸਮਰਪਤ ਕੀਤੀ ਹੋਈ ਹੈ।

ਬਿਆਨ ਵਿੱਚ ਦੱਸਿਆ ਗਿਆ ਹੈ ਕਿ ਇਹ ਸਨਮਾਨ ਸਮਾਰੋਹ ''ਅਜਮੇਰ ਔਲਖ ਸਲਾਮ ਅਤੇ ਸਨਮਾਨ ਜਨਤਕ ਮੁਹਿੰਮ'' ਦਾ ਸਿਖਰ ਹੋਵੇਗਾ। ਇਸ ਮੁਹਿੰਮ ਦੌਰਾਨ ਪਿੰਡਾਂ, ਸ਼ਹਿਰਾਂ ਤੱਕ ਮੀਟਿੰਗਾਂ, ਰੈਲੀਆਂ, ਸੈਮੀਨਾਰਾਂ, ਜਾਗੋ ਕਾਫ਼ਲਾ ਮਾਰਚਾਂ, ਨੁੱਕੜ ਨਾਟਕਾਂ ਤੇ ਸੰਦੇਸ਼ ਇਕੱਤਰਤਾਵਾਂ ਰਾਹੀਂ ਲੋਕ-ਹੱਕਾਂ ਦੀ ਲਹਿਰ ਤੇ ਸਾਹਿਤ ਕਲਾ ਦੀ ਸਾਂਝ ਨੂੰ ਹੋਰ ਪੱਕੀ ਕਰਨ ਦਾ ਸੰਦੇਸ਼ ਉਭਾਰਿਆ ਜਾਵੇਗਾ, ਜਿਸ ਦੌਰਾਨ ਗੀਤਕਾਰਾਂ, ਕਲਮਕਾਰਾਂ ਅਤੇ ਨਾਟਕਕਾਰਾਂ ਦੀਆਂ ਦਰਜ਼ਨਾਂ ਟੋਲੀਆਂ ਪੰਜਾਬ ਦੇ ਕੋਨੇ ਕੋਨੇ ਤੱਕ ਪਹੁੰਚਣਗੀਆਂ। ਸਮਾਗਮ ਦੇ ਸੁਨੇਹੇ ਲਈ ਪੋਸਟਰ ਅਤੇ ਹੱਥ-ਪਰਚਾ ਜਾਰੀ ਕੀਤਾ ਜਾਵੇਗਾ। ਕਾਫ਼ਲੇ ਦੇ ਤਰਜਮਾਨ ''ਸਲਾਮ'' ਦਾ ਇਸ ਮੁਹਿੰਮ ਨੂੰ ਸਮਰਪਤ ਅੰਕ ਵੀ ਜਾਰੀ ਕੀਤਾ ਜਾਵੇਗਾ।

ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ ਨੇ ਪੰਜਾਬ ਅਤੇ ਦੇਸ਼ ਵਿਦੇਸ਼ ਚ ਵਸਦੇ ਸਭਨਾਂ ਲੋਕ-ਪੱਖੀ ਸਾਹਿਤਕਾਰਾਂ ਅਤੇ ਕਲਾਕਾਰਾਂ, ਇਨਕਲਾਬੀ ਤੇ ਲੋਕ-ਪੱਖੀ ਜਥੇਬੰਦੀਆਂ ਅਤੇ ਸਾਹਿਤਕ-ਸਭਿਆਚਾਰਕ ਪਲੇਟਫਾਰਮਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਮੁਹਿੰਮ ਵਿੱਚ ਵਧ ਚਡ਼ ਕੇ ਸ਼ਾਮਲ ਹੋਣ।
ਜਾਰੀ ਕਰਤਾ:
ਜਸਪਾਲ ਜੱਸੀ, ਕਨਵੀਨਰ
ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ
(ਕਨਵੀਨਰ ਫੋਨ ਨੰ. 9463167923)
ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ ਸੰਪਰਕ ਨੰ. (ਪਵੇਲ ਕੁੱਸਾ 9417054015, 01636282947, ਅਮੋਲਕ ਸਿੰਘ 9417076735)

ਸਾਹਿਤ ਨੂੰ ਲੋਕਾਂ ਦੀ ਜਿੰਦਗੀ, ਦੁਖ ਦਰਦਾਂ ਅਤੇ ਸੰਘਰਸ਼ਾਂ ਨਾਲ ਜੋੜਨ ਦਾ ਸੱਦਾ

ਨਾਮਵਰ ਕਹਾਣੀਕਾਰ ਅਤਰਜੀਤ ਦੇ 75 ਵੇਂ ਜਨਮ ਦਿਨ ਤੇ 

ਸਾਹਿਤ ਨੂੰ ਲੋਕਾਂ ਦੀ ਜਿੰਦਗੀ, ਦੁਖ ਦਰਦਾਂ ਅਤੇ ਸੰਘਰਸ਼ਾਂ ਨਾਲ ਜੋੜਨ ਦਾ ਸੱਦਾ

ਪੰਜਾਬੀ ਸਾਹਿਤ ਸਭਾ ਬਠਿੰਡਾ ਅਤੇ ਪੇਂਡੂ ਸਾਹਿਤ ਸਭਾ ਬਾਲਿਆਂਵਾਲੀ ਵਲੋਂ ਸਾਂਝੇ ਤੌਰ ਤੇ ਬਠਿੰਡਾ ਦੇ ਟੀਚਰਜ਼ ਹੋਮ ਵਿਚ ਪੰਜਾਬੀ ਦੇ ਨਾਮਵਰ ਕਹਾਣੀਕਾਰ ਅਤਰਜੀਤ ਸਿੰਘ ਦੇ 75 ਵੇਂ ਜਨਮ ਦਿਨ ਦੇ ਮੌਕੇ ਤੇ ਅੱਜ ਇਕ ਸ਼ਾਨਦਾਰ ਸਮਾਗਮ ਕਰਵਾਇਆ ਗਿਆ | ਇਸ ਸਮਾਗਮ ਦੀ ਪ੍ਰਧਾਨਗੀ ਪੰਜਾਬੀ ਦੇ ਸਿਰਮੌਰ ਨਾਟਕਕਾਰ ਪ੍ਰੋਫੈਸਰ ਅਜਮੇਰ ਸਿੰਘ ਔਲਖ ਨੇਂ ਕੀਤੀ| ਇਸ ਸਮਾਗਮ ਚ ਵਡੀ ਪਧਰ ਤੇ ਸਾਹਿਤਕਾਰਾਂ ਅਤੇ ਅਤਰਜੀਤ ਦੇ ਪ੍ਰਸ਼ੰਸ਼ਕਾਂ ਨੇਂ ਹਿੱਸਾ ਲਿਆ| ਅਤਰਜੀਤ ਸਿੰਘ ਦੀ ਸਾਹਿਤ ਸਿਰਜਨਾ, ਪ੍ਰਕਾਸ਼ਨਾਂ ਅਤੇ ਸਾਹਿਤ ਨੂੰ ਪਾਠਕਾਂ ਦੇ ਹਥਾਂ ਤਕ ਪੁਚਾਉਣ ਦੇ ਖੇਤਰ ਚ ਪਾਏ ਅਣਥਕ ਯੋਗਦਾਨ ਦੀ ਵਖ ਵਖ ਬੁਲਾਰਿਆਂ ਨੇਂ ਭਰਪੂਰ ਪ੍ਰਸ਼ੰਸਾ ਕੀਤੀ |

ਡਾਕਟਰ ਲਾਭ ਸਿੰਘ ਖੀਵਾ, ਪ੍ਰਧਾਨ ਪੰਜਾਬੀ ਸਾਹਿਤ ਸਭਾ, ਅਮੋਲਕ ਸਿੰਘ ਪ੍ਰਧਾਨ ਪੰਜਾਬ ਲੋਕ ਸਭਿਆਚਾਰ ਮੰਚ, ਸ਼ਿੰਗਾਰਾ ਸਿੰਘ ਮਾਨ ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾਂ, ਲੋਕ ਮੋਰਚਾ ਪੰਜਾਬ ਦੇ ਸਲਾਹਕਾਰ ਐਨ ਕੇ ਜੀਤ, ਭੂਰਾ ਸਿੰਘ ਕਲੇਰ, ਗੁਰਦੇਵ ਸਿੰਘ ਖੋਖਰ ਪ੍ਰਧਾਨ ਪੰਜਾਬੀ ਸਾਹਿਤ ਸਭਾ ਬਠਿੰਡਾ, ਮਰਹੂਮ ਪ੍ਰਿੰਸਿਪਲ ਸੁਜਾਨ ਸਿੰਘ ਜੀ ਦੀ ਪੁਤਰੀ ਸੁਰਿੰਦਰ ਕੌਰ ਅਤੇ ਹੋਰਾਂ ਨੇਂ, ਇਸ ਮੌਕੇ ਤੇ ਬੋਲਦਿਆਂ ਜਿਥੇ ਕਹਾਣੀਕਾਰ ਅਤਰਜੀਤ ਦੀ ਜਿੰਦਗੀ ਅਤੇ ਰਚਨਾ ਦੇ ਵਖ ਵਖ ਪੈਹ੍ਲੂਆਂ ਤੇ ਚਾਨਣਾ ਪਾਇਆ ਉਥੇ ਨਾਲ ਹੀ ਸਾਹਿਤ ਨੂੰ ਲੋਕਾਂ ਦੀ ਜਿੰਦਗੀ, ਦੁਖ ਦਰਦਾਂ ਅਤੇ ਸੰਘਰਸ਼ਾਂ ਨਾਲ ਜੋੜਨ ਦੀ ਲੋੜ ਤੇ ਵੀ ਜੋਰ ਦਿੱਤਾ | 

ਸੁਰਿੰਦਰ ਪ੍ਰੀਤ ਘਣੀਆ, ਬਲਕਰਨ ਬਲ, ਵਿਨੋਦ ਗਰਗ, ਅਮ੍ਰਿਤ ਪਾਲ ਬੰਗੇ, ਮਲਕੀਤ ਮੀਤ ਅਤੇ ਹੋਰ ਕਵੀਆਂ/ਗੀਤਕਾਰਾਂ ਨੇਂ ਗਜ਼ਲਾਂ ਅਤੇ ਗੀਤ ਪੇਸ਼ ਕੀਤੇ | ਵਿਨੋਦ ਗਰਗ ਨੇ "ਦੈਹ੍ਕਦੇ ਅੰਗਿਆਰਾਂ ਤੇ ਵੀ ਗਾਉਂਦੇ ਰਹੇ ਨੇਂ ਲੋਕ, ਇਸ ਤਰਾਂ ਵੀ ਰਾਤ ਰੁਸ਼ਨਾਉਂਦੇ ਰਹੇ ਨੇਂ ਲੋਕ " ਕਲਾਸਿਕੀ ਅੰਦਾਜ਼ ਚ ਬਹੁਤ ਖੂਬਸੂਰਤੀ ਨਾਲ ਪੇਸ਼ ਕੀਤਾ | ਮਲਕੀਤ ਮੀਤ ਦੇ ਬੋਲ " ਅਸੀਂ ਤਾਂ ਝਖੜਾਂ ਦੇ ਦੌਰ ਵਿੱਚ ਵੀ, ਜਗਾਂਗੇ ਯਾਰਾ ਮਸ਼ਾਲ ਬਣਕੇ" ਬਹੁਤ ਦਿਲ ਟੁੰਬਵੇਂ ਸਨ |  ਅਮ੍ਰਿਤ ਪਾਲ ਬੰਗੇ ਦੇ ਇਸ ਗੀਤ ਨੂੰ ਹਾਜਰ ਸਰੋਤਿਆਂ ਨੇਂ ਤਾੜੀਆਂ ਦੀ ਜ਼ੋਰਦਾਰ ਗੂੰਜ ਨਾਲ ਹੁੰਗਾਰਾ ਦਿੱਤਾ :- 

ਤੁਰ ਬਿਖੜੇ ਰਾਹਾਂ ਤੇ ਅਸੀਂ ਮੰਜ਼ਿਲ ਪਾਵਾਂਗੇ;
ਸਰਘੀ ਦੇ ਗੀਤ ਗਾਕੇ ਨ੍ਹੇਰੇ ਰੁਸ਼ਨਾਵਾਂਗੇ |
ਸਭ ਵਸਣ ਸਮਾਨ ਜਿਥੇ ਉਹ ਚਾਹੁੰਦੇ ਰਾਜ ਅਸੀਂ; 
ਕਿਰਤੀ ਦੇ ਸਿਰ ਤੇ ਹਾਂ ਸਜਾਉਣਾ ਚਾਹੁੰਦੇ ਤਾਜ ਅਸੀਂ; 
ਦਿੱਲੀ ਦੇ ਤਖਤ ਉਤੇ, ਕਿਰਤੀ ਨੂੰ ਬਿਠਾਵਾਂਗੇ; 
ਤੁਰ ਬਿਖੜੇ ਰਾਹਾਂ ਤੇ ਅਸੀਂ ਮੰਜ਼ਿਲ ਪਾਵਾਂਗੇ |

 "ਅਨ੍ਹੀ ਥੇਹ", "ਬਠਲੂ ਚਮਿਆਰ" ਅਤੇ 'ਠੂਹਾਂ' ਵਰਗੇਆਂ ਪੰਜਾਬੀ ਦੀਆਂ ਸਰਵੋਤਮ ਕਹਾਣੀਆਂ ਦੇ ਲੇਖਕ ਅਤਰਜੀਤ ਨੇਂ ਹਾਜਰ ਲੋਕਾਂ ਨੂੰ ਸੰਬੋਧਨ ਕਰਦਿਆਂ, ਲੋਕ ਹਿਤਾਂ ਪ੍ਰਤੀ ਆਪਣੀ ਵਚਨ ਬ੍ਧਤਾ ਮੁੜ ਦੁਹਰਾਈ ਅਤੇ ਕਿਹਾ ਕਿ ਲੋਕ ਉਸਦੇ ਉਤਸ਼ਾਹ ਦਾ ਸੋਮਾਂ ਅਤੇ ਉਸਦੀ ਜਿੰਦਗੀ ਲਈ "ਚਵਨ ਪ੍ਰਾਸ਼" ਹਨ , ਉਹ ਆਪਣੀ ਬਾਕੀ ਦੀ ਜਿੰਦਗੀ  ਵੀ, ਸਾਹਿਤ ਦੇ ਖੇਤਰ ਚ ਲੋਕ ਹਿਤੂ ਸਾਹਿਤ ਰਚਨ ਅਤੇ ਲੋਕਾਂ ਤਕ ਪੁਚਾਉਣ ਦੇ ਲੇਖੇ ਲਾਵੇਗਾ | ਅਤਰਜੀਤ ਨੇਂ ਕਿਹਾ ਕਿ ਉਹ ਆਪਣੀਆਂ ਕਹਾਣੀਆਂ ਚ ਪੇਂਡੂ ਜੀਵਨ, ਖਾਸ ਤੌਰ ਤੇ ਦਲਿਤਾਂ ਦੇ ਜੀਵਨ ਦੇ ਯਥਾਰਥ ਨੂੰ ਚਿਤਰਦਾ ਹੈ, ਪਰ ਉਹ ਜਾਤ ਪ੍ਰਸਤ ਨਹੀਂ ਹੈ |  

ਪ੍ਰੋਫੈਸਰ ਅਜਮੇਰ ਔਲਖ ਨੇਂ ਅਤਰਜੀਤ ਨੂੰ ਉਸ ਦੇ ੭੫ ਵੇਂ ਜਨਮ ਦਿਨ ਤੇ ਵਧਾਈ ਦਿੰਦਿਆਂ ਉਸ ਦੇ ਸਿਰੜ, ਸਾਹਿਤ ਸਿਰਜਨਾ ਅਤੇ ਲੋਕਾਂ ਤਕ ਚੰਗਾ ਸਾਹਿਤ ਪੁਚਾਉਣ ਦੇ ਉਦਮਾਂ ਦੀ ਸ਼ਲਾਘਾ ਕੀਤੀ| ਉਹਨਾਂ ਸਾਹਿਤਕਾਰਾਂ ਦੀ ਲੋਕਾਂ ਨਾਲ ਪ੍ਰਤਿਬਧਤਾ ਦੀ ਲੋੜ ਤੇ ਜੋਰ ਦਿੱਤਾ| ਉਹਨਾਂ ਦੱਸਿਆ ਕਿ ਸਰਕਾਰ ਵਲੋਂ ਇਕ ਨਿੱਜੀ ਕੰਪਨੀ ਦੇ ਬਿਜਲੀ ਘਰ ਲਈ ਜਬਰੀ ਜਮੀਨ ਹਾਸਲ ਕੀਤੇ ਜਾਨ ਖਿਲਾਫ਼, ਮਾਨਸਾ ਜ਼ਿਲੇ ਦੇ ਗੋਬਿੰਦਪੁਰੇ ਪਿੰਡ ਚ ਕਿਸਾਨਾਂ ਅਤੇ ਖੇਤ ਮਜਦੂਰਾਂ ਦੇ ਸੰਘਰਸ਼ ਦੌਰਾਨ ਲੋਕਾਂ ਨਾਲ ਮਿਲ ਕੇ, ਉਹਨਾਂ ਵਲੋਂ ਹੱਡੀਂ ਹੰਢਾਏ ਜਾ ਰਹੇ ਦੁਖ ਤਕਲੀਫਾਂ ਦੀ ਦਾਸਤਾਨ ਉਹਨਾਂ ਖੁਦ ਉਹਨਾਂ ਦੇ ਮੂਹੋਂ ਸੁਣੀ ਅਤੇ ਫਿਰ ਇਸ ਨੂੰ ਆਪਣੀ ਸਾਹਿਤ ਰਚਨਾ ਅਤੇ ਨਾਟਕਾਂ ਚ ਪ੍ਰਤੀਬਿੰਬਤ ਕਰਨ ਦੀ ਕੋਸ਼ਿਸ਼ ਕੀਤੀ | ਉਹਨਾਂ ਸਾਹਿਤਕਾਰਾਂ ਨੂੰ ਕਾਰਪੋਰੇਟ ਕਲਚਰ ਦੇ ਮਾਰੂ ਪ੍ਰਭਾਵਾਂ ਤੋਂ ਬਚਦਿਆਂ ਲੋਕਾਂ ਦੇ ਦੁਖ ਦਰਦਾਂ ਅਤੇ ਸੰਘਰਸ਼ਾਂ ਦੀ ਗਾਥਾ ਨੂੰ ਆਪਣੀਆਂ ਰਚਨਾਵਾਂ ਦਾ ਵਿਸ਼ਾ ਬਣਾਉਣ ਤੇ ਜੋਰ ਦਿੱਤਾ |   

"ਦੈਹਸਿਤੀ ਕਿਸ਼ਤੀ" ਦੀ ਕਹਾਣੀ ਤੇ ਕਿੰਤੂ ਕਰਨ ਵਾਲੇ ਪਤਰਕਾਰਾਂ ਤੇ ਭਾਜਪਾਈ ਲੋਹੇ ਲਾਖੇ

 "ਦੈਹਸਿਤੀ ਕਿਸ਼ਤੀ" ਦੀ ਕਹਾਣੀ ਤੇ ਕਿੰਤੂ ਕਰਨ ਵਾਲੇ ਪਤਰਕਾਰਾਂ ਤੇ ਭਾਜਪਾਈ ਲੋਹੇ ਲਾਖੇ

ਫਾਸ਼ੀ ਢੰਗ ਤਰੀਕੇ ਵਰਤ ਕੇ ਚੁਪ ਕਰਾਉਣ ਦੀ ਕੋਸ਼ਿਸ਼
ਲੋਕ ਮੋਰਚਾ ਪੰਜਾਬ ਵਲੋਂ ਨਿਖੇਧੀ  

The "Terror Boat" after explosion 

BJP workers burning photographs of Indian Express journalist Parveen Swami 

ਅੱਜ ਪੰਜ ਜਨਵਰੀ ਨੂੰ ਭਾਜਪਾਈਆਂ ਨੇਂ, ਦਿੱਲੀ ਚ ਇੰਡੀਅਨ ਐਕਸਪ੍ਰੈੱਸ ਦੇ ਦਫਤਰ ਮੂਹਰੇ ਪ੍ਰਦਰਸ਼ਨ ਕਰਕੇ ਇਸਦੇ ਕੌਮੀ ਸੰਪਾਦਕ (ਸੁਰਖਿਆ) ਪ੍ਰਵੀਨ ਸਵਾਮੀ ਦਾ ਪੁਤਲਾ ਸਾੜਿਆ ਅਤੇ ਉਸਦੇ ਖਿਲਾਫ਼ ਭੱਦੇ ਨਾਅਰੇ ਲਗਾਏ | 

ਪ੍ਰਵੀਨ ਸਵਾਮੀ ਅਤੇ ਉਸਦੀ  ਪਤਰਕਾਰਾਂ ਦੀ ਟੀਮ ਨੇਂ "ਦੈਹਸ਼ਤੀ ਕਿਸ਼ਤੀ" ਦੇ ਮਾਮਲੇ ਦੀ ਡੂੰਘਾਈ ਨਾਲ ਪੜਤਾਲ ਕਰਨ ਤੋਂ ਬਾਦ ਆਪਣੇ ਅਖਬਾਰ ਚ ਇਹ ਖਬਰ ਛਾਪੀ ਸੀ, ਕਿ ਭਾਰਤ ਸਰਕਾਰ ਜਿਸ ਕਿਸ਼ਤੀ ਤੇ ਭਾਰਤ ਵਿਰੁਧ  ਪਾਕਿਸਤਾਨ ਤੋਂ ਬੰਬ ਲੱਦ ਕੇ ਲਿਆਉਣ ਅਤੇ ਦੈਹਸ਼ਤੀ ਹਮਲਾ ਕਰਨ ਦੀ ਯੋਜਨਾ ਬਣਾਉਣ ਦਾ ਇਲ੍ਜ਼ਾਮ ਲਾ ਰਹੀ ਹੈ ਅਤੇ ਜਿਸ ਨੂੰ ਬਾਦ ਵਿਚ ਭਾਰਤੀ ਸਮੁੰਦਰੀ ਤਟ ਸੁਰਖਿਆ ਗਾਰਡਾਂ ਨੇਂ ਨਸ਼ਟ ਕਰ ਦਿੱਤਾ ਸੀ, ਉਹ ਕਿਸ਼ਤੀ ਅਸਲ ਚ ਕਿਸੇ ਦੈਹਸ਼ਤ ਗਰਦ ਕਾਰਵਾਈ ਚ ਸ਼ਾਮਲ ਨਹੀਂ ਲਗਦੀ ਸੀ| ਵੱਡੀ ਸੰਭਾਵਨਾ ਇਸ ਦੇ ਸਮਗਲਿੰਗ ਚ ਸ਼ਾਮਲ ਹੋਣ ਦੀ ਲਗਦੀ ਹੈ | ਖੋਜੀ ਪਤਰਕਾਰਾਂ ਦੀ ਟੀਮ ਅਨੁਸਾਰ ਇਸ ਕਿਸ਼ਤੀ ਦੇ ਦੈਹਸ਼ਤ ਗਰਦ ਕਾਰਵਾਈ ਚ ਸ਼ਾਮਲ ਹੋਣ ਜਾਂ ਅਜੇਹੇ ਇਰਾਦੇ ਦਾ ਕੋਈ ਸਬੂਤ ਨਹੀਂ ਹੈ | ੪ ਸਵਾਰੀਆਂ ਵਾਲੀ ਇਸ  ਕਿਸ਼ਤੀ ਜਿਸ ਦਾ ਇੰਜਨ ੮੦ ਤੋ ੨੪੦ ਹਾਰਸ ਪਾਵਰ ਤਕ ਦਾ ਹੋ ਸਕਦਾ ਹੈ, ਨੇਂ ਕਿਵੇਂ ਇਕ ਘੰਟਾ ਸਮੁੰਦਰੀ ਤਟ ਸੁਰਖਿਆ ਦੇ ਅਤ ਆਧੁਨਿਕ ਸਮੁੰਦਰੀ ਜਹਾਜ਼ ਨੂੰ ਖੁੱਲੇ ਸਮੁੰਦਰ ਚ ਨੇੜੇ ਨਹੀਂ ਫਟਕਣ ਦਿੱਤਾ, ਇਹ ਗੱਲ ਸਚ ਨਹੀਂ ਹੋ ਸਕਦੀ |      

ਭਾਜਪਾਈ ਆਗੂ ਮੋਦੀ ਤੇ ਅਮਿਤ ਸ਼ਾਹ ਦੀ ਅਜੇਹੀਆਂ ਕਹਾਣੀਆਂ ਅਤੇ ਘਟਨਾਵਾਂ ਰਚਨ ਚ ਮੁਹਾਰਤ, ਗੁਜਰਾਤ ਚ ਓਹਨਾਂ ਦੇ ਸ਼ਾਸ਼ਨ ਕਾਲ ਦੌਰਾਨ ਜੱਗ ਜਾਹਰ ਹੋ ਚੁੱਕੀ ਹੈ | ਇਸ਼ਰਤ ਜਹਾਂ, ਸੋਹਰਾਬੂਦੀਨ ਸ਼ੇਖ ਅਤ ਪ੍ਰਜਾਪਤੀ ਦੇ ਝੂਠੇ ਪੁਲਸ ਮੁਕਾਬਲਿਆਂ ਸਮੇਂ ਵੀ ਉਹਨਾਂ ਤੇ ਦੈਹਸ਼ਤ ਗਰਦ ਕਾਰਵਾਈਆਂ ਚ ਸ਼ਾਮਿਲ ਹੋਣ ਅਤੇ ਮੋਦੀ ਨੂੰ ਮਾਰਨ ਦੀਆਂ ਯੋਜਨਾਵਾਂ  ਬਣਾਉਣ ਦੇ ਇਲ੍ਜ਼ਾਮ ਲਾਏ ਗਏ ਸਨ ਜੋ ਬਾਦ ਚ ਝੂਠੇ ਸਾਬਤ ਹੋਏ ਸੀ | 

ਅਜੇਹੀਆਂ ਨਾਕਾਬਲੇ ਯਕੀਨ ਕਹਾਣੀਆਂ,ਭਾਰਤ ਦੇ "ਦੈਹਸ਼ਤੀ ਹਮਲੇ" ਦੀ ਮਾਰ ਹੇਠ ਹੋਣ ਦੇ ਬਹਾਨੇ ਤੈਹਤ   ਅਮਰੀਕਾ ਅਤੇ ਰੂਸ ਤੋਂ ਅਰਬਾਂ ਖਰਬਾਂ ਦੇ ਹਥਿਆਰ ਖਰੀਦਣ ਲਈ,  ਕਾਰਗਰ ਸਾਬਤ ਹੋ ਸਕਦੀਆਂ ਹਨ | ਇਸੇ ਬਹਾਨੇ ਹੇਠ ਵਿਦੇਸ਼ੀ ਪੂੰਜੀ ਲਈ ਸਾਰੀਆਂ ਰੋਕਾਂ ਚੁਕ ਕੇ ਭਾਰਤੀ ਲੋਕਾਂ ਅਤੇ ਕੌਮੀ ਮਾਲ ਖਜ਼ਾਨਿਆਂ ਦੀ ਬੇਤਹਾਸ਼ਾ ਲੁੱਟ ਦਾ ਰਾਹ ਖੋਲਿਆ ਜਾ ਰਿਹਾ ਹੈ | ਲੋਕਾਂ ਦੀਆਂ ਬੁਨਿਆਦੀ ਲੋੜਾਂ ਤੇ ਸਰਕਾਰੀ ਖਰਚ ਘਟਾਉਣ, ਉਹਨਾਂ ਦੀ ਜ਼ੁਬਾਨ ਬੰਦੀ ਕਰਨ ਲਈ ਰਾਹ ਪਧਰ ਕਰਨ, ਲਈ ਵੀ ਇਹ ਬਹਾਨਾ ਸਰਕਾਰ ਨੂੰ ਫਿਟ ਬੈਠਦਾ ਹੈ | ਅਜੇਹੀਆਂ ਕਹਾਣੀਆਂ  ਪਾਕਿਸਤਾਨ ਨਾਲ ਜੰਗ, ਮੁਲਕ ਅੰਦਰ ਫਿਰਕੂ ਜਨੂਨ ਅਤੇ ਸ਼ਾਵਨਵਾਦ ਭੜਕਾਉਣ ਵਾਲਾ ਮਹੌਲ ਤਿਆਰ ਕਰਨ ਚ ਵੀ ਮੋਦੀ ਸਰਕਾਰ ਲਈ ਸਹਾਈ ਸਿਧ ਹੁੰਦੀਆਂ ਹਨ | 

ਅਜੇਹੀਆਂ ਕੁਚਾਲਾਂ ਤੇ ਉਂਗਲ ਉਠਾਉਣ ਵਾਲਿਆਂ ਲਈ ਆਰ ਐਸ ਐਸ, ਵਿਸ਼ਵ ਹਿੰਦੂ ਪ੍ਰੀਸ਼ਦ, ਬਜਰੰਗ ਦਲ ਅਤੇ ਭਾਜਪਾ ਦੀਆਂ ਹੋਏ ਕਿਨੀਆਂ ਹੀ ਫਿਰਕੂ ਫਾਸ਼ੀ ਜਥੇਬੰਦੀਆਂ ਤਿਆਰ ਬਰ ਤਿਆਰ ਕੀਤੀਆਂ ਹੋਈਆਂ ਹਨ | ਦਿੱਲੀ ਚ ਇੰਡੀਅਨ ਐਕਸਪ੍ਰੈੱਸ ਦੇ ਦਫਤਰ ਮੂਹਰੇ ਭਾਜਪਾਈਆਂ ਦੀ ਗੁੰਡਾ ਗਰਦੀ ਇਸੇ ਦਾ ਹੀ ਨਮੂਨਾ ਹੈ |

ਲੋਕ ਮੋਰਚਾ ਪੰਜਾਬ, ਇਸ ਗੈਰ ਜਮਹੂਰੀ ਅਤੇ ਫਾਸ਼ੀ ਘਟਨਾ ਦੀ ਪੁਰਜ਼ੋਰ ਨਿਖੇਧੀ ਕਰਦਾ ਹੈ | ਧੱਕੇ ਨਾਲ ਅਤੇ ਫਾਸ਼ੀ ਢੰਗ ਤਰੀਕੇ ਵਰਤ ਕੇ ਸਚ ਦੀ ਆਵਾਜ਼ ਦਬਾਉਣ ਦੀਆਂ ਅਜੇਹੀਆਂ ਕੋਸ਼ਿਸ਼ਾਂ ਨੂੰ ਕਦੀ ਵੀ ਬੂਰ ਨਹੀਂ ਪੈ ਸਕੇਗਾ |