ਤਾਨਾਸ਼ਾਹੀ 'ਤੇ “ਸਦਭਾਵਨਾ” ਦਾ ਚਾੜਿਆ ਨਕਾਬ ਲੀਰੋ ਲੀਰ !

ਕੋਠਾ ਗੁਰੂ ਵਿੱਚ ਸਰਕਾਰੀ ਸਿਆਸੀ ਧੱਕੇਸ਼ਾਹੀ :ਤਾਨਾਸ਼ਾਹੀ 'ਤੇ “ਸਦਭਾਵਨਾ” ਦਾ ਚਾੜਿਆ ਨਕਾਬ ਲੀਰੋ ਲੀਰ !

          ਲੋਕਾਂ ਵਿਚੋਂ ਬੁਰੀ ਤਰ੍ਹਾਂ ਨਿੱਖੜ ਚੁੱਕੀ ਆਕਾਲੀ-ਭਾਜਪਾ ਦੀ ਸਾਂਝੀ ਬਾਦਲ ਹਕੂਮਤ, ਹੁਣ ਲੋਕਾਂ ਨੂੰ ਆਵਦੇ ਨਾਲ ਜੋੜਣ ਲਈ ਸਦਭਾਵਨਾ ਰੈਲੀਆਂ ਕਰ ਰਹੀ ਹੈ। ਮੰਤਰੀ ਇਹਨਾਂ ਰੈਲੀਆਂ ਦਾ ਸੱਦਾ ਦੇਣ ਪਿੰਡਾਂ ਵਿੱਚ ਜਾ ਰਹੇ ਹਨ ਤੇ ਉਥੋਂ ਦੇ ਆਵਦੇ ਪਾਰਟੀ ਲੀਡਰਾਂ ਜਾਂ ਸਰਪੰਚਾਂ/ ਖੜਪੰਚਾਂ ਨੂੰ ਬੱਸਾਂ ਭਰ ਕੇ ਲਿਆਉਣ ਲਈ ਤਾੜ੍ਹ ਰਹੇ ਹਨ। ਦੂਜੇ ਪਾਸੇ ਲੋਕ, ਮਹਿੰਗਾਈ, ਬੇਰੁਜ਼ਗਾਰੀ, ਗਰੀਬੀ, ਕਰਜ਼ਈਪੁਣੇ ਨਾਲ ਜੂਝ ਰਹੇ ਹਨ। ਨਰਮੇ ਦੇ ਖ਼ਰਾਬੇ ਨੇ ਕਿਸਾਨਾਂ-ਮਜ਼ਦੂਰਾਂ ਨੂੰ ਤਬਾਹੀ ਮੂੰਹ ਧੱਕ ਦਿੱਤਾ ਹੈ। ਹਕੂਮਤ ਨਾ ਮੰਗਾਂ ਮੰਨਦੀ ਹੈ, ਨਾ ਗੱਲ ਸੁਣਦੀ ਹੈ।ਲੋਕਾਂ ਵਿੱਚ ਵਿਆਪਕ ਰੋਸ ਹੈ।

         ਸਦਭਾਵਨਾ ਕਿਹੋ ਜਿਹੀ ਤੇ ਕਿਵੇਂ ਕਰਨੀ ਹੈ, ਮੁੱਖ ਮੰਤਰੀ ਤੇ ਆਕਾਲੀ ਪਾਰਟੀ ਦੇ ਸੂਬਾ ਪ੍ਰਧਾਨ ਵਿਚ ਕੋਈ ਵਖਰੇਵਾਂ ਨਹੀਂ ਹੈ। ਇੱਕ ਵੱਲੋਂ ਹੱਥ ਜ਼ੋੜ ਕੇ ਮੁਆਫ਼ੀ ਮੰਗਦਿਆਂ ਤੇ ਦੂਜੇ ਵੱਲੋਂ ਦਬਕਾ ਮਾਰਦਿਆਂ ਲੋਕਾਂ 'ਤੇ  ਹਕੂਮਤੀ ਛੱਪਾ ਪਾਉਣ ਦਾ ਭਰਮ ਪਾਲਿਆ ਗਿਆ ਹੈ।ਜਦੋਂ ਸੂਬੇ ਦਾ ਮੁੱਖ ਮੰਤਰੀ ਮੁਆਫ਼ੀ ਦੇ ਓਹਲੇ, “ "ਵਿਰੋਧ ਨੂੰ ਸਹਿਣ ਨਹੀਂ ਕਰਾਂਗੇ." "ਕਰੜੇ ਹੱਥੀਂ ਸਿੱਝਾਂਗੇ”" ਦੀ ਸੁਣਾਉਣੀ ਕਰ ਰਿਹਾ ਹੋਵੇ ਅਤੇ ਡਿਪਟੀ ਮੁੱਖ ਮੰਤਰੀ,ਗ੍ਰਹਿ ਮੰਤਰੀ ਤੇ ਆਕਾਲੀ ਪਾਰਟੀ ਦਾ ਸੂਬਾ ਪ੍ਰਧਾਨ ਆਵਦੇ ਦਬਕੇ ਮਾਰੂ ਲਹਿਜ਼ੇ ਵਿਚ ਨੰਗੀ ਚਿੱਟੀ ਧਮਕੀ- "“ਕੋਈ, ਝਾਕ ਕੇ ਵੇਖੇ" ” ਦੇ ਸਟੇਜਾਂ ਤੋਂ ਭੜਕਾਊ ਹੋਕਰੇ ਮਾਰ ਰਿਹਾ ਹੋਵੇ।ਮੰਤਰੀ ਆਵਦੇ ਨਾਲ ਪੁਲਸੀ ਲਸ਼ਕਰ ਹੀ ਨਹੀਂ, ਆਕਾਲੀ ਲੱਠਮਾਰ ਵੀ ਲੈ ਕੇ ਜਾ ਰਹੇ ਹੋਣ ਤਾਂ ਗੱਲ ਸਾਫ਼ ਹੈ ਕਿ ਪਿੰਡਾਂ ਦੇ ਲੋਕਾਂ ਦੇ ਰੋਸ 'ਤੇ ਡਾਂਗ ਵਰ੍ਹਨੀ ਹੀ ਵਰ੍ਹਨੀ ਹੈ |  ਇਥੇ ਜੱਗ ਜ਼ਾਹਰ ਹੋ ਗਿਆ ਹੈ।         

       ਮੰਤਰੀ ਜਾਂਦੇ ਹਨ, ਲੋਕਾਂ ਨੂੰ ਸਦਭਾਵਨਾ ਰੈਲੀ ਦਾ ਸੱਦਾ ਦੇਣ ਪਰ ਮੁੜਦੇ ਹਨ, ਲੋਕਾਂ 'ਤੇ ਲਾਠੀਆਂ  ਗੋਲੀਆਂ ਵਰ੍ਹਾ ਕੇ, ਲੱਤਾਂ ਬਾਹਾਂ ਤੋੜ ਕੇ ਤੇ ਉਲਟਾ ਲੋਕਾਂ 'ਤੇ ਹੀ ਪੁਲਸੀ ਪਰਚੇ ਦਰਜ ਕਰਵਾ ਕੇ ਅਤੇ ਜੇਲ੍ਹੀਂ ਭਿਜਵਾ ਕੇ। ਰੁਜ਼ਗਾਰ ਮੰਗਦੀਆਂ ਨੰਨ੍ਹੀਆਂ ਛਾਂਵਾਂ ਨੂੰ ਕੁੱਟਣ ਵਾਲੇ ਪੰਚਾਇਤ ਮੰਤਰੀ ਨੇ ਜਥੇਬੰਦੀਆਂ ਨਾਲ ਆਪਣੀ ਘਰੋੜ ਦਾ ਰਿਕਾਰਡ ਪਿੰਡ ਕੋਠਾ ਗੁਰੂ ਵਿਚ ਵੀ ਕਾਇਮ ਰੱਖਿਆ ਹੈ ਤੇ ਅਗਾਂਹ ਨੂੰ, “ "ਐਂ ਈ ਕਰਾਂਗੇ" ” ਦਾ ਨਿਸ਼ੰਗ ਐਲਾਨ ਹੈ। ਇਹ ਵਿਰੋਧੀ ਨਾਲ ਤਾਂ ਕਰਦਾ ਹੀ ਕਰਦਾ ਹੈ, ਛੋਟੇ ਵਖਰੇਂਵੇ ਵਾਲੇ ਨਾਲ ਵੀ ਧੱਕੜ ਵਿਹਾਰ ਕਰਦਾ ਹੈ। ਪ੍ਰਿੰਸੀਪਲ ਦਲਜੀਤ ਸਿੰਘ ਦੀ ਪੱਗ ਲੁਹਾ ਕੇ ਤੇ ਨਜਾਇਜ਼ ਬਦਲੀ ਕਰਵਾ ਕੇ ਸਾਰੇ ਭਗਤੇ ਇਲਾਕੇ ਨਾਲ ਧ੍ਰੋਹ ਕਮਾਇਆ ਹੈ।ਅਧਿਆਪਕ ਸਮੂਹ ਤੇ ਲੋਕਾਂ ਦੇ ਸਵੈਮਾਣ ਨੂੰ ਵੰਗਾਰਿਆ ਹੈ।

         ਹਾਕਮ ਕਿਸੇ ਰੰਗ ਦੇ ਹੋਣ, ਸਭ ਦੇ ਸਭ ਸਾਮਰਾਜੀਆਂ, ਕਾਰਪੋਰੇਟਾਂ ਤੇ ਜਾਗੀਦਾਰਾਂ ਦੀ ਚਾਕਰੀ ਕਰਦੇ ਹਨ। ਇਹਨਾਂ ਲੁਟੇਰਿਆਂ ਤੇ ਜਾਬਰਾਂ ਦੇ ਹਿੱਤ ਵਿਚ ਹਾਕਮ, ਵਿੱਢੇ ਆਰਥਿਕ ਸੁਧਾਰਾਂ ਦੇ ਦੂਜੇ ਗੇੜ ਦੇ ਹੱਲੇ ਦੀ ਮਾਰ ਹੇਠ ਆਈ ਜਨਤਾ ਦੇ ਉੱਠ ਰਹੇ ਸੰਘਰਸ਼ਾਂ ਨੂੰ ਰੋਕਣ ਦੇ ਰਾਹ ਪਏ ਹੋਏ ਹਨ।ਲੋਕਾਂ ਦੀ ਸੰਘਰਸ਼ੀ ਆਵਾਜ਼ ਦਾ ਗਲਾ ਘੁੱਟਣ ਲਈ ਹਕੂਮਤ ਨੇ ਸਿਰਫ ਪੁਲਸ ਫੌਜ ਹੀ ਨਹੀਂ, ਪਾਲੇ ਪੋਸੇ ਗੁੰਡਾ ਗਰੋਹਾਂ ਦੀ ਖੁੱਲੀ ਵਰਤੋਂ ਕਰਨ ਦੀ ਆਪਣੀ ਰਾਜਨੀਤੀ ਅਖਤਿਆਰ ਕੀਤੀ ਹੋਈ ਹੈ। ਇਹ ਇਸੇ ਨੀਤੀ ਦਾ ਨੰਗਾ ਚਿੱਟਾ ਅਭਿਆਸ ਹੈ।

         ਹਾਕਮ ਜਬਰ-ਤਸਦੱਦ ਵਧਾ ਰਹੇ ਹਨ। ਵਿਰੋਧਾਂ ਵਖਰੇਂਵਿਆਂ ਨੂੰ ਨਾ ਪੰਜਾਬ ਹਕੂਮਤ ਤੇ ਨਾ ਇਹਨਾਂ ਦੀ .ਭਾਈਵਾਲ ਕੇਂਦਰੀ ਭਾਜਪਾਈ ਹਕੂਮਤ ਕੋਈ ਸਪੇਸ ਦੇ ਰਹੀ ਹੈ। ਛੋਟੇ ਤੋਂ ਛੋਟੇ ਵਿਰੋਧ ਨੂੰ ਵੀ ਸਹਿਣ ਨਹੀਂ ਕੀਤਾ ਜਾ ਰਿਹਾ। ਸਾਹਿਤਕਾਰਾਂ ਤੇ ਕਲਾਕਾਰਾਂ ਨੇ ਆਪਣੇ ਸਨਮਾਨ ਵਾਪਸ ਕਰਕੇ ਇਸ ਤਾਨਾਸ਼ਾਹੀ ਨਿਜ਼ਾਮ ਦੀ ਖਸਲਤ ਨੂੰ ਲੋਕਾਂ ਵਿੱਚ ਨੰਗਾ ਕੀਤਾ ਹੈ। ਕਿਸਾਨਾਂ ਮਜ਼ਦੂਰਾਂ ਨੇ ਇਸ ਧੱਕੇਸ਼ਾਹੀ ਦਾ ਵਿਰੋਧ ਕਰਨਾ ਅਤੇ ਨਰਮੇ ਦੇ ਖਰਾਬੇ ਦੇ ਮੁਆਵਜ਼ੇ ਦੀ ਮੰਗ ਕਰਨਾ ਜਾਰੀ ਰੱਖ ਕੇ ਲੜਨ ਦੀ ਲੋੜ ਤੇ ਲੜਣ ਦੀ ਸਮਰੱਥਾ ਦਿਖਾਈ ਹੈ।

          ਇਸ ਹਾਲਤ ਵਿਚ ਜਥੇਬੰਦੀ ਹੀ ਸਹਾਰਾ ਹੈ, ਇਸ ਨੂੰ ਮਜ਼ਬੂਤ ਕਰੋ।ਏਕਾ ਵਿਸ਼ਾਲ ਕਰੋ। ਦ੍ਰਿੜਤਾ ਨਾਲ ਸੰਘਰਸ਼ ਭਖਾਈ ਰੱਖੋ। ਸਭਨਾਂ ਜਮਹੂਰੀਅਤ ਪਸੰਦ, ਇਨਸਾਫਪਸੰਦ ਅਤੇ ਸੰਘਰਸ਼ ਸ਼ੀਲ ਸਗੰਠਨਾਂ ਨੂੰ ਇਸ ਧੱਕੇਸ਼ਾਹੀ ਖਿਲਾਫ਼ ਆਵਾਜ਼ ਉਠਾਉਣ ਦੀ ਅਪੀਲ ਕੀਤੀ ਜਾਂਦੀ ਹੈ।                                                          

 ਜਗਮੇਲ  ਸਿੰਘ ਜਨਰਲ ਸਕੱਤਰ ਲੋਕ ਮੋਰਚਾ ਪੰਜਾਬ

 (ਮੋਬ:9417224822)                            

ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਸ਼ਰਧਾਂਜਲੀ ਸਮਾਗਮ ਦਾ ਹੋਕਾ: ਤੇਰੇ ਖ਼ੂਨ 'ਚ ਰੰਗੀ ਧਰਤੀ 'ਤੇ, ਅਸੀਂ ਬੰਨ੍ਹ ਕਾਫ਼ਲੇ ਆਵਾਂਗੇ

ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਸ਼ਰਧਾਂਜਲੀ ਸਮਾਗਮ ਦਾ ਹੋਕਾ: 
ਤੇਰੇ ਖ਼ੂਨ 'ਚ ਰੰਗੀ ਧਰਤੀ 'ਤੇ, ਅਸੀਂ ਬੰਨ੍ਹ ਕਾਫ਼ਲੇ ਆਵਾਂਗੇ

-ਅਮੋਲਕ ਸਿੰਘ

ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਉਗਰਾਹਾਂ) ਦੇ ਹਰਮਨ ਪਿਆਰੇ ਸੂਬਾਈ ਆਗੂ ਸਾਧੂ ਸਿੰਘ ਤਖ਼ਤੂਪੁਰਾ ਨੂੰ ਸ਼ਹੀਦ ਕਰਨ ਪਿੱਛੇ ਕੰਮ ਕਰਦੇ  ਕਾਲੇ ਮਨਸੂਬੇ ਉਸ ਮੌਕੇ ਧੂੜ ਵਿੱਚ ਮਿਲਾ ਧਰੇ ਸਾਫ ਦਿਖਾਈ ਦਿੱਤੇ ਜਦੋਂ ਸ਼ਹਾਦਤ ਤੋਂ ਤਿੰਨ ਵਰ੍ਹਿਆਂ ਪਿੱਛੋਂ ਵੀ ਹਜ਼ਾਰਾਂ ਮਰਦ-ਔਰਤਾਂ ਆਕਾਸ਼ ਗੁੰਜਾਊ ਨਾਅਰੇ ਲਾਉਂਦੇ ਅਤੇ ਕਾਤਲੀ ਲਾਣੇ ਦੇ ਕਾਲਜੇ ਹੌਲ ਪਾਉਂਦੇ ਮਾਝੇ ਦੀ ਉਸ ਧਰਤੀ ਵੱਲ ਉਮੜ ਪਏ ਜਿੱਥੇ ਸਾਧੂ ਸਿੰਘ ਤਖ਼ਤੂਪੁਰਾ ਨੂੰ ਸ਼ਹੀਦ ਕੀਤਾ ਸੀ। 
ਅੰਮ੍ਰਿਤਸਰ ਜ਼ਿਲ੍ਹੇ ਦਾ ਪਿੰਡ ਸੌੜੀਆਂ 20 ਫਰਵਰੀ ਨੂੰ ਵਿਸ਼ਾਲ ਸ਼ਹੀਦੀ ਜੋੜ-ਮੇਲੇ ਦਾ ਰੂਪ ਧਾਰਨ ਕਰ ਗਿਆ। ਟਰੈਕਟਰਾਂ, ਟਰਾਲੀਆਂ, ਬੱਸਾਂ, ਟਰੱਕਾਂ ਅਤੇ ਕੈਂਟਰਾਂ ਆਦਿ ਦਾ 300 ਤੋਂ ਵੱਧ ਵਹੀਕਲਾਂ ਦਾ ਲੰਮਾ ਮਾਰਚ, ਡੁੱਲ੍ਹ ਡੁੱਲ੍ਹ ਪੈਂਦਾ ਜੋਸ਼ ਅਤੇ ਸ਼ਹੀਦ ਦੇ ਪਾਏ ਪੂਰਨਿਆਂ 'ਤੇ ਅੱਗੇ ਵਧਦੇ ਜਾਣ ਦਾ ਦ੍ਰਿੜ੍ਹ ਸੰਕਲਪ ਦੇਖਿਆਂ ਹੀ ਬਣਦਾ ਸੀ। ਸਰੋਂ ਫੁੱਲੇ ਗੁਲਦਸਤਿਆਂ ਨਾਲ ਲੱਦੇ ਖੇਤਾਂ ਵਿੱਚੀਂ ਬਸੰਤੀ ਝੰਡੇ ਲਹਿਰਾਉਂਦੇ ਮਾਰਚ ਕਰਦੇ ਕਾਫ਼ਲੇ ਸ਼ਹੀਦ ਭਗਤ ਸਿੰਘ ਦਾ ਪੈਗ਼ਾਮ ਦੇ ਰਹੇ ਸਨ:

''ਤੁਸੀਂ ਵਿਅਕਤੀ ਨੂੰ ਤਾਂ ਕਤਲ ਕਰ ਸਕਦੇ ਹੋ, ਉਸਦੇ ਵਿਚਾਰਾਂ ਨੂੰ ਨਹੀਂ।''

 

ਮਾਲਵਾ ਖੇਤਰ ਤੋਂ ਸੈਂਕੜੇ ਗੱਡੀਆਂ ਦਾ ਬੱਝਵਾਂ ਕਾਫ਼ਲਾ ਸ਼ਹੀਦੀ ਜੋੜ-ਮੇਲੇ ਵਿੱਚ ਸਮੇਂ ਸਿਰ ਪੁੱਜਣ ਨੂੰ ਯਕੀਨੀ ਬਣਾਉਣ ਲਈ ਇੱਕ ਰਾਤ ਪਹਿਲਾਂ ਹੀ ਬਾਬਾ ਬੁੱਢਾ ਜੀ ਗੁਰਦੁਆਰਾ ਵਿਖੇ ਪਹੁੰਚ ਗਿਆ। ਇਸ ਲੰਮੇਰੇ ਕਾਫ਼ਲੇ ਵਿੱਚ ਵੱਡੀ ਗਿਣਤੀ ਔਰਤਾਂ ਵੀ ਸਨ। ਇਸ ਗੁਰਦੁਆਰੇ ਤੋਂ ਪਿੰਡ ਸੌੜੀਆਂ ਤੱਕ ਅਟਾਰੀ-ਬਾਘਾ ਬਾਰਡਰ ਹੁੰਦਾ ਹੋਇਆ 60 ਕਿਲੋਮੀਟਰ ਮਾਰਚ ਕਰਦਾ ਬੱਝਵਾਂ ਕਾਫ਼ਲਾ ਜਦੋਂ ਪੰਡਾਲ ਵਿੱਚ ਪੁੱਜਾ ਤਾਂ ਵਿਸ਼ਾਲ ਪੰਡਾਲ ਵੀ ਛੋਟਾ ਪੈ ਗਿਆ। ਮਾਝਾ ਖੇਤਰ ਦੇ ਕਾਫ਼ਲੇ ਆਪੋ ਆਪਣੇ ਖੇਤਰਾਂ ਤੋਂ ਸਿੱਧੇ ਪੰਡਾਲ 'ਚ ਪੁੱਜੇ। ਪਹਿਲਾਂ ਪੁੱਜੇ ਜੱਥੇ ਜਿਹੜੇ ਇਹ ਚਰਚਾ ਕਰ ਰਹੇ ਸਨ ਕਿ ''ਬਈ ਇਹ ਐਡਾ ਪੰਡਾਲ ਭਰਨਾ ਕਿਵੇਂ ਐ?'' ਉਹੀ ਟਿੱਪਣੀਆਂ ਕਰ ਰਹੇ ਸਨ ਕਿ, ''ਸਾਡੇ ਤਾਂ ਸਾਰੇ ਅੰਦਾਜ਼ੇ ਹੀ ਗਲਤ ਸਾਬਤ ਹੋ ਗਏ।'' ਸਾਰਾ ਪੰਡਾਲ ਤੁੰਨ ਕੇ ਭਰਿਆ ਸੀ। ਪਿੱਛੇ ਸੜਕ ਤੱਕ ਲੋਕ ਖੜ੍ਹੇ ਸਨ। ਪੰਡਾਲ ਤੋਂ ਬਾਹਰ ਖੜ੍ਹੀਆਂ ਬੱਸਾਂ ਦੀਆਂ ਛੱਤਾਂ ਭਰੀਆਂ ਸਨ। ਬੱਚੇ, ਬੁੱਢੇ, ਨੌਜਵਾਨ, ਵੱਡੀ ਗਿਣਤੀ ਵਿੱਚ ਔਰਤਾਂ ਇੱਕ ਪਲ ਵੀ ਅਜਾਈਂ ਨਾ ਕਰਦੇ ਹੋਏ ਪਲਾਂ-ਛਿਣਾਂ ਵਿੱਚ ਪੰਡਾਲ ਵਿੱਚ ਜੁੜ ਬੈਠੇ।


ਇਸ ਕਾਫ਼ਲੇ ਵਿੱਚ ਸ਼ਾਮਲ ਮਰਦ-ਔਰਤਾਂ ਭਾਵੇਂ ਕਿਸੇ ਵੀ ਇਲਾਕੇ ਤੋਂ ਆਏ, ਭਾਵੇਂ ਕਿਸੇ ਵੀ ਉਮਰ ਦੇ ਸਨ, ਭਾਵੇਂ ਕਿਸੇ ਵੀ ਮਿਹਨਤਕਸ਼ ਤਬਕੇ ਨਾਲ ਸਬੰਧਤ ਸਨ, ਉਹ ਸਭੇ ਆਪਣੇ ਮਹਿਬੂਬ ਸ਼ਹੀਦ ਨੂੰ ਸਿਜਦਾ ਕਰਨ ਆਏ ਇੱਕ ਜਨਤਕ ਸਾਗਰ ਵਿੱਚ ਸਮੋਏ ਜਾਪ ਰਹੇ ਸਨ। ਕੱਦਾਵਰ ਆਗੂ ਦੇ ਵਿਗੋਚੇ ਕਾਰਨ ਇਹ ਚਿਹਰੇ ਉਦਾਸ ਤਾਂ ਕੀ ਹੋਣੇ ਸਨ, ਇਹ ਆਪਣੇ ਆਪ ਨੂੰ ਮਾਣ-ਮੱਤੇ ਮਹਿਸੂਸ ਕਰ ਰਹੇ ਸਨ ਕਿ ਉਹਨਾਂ ਦਾ ਜੁਝਾਰ ਆਗੂ ਉਹਨਾਂ ਨੂੰ ਜ਼ਿੰਦਗੀ ਅਤੇ ਮੌਤ ਦੇ ਮਾਅਨੇ ਸਮਝਾ ਕੇ ਗਿਆ ਹੈ। 

ਪੰਜਾਬ ਦੇ ਇੱਕ ਕੋਨੇ ਤੋਂ ਲੈ ਕੇ ਦੂਜੇ ਕੋਨੇ ਤੱਕ ਦੀ ਜੁੜੀ ਜਨਤਾ ਦੀ ਇਸ ਅਟੁੱਟ ਲੜੀ ਵਿੱਚ ਸਤਲੁਜ, ਬਿਆਸ ਅਤੇ ਰਾਵੀ ਤੱਕ ਦੇ ਪਾਣੀਆਂ ਵਿੱਚ ਉੱਠ ਰਹੀਆਂ ਲੋਕ-ਲਹਿਰਾਂ  ਦੀਆਂ ਤਰੰਗਾਂ ਦੀ ਹਲਚਲ ਸਮੋਈ ਸੀ। ਲੁੱਟੀ ਜਾ ਰਹੀ ਕਿਰਤ ਦੀ ਗਾਥਾ ਸੀ। ਖੋਹੀਆਂ ਜਾ ਰਹੀਆਂ ਜ਼ਮੀਨਾਂ, ਉਜਾੜੇ, ਕਰਜ਼ੇ, ਮਹਿੰਗਾਈ, ਔਰਤਾਂ ਉੱਪਰ ਢਾਹੇ ਜਾ ਰਹੇ ਜਬਰ, ਕਾਲੇ ਕਾਨੂੰਨਾਂ ਦੇ ਤਿੱਖੇ ਕੀਤੇ ਜਾ ਰਹੇ ਦੰਦਿਆਂ, ਜ਼ਮੀਨਾਂ ਗ੍ਰਹਿਣ ਕਰਨ ਲਈ ਕਸੇ ਜਾ ਰਹੇ ਪੇਚਾਂ, ਅਸ਼ਲੀਲ ਸਭਿਆਚਾਰ, ਗ਼ਦਰ ਲਹਿਰ, ਦੁੱਲੇ ਭੱਟੀ ਦੀ ਗਾਥਾ ਅਤੇ ਜਮਹੂਰੀ ਹੱਕਾਂ ਦੀ ਰਾਖੀ ਲਈ ਉੱਠ ਖੜ੍ਹੇ ਹੋਣ ਦੀ ਬੁਲੰਦ ਆਵਾਜ਼ ਸੀ। ਭੂ-ਮਾਫ਼ੀਏ, ਸਰਕਾਰ, ਪੁਲਸ-ਸਿਵਲ ਪ੍ਰਸਾਸ਼ਨ ਅਤੇ ਗੁੰਡਾ ਗੱਠਜੋੜ ਦੇ ਨਾਪਾਕ ਇਰਾਦਿਆਂ ਨੂੰ ਬੇਪਰਦ ਕਰਨ ਅਤੇ ਜਨਤਕ ਤਾਕਤ ਦੇ ਜ਼ੋਰ ਨਾਕਾਮ ਕਰਨ ਦੀ ਗਰਜਵੀਂ ਲਲਕਾਰ ਸੀ।

ਵਾਲੰਟੀਅਰ, ਪ੍ਰਬੰਧਾਂ, ਲੰਗਰ ਦੀਆਂ ਸੇਵਾਵਾਂ ਦੇ ਆਪੋ ਆਪਣੇ ਮੋਰਚਿਆਂ ਉਪਰ ਡਟੇ ਸਭਨਾਂ ਕਾਮਿਆਂ ਦਾ ਕੇਂਦਰੀ ਅਤੇ ਸਾਂਝਾ ਨੁਕਤਾ ਸਮਾਗਮ ਨੂੰ ਹਰ ਹਾਲਤ ਸਫਲ ਕਰਕੇ, ਵਿਸ਼ੇਸ਼ ਤੌਰ 'ਤੇ ਇਸ ਖੇਤਰ ਅੰਦਰ ਲੋਕਾਂ ਨੂੰ ਦਹਿਸ਼ਤਜ਼ਦਾ ਕਰਕੇ ਲਾਦੂ ਕੱਢਣ ਦਾ ਭਰਮ ਪਾਲ ਰਹੇ ਲਾਣੇ ਨੂੰ ਸੁਣਾਉਣੀ ਕਰਨਾ ਸੀ ਕਿ ਜਾਗਦੀ ਅਤੇ ਜੂਝਦੀ ਕਿਸਾਨ ਲਹਿਰ ਨਾਲ ਮੱਥਾ ਲਾਉਣ ਦੀ ਕੀਮਤ ਹਰ ਹਾਲਤ ਤਾਰਨੀ ਪਵੇਗੀ। ਠਾਠਾਂ ਮਾਰਦਾ ਇਹ ਸ਼ਹੀਦੀ ਜੋੜ-ਮੇਲਾ ਉਸ ਹੋਛੇ ਪ੍ਰਚਾਰ ਦੀ ਚੰਗੀ ਖ਼ਬਰ ਲੈ ਰਿਹਾ ਸੀ ਜਿਸ ਰਾਹੀਂ ਇਹ ਪ੍ਰਚਾਰਿਆ ਗਿਆ ਸੀ ਕਿ ''ਸਾਧੂ ਸਿੰਘ ਤਖ਼ਤੂਪੁਰਾ ਦੇ ਵਾਰਸ ਉਸਦੀ ਸ਼ਹਾਦਤ ਉਪਰੰਤ ਹੁਣ ਇਲਾਕਾ ਛੱਡ ਗਏ।'' ਜਦੋਂ ਕਿ ਇਸ ਹੋਛੇ ਅਤੇ ਥੋਥੇ ਪ੍ਰਚਾਰ 'ਚ ਕੋਈ ਦਮ ਨਹੀਂ ਸੀ। ਬੀ.ਕੇ.ਯੂ. ਏਕਤਾ (ਉਗਰਾਹਾਂ) ਦੇ ਸਥਾਨਕ ਕਾਮੇ ਜਿਹੜੇ ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਨਾਲ ਜਖ਼ਮੀ ਵੀ ਹੋਏ ਉਹ ਵੀ ਉਸ ਵੇਲੇ ਤੋਂ ਜਥੇਬੰਦੀ ਦਾ ਝੰਡਾ ਉਠਾ ਕੇ ਤੁਰੇ ਅਤੇ ਸ਼ਹੀਦ ਦੀ ਜੱਥੇਬੰਦੀ ਪੰਜਾਬ ਦੇ ਹੋਰਨਾਂ ਖੇਤਰਾਂ ਅੰਦਰ ਵੀ ਜਾਨ-ਹੂਲਵੇਂ ਕਿੰਨੇ ਹੀ ਗੋਬਿੰਦਪੁਰਾ ਅਤੇ ਸ਼ਰੂਤੀ ਅਗਵਾ ਕਾਂਡ ਵਰਗੇ ਘੋਲਾਂ ਦੇ ਮੈਦਾਨ ਵਿੱਚ ਡਟ ਕੇ ਨਿੱਤਰੀ ਹੈ। ਪੰਜਾਬ ਦੇ ਸ਼ਰੋਮਣੀ ਨਾਟਕਕਾਰ ਗੁਰਸ਼ਰਨ ਸਿੰਘ ਦੀ ਚੰਡੀਗੜ੍ਹ ਵਿਖੇ ਪਲਸ ਮੰਚ ਵੱਲੋਂ ਮਨਾਈ ਬਰਸੀ ਮੌਕੇ ਲਾ-ਮਿਸਾਲ ਸ਼ਮੂਲੀਅਤ ਕਰਨ ਦਾ ਨਮੂਨਾ ਬਣੀ ਹੈ। ਸ਼ਹੀਦ ਸਾਧੂ ਸਿੰਘ ਦੇ ਜਨਮ ਅਸਥਾਨ ਤਖ਼ਤੂਪੁਰਾ ਵਿਖੇ ਬੀਤੇ ਦੋ ਵਰ੍ਹੇ ਮਨਾਈ ਲਗਾਤਾਰ ਪ੍ਰਭਾਵਸ਼ਾਲੀ ਬਰਸੀ ਦੀ ਲੜੀ ਵਜੋਂ, ਇਸ ਵਰ੍ਹੇ 16 ਫਰਵਰੀ ਨੂੰ ਤਖਤੁਪੁਰਾ ਵਿਖੇ ਇਲਾਕਾ ਪੱਧਰੀ ਸਮਾਗਮ ਅਤੇ ਸੌੜੀਆਂ (ਅੰਮ੍ਰਿਤਸਰ) ਵਿਖੇ 20 ਫਰਵਰੀ ਨੂੰ ਸੂਬਾਈ ਸਮਾਗਮ ਨੇ ਆਪੋ ਆਪਣੀ ਥਾਂ ਅਮਿਟ ਪ੍ਰਭਾਵ ਛੱਡਿਆ। 

ਪੰਜਾਬ ਦੇ ਕੋਨੇ ਕੋਨੇ ਤੋਂ ਆਏ ਜੱਥਿਆਂ ਦੇ ਜੱਥੇ ਜੋ ਆਪੋ ਵਿੱਚ ਗੱਲਾਂ, ਵਿਚਾਰਾਂ ਕਰਦੇ ਸੁਣੇ ਗਏ, ਉਸਦਾ ਸਾਰ-ਤੱਤ ਅਜਿਹਾ ਸੀ ਕਿ, ''ਇਕੱਠੇ ਹੋਣ ਅਤੇ ਸੰਘਰਸ਼ ਬਿਨਾ ਕੋਈ ਚਾਰਾ ਨਹੀਂ। ਸਾਧੂ ਤਾਂ ਆਪਣੇ ਹਿੱਸੇ ਦੀ ਜਿੰਮੇਵਾਰੀ ਆਖਰੀ ਸਾਹ ਤੱਕ ਨਿਭਾ ਗਿਆ ਹੁਣ ਸਾਡਾ ਫਰਜ਼ ਬਣਦਾ ਹੈ ਕਿ ਅਸੀਂ ਉਸਦੇ ਅਧੂਰੇ ਕਾਜ਼ ਨੂੰ ਨੇਪਰੇ ਚਾੜ੍ਹਨ ਲਈ ਸਿਰ ਜੋੜ ਕੇ ਅੱਗੇ ਵਧੀਏ।'' ਐਡੀ ਵਿਸ਼ਾਲ ਗਿਣਤੀ ਵਿੱਚ ਮਚਲਦੀ ਭਾਵਨਾ ਇਹ ਦਰਸਾ ਰਹੀ ਸੀ ਕਿ ਉਹ ਕੋਈ ਆਰਥਿਕ ਮੰਗ ਦੀ ਪੂਰਤੀ ਲਈ ਨਹੀਂ ਆਏ। ਇਸ ਦਿਨ ਉਹ ਬਿਜਲੀ ਬਿੱਲਾਂ ਜਾਂ ਕਰਜ਼ੇ 'ਤੇ ਲੀਕ ਮਰਵਾਉਣ ਵੀ ਨਹੀਂ ਆਏ। ਇਸ ਜੋੜ ਮੇਲੇ ਵਿੱਚ ਸਾਮਲ ਹੋਣ ਅਤੇ ਖੜ੍ਹੇ ਹੋ ਕੇ ਆਪਣੇ ਮਹਿਬੂਬ ਸ਼ਹੀਦ ਨੂੰ ਸ਼ਰਧਾਂਜਲੀ ਦੇਣ ਦੀ ਮਹੱਤਤਾ ਦਾ ਪ੍ਰਸੰਗ ਆਰਥਿਕ ਮੰਗਾਂ-ਮਸਲਿਆਂ ਤੋਂ ਕਿਤੇ ਵਡੇਰਾ ਅਤੇ ਉਚੇਰਾ ਹੈ।

ਵਿਸ਼ੇਸ਼ ਕਰਕੇ ਆਬਾਦਕਾਰਾਂ ਨਾਲ ਸਬੰਧਤ ਮਾਝੇ ਦੇ ਖੇਤਰ 'ਚੋਂ ਆਏ ਲੋਕਾਂ ਦੀਆਂ ਟਿੱਪਣੀਆਂ ਸਨ ਕਿ ਜਿਸ ਤਰ੍ਹਾਂ ਭੂ-ਮਾਫ਼ੀਆ ਉਸਦੇ ਸਰਗਰਣੇ ਅਕਾਲੀ ਆਗੂ ਵੀਰ ਸਿੰਘ ਲੋਪੋਕੇ ਵਰਗੇ ਦਹਿਸ਼ਤ ਜਮਾ ਕੇ ਚੰਮ ਦੀਆਂ ਚਲਾਉਣਾ ਚਾਹੁੰਦੇ ਹਨ, ਅੱਜ ਦਾ ਇਤਿਹਾਸਕ ਜੋੜ ਮੇਲਾ ਉਹਨਾਂ ਦੀਆਂ ਕਾਲੀਆਂ ਸਕੀਮਾਂ ਅਤੇ ਇਰਾਦਿਆਂ ਨੂੰ ਧੂੜ ਵਿੱਚ ਮਿਲਾ ਸੁੱਟਣ ਦਾ ਐਲਾਨ ਹੈ। ਆਪਣੀਆਂ ਜ਼ਮੀਨਾਂ ਦੀ ਰਾਖੀ ਲਈ ਉੱਠ ਖੜ੍ਹੇ ਹੋਣ ਲਈ ਨਗਾਰੇ 'ਤੇ ਚੋਟ ਹੈ। ਬੀ.ਕੇ.ਯੂ. ਏਕਤਾ ਬਾਰੇ ਹੋਛੇ ਤੋਤਕੜੇ ਛੱਡਣ ਵਾਲਿਆਂ ਦੀਆਂ ਜੀਭਾਂ ਠਾਕਣ ਦੀ ਗਰਜ਼ ਹੈ। ਕਿਸਾਨ ਅਤੇ ਖੇਤ ਮਜ਼ਦੂਰ ਪਰਿਵਾਰਾਂ ਵਿੱਚੋਂ ਆਈਆਂ ਔਰਤਾਂ ਆਪੋ ਵਿੱਚ ਗੱਲਾਂ ਕਰ ਰਹੀਆਂ ਸਨ ਕਿ, ''ਐਨੀ ਭੀੜ ਦੇ ਬਾਵਜੂਦ ਜਿਵੇਂ ਕਿਸਾਨ ਯੂਨੀਅਨ ਵਾਲੇ ਪੰਡਾਲ, ਅਤੇ ਲੰਗਰ ਆਦਿ ਸਭਨਾਂ ਬੰਦੋਬਸਤਾਂ ਵਿੱਚ ਔਰਤਾਂ ਦਾ ਸਤਿਕਾਰ ਕਰ ਰਹੇ ਹਨ, ਸਾਡੇ ਤਾਂ ਵਿਚਾਰ ਹੀ ਬਦਲ ਗਏ। ਸਾਨੂੰ ਪਿੰਡੋਂ ਚੱਲਣ ਵੇਲੇ ਵੱਡੇ 'ਕੱਠ ਕਰਕੇ 'ਡਰ' ਲੱਗਦਾ ਸੀ ਕਿ ਨਾ ਜਾਣੇ ਕੋਈ ਉਥੇ ਔਰਤਾਂ ਲਈ ਦਿੱਕਤ ਨਾ ਹੋ ਜਾਏ ਪਰ ਅਸੀਂ ਤਾਂ ਆਪਣੀ ਜ਼ਿੰਦਗੀ ਨਾਲ ਸਬੰਧਤ ਦੁੱਖਾਂ ਦਰਦਾਂ ਅਤੇ ਮੁਕਤੀ ਦੀਆਂ ਗੱਲਾਂ ਸੁਣਕੇ ਅਤੇ ਸਾਡੀਆਂ ਇੱਜਤਾਂ ਦੇ ਸਾਂਝੀਆਂ ਦਾ ਵਰਤ ਵਿਹਾਰ ਦੇਖ ਕੇ ਅੱਗੇ ਤੋਂ ਪੱਕਾ ਮਨ ਬਣਾ ਲਿਐ ਕਿ ਸਾਰੇ 'ਕੱਠਾਂ ਵਿੱਚ ਆਇਆ ਕਰਾਂਗੇ। ਯੂਨੀਅਨ ਦੀ ਡਟ ਕੇ ਮੱਦਦ ਕਰਾਂਗੇ।''

ਸਮਾਗਮ ਵਿੱਚ ਜਿਸ ਅੰਦਾਜ਼ ਵਿੱਚ ਵਾਅਦਾ ਮੁਆਫ ਗਵਾਹ ਸੰਦੀਪ ਕੋਹਾਲਾ ਦਾ ਹਲਫ਼ੀਆ ਬਿਆਨ ਪੇਸ਼ ਹੋਇਆ, ਉਸਨੇ ਖਚਾ-ਖਚ ਭਰੇ ਪੰਡਾਲ ਨੂੰ ਝੰਜੋੜ ਕੇ ਰੱਖ ਦਿੱਤਾ। ਦੱਸਿਆ ਗਿਆ ਕਿ ਸੰਦੀਪ ਨੇ ਅਦਾਲਤ ਵਿੱਚ ਅਰਜ਼ੀ ਪੇਸ਼ ਕਰਕੇ ਵੀਰ ਸਿੰਘ ਲੋਪੋਕੇ ਅਤੇ ਉਸਦੇ ਕਾਕੇ ਰਾਣੇ ਸਮੇਤ ਸਭਨਾਂ ਕਾਤਲਾਂ ਨੂੰ ਕਟਹਿਰੇ ਵਿੱਚ ਖੜ੍ਹੇ ਕਰਨ ਦੀ ਮੰਗ ਕੀਤੀ ਹੈ। ਇਹ ਵੀ ਦੱਸਿਆ ਕਿ ਸੰਦੀਪ ਅਤੇ ਇਸ ਕਤਲ ਨਾਲ ਜੁੜੀਆਂ ਤਾਰਾਂ ਕਿਵੇਂ ਜੱਗ ਜ਼ਾਹਰ ਕੀਤੀਆਂ ਹਨ। ਇਸ ਬਿਆਨ ਨੇ ਕਿਸਾਨ ਯੂਨੀਅਨ ਅਤੇ ਸਭਨਾਂ ਇਨਸਾਫਪਸੰਦ, ਇਨਕਲਾਬੀ ਜਮਹੂਰੀ ਸ਼ਕਤੀਆਂ ਵੱਲੋਂ ਕਤਲ ਦੀਆਂ ਅਸਲ ਮੁਜਰਿਮ ਸ਼ਕਤੀਆਂ ਉਪਰ ਪਹਿਲਾਂ ਹੀ ਧਰੀ ਉਂਗਲ ਦੇ ਸਹੀ ਹੋਣ ਦੀ ਪੁਸ਼ਟੀ ਕੀਤੀ ਹੈ।

ਬੀ.ਕੇ.ਯੂ. ਏਕਤਾ ਦੀ ਸੂਬਾਈ, ਜ਼ਿਲ੍ਹਿਆਂ, ਸਥਾਨਕ ਲੀਡਰਸ਼ਿੱਪ, ਭਰਾਤਰੀ ਕਿਸਾਨ ਜਥੱਬੇਦੀਆਂ ਤੋਂ ਇਲਾਵਾ ਸ਼ਹੀਦ ਦੀ ਤਸਵੀਰ 'ਤੇ ਫੁੱਲ ਭੇਟ ਕਰਨ ਵਾਲਿਆਂ ਵਿੱਚ ਜਮਹੂਰੀ ਹੱਕਾਂ ਦੀ ਲਹਿਰ ਦੇ ਆਗੂ ਡਾ. ਪਰਮਿੰਦਰ ਸਿੰਘ, ਪਲਸ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ, ਜਮਹੂਰੀ ਅਧਿਕਾਰ ਸਭਾ ਦੇ ਅਮਰਜੀਤ ਬਾਈ, ਯਸ਼ਪਾਲ ਝਬਾਲ, ਮੇਜਰ ਸਿੰਘ, ਕਾਮਰੇਡ ਗੁਰਦੇਵ ਕਾਲਾ ਆਦਿ ਸ਼ਾਮਲ ਸਨ। 

ਬੀ.ਕੇ.ਯੂ. ਏਕਤਾ ਦੇ ਪ੍ਰਧਾਨ ਜੋਗਿੰਦਰ ਸਿੰਘ ਉਗਰਾਹਾਂ ਨੇ ਸ਼ਹੀਦ ਤਖਤੂਪੁਰਾ ਦੀ ਕੁਰਬਾਨੀ ਦੀ ਜੈ ਜੈਕਾਰ ਕਰਦਿਆਂ ਕਿਹਾ ਕਿ ਸ਼ਹੀਦ ਦੇ ਲਹੂ ਨਾਲ ਸਿੰਜਿਆ ਜੱਥੇਬੰਦੀ ਦਾ ਬੂਟਾ ਅਨੇਕਾਂ ਝੱਖੜਾਂ ਦੇ ਬਾਵਜੂਦ ਮੌਲਰਦਾ ਜਾ ਰਿਹਾ ਹੈ। ਉਹਨਾਂ ਕਿਹਾ ਕਿ ਆਬਾਦਕਾਰ, ਜ਼ਮੀਨਾਂ ਖੋਹਣ ਦੀ ਧੱਕੜ ਕਾਰਵਾਈ ਅੱਗੇ ਕੰਧ ਬਣ ਕੇ ਖੜ੍ਹੇ ਹਨ। ਉਹਨਾਂ ਕਿਹਾ ਭੂ-ਮਾਫ਼ੀਏ ਦੇ ਚੰਦਰੇ ਮਨਸੂਬੇ ਸ਼ਹੀਦ ਦੀ ਕੁਰਬਾਨੀ ਅਤੇ ਜ਼ਖਮੀਆਂ ਵੱਲੋਂ ਡਟ ਕੇ ਖੜ੍ਹਨ ਦੇ ਇਰਾਦੇ ਸਦਕਾ ਧੂੜ ਵਿੱਚ ਮਿਲਾ ਧਰੇ ਹਨ। 

ਜਥੇਬੰਦੀ ਦੇ ਜਨਰਲ ਸਕੱਤਰ ਸੁਖਦੇਵ ਸਿੰਘ ਕੋਕਰੀ ਕਲਾਂ ਨੇ ਸ਼ਰਧਾਂਜਲੀ ਭੇਟ ਕਰਦੇ ਹੋਏ ਦੱਸਿਆ ਕਿ ਅੱਜ ਦੇ ਦੌਰ ਵਿੱਚ ਸ਼ਹੀਦ ਦੇ ਕਾਜ਼ ਨੂੰ ਅੱਗੇ ਤੋਰਦਿਆਂ ਜੱਥੇਬੰਦੀ ਵੱਲੋਂ ਜ਼ਮੀਨ ਦੀ ਤੋਟ ਪੂਰੀ ਕਰਵਾਉਣ ਅਤੇ ਬੇਘਰਿਆਂ ਨੂੰ ਦਸ ਦਸ ਮਰਲੇ ਦੇ ਪਲਾਟ ਦਿਵਾਉਣ, ਸੂਦਖੋਰੀ ਨੂੰ ਨੱਥ ਮਾਰਦਾ ਕਰਜ਼ਾ ਕਾਨੂੰਨ ਬਣਾਉਣ, ਮੁਕੰਮਲ ਕਰਜ਼ਾ ਮੁਕਤੀ ਕਰਾਉਣ, ਜਨਤਕ ਵੰਡ ਪ੍ਰਣਾਲੀ ਮਜਬੂਤ ਕਰਕੇ ਸਾਰੇ ਲੋੜਵੰਦ ਗਰੀਬਾਂ ਨੂੰ ਜੀਵਨ ਲੋੜਾਂ ਸਸਤੀਆਂ ਦੁਆਉਣ ਅਤੇ 58 ਸਾਲ ਦੀ ਉਮਰ ਤੋਂ ਮਗਰੋਂ ਦਰਜਾ ਚਾਰ ਕਰਮਚਾਰੀ ਦੇ ਬਰਾਬਰ ਪੈਨਸ਼ਨ ਦੁਆਉਣ ਵਰਗੀਆਂ ਬੁਨਿਆਦੀ ਮੰਗਾਂ ਨੂੰ ਲੈ ਕੇ 10 ਮਾਰਚ ਤੋਂ ਬਠਿੰਡਾ ਮਿੰਨੀ ਸਕੱਤਰੇਤ ਅੱਗੇ ਜਚਵਾਂ ਮੋਰਚਾ ਸ਼ੁਰੂ ਕੀਤਾ ਜਾਏਗਾ। ਉਹਨਾਂ ਸਭਨਾਂ ਪ੍ਰਵਾਨ ਸ਼ੁਦਾ ਮੰਗਾਂ ਨੂੰ ਅਮਲੀ ਜਾਮਾ ਪਹਿਨਾਉਣ ਲਈ ਮੋਰਚਾ ਆਵਾਜ਼ ਉਠਾਏਗਾ ਜੋ ਲਿਖਤੀ ਤੌਰ 'ਤੇ ਸਰਕਾਰ ਨੇ ਸਵਾ ਸਾਲ ਪਹਿਲਾਂ ਪ੍ਰਵਾਨ ਕੀਤੀਆਂ ਸਨ। 

ਔਰਤ ਆਗੂ ਹਰਿੰਦਰ ਕੌਰ ਬਿੰਦੂ ਨੇ ਸ਼ਹੀਦ ਤਖਤੂਪੁਰਾ ਵੱਲੋਂ ਔਰਤਾਂ ਨੂੰ ਜਾਗਰਤ ਅਤੇ ਜਥੇਬੰਦ ਕਰਨ ਪੱਖੋਂ ਪਾਏ ਯੋਗਦਾਨ ਨੂੰ ਚਿਤਾਰਿਆ ਅਤੇ ਕਿਹਾ ਕਿ ਸ਼ਰੂਤੀ ਕਾਂਡ ਨਾਲ ਸਬੰਧਤ 9 ਫਰਵਰੀ ਨੂੰ ਫਰੀਦਕੋਟ ਜਥੇਬੰਦੀ ਦੇ ਝੰਡੇ ਥੱਲੇ ਹਜ਼ਾਰਾਂ ਔਰਤਾਂ ਵੱਲੋਂ ਕੀਤੇ ਗੁੰਡਾਗਰਦੀ ਵਿਰੋਧੀ ਵਿਖਾਵੇ ਨਾਲ ਇਸਦਾ ਸਿੱਧਾ ਸਬੰਧ ਹੈ। ਬਿੰਦੂ ਨੇ 1 ਮਾਰਚ ਨੂੰ ਬਰਨਾਲਾ ਵਿਖੇ ਕੀਤੀ ਜਾ ਰਹੀ ਸੂਬਾਈ ਔਰਤ ਜਾਗਰਤੀ ਕਨਵੈਨਸ਼ਨ ਦੇ ਮਹੱਤਵ 'ਤੇ ਵੀ ਰੌਸ਼ਨੀ ਪਾਈ। 

ਬੀ.ਕੇ.ਯੂ. ਦੇ ਸੀਨੀਅਰ ਮੀਤ ਪ੍ਰਧਾਨ ਝੰਡਾ ਸਿੰਘ ਜੇਠੂਕੇ ਨੇ ਜਨਤਕ ਆਧਾਰ ਵਾਲੀ ਕਿਸਾਨ ਜਥੇਬੰਦੀ ਅਤੇ ਲਹਿਰ ਉਸਾਰਨ ਉਪਰ ਜ਼ੋਰ ਦੇ ਕੇ ਸ਼ਹੀਦ ਨੂੰ ਸੱਚੀ ਸ਼ਰਧਾਂਜਲੀ ਭੇਟ ਕਰਨ ਦੇ ਨੁਕਤੇ ਨੂੰ ਕੇਂਦਰ ਵਿੱਚ ਰੱਖਿਆ।

ਬੀ.ਕੇ.ਯੂ. ਦੇ ਆਗੂ ਸ਼ਿੰਗਾਰਾ ਸਿੰਘ ਮਾਨ ਨੇ 20-21 ਫਰਵਰੀ ਨੂੰ ਮੁਲਕ ਵਿਆਪੀ ਦੋ ਰੋਜ਼ਾ ਹੜਤਾਲ ਦੇ ਡਟਵੇਂ ਸਮਰਥਨ ਦਾ ਮਤਾ ਪੇਸ਼ ਕੀਤਾ। ਪੰਜਾਬ ਸਰਕਾਰ ਵੱਲੋਂ ਸਾਮਰਾਜੀ ਕੰਪਨੀ ਮੌਨਸੈਂਟੋ ਨਾਲ ਬੀਜਾਂ ਸਬੰਧੀ ਕੀਤਾ ਕਿਸਾਨ ਮਾਰੂ ਸਮਝੌਤਾ ਰੱਦ ਕਰਨ ਦੀ ਮੰਗ ਕੀਤੀ। 

ਸ਼ਰਧਾਂਜਲੀ ਭੇਟ ਕਰਨ ਵਾਲੇ ਹੋਰ ਬੁਲਾਰਿਆਂ 'ਚ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਪ੍ਰਧਾਨ ਹੀਰਾ ਸਿੰਘ ਚੱਕ ਸਿਕੰਦਰ, ਜਨਰਲ ਸਕੱਤਰ ਹਰਚਰਨ ਸਿੰਘ ਮਹੱਦੀਪੁਰ ਤੋਂ ਇਲਾਵਾ ਕਿਸਾਨ ਸੰਘਰਸ਼ ਕਮੇਟੀ ਦੇ ਕਨਵੀਨਰ ਕੰਵਲਪ੍ਰੀਤ ਸਿੰਘ ਪੰਨੂੰ ਅਤੇ ਦੂਜੀ ਕਿਸਾਨ ਸੰਘਰਸ਼ ਕਮੇਟੀ ਦੇ ਪ੍ਰੈਸ ਸਕੱਤਰ ਸਰਵਨ ਸਿੰਘ ਪੰਧੇਰ ਸਮੇਤ ਹੋਰ ਬਹੁਤ ਸਾਰੇ ਆਗੂ ਸ਼ਾਮਲ ਹੋਏ। ਇਹਨਾਂ ਤੋਂ ਇਲਾਵਾ ਕਸ਼ਮੀਰ ਸਿੰਘ ਧੰਗਾਈ, ਜਸਪਾਲ ਸਿੰਘ ਧੰਗਾਈ, ਅਨੋਖ ਸਿੰਘ ਕਰਾਲੀਆ, ਗੁਰਿੰਦਰਧੀਰ, ਰਛਪਾਲ ਟਰਪਈ, ਸੁਖਵਿੰਦਰ ਸਿੰਘ ਧਰਮਕੋਟ, ਸੰਤੋਖ ਸਿੰਘ ਧਰਮਕੋਟ, ਜਸਕਰਨ ਸਿੰਘ ਲੋਪੋਕੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਪ੍ਰਧਾਨ ਸਕੱਤਰ, ਲਖਵਿੰਦਰ ਸਿੰਘ ਮੰਜਿਆਂਵਾਲੀ ਨਰਿੰਦਰ ਸਿੰਘ (ਕੋਟਲਾ ਬਾਮਾ) ਆਦਿ ਵੀ ਹਾਜ਼ਰ ਸਨ।

ਸਮਾਗਮ ਦੇ ਸਿਖਰ 'ਤੇ ਪੰਜਾਬ ਲੋਕ ਸਭਿਆਚਾਰਕ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ ਨੇ ਕਿਸਾਨ ਮਸਲਿਆਂ ਅਤੇ ਸਭਿਆਚਾਰ ਦੀ ਜੁੜਵੀਂ ਤੰਦ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਸ਼ਹੀਦ ਤਖ਼ਤੂਪੁਰਾ ਦੇ ਯਾਦਗਾਰੀ ਸਮਾਗਮ ਅਤੇ ਅਜੋਕੀ ਹਾਲਾਤ ਬਾਰੇ ਗੁਰਸ਼ਰਨ ਭਾਅ ਜੀ ਜੇ ਜਿਉਂਦੇ ਹੁੰਦੇ ਉਹ ਭਲਾ ਕਿਹੋ ਜਿਹੀ ਟਿੱਪਣੀ ਕਰਦੇ। ਅਸੀਂ ਉਸ ਤਰ੍ਹਾਂ ਦਾ ਯਤਨ ਕਰਦੇ ਹੋਏ ਤੁਹਾਡੇ ਘਰਾਂ, ਟਰੈਕਟਰਾਂ, ਮੋਟਰਾਂ, ਮੋਬਾਈਲਾਂ, ਟੇਪਾਂ ਆਦਿ ਵਿੱਚ ਜ਼ਿੰਦਗੀ ਦੇ ਗੀਤ, ਤਖਤੂਪੁਰਾ ਦੇ ਗੀਤ ਅਤੇ ਸੰਘਰਸ਼ਾਂ ਦੇ ਦੀਪ ਜਗਾਉਂਦੇ ਗੀਤ ਲੈ ਕੇ ਜਾਣ ਦੀ ਅਪੀਲ ਕਰਦੇ ਹਾਂ। ਤੁਹਾਡੇ ਸੰਗ ਸਾਥ ਨਾਲ ਹੀ ਲੋਕ-ਮਾਰੂ ਸਭਿਆਚਾਰ ਨੂੰ ਭਾਂਜ ਦਿੱਤੀ ਜਾ ਸਕਦੀ ਹੈ। ਉਹਨਾਂ ਕਿਹਾ ਕਿ ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਦੁੱਲੇ ਦੀ ਵਾਰ ਦਾ ਅਗਲ ਵਰਕਾ ਹੈ। ਉਹਨਾਂ ਕਿਹਾ ਕਿ ਗ਼ਦਰ ਸ਼ਤਾਬਦੀ ਦਾ ਵਰ੍ਹਾ ਪਗੜੀ ਸੰਭਾਲ ਲਹਿਰ ਅਤੇ ਗ਼ਦਰ ਲਹਿਰ ਨੂੰ ਅਜੋਕੇ ਸਰੋਕਾਰਾਂ ਅਤੇ ਚੁਣੌਤੀਆਂ ਦੇ ਪ੍ਰਸੰਗ ਵਿੱਚ ਸਮਝਣ ਦਾ ਵਰ੍ਹਾ ਹੈ। ਜਿਸਦੀ ਤੰਦ ਅੱਜ ਦੇ ਸ਼ਰਧਾਂਜਲੀ ਸਮਾਗਮ ਨਾਲ ਵੀ ਜੁੜੀ ਹੋਈ ਹੈ।

ਇਸ ਮੌਕੇ ਅਮੋਲਕ ਸਿੰਘ ਦਾ ਲਿਖਿਆ ਅਤੇ ਹਰਵਿੰਦਰ ਦੀਵਾਨਾ ਦੁਆਰਾ ਨਿਰਦੇਸ਼ਤ ਕੀਤਾ ਐਕਸ਼ਨ ਗੀਤ ਪਲਸ ਮੰਚ ਦੀ ਇਕਾਈ ਚੇਤਨਾ ਕਲਾ ਕੇਂਦਰ ਬਰਨਾਲਾ ਦੇ ਕਲਾਕਾਰਾਂ ਵੱਲੋਂ ਪੇਸ਼ ''ਕਬਹੂ ਨਾ ਛਾਡੈ ਖੇਤ'' ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ ਨੂੰ ਵਿਲੱਖਣ ਸ਼ਰਧਾਂਜਲੀ ਸੀ, ਜਿਸਦਾ ਤਾੜੀਆਂ ਦੀ ਗੂੰਜ ਨਾਲ ਭਰੇ ਪੰਡਾਲ ਨੇ ਜ਼ੋਰਦਾਰ ਸੁਆਗਤ ਕੀਤਾ। ਗੀਤ ਦੇ ਮੁੱਖੜੇ ਅਤੇ ਪ੍ਰਭਾਵਸ਼ਾਲੀ ਤਕਰੀਰਾਂ ਨੂੰ ਮਨੀਂ ਵਸਾ ਕੇ ਲਿਜਾਂਦੇ ਹਜ਼ਾਰਾਂ ਲੋਕ ਇਉਂ ਜਾਪ ਰਿਹਾ ਸੀ, ਜਿਵੇਂ ਖੁਦ ਗਾ ਰਹੇ ਹੋਣ: 

ਤੇਰੇ ਖ਼ੂਨ 'ਚ ਰੰਗ ਧਰਤੀ 'ਤੇ
ਅਸੀਂ ਬੰਨ੍ਹ ਕਾਫ਼ਲੇ ਆਵਾਂਗੇ
ਤੇਰੇ ਸੁਪਨੇ ਬੀਜ ਕੇ ਧਰਤੀ 'ਤੇ
ਧਰਤੀ ਨੂੰ ਸਵਰਗ ਬਣਾਵਾਂਗੇ

ਕਿਸਾਨੀ ਨੂੰ ਚਿੰਬੜੀ ਆੜ੍ਹਤੀਆ ਸਿਸਟਮ ਦੀ ਜੋਕ

ਫਸਲਾਂ ਦੀ ਸਿੱਧੀ ਅਦਾਇਗੀ ਦੀ ਮੰਗ ਉਭਾਰੋ 

ਆੜ੍ਹਤੀਆਂ ਦੇ ਸਬੰਧ 'ਚ ਕਿਸਾਨਾਂ ਅਤੇ ਉਹਨਾਂ ਦੀਆਂ ਜੱਥੇਬੰਦੀਆਂ 'ਚ ਲੰਮੇ ਸਮੇਂ ਤੋਂ ਵਖਰੇਵੇਂ ਹਨ। ਕੁਝ ਲੋਕ ਸਮਝਦੇ ਹਨ ਕਿ ਆੜ੍ਹਤੀਏ ਕਿਸਾਨਾਂ ਦੇ ਪਿੰਡਿਆਂ 'ਤੇ ਲੱਗੀਆਂ ਹੋਈਆਂ ਜੋਕਾਂ ਹਨ ਜਦੋਂ ਕਿ ਕੁਝ ਹੋਰ ਉਹਨਾਂ ਦੇ ਕਿਸਾਨਾਂ ਨਾਲ ਨਹੁੰ-ਮਾਸ ਦੇ ਰਿਸ਼ਤੇ ਦੀ ਦੁਹਾਈ ਪਾਉਂਦੇ ਹਨ। ਉਂਝ ਇਹਨਾਂ ਦੋਹਾਂ ਗੱਲਾਂ ਵਿੱਚ ਜਿਆਦਾ ਫਰਕ ਨਹੀਂ ਲਗਦਾ। ਆੜ੍ਹਤੀਏ ਅਜਿਹੇ ਨਹੁੰ ਹਨ ਜੋ ਜਿਹਨਾਂ ਕਿਸਾਨਾਂ ਦੇ ਖੂਨ 'ਤੇ ਪਲਦੇ ਹਨ, ਉਹਨਾਂ ਦੇ ਪਿੰਡਿਆਂ ਨੂੰ ਹੀ ਨੋਚਦੇ ਅਤੇ ਲਹੂ-ਲੁਹਾਣ ਕਰਦੇ ਹਨ। ਕਰਜ-ਜਾਲ 'ਚ ਫਸਾ ਕੇ ਉਹਨਾਂ ਦੀਆਂ ਜਮੀਨਾਂ ਕੁਰਕ ਕਰਾਉਂਦੇ ਹਨ। ਵਹੀ-ਖਾਤਿਆਂ 'ਚ ਹੇਰਾ ਫੇਰੀ ਕਰਕੇ ਉਹਨਾਂ ਦੀ ਸਾਰੀ ਕਮਾਈ ਡੀਕ ਜਾਂਦੇ ਹਨ। ਕਿਸਾਨ ਦੀ ਲੁੱਟ ਕਰਨ 'ਚ ਭੋਰਾ ਤਰਸ ਨਹੀਂ ਕਰਦੇ।

ਮੰਡੀ 'ਚ ਕੋਈ ਕੁਝ ਵੀ ਵੇਚਣ ਜਾਵੇ, ਉਹ ਵੇਚਣ ਵਾਲੀ ਚੀਜ਼ ਦਾ ਮੋਲ-ਤੋਲ ਕਰਦਾ ਹੈ ਅਤੇ ਖੁਦ ਨਕਦ ਕੀਮਤ ਵਸੂਲਦਾ ਹੈ। ਪਰ ਕਿਸਾਨਾਂ 'ਤੇ ਇਹ ਨਿਯਮ ਲਾਗੂ ਨਹੀਂ ਹੁੰਦਾ। ਉਹ ਜਦੋਂ ਮੰਡੀ 'ਚ ਆਪਣੀ ਫਸਲ ਵੇਚਣ ਜਾਂਦਾ ਹੈ ਤਾਂ ਨਾ ਉਹ ਮੂਹੋਂ ਮੰਗਿਆ ਮੁੱਲ ਹਾਸਲ ਕਰ ਸਕਦਾ ਹੈ ਅਤੇ ਨਾਂ ਹੀ ਉਸਦੀ ਵੱਟਤ ਖੁਦ ਵਸੂਲ ਕਰ ਸਕਦਾ ਹੈ। ਇਹ ਸਾਰਾ ਕੁਝ ਆੜ੍ਹਤੀਏ ਹੀ ਕਰਦੇ ਹਨ। ਚਾਹੇ "ਪੰਜਾਬ ਖੇਤੀ ਮੰਡੀਕਰਨ ਕਾਨੂੰਨ" 'ਚ ਅਜਿਹੀ ਕੋਈ ਧਾਰਾ ਨਹੀਂ ਜੋ ਕਿਸਾਨਾਂ ਨੂੰ ਉਹਨਾਂ ਦੀ ਫਸਲ ਦੀ ਕੀਮਤ ਆੜ੍ਹਤੀਆਂ ਰਾਹੀਂ ਅਦਾ ਕਰਨਾ ਜਰੂਰੀ ਬਣਾਉਂਦੀ ਹੋਵੇ। ਪਰ ਆਵਦੇ ਪੈਸੇ ਦੇ ਜੋਰ, ਸਿਆਸੀ ਸਰਪ੍ਰਸਤੀ ਹਾਸਲ ਕਰਕੇ ਆੜ੍ਹਤੀਆਂ ਨੇ ਕਨੂੰਨ ਨੂੰ ਖੁੱਡੇ-ਲਾਈਨ ਲਾ ਰੱਖਿਆ ਹੈ। ਕਿਸੇ ਸਰਕਾਰ ਦੀ ਮਜਾਲ ਨਹੀਂ ਕਿ ਉਹਨਾਂ ਦੀਆਂ ਮਨਆਈਆਂ ਨੂੰ ਠੱਲ੍ਹ ਪਾ ਸਕੇ।

ਕਈ ਸਾਲਾਂ ਤੋਂ "ਭਾਰਤੀ ਖੁਰਾਕ ਨਿਗਮ" ਵਾਰ ਵਾਰ ਕਿਸਾਨਾਂ ਨੂੰ ਉਹਨਾਂ ਦੀਆਂ ਜਿਣਸਾਂ ਦੀ ਕੀਮਤ ਸਿੱਧਿਆਂ ਚੈੱਕ ਰਾਹੀਂ ਅਦਾ ਕਰਨ ਦੇ ਹੁਕਮ ਜਾਰੀ ਕਰ ਰਹੀ ਹੈ। ਪਰ ਐਨ ਮੌਕੇ 'ਤੇ ਆਕੇ ਇਹ ਹੁਕਮ ਰੱਦ ਹੋ ਜਾਂਦੇ ਹਨ। ਆੜ੍ਹਤੀਏ ਆਵਦੀ ਸਿਆਸੀ ਤਾਕਤ ਦੇ ਜੋਰ ਮੁੱਖ ਮੰਤਰੀ ਦਾ ਕੰਨ ਫੜਕੇ ਦਿੱਲੀ ਦਰਬਾਰ 'ਚ ਲਜਾ ਖੜ੍ਹਾ ਕਰਦੇ ਹਨ। ਇਸ ਸਾਲ ਵੀ ਇਹੋ ਵਾਪਰ ਰਿਹਾ ਹੈ।

"ਪੰਜਾਬ ਮੰਡੀ ਖੇਤੀਕਰਨ ਕਾਨੂੰਨ" ਦੇ ਤਹਿਤ ਕਿਸਾਨਾਂ ਨੂੰ ਆਪਣੀ ਜਿਣਸ ਮੰਡੀ 'ਚ ਲਿਜਾ ਕੇ ਆੜ੍ਹਤੀਆਂ ਰਾਹੀਂ ਵੇਚਣੀ ਲਾਜ਼ਮੀ ਹੈ। ਆੜ੍ਹਤੀਏ ਮੰਡੀ 'ਚ ਜਿਣਸ ਦੀ ਸਾਫ-ਸਫਾਈ ਲਈ ਮਜ਼ਦੂਰਾਂ ਦਾ ਪ੍ਰਬੰਧ ਕਰਦੇ ਹਨ ਜਿਹਨਾਂ ਦਾ ਮਿਹਨਤਾਨਾ ਕਿਸਾਨਾਂ ਸਿਰੋਂ ਕੱਟਿਆ ਜਾਂਦਾ ਹੈ। ਕਿਸਾਨਾਂ ਨੂੰ ਆਵਦੀ ਜਿਣਸ ਦਾ ਵੱਧ ਭਾਅ ਦੁਆਉਣ ਜਾਂ ਉਹਦੀ ਜਿਣਸ ਜਲਦੀ ਵਿਕਵਾ ਕੇ ਉਸਦੀ ਖੱਜਲ-ਖੁਆਰੀ ਰੋਕਣ ਆਦਿ ਮਾਮਲਿਆਂ ਵਿੱਚ ਆੜ੍ਹਤੀਏ ਬਿਲਕੁੱਲ ਹੀ ਮਦੱਦਗਾਰ ਨਹੀਂ ਹੁੰਦੇ। ਨਾ ਹੀ ਉਹ ਕਿਸਾਨਾਂ ਨੂੰ ਮੰਡੀ ਬਾਰੇ ਲੋੜੀਂਦੀ ਜਾਣਕਾਰੀ ਦਿੰਦੇ ਹਨ। ਇਸ ਤਰ੍ਹਾਂ ਬਿਨਾਂ ਕੁਝ ਕੀਤਿਆਂ ਕਰਾਇਆਂ ਹੀ ਆੜ੍ਹਤੀਏ ਜਿਣਸ ਦੀ ਕੀਮਤ ਦਾ ਢਾਈ ਪ੍ਰਤੀਸ਼ਤ ਅਤੇ ਫਲਾਂ ਸਬਜੀਆਂ ਆਦਿ ਦੀ ਕੀਮਤ ਦਾ ਪੰਜ ਪ੍ਰਤੀਸ਼ਤ ਆਵਦੇ ਕਮਿਸ਼ਨ ਵਜੋਂ ਕੱਟ ਲੈਂਦੇ ਹਨ।

ਡਾਕਟਰ ਸੁੱਖਪਾਲ ਸਿੰਘ ਦੀ ਅਗਵਾਈ 'ਚ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਅਰਥ ਵਿਗਿਆਨੀਆਂ ਵਲੋਂ ਕੀਤੇ ਇੱਕ ਅਧਿਐਨ ਅਨੁਸਾਰ: ਸਾਲ 2009-10 'ਚ ਪੰਜਾਬ ਦੇ ਲਗਭੱਗ 20,000 ਆੜ੍ਹਤੀਆਂ ਨੇ 783 ਕਰੋੜ ਰੁਪਏ ਕਮਿਸ਼ਨ ਵਜੋਂ ਕਿਸਾਨਾਂ ਤੋਂ ਹਾਸਲ ਕੀਤੇ। ਪਿਛਲੇ ਦਸ ਸਾਲਾਂ 'ਚ ਆੜ੍ਹਤੀਆਂ ਨੇ 6400 ਕਰੋੜ ਰੁਪਏ ਕਮਿਸ਼ਨ ਵਜੋਂ ਵਸੂਲੇ। ਪੰਜਾਬ 'ਚ ਕਿਸਾਨਾਂ ਸਿਰ ਪੈਦੇ ਖੇਤੀ ਮੰਡੀਕਰਨ ਦੇ ਖਰਚੇ ਸਾਰੇ ਭਾਰਤ ਤੋਂ ਵੱਧ ਲਗਭੱਗ 13.5 ਪ੍ਰਤੀਸ਼ਤ ਹਨ। ਜਿਸ 'ਚ 4 ਪ੍ਰਤੀਸ਼ਤ ਖਰੀਦ ਟੈਕਸ ਕਣਕ ਅਤੇ ਜੀਰੀ 'ਤੇ ਤਿੰਨ ਪ੍ਰਤੀਸ਼ਤ, ਬੁਨਿਆਦੀ ਢਾਂਚਾ ਟੈਕਸ (ਕਪਾਹ 'ਤੇ ਦੋ ਪ੍ਰਤੀਸ਼ਤ), 2 ਪ੍ਰਤੀਸ਼ਤ ਮਾਰਕੀਟ ਫੀਸ, 2 ਪ੍ਰਤੀਸ਼ਤ ਪੇਂਡੂ ਵਿਕਾਸ ਫੰਡ ਅਤੇ ਢਾਈ ਪ੍ਰਤੀਸ਼ਤ ਆੜ੍ਹਤੀਆਂ ਦਾ ਕਮਿਸ਼ਨ। ਇਸ ਸਾਲ ਹਾੜੀ ਦੇ ਸੀਜਨ 'ਚ ਲਗਭੱਗ 112 ਲੱਖ ਟਨ ਸਰਕਾਰੀ ਏਜੰਸੀਆਂ ਨੇ ਖਰੀਦ ਕਰਨੀ ਹੈ। 1285 ਰੁ: ਕੁਇੰਟਲ ਦੇ ਹਿਸਾਬ ਇਸਦੀ ਕੀਮਤ 17500 ਕਰੋੜ ਰੁ: ਬਣਦੀ ਹੈ। ਪੰਜਾਬ ਦੇ ਆੜ੍ਹਤੀਆਂ ਨੇ ਇਸ 'ਚੋਂ ਲਗਭੱਗ 438 ਕਰੋੜ ਰੁ: ਦਾ ਕਮਿਸ਼ਨ ਲੈ ਜਾਣਾ ਹੈ। (ਹਿੰਦੋਸਤਾਮਨ ਟਾਇਮਜ਼, 23 ਫਰਵਰੀ 2012)

ਸੂਦਖੋਰੀ ਰਾਹੀਂ ਨੰਗੀ-ਚਿੱਟੀ ਲੁੱਟ

ਮਾਰਕੀਟ ਕਮੇਟੀਆਂ ਵਲੋਂ ਜਾਰੀ ਆੜ੍ਹਤ ਦੇ ਲਸੰਸ, ਆੜ੍ਹਤੀਆਂ ਵਲੋਂ ਕਿਸਾਨਾਂ ਨੂੰ ਕਰਜ਼ਾ ਜਾਂ ਐਡਵਾਂਸ ਦੇਣ ਦਾ ਕਾਰੋਬਾਰ ਕਰਨ ਦਾ ਹੱਕ ਪ੍ਰਦਾਨ ਨਹੀਂ ਕਰਦੇ। ਇਸ ਲਸੰਸ ਤਹਿਤ ਆੜ੍ਹਤੀਏ ਸ਼ਾਹੂਕਾਰਾ ਕਾਰੋਬਾਰ (ਉਧਾਰ ਦੇਣਾ ਵਿਆਜ ਲੈਣਾ) ਨਹੀਂ ਕਰ ਸਕਦੇ ਅਤੇ ਨਾ ਹੀ ਕਿਸਾਨਾਂ ਨੂੰ ਕੀਟਨਾਸ਼ਕ ਦਵਾਈਆਂ, ਰੇਹ ਅਤੇ ਗੁੜ-ਤੇਲ ਆਦਿ ਵੇਚ ਸਕਦੇ ਹਨ। ਸ਼ਾਹੂਕਾਰਾ ਕਾਰੋਬਾਰ ਕਰਨ ਲਈ ਉਹਨਾਂ ਨੂੰ, "ਪੰਜਾਬ ਸ਼ਾਹੂਕਾਰਾ ਕਾਰੋਬਾਰੀ ਰਜਿਸਟਰੇਸ਼ਨ ਕਾਨੂੰਨ" ਤਹਿਤ ਉਪਮੰਡਲ ਮਜਿਸਟਰੇਟ ਤੋਂ ਲਸੰਸ ਲੈਣਾ ਜਰੂਰੀ ਹੈ। ਇਸ ਕਨੂੰਨ ਤਹਿਤ ਸ਼ਾਹੂਕਾਰਾ ਕਾਰੋਬਾਰ ਕਰਨ ਵਾਲੇ ਹਰ ਵਿਅਕਤੀ ਲਈ ਜਰੂਰੀ ਹੈ ਕਿ:

• ਸਾਰੇ ਦੇਣਦਾਰਾਂ ਦੇ ਵੱਖ ਵੱਖ ਖਾਤੇ ਲਾਵੇ
• ਹਰ ਛੇ ਨਹੀਨੇ ਬਾਅਦ ਹਰੇਕ ਦੇਣਦਾਰ ਨੂੰ ਉਸਦੇ ਸਿਰ ਖੜ੍ਹੇ ਮੂਲ ਅਤੇ ਵਿਆਜ ਦੀ ਲਿਖਤੀ ਜਾਣਕਾਰੀ ਦੇਵੇ।
• ਜੇਕਰ ਸ਼ਾਹੂਕਾਰਾ ਕਾਰੋਬਾਰੀ ਉਕਤ ਕਨੂੰਨ ਤਹਿਤ ਰਜਿਸਟਰਡ ਨਹੀਂ ਹੈ ਤਾਂ ਉਹ ਕਰਜੇ ਦੀ ਉਗਰਾਹੀ ਲਈ ਅਦਾਲਤ 'ਚ ਕੋਈ ਦਾਅਵਾ ਨਹੀਂ ਪਾ ਸਕਦਾ।
• ਜੇਕਰ ਸ਼ਾਹੂਕਾਰਾ ਕਾਰੋਬਾਰੀ ਉਕਤ ਕਨੂੰਨ ਤਹਿਤ ਰਜਿਸਟਰਡ ਹੈ ਪਰ ਸਹੀ ਵਹੀ ਖਾਤੇ ਨਹੀਂ ਲਾਉਂਦਾ ਜਾਂ ਦੇਣਦਾਰਾਂ ਨੂੰ ਛੇ ਮਹੀਨੇ ਬਾਅਦ ਹਿਸਾਬ ਕਿਤਾਬ ਨਹੀਂ ਦਿੰਦਾ ਤਾਂ ਉਹ ਕਰਜੇ ਦੀ ਰਕਮ 'ਤੇ ਕੋਈ ਵਿਆਜ ਲੈਣ ਦਾ ਹੱਕਦਾਰ ਨਹੀਂ ਹੋਵੇਗਾ।
• ਅਜਿਹੇ ਕਾਰੋਬਾਰੀਆਂ ਨੂੰ ਵਿਆਜ ਤੋਂ ਆਪਣੀ ਕਮਾਈ 'ਤੇ ਟੈਕਸ ਭਰਨਾ ਪੈਂਦਾ ਹੈ।

ਪੰਜਾਬ ਖੇਤੀ ਯੂਨੀਵਰਸਿਟੀ ਦੇ ਉਕਤ ਅਧਿਅਨ ਅਨੁਸਾਰ ਪੰਜਾਬ ਦਾ ਕੋਈ ਵੀ ਆੜ੍ਹਤੀਆ ਸ਼ਾਹੂਕਾਰਾ ਕਨੂੰਨ ਤਹਿਤ ਰਜਿਸਟਰਡ ਨਹੀਂ ਹੈ। ਪਰੰਤੂ ਫਿਰ ਵੀ ਸਾਰੇ ਹੀ ਆੜ੍ਹਤੀਏ ਸ਼ਾਹੂਕਾਰਾ ਕਾਰੋਬਾਰ ਕਰਦੇ ਹਨ ਅਤੇ ਉਹਨਾਂ ਦੀ ਆਮਦਨ ਦਾ ਮੁੱਖ ਸਾਧਨ ਵੀ ਇਹੋ ਕਾਰੋਬਾਰ ਹੀ ਹੈ। ਉਹ ਕਿਸਾਨਾਂ ਤੋਂ ਵਿਆਜ ਵਸੂਲਦੇ ਹਨ, ਇਹ ਬੈਂਕ ਕਰਜਿਆਂ ਦੇ ਵਿਆਜ ਨਾਲੋਂ ਦੁੱਗਣਾ ਜਾਂ ਪੰਜ ਗੁਣਾ ਹੁੰਦਾ ਹੈ (ਹਿੰਦੋਸਤਾਨ ਟਾਈਮਜ਼ 23 ਫਰਵਰੀ 2012)

ਸ਼ਾਹੂਕਾਰਾ ਲੁੱਟ ਦੇ ਵੱਖ ਵੱਖ ਢੰਗ

ਬਹੁਤੇ ਆੜ੍ਹਤੀਏ, ਜਦੋਂ ਕੋਈ ਕਿਸਾਨ ਉਹਨਾਂ ਕੋਲ ਆੜ੍ਹਤ ਸ਼ੁਰੂ ਕਰਦਾ ਹੈ ਤਾਂ ਉਸਤੋਂ ਖਾਲੀ ਪ੍ਰਨੋਟ 'ਤੇ ਦਸਤਖਤ ਜਾਂ ਅੰਗੂਠਾ ਲਵਾ ਲੈਂਦੇ ਹਨ। ਬਹਾਨਾ ਇਹ ਹੁੰਦਾ ਹੈ ਕਿ ਖਾਲੀ ਪ੍ਰਨੋਟ ਕਰਜ਼ੇ ਦੀ ਜਾਮਨੀ ਲਈ ਭਰਵਾਇਆ ਗਿਆ ਹੈ ਜੋ ਆੜ੍ਹਤ ਖਤਮ ਹੋਣ 'ਤੇ ਹਿਸਾਬ ਕਿਤਾਬ ਕਰਕੇ ਵਾਪਸ ਕਰ ਦਿੱਤਾ ਜਾਵੇਗਾ। ਪਰ ਇਓਂ ਹੁੰਦਾ ਨਹੀਂ। ਪੂਰਾ ਹਿਸਾਬ-ਕਿਤਾਬ ਹੋ ਜਾਣ ਤੋਂ ਬਾਅਦ ਵੀ ਆੜ੍ਹਤੀਏ ਇਹਨਾਂ ਖਾਲੀ ਪ੍ਰਨੋਟਾਂ 'ਚ ਮਨ-ਮਰਜੀ ਦੀਆਂ ਰਕਮਾਂ ਬਰਕੇ ਅਦਾਲਤੀਂ ਜਾ ਖੜ੍ਹਦੇ ਹਨ ਅਤੇ ਡਿਗਰੀਆਂ ਕਰਵਾ ਕੇ ਜਮੀਨਾਂ ਕੁਰਕ ਕਰਵਾ ਲੈਂਦੇ ਹਨ। ਨਾ ਤਾਂ ਕਿਸਾਨ ਨੂੰ ਕਰਜੇ ਦਾ ਕੋਈ ਹਿਸਾਬ-ਕਿਤਾਬ ਦਿੱਤਾ ਜਾਂਦਾ ਹੈ ਨਾ ਹੀ ਫਸਲ ਦੀ ਵੱਟਤ ਦਾ। ਇੱਕ ਵਾਰੀ ਜੋ ਇਸ ਕਰਜ ਜਾਲ 'ਚ ਫਸ ਜਾਂਦਾ ਹੈ, ਉਹ ਆਵਦੀ ਜਮੀਨ ਤੇ ਜ਼ਿੰਦਗੀ - ਦੋਹੇਂ ਹੀ ਖੁਹਾ ਬੰਹਿਦਾ ਹੈ।

ਆੜ੍ਹਤੀਆਂ ਦੀ ਲੁੱਟ ਦਾ ਇੱਕ ਹੋਰ ਭੈੜਾ ਤਰੀਕਾ ਹੈ - "ਪਰਚੀ ਸਿਸਟਮ"। ਆਮ ਤੌਰ 'ਤੇ ਕਿਸਾਨਾਂ ਕੋਲ ਖੇਤੀ ਤੇ ਘਰਦੇ ਰੋਜ਼-ਮਰ੍ਹਾ ਖਰਚੇ ਚਲਾਉਣ ਲਈ ਨਗਦ ਪੈਸਾ ਨਹੀਂ ਹੁੰਦਾ। ਉਹ ਇਸ ਸਮੱਸਿਆ ਦੇ ਹੱਲ ਲਈ ਆੜ੍ਹਤੀਆਂ ਦਾ ਸਹਾਰਾ ਲੈਂਦੇ ਹਨ ਜੋ ਉਹਨਾਂ ਦੀ ਕਮਜੋਰੀ ਦਾ ਪੂਰਾ ਲਾਹਾ ਲੈਂਦੇ ਹਨ। ਆੜ੍ਹਤੀਏ ਉਸਨੂੰ ਨਗਦ ਪੈਸੇ ਦੇਣ ਦੀ ਥਾਂ, ਖਾਸ ਦੁਕਾਨ ਜਾਂ ਕੰਪਨੀ ਦੇ ਨਾਂ ਦੀ ਪਰਚੀ ਦੇ ਦਿੰਦੇ ਹਨ। ਕਿਸਾਨ ਦੀ ਮਜਬੂਰੀ ਬਣ ਜਾਂਦੀ ਹੈ ਕਿ ਉਹ ਸ਼ਾਹ ਵਲੋਂ ਦੱਸੀ ਦੁਕਾਨ ਤੋਂ ਹੀ ਲੋੜੀਂਦੀਆਂ ਚੀਜਾਂ ਖਰੀਦੇ। ਇਹ ਦੁਕਾਨਾਂ ਜਾਂ ਤਾਂ ਆੜ੍ਹਤੀਏ ਦੇ ਕਿਸੇ ਭਰਾ-ਭਤੀਜੇ ਦੀਆਂ ਹੁੰਦੀਆਂ ਹਨ ਜਾਂ ਉਸਨੂੰ ਕਮਿਸ਼ਨ ਦੇਣ ਵਾਲੀਆਂ ਹੁੰਦੀਆਂ ਹਨ। (ਭੱਠਿਆਂ 'ਤੇ ਕੰਮ ਕਰਨ ਵਾਲੇ ਪ੍ਰਵਾਸੀ ਮਜ਼ਦੂਰ ਵੀ ਪਰਚੀ ਸਿਸਟਮ ਦਾ ਸ਼ਿਕਾਰ ਹਨ। ਇੱਕ ਨਿਸ਼ਚਤ ਦਿਨ 'ਤੇ ਭੱਠੇ ਦੇ ਮਾਲਕ ਦੇ ਕਰਿੰਦੇ ਉਹਨਾਂ ਨੂੰ ਪਹਿਲੋਂ ਨਿਸ਼ਚਤ ਦੁਕਾਨਾਂ 'ਤੇ ਘਰ ਲਈ ਲੋੜੀਂਦਾ ਸੌਦਾ ਖਰੀਦਣ ਲੈ ਕੇ ਜਾਂਦੇ ਹਨ।) ਪਰਚੀ ਸਿਸਟਮ 'ਚ ਬੱਝੇ ਕਿਸਾਨਾਂ ਤੋਂ ਵੱਧ ਕੀਮਤ ਵਸੂਲ ਕਰਕੇ ਅਤੇ ਉਹਨਾਂ ਨੂੰ ਘਟੀਆ ਮਿਆਰ ਦੀਆਂ ਚੀਜਾਂ ਦੇ ਕੇ ਉਹਨਾਂ ਦੀ ਛਿੱਲ ਪੱਟੀ ਜਾਂਦੀ ਹੈ। ਇਸ ਸਿਸਟਮ ਨਾਲ ਕਿਸਾਨ ਦੇ ਖੇਤੀ ਅਤੇ ਘਰ ਦੇ ਖਰਚੇ ਕਈ ਗੁਣਾਂ ਵਧ ਜਾਂਦੇ ਹਨ, ਉਹਦੇ ਸਿਰ 'ਤੇ ਕਰਜੇ ਦੀ ਪੰਡ ਹੋਰ ਭਾਰੀ ਹੋ ਜਾਂਦੀ ਹੈ।  

ਪੰਜਾਬ ਦੇ ਕਿਸਾਨਾਂ ਸਿਰ ਚੜ੍ਹੇ ਕਰਜੇ ਦਾ ਵੱਡਾ ਹਿੱਸਾ ਆੜ੍ਹਤੀਆਂ ਦਾ ਹੈ। ਪੰਜਾਬ ਖੇਤੀ ਯੂਨੀਵਰਸਿਟੀ ਲੁਧਿਆਣਾ ਦੇ ਆਰਥਕ ਮਾਹਰਾਂ ਵਲੋਂ ਕੀਤੇ ਉਕਤ ਅਧਿਐਨ ਮੁਤਾਬਕ ਸਾਲ 2008-09 'ਚ ਕਿਸਾਨਾਂ ਵਲੋਂ 35000 ਕਰੋੜ ਰੁਪਏ ਦੇ ਕਰਜੇ 'ਚੋਂ ਲੱਗਭੱਗ 13000 ਕਰੋੜ ਰੁਪਈਆ ਆੜ੍ਹਤੀਆਂ ਕੋਲੋਂ ਲਿਆ ਗਿਆ ਹੈ। 2 ਰੁ: ਸੈਂਕੜਾ ਔਸਤ ਵਿਆਜ ਦੇ ਹਿਸਾਬ ਨਾਲ ਇਸ ਤੋਂ ਆੜ੍ਹਤੀਆਂ ਨੂੰ ਇੱਕ ਸਾਲ 'ਚ 3192 ਕਰੋੜ ਰੁ: ਵਿਆਜ ਦੀ ਕਮਾਈ ਹੋਈ ਹੈ।

ਫਸਲਾਂ ਦੀ ਵੱਟਤ ਦਾ ਆੜ੍ਹਤੀਆਂ ਰਾਹੀਂ ਭੁਗਤਾਨ ਅਤੇ ਖਾਲੀ ਪ੍ਰਨੋਟ, ਦੋ ਅਜਿਹੇ ਹਥਿਆਰ ਹਨ ਜੋ ਕਿਸਾਨ ਨੂੰ ਉਹਨਾਂ ਦੇ ਚੁੰਗਲ 'ਚ ਫਸਾਈ ਰੱਖਦੇ ਹਨ ਅਤੇ ਉਹਨਾਂ ਦੇ ਗੈਰ-ਕਨੂੰਨੀ ਕਰਜੇ ਦੀ ਉਗਰਾਹੀ ਦੀ ਜਾਮਨੀ ਬਣਦੇ ਹਨ।

ਹਰ ਵੰਨਗੀ ਦੇ ਹਾਕਮਾਂ ਦਾ ਕਿਸਾਨ ਦੋਖੀ ਚਿਹਰਾ ਨੰਗਾ

ਸੂਦਖੋਰੀ ਅਤੇ ਵਹੀਖਾਤੇ ਦੀਆਂ ਹੇਰਾਫੇਰੀਆਂ ਰਾਹੀਂ ਆੜ੍ਹਤੀਆਂ ਹੱਥੋਂ ਕਿਸਾਨਾਂ ਦੀ ਲੁੱਟ, ਹਰ ਵੰਨਗੀ ਦੇ ਹਾਕਮਾਂ ਵਲੋਂ, ਉਹਨਾਂ ਨੂੰ ਦਿੱਤੀ ਜਾਂਦੀ ਸ਼ਹਿ ਅਤੇ ਸਰਪ੍ਰਸਤੀ ਦੇ ਸਿਰ 'ਤੇ ਹੀ ਵਧ ਫੁੱਲ ਰਹੀ ਹੈ। "ਭਾਰਤੀ ਖੁਰਾਕ ਨਿਗਮ" ਵਲੋਂ ਪਿਛਲੇ ਸਾਲ ਹਾੜੀ ਹਤੇ ਸੌਣੀ ਦੀਆਂ ਫਸਲਾਂ ਦੀ ਖਰੀਦ ਮੌਕੇ ਸਿੱਧੀ ਅਦਾਇਗੀ ਦੇ ਹੁਕਮ ਮੁੱਖ ਮੰਤਰੀ ਬਾਦਲ ਦੇ ਦਖਲ ਨਾਲ ਰੱਦ ਹੋਏ। ਹਾੜੀ ਦੀ ਫਸਲ ਫਿਰ ਆਉਣ ਵਾਲੀ ਹੈ। ਪਿਛਲੇ ਦਿਨੀਂ ਕੇਂਦਰ ਸਰਕਾਰ ਦੇ ਖੁਰਾਕ ਵਿਭਾਗ ਨੇ ਕਣਕ ਪੈਦਾ ਕਰਨ ਵਾਲੇ ਰਾਜਾਂ ਦੇ ਅਧਿਕਾਰੀਆਂ ਨਾਲ ਆਉਂਦੇ ਹਾੜੀ ਸੀਜ਼ਨ ਦੌਰਾਨ ਕਣਕ ਖਰੀਦੇ ਦੇ ਪ੍ਰਬੰਧਾਂ ਬਾਰੇ ਵਿਚਾਰ ਕਰਨ ਲਈ ਮੀਟਿੰਗ ਕੀਤੀ। ਇਸ ਮੀਟਿੰਗ 'ਚ ਪੰਜਾਬ ਦੀ ਅਕਾਲੀ ਭਾਜਪਾ ਅਤੇ ਹਰਿਆਣੇ ਦੀ ਕਾਂਗਰਸ ਸਰਕਾਰ ਨੇ ਇੱਕੋ ਸੁਰ 'ਚ ਬੋਲਦਿਆਂ ਕਿਸਾਨਾਂ ਨੂੰ ਸਿੱਧੀ ਅਦਾਇਗੀ ਕੀਤੇ ਜਾਣ ਦਾ ਡੱਟਵਾਂ ਵਿਰੋਧ ਕੀਤਾ। ਜਿਹੜੀ ਸਰਕਾਰ ਗੋਬਿੰਦਪੁਰੇ 'ਚ ਜਬਰੀ ਜਮੀਨਾਂ ਗ੍ਰਹਿਣ ਕਰਨ ਦੇ ਵਿਰੋਧ 'ਚ ਉੱਠੇ ਕਿਸਾਨ ਸੰਘਰਸ਼ ਨੂੰ ਕੁਚਲਣ ਲਈ ਰਾਤੋ-ਰਾਤ ਹਜ਼ਾਰਾਂ ਪੁਲਸੀਆਂ ਦੀਆਂ ਧਾੜਾਂ ਪੰਜਾਬ ਭਰ 'ਚੋਂ ਲਿਆ ਤੈਨਾਤ ਕਰਦੀ ਸੀ ਉਸਦਾ ਖੁਰਾਕ ਤੇ ਸਪਲਾਈ ਸਕੱਤਰ ਡੀ.ਐਸ ਗਰੇਵਾਲ ਇਸ ਮੀਟਿੰਗ 'ਚ ਕਹਿ ਰਿਹਾ ਸੀ ਕਿ ਆੜ੍ਹਤੀਆਂ ਵਲੋਂ ਹੜਤਾਲ ਦੀ ਧਮਕੀ ਕਾਰਣ ਪੰਜਕਾਬ ਸਰਕਾਰ ਸਿੱਧੀ ਅਦਾਇਗੀ ਦਾ ਹੁਕਮ ਲਾਗੂ ਨਹੀਂ ਕਰ ਸਕਦੀ। ਉਂਝ ਇਹ ਗੱਲ ਕਿਸੇ ਤੋਂ ਗੁੱਝੀ ਨਹੀਂ ਕਿ ਆੜ੍ਹਤਿਆਂ ਨੇ ਹੜਤਾਲ ਦੀ ਧਮਕੀ ਅਕਾਲੀ ਭਾਜਪਾ ਆਗੂਆਂ ਦੀ ਸ਼ਹਿ ਤੇ ਹੀ ਦਿੱਤੀ ਹੈ ਜੋ ਦਿਲੋਂ ਇਸ ਕਦਮ ਨੂੰ ਲਾਗੂ ਕਰਕੇ ਆੜ੍ਹਤੀਆਂ ਦੇ ਲੋਟੂ ਜਕੜ ਪੰਜੇ ਨੂੰ ਤੋੜਨਾ ਨਹੀਂ ਚਾਹੁੰਦੇ।

ਪੰਜਾਬ ਦਾ ਕਿਸਾਨ ਕਮਿਸ਼ਨ ਬਹੁਤ ਸਮਾਂ ਪਹਿਲਾਂ ਕਿਸਾਨਾਂ ਨੂੰ ਸਿੱਧੀ ਅਦਾਇਗੀ ਕੀਤੇ ਜਾਣ ਦੀ ਸਿਫਾਰਸ਼ ਕਰ ਚੁੱਕਾ ਹੈ। ਪਰੰਤੂ ਸਰਕਾਰ ਨੂੰ ਇਸਦੀ ਕੱਖ ਪਰਵਾਹ ਨਹੀਂ। ਕਿਸਾਨਾਂ ਦੀਆਂ ਜੱਥੇਬੰਦੀਆਂ ਨੂੰ ਵੀ ਸਿੱਧੀ ਅਦਾਇਗੀ ਦੇ ਹੱਕ ਵਿੱਚ ਲਾਮਬੰਦੀ ਕਰਨੀ ਚਾਹੀਦੀ ਹੈ।

ਮਾਮਲਾ ਕਿਸਾਨਾਂ ਦੀ ਧੱਕੇ ਨਾਲ ਜਮੀਨ ਅਕਵਾਇਰ ਕਰਨ ਦਾ

ਸਰਕਾਰੀ ਧੱਕੇਸ਼ਾਹੀ ਵਿਰੁੱਧ ਸੰਘਰਸ਼ ਵਿੱਢਣ ਦਾ ਸੱਦਾ

ਮਾਨਸਾ ਜਿਲੇ ਦੇ ਪਿੰਡ ਗੋਬਿੰਦਪੁਰਾ ਵਿਖੇ ਪ੍ਰਾਈਵੇਟ ਕੰਪਨੀ 'ਪਿਊਨਾ ਪਾਵਰ' ਲਈ 880 ਏਕੜ ਜਮੀਨ, ਅੱਧੀ ਦਰਜਨ ਤੋਂ ਵੱਧ ਜਿਲਿਆਂ ਦੀ ਪੁਲਸ ਲਗਾ ਕੇ ਜਬਰੀ ਅਕਵਾਇਰ ਕਰਨ ਅਤੇ ਬੱਚਿਆਂ, ਬੁੱਢਿਆਂ, ਔਰਤਾਂ ਸਮੇਤ ਸੈਂਕੜੇ ਲੋਕਾਂ ਨੂੰ ਥਾਣਿਆਂ, ਜੇਲ੍ਹਾਂ ਅੰਦਰ ਡੱਕਣ ਉਪਰੰਤ ਦਰਜਨਾਂ ਪਿੰਡਾਂ ਵਿੱਚੋਂ ਵਿਰੋਧ ਕਰਨ ਨਿਕਲਦੇ ਜੱਥਿਆਂ ਦੇ ਜੱਥੇ ਗਿਰਫਤਾਰ ਕਰਨ ਦੀ ਕਾਰਵਾਈ ਸਿਰੇ ਦਾ ਨਾਦਰਸ਼ਾਹੀ ਹ‍ੱਲਾ ਕਰਾਰ ਦਿੰਦਿਆਂ ਅਮੋਲਕ ਸਿੰਘ ਅਤੇ ਇਨਕਲਾਬੀ ਕੇਂਦਰ ਪੰਜਾਬ ਦੇ ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਨੇ ਪੰਜਾਬ ਦੀਆਂ ਸਮੂਹ ਜਮੂਹਰੀ, ਲੋਕ ਪੱਖੀ, ਅਗਾਂਹਵਧੂ ਜੱਥੇਬੰਦੀਆਂ ਅਤੇ ਇਨਸਾਫ਼ਪਸੰਦ ਵਿਅਕਤੀਆਂ ਨੂੰ ਇਸ ਗੈਰ-ਜਮੂਹਰੀ ਕਾਰੇ ਖਿਲਾਫ਼ ਇੱਕ ਅਵਾਜ ਹੋਕੇ ਜਨਕਤ ਵਿਰੋਧ ਦੇ ਮੈਦਾਨ 'ਚ ਨਿੱਤਰਨ ਦਾ ਸੱਦਾ ਦਿੱਤਾ ਹੈ।

ਦੋਵੇਂ ਜਨਰਲ ਸਕੱਤਰਾਂ ਨੇ ਪੰਜਾਬ ਸਰਕਾਰ 'ਤੇ ਦੋਸ਼ ਲਾਇਆ ਹੈ ਕਿ ਉਹ ਬਰਤਾਨਵੀ ਸਾਮਰਾਜੀਆਂ ਨਾਲੋਂ ਵੀ ਕਈ ਕਦਮ ਅੱਗੇ ਵੱਧਦੀ ਹੋਈ, ਸੁਪਰੀਮ ਕੋਰਟ ਅਤੇ ਸੰਵਿਧਾਨ ਅੰਦਰ ਦਰਜ ਮੌਲਿਕ ਨੇਮਾਂ ਦਾ ਘਾਣ ਕਰਦੀ ਹੋਈ, ਨੰਗਾ ਚਿੱਟਾ ਸਬੂਤ ਦੇ ਰਹੀ ਹੈ ਕਿ ਇਹ ਲੋਕਾਂ ਦੀ ਪ੍ਰਤੀਨਿੱਧ ਨਾ ਹੋਕੇ ਅਸਲ 'ਚ ਦੇਸੀ-ਬਦੇਸੀ ਬਹੁ-ਕੌਮੀ ਕੰਪਨੀਆਂ, ਕਾਰਪੋਰੇਟ ਘਰਾਣਿਆਂ ਅੱਗੇ ਮੁਲਕ ਦੀ ਜਮੀਨ, ਜੰਗਲ, ਜਲ ਅਤੇ ਕੁਦਰਤੀ ਸਰੋਤ ਪਰੋਸਣ ਦਾ ਕੰਮ ਕਰਨ ਲਈ ਅਜਾਰੇਦਾਰਾਂ, ਭੂ-ਮਾਫੀਆ ਅਤੇ ਉੱਚ-ਪੁਲਸ ਅਧਿਕਾਰੀਆਂ ਦੇ ਗਠਜੋੜ ਦੀ ਕੱਠਪੁਤਲੀ ਦਾ ਕੰਮ ਕਰ ਰਹੀ ਹੈ।

ਦੋਹਾਂ ਆਗੂਆਂ ਨੇ ਕਿਹਾ ਕਿ ਗੋਬਿੰਦਪੁਰਾ ਇਲਾਕੇ ਅੰਦਰ ਹਰਲ-ਹਰਲ ਕਰਦੀਆਂ ਫਿਰ ਰਹੀਆਂ ਪੁਲਸ ਧਾੜਾਂ ਮਾਵਾਂ ਅਤੇ ਨੰਨ੍ਹੀਆਂ ਛਾਵਾਂ ਨੂੰ ਚਪੇੜਾਂ ਮਾਰਨ, ਪਿੰਡਾਂ ਦੀਆਂ ਸੱਥਾਂ 'ਚ ਜੁੜ ਬੈਠਣ ਵਾਲਿਆਂ ਨੂੰ ਧੜਾ-ਧੜ ਫੜ ਕੇ ਜੋ ਦਹਿਸ਼ਤਜ਼ਦਾ ਮਹੌਲ ਸਿਰਜ ਕੇ ਆਪਣਾ ਉੱਲੂ ਸਿੱਧਾ ਕਰਨ ਦੀ ਪੰਜਾਬ ਸਰਕਾਰ ਨੀਤੀ ਪਾਲ ਰਹੀ ਹੈ ਇਸਦਾ ਭੱਵਿਖ 'ਚ ਭਾਰੀ ਖਮਿਆਜਾ ਭੁਗਤਣਾ ਪਵੇਗਾ।

Police atrocities ਨਿਓਰ ਜਬਰ ਦੇ ਤੱਥ :

ਨਿਓਰ ਜਬਰ ਦੇ ਤੱਥ :
ਕਸੂਰਵਾਰ ਪ੍ਰਸਾਸ਼ਨ ਤੇ ਸਰਕਾਰ, ਸਜ਼ਾਵਾ ਲੋਕਾਂ ਨੂੰ

ਬਿਜਲੀ ਮੀਟਰ ਘਰਾਂ ਤੋਂ ਬਾਹਰ ਕੱਢਣ ਦੇ ਮਾਮਲੇ 'ਤੇ ਜ਼ਿਲਾ ਬਠਿੰਡਾ ਦੇ ਪਿੰਡ ਨਿਓਰ ਵਿਚ 21 ਦਸੰਬਰ ਨੂੰ ਲੋਕਾਂ ਉਤੇ ਹੋਏ ਜਬਰ ਬਾਰੇ ਕਿਸਾਨ-ਮਜ਼ਦੂਰ ਜਥੇਬੰਦੀਆਂ ਦੇ ਆਗੂਆਂ, ਪੁਲਸ ਤੇ ਸਿਵਲ ਪ੍ਰਸ਼ਾਸਨ ਤੇ ਪੰਜਾਬ ਸਰਕਾਰ ਅਤੇ ਪਾਵਰਕੌਮ ਦੇ ਅਧਿਕਾਰੀਆਂ ਵਲੋਂ ਦਿੱਤੇ ਬਿਆਨਾਂ ਦੀ ਸੱਚਾਈ ਸਾਹਮਣੇ ਲਿਆਉਣ ਤੇ ਸਹੀ ਤੱਥ ਲੋਕਾਂ ਵਿਚ ਲੈ ਜਾਣ ਹਿਤ ਲੋਕ ਮੋਰਚਾ ਪੰਜਾਬ ਦੀ ਬਠਿੰਡਾ ਇਕਾਈ ਨੇ ਆਪਣੇ ਸੂਬਾ ਪ੍ਰਧਾਨ ਸ੍ਰੀ ਐਨ.ਕੇ. ਜੀਤ ਐਡਵੋਕੇਟ ਦੀ ਅਗਵਾਈ ਵਿਚ ਇਕ ਟੀਮ ਗਠਤ ਕਰਕੇ 26 ਦਸੰਬਰ ਨੂੰ ਪਿੰਡ ਨਿਓਰ ਭੇਜੀ।

ਉਸ ਕਮੇਟੀ ਵਲੋਂ ਇਕੱਤਰ ਕੀਤੇ ਤੱਥਾਂ ਨੂੰ ਲੋਕਾਂ ਲਈ ਅਖਬਾਰਾਂ ਰਾਹੀਂ ਜਾਰੀ ਕਰਦਿਆਂ ਮੋਰਚੇ ਦੇ ਪ੍ਰਧਾਨ ਪੁਸ਼ਪ ਲਤਾ ਤੇ ਸਕੱਤਰ ਜਗਮੇਲ ਸਿੰਘ ਨੇ ਲਿਖਿਆ ਹੈ ਕਿ ਲੋਕਾਂ ਨੂੰ ਕਨੂੰਨ ਦਾ ਪਾਠ ਪੜ੍ਹਾਉਣ ਅਤੇ ਕਨੂੰਨ ਲਾਗੂ ਕਰਨ ਜਾਂ ਕਨੂੰਨ ਦੀ ਰੱਖਿਆ ਕਰਨ ਦੇ ਪੱਜ ਲੋਕਾਂ 'ਤੇ ਜਬਰ ਢਾਹੁਣ ਵਾਲੇ ਅਤੇ ਕਨੂੰਨਾਂ ਨੂੰ ਖੁਦ ਬਣਾਉਣ ਵਾਲੇ ਕਨੂੰਨਾਂ ਦੀਆਂ ਧੱਜੀਆਂ ਉਡਾ ਰਹੇ ਹਨ। ਖੁਦ ਕਨੂੰਨਾਂ ਦੀਆਂ ਉਲੰਘਣਾਵਾਂ ਕਰ ਰਹੇ ਹਨ। ਪਾਵਰਕੌਮ ਦੇ ਅਧਿਕਾਰੀ, ਸਿਵਲ ਤੇ ਪੁਲਿਸ ਅਧਿਕਾਰੀ ਪੰਜਾਬ ਰਾਜ ਬਿਜਲੀ ਰੈਗੂਲੇਟਰੀ ਕਮਿਸ਼ਨ, ਪੰਜਾਬ ਵਲੋਂ ਜਾਰੀ ਕੀਤੇ ਬਿਜਲੀ ਕੋਡ (Electricity Supply Code) ਦੇ 21ਵੇਂ ਅਧਿਆਏ ਦੇ ਪੈਰਾ ਨੰ: 21.2 (b) ਤੇ (c) ਦੀ ਘੋਰ ਉਲੰਘਣਾ ਕਰ ਰਹੇ ਹਨ। ਇਹ ਉਕਤ ਅਧਿਆਏ ਸਾਫ਼ ਤੇ ਸਪੱਸ਼ਟ ਕਹਿੰਦਾ ਹੈ ਕਿ ਖਪਤਕਾਰ ਦੀ ਸਹਿਮਤੀ ਬਿਨਾਂ ਕਿਸੇ ਦਾ ਵੀ ਮੀਟਰ ਬਾਹਰ ਨਹੀਂ ਕੱਢਣਾ। ਜੇ ਕੋਈ ਸਹਿਮਤੀ ਹੋ ਜਾਂਦੀ ਹੈ ਤਾਂ ਖਪਤਕਾਰ ਦੇ ਘਰ ਦੇ ਹੀ ਬਾਹਰ ਮੀਟਰ ਲਾਉਣਾ ਹੈ ਤੇ ਘਰ ਅੰਦਰ ਡਿਸਪਲੇਅ ਯੂਨਿਟ (Real Time Display Unit) ਲਾਉਣਾ ਜ਼ਰੂਰੀ ਹੈ। ਤੇ ਏਸੇ ਨਿਯਮ ਨੂੰ ਹੋਰ ਸਪੱਸ਼ਟ ਕਰਨ ਲਈ ਕੇਂਦਰੀ ਬਿਜਲੀ ਅਥਾਰਟੀ ਨੇ 4 ਜੂਨ 2010 ਦੇ ਪੱਤਰ ਵਿਚ ਕਿਹਾ ਹੈ ਕਿ ਜਾਰੀ ਕੀਤੇ ਬਿਲ ਦੀ ਰੀਡਿੰਗ ਅੰਦਰਲੇ ਡਿਸਪਲੇਅ ਯੂਨਿਟ ਦੀ ਰੀਡਿੰਗ ਨਾਲ ਮਿਲਦੀ ਹੋਣੀ ਜ਼ਰੂਰੀ ਹੈ। ਤੇ ਪੰਜਾਬ ਸਰਕਾਰ ਵੀ ਜਦੋਂ ਇਸ ਪਿੰਡ ਦੇ ਮਾਮਲੇ ਵਿਚ ਉਕਤ ਨਿਯਮਾਂ ਦੀ ਅਣਦੇਖੀ ਕਰਕੇ ਆਪਣੇ ਅਧਿਕਾਰੀਆਂ ਦੀ ਪਿੱਠ ਠੋਕਦੀ ਹੈ ਤਾਂ ਉਹ ਵੀ ਨਿਯਮਾਂ-ਕਨੂੰਨਾਂ ਦੀ ਘੋਰ ਉਲੰਘਣਾ ਦੀ ਦੋਸ਼ੀ ਬਣ ਜਾਂਦੀ ਹੈ।

ਤੱਥ ਬਹੁਤ ਸਪੱਸ਼ਟ ਹਨ ਕਿ ਸਾਰੇ ਪਿੰਡ ਦੇ ਇਕ ਵੀ ਖਪਤਕਾਰ ਨੂੰ ਪੁੱਛਿਆ ਨਹੀਂ ਗਿਆ। ਸਹਿਮਤੀ ਨਹੀਂ ਲਈ ਗਈ। ਉਲਟਾ ਜਦੋਂ ਲੋਕ ਆਪ ਇਕੱਠੇ ਹੋ ਕੇ ਆਪਦੀ ਗੱਲ ਸੁਣਾਉਣ ਗਏ ਤਾਂ ਮੂਹਰੋਂ ਧਮਕਾਇਆ ਗਿਆ। ਗੱਲ ਨਹੀਂ ਸੁਣੀ ਗਈ। ਲੋਕਾਂ ਨੇ ਆਪਦੀ ਗੱਲ ਸੁਣਨ ਵਾਲੀਆਂ ਕਿਸਾਨ-ਮਜਦੂਰ ਜਥੇਬੰਦੀਆਂ ਨੂੰ ਬੁਲਾ ਲਿਆ। ਲੋਕ ਇਕ ਥਾਂ 'ਕੱਠ ਕਰਕੇ ਗੱਲ ਸੁਣ ਤੇ ਸੁਣਾ ਰਹੇ ਸਨ। 'ਕੱਠ ਵਿਚ ਗੱਲ ਨਾ ਸੁਣਦੀ ਹੋਣ ਕਾਰਨ ਸਪੀਕਰ ਲਾ ਲਿਆ ਸੀ। ਐਸ.ਡੀ.ਐਮ. ਫੂਲ ਨੇ ਖੁਦ ਆ ਕੇ ਮਾਇਕ ਖੋਹਿਆ, ਤਾਰਾਂ ਤੋੜੀਆਂ ਤੇ ਸਪੀਕਰ ਚਕਵਾ ਕੇ ਲੈ ਗਿਆ। ਲੋਕ ਬਿਨਾਂ ਸਪੀਕਰ ਗੱਲ ਕਰਦੇ ਰਹੇ। ਫੇਰ ਐਸ.ਡੀ.ਐਮ. ਨੇ ਪੁਲਿਸ ਡਰਾਈਵਰਾਂ ਨੂੰ ਉੱਚੀ ਆਵਾਜ਼ ਵਿਚ ਹੂਟਰ ਵਜਾਉਣ ਦਾ ਹੁਕਮ ਕਰ ਦਿੱਤਾ। ਪ੍ਰਸ਼ਾਸਨ ਨੇ ਲੋਕਾਂ ਨੂੰ ਭੜਕਾਉਣ ਦੀ ਕਸਰ ਨਹੀਂ ਛੱਡੀ। ਲੋਕ ਉਥੋਂ ਉੱਠ ਕੇ ਇਕ ਧਰਮਸ਼ਾਲਾ ਵਿਚ ਚਲੇ ਗਏ। ਤਾਂ ਇਹ ਅਧਿਕਾਰੀ ਪੁਲਸ ਤੇ ਪਾਵਰਕੌਮ ਦੇ ਅਧਿਕਾਰੀਆਂ, ਕਰਮਚਾਰੀਆਂ ਤੇ ਠੇਕੇਦਾਰ ਨੂੰ ਨਾਲ ਲਿਜਾ ਕੇ ਐਨ ਇਕੱਠ ਦੇ ਮੂਹਰੇ ਘਰਾਂ ਵਿਚੋਂ ਮੀਟਰ ਪੁੱਟਵਾਉਣ ਲੱਗ ਪਿਆ। ਜਿੰਨ੍ਹਾਂ ਘਰਾਂ 'ਚੋਂ ਮੀਟਰ ਪੁੱਟੇ ਜਾ ਰਹੇ ਸਨ, ਉਹਨਾਂ ਘਰਾਂ ਦੇ ਲੋਕਾਂ ਨੇ ਵਿਰੋਧ ਕੀਤਾ ਤਾਂ ਪੁਲਸ ਲਾਠੀਆਂ-ਗੋਲੀਆਂ ਚਲਾਉਣ ਲੱਗ ਪਈ ਤੇ ਵਿਦੇਸ਼ੀ ਧਾੜਵੀਆਂ ਵਾਂਗ ਟੁੱਟ ਕੇ ਪੈ ਗਈ। ਘਰੋ-ਘਰੀ ਜਾ ਰਹੇ ਲੋਕਾਂ ਦਾ ਪਿੱਛਾ ਕਰਕੇ ਕੁੱਟਿਆ ਗਿਆ ਤੇ ਰਣਧੀਰ ਸਿੰਘ ਮਲੂਕਾ ਨੂੰ ਸੱਥ ਵਿਚ ਲਿਆ ਕੇ ਫੇਰ ਕੁੱਟਿਆ ਗਿਆ। ''ਨਾ ਮਾਰੋ'' ਦਾ ਹਾਅ ਦਾ ਨਾਅਰਾ ਮਾਰਨ ਵਾਲਿਆਂ ਨੂੰ ਨਹੀਂ ਬਖਸ਼ਿਆ, ਸੁਖਦੇਵ ਸਿੰਘ ਪਿੱਥੋ ਦੀ ਤਾਂ ਕੁੱਟ-ਕੁੱਟ ਬਾਂਹ ਹੀ ਤੋੜ ਦਿੱਤੀ। ਕਈ ਔਰਤਾਂ ਨੂੰ ਘਰੋਂ ਘੜੀਸ ਕੇ ਕੁੱਟਿਆ, ਬੇਇਜ਼ਤ ਕੀਤਾ ਤੇ ਫਿਰ ਥਾਣੇ ਡੱਕ ਦਿੱਤਾ। ਪੁਲਸ ਨੂੰ ਚਾਹ ਫੜਾਉਣ ਆਏ ਸਾਬਕਾ ਸਰਪੰਚ ਦੇ ਮੁੰਡੇ ਜਗਸੀਰ ਸੀਰੇ 'ਤੇ ਝੂਠਾ ਕੇਸ ਪਾ ਦਿੱਤਾ, ਜੇਲ ਭੇਜ ਦਿੱਤਾ। ਇਕ ਨੰਬਰਦਾਰ ਨੂੰ ਵੀ ਬੇਇਜ਼ਤ ਕੀਤਾ। ਉਸਦੀ ਨੂੰਹ ਨੂੰ ਨੰਗੇ ਸਿਰ ਘੜੀਸ ਕੇ ਕੁੱਟਦਿਆਂ, ਗਾਲ੍ਹਾਂ ਕੱਢਦਿਆਂ ਲੈ ਗਏ। ਥਾਣੇ ਬੰਦ ਕਰ ਦਿੱਤਾ। ਪਿੰਡ ਵਿਚ ਕਿਸੇ ਭੋਗ 'ਤੇ ਭਗਤੇ ਤੋਂ ਆਏ ਹੰਸਾ ਸਿੰਘ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਕੋਠੇ ਗੋਬਿੰਦਪੁਰਾ ਤੋਂ ਮੋਟਰ ਬੈਟਰੀ ਠੀਕ ਕਰਵਾਉਣ ਆਏ ਗੁਰਪ੍ਰੀਤ ਸਿੰਘ 'ਤੇ ਕੇਸ ਪਾ ਕੇ ਜੇਲ ਭੇਜ ਦਿੱਤਾ। ਵਿਧਵਾ ਮਨਜੀਤ ਕੌਰ ਦੇ ਘਰ ਵੜ ਕੇ ਧੱਕਾ-ਮੁੱਕੀ ਕੀਤੀ। ਉਸਦੇ ਕੰਨਾਂ ਦੀ ਵਾਲੀ ਟੁੱਟ ਕੇ ਡਿੱਗ ਪਈ ਤੇ ਅਜੇ ਤੱਕ ਥਿਆਈ ਨਹੀਂ। 5 ਦਿਨਾਂ ਬਾਦ ਵੀ ਮਨਜੀਤ ਕੌਰ ਦੀਆਂ ਲੱਤਾਂ ਉਤੇ ਪੁਲਸੀ ਡਾਂਗਾਂ ਦੇ ਨਿਸ਼ਾਨ ਸਾਫ਼ ਦਿਖਾਈ ਦੇ ਰਹੇ ਹਨ। ਚਮਕੌਰ ਸਿੰਘ ਦੇ ਘਰ ਅੰਦਰ ਵੜੇ 30-40 ਪੁਲਿਸ ਵਾਲਿਆਂ ਨੇ ਗਾਲ੍ਹਾਂ ਤੇ ਧੱਕਾ-ਮੁੱਕੀ ਦੀ ਹਨੇਰੀ ਝੁਲਾ ਦਿੱਤੀ। ਪੇਟੀ ਦੇ ਕੁੰਡੇ ਭੰਨ ਸੁੱਟੇ। ਘਰ ਦੀ ਔਰਤ ਦਾ ਕਹਿਣਾ ਹੈ ਕਿ ਪੇਟੀ ਵਿਚ ਰੱਖਿਆ ਪੰਦਰਾਂ ਹਜ਼ਾਰ ਰੁਪਈਆ ਗਾਇਬ ਹੈ। ਇਕ ਬਜ਼ੁਰਗ ਇਹ ਆਖਦਾ ਅੱਖਾਂ ਭਰ ਆਇਆ ਕਿ ''ਮੈਂ ਆਵਦੀ ਜ਼ਿੰਦਗੀ 'ਚ ਐਨਾ ਕਹਿਰ ਹੁੰਦਿਆਂ ਨਹੀਂ ਵੇਖਿਆ। 'ਪੱਠੇ ਲੈ ਕੇ ਆਉਂਦਿਆਂ ਨੂੰ, ਘਰਾਂ 'ਚੋਂ ਬੁੜੀਆਂ-ਕੁੜੀਆਂ ਨੂੰ ਸਭ ਨੂੰ ਧੂਹ-ਧੂਹ ਕੁੱਟਿਆ ਗਿਆ। ਇਕ 70 ਸਾਲਾ ਬੁੜੇ ਨੂੰ ਕੁੱਟਿਆ ਗਿਆ।'' ਬਲਵੀਰ ਸਿੰਘ ਨੰਬਰਦਾਰ ਨੇ ਕਿਹਾ, 'ਹੂਟਰਾਂ ਤੇ ਗੋਲੀਆਂ ਦੀ ਆਵਾਜ਼ ਸੁਣਕੇ ਜੁਆਕ ਦਹਿਲ ਗਏ। ਜਿੰਨੀ ਠਾਹ ਠਾਹ ਪੁਲਿਸ ਦੀਆਂ ਗੋਲੀਆਂ ਦੀ ਓਦਣ ਹੋਈ, ਉਨੀਂ ਤਾਂ ਦੀਵਾਲੀ ਦੀ ਰਾਤ ਨੂੰ ਵੀ ਨਹੀਂ ਹੁੰਦੀ। ਸ਼ਾਮ 5 ਵਜੇ ਤੋਂ ਸਾਢੇ 7 ਵਜੇ ਤੱਕ ਪੁਲਸ ਅੰਨੇਵਾਹ ਗੋਲੀਆਂ ਚਲਾਉਂਦੀ ਰਹੀ।''

ਤੱਥਾਂ ਤੋਂ ਸਾਫ਼ ਝਲਕਦਾ ਹੈ ਕਿ ਸਰਕਾਰ ਵਲੋਂ ਦਿੱਤੀ ਥਾਪੀ ਕਰਕੇ ਪ੍ਰਸ਼ਾਸਨ ਨੇ ਯੂਨੀਅਨ ਵਾਲਿਆਂ ਤੋਂ ਕੋਈ ਬਦਲਾ ਲਿਆ ਹੈ। ਯੂਨੀਅਨ ਦੇ ਫੜੇ ਕਾਰਕੁੰਨਾਂ ਨੂੰ ਨਾ ਸਿਰਫ਼ ਪਿੰਡ 'ਚ ਹੀ ਕੁੱਟਿਆ ਗਿਆ, ਠਾਣੇ ਲਿਜਾ ਕੇ ਵੀ ਵਾਰ-ਵਾਰ ਦੋ ਦਿਨ ਕੁੱਟਿਆ ਗਿਆ। ਵੱਖ-ਵੱਖ ਸੰਗੀਨ ਜੁਰਮਾਂ ਦਾ ਪਰਚਾ ਦਰਜ ਕਰਨ ਵੇਲੇ ਵੀ ਯੂਨੀਅਨ ਦੇ ਉਹਨਾਂ ਆਗੂਆਂ ਨੂੰ ਪਰਚੇ ਵਿਚ ਲਿਖਾਇਆ ਗਿਆ, ਜਿਹੜੇ ਉਥੇ ਹਾਜਰ ਹੀ ਨਹੀਂ ਸਨ। ਯੂਨੀਅਨ ਦੇ ਆਗੂਆਂ ਦਾ ਕਹਿਣਾ ਕਿ ''ਐਸ.ਡੀ.ਐਮ. ਫੂਲ ਬਰਨਾਲੇ ਦੇ ਟਰਾਈਡੈਂਟ ਕੰਪਨੀ ਵਾਲਿਆਂ ਦਾ ਨੇੜਲਾ ਬੰਦਾ ਹੈ। ਲੰਬੀ ਲੜਾਈ ਲੜ ਕੇ ਉਹਨਾਂ ਨੇ ਕੰਪਨੀ ਦੇ ਮਨਸੂਬੇ ਫੇਲ੍ਹ ਕੀਤੇ ਹਨ। ਏਸੇ ਕਰਕੇ ਇਸਨੇ ਇਥੇ ਇਹ ਕਾਂਡ ਰਚਾਇਆ ਲਗਦਾ ਹੈ।''

ਲੋਕ ਮੋਰਚਾ ਇਸ ਗੱਲ ਦਾ ਝੰਡਾ ਬਰਦਾਰ ਹੈ ਕਿ ਘਰਾਂ ਵਿਚੋਂ ਗ਼ੈਰ-ਕਨੂੰਨੀ ਢੰਗ ਅਤੇ ਧੱਕੇ ਨਾਲ ਪੁੱਟੇ ਜਾ ਰਹੇ ਮੀਟਰਾਂ 'ਤੇ ਰੋਸ ਪ੍ਰਗਟ ਕਰਨਾ ਹਰ ਖਪਤਕਾਰ ਦਾ ਜਮਹੂਰੀ ਹੱਕ ਹੈ। ਦੁਨੀਆਂ ਦੀ ਸਭ ਤੋਂ ਵੱਡੀ ਜਮਹੂਰੀਅਤ ਦਾ ਨਿੱਤ-ਨੇਮ ਕਰਨ ਵਾਲੀ ਸਰਕਾਰ ਤੇ ਉਸਦੇ ਹਰ ਅਧਿਕਾਰੀ ਦਾ ਫਰਜ ਬਣਦਾ ਹੈ ਕਿ ਉਹ ਲੋਕਾਂ ਦੀ ਸੁਣਨ, ਉਹਨਾਂ ਦਾ ਰੋਸ ਜਾਣਨ, ਸਮਝਣ ਤੇ ਹੱਲ ਕਰਨ। ਕੋਈ ਸੰਸੇ ਹਨ, ਉਹ ਦੂਰ ਕਰਨ। ਕੋਈ ਸ਼ੰਕੇ ਹਨ, ਉਹ ਨਵਿਰਤ ਕਰਨ। ਆਪੇ ਬਣਾਏ ਕਨੂੰਨਾਂ-ਨਿਯਮਾਂ ਦੀ ਅਣਦੇਖੀ ਨਾ ਕਰਨ। ਪੰਜਾਬ ਦੇ ਲੋਕ ਤਾਂ ਬਿਜਲੀ ਬੋਰਡ ਤੋੜ ਕੇ ਪਾਵਰਕੌਮ ਬਣਾਏ ਜਾਣ ਵੇਲੇ ਚੰਡੀਗੜ੍ਹ ਜਾ ਕੇ ਆਪਦਾ ਰੋਸ ਵਿਖਾ ਕੇ ਆਏ ਸਨ। ਮੀਟਰ ਬਾਹਰ ਲਾਉਣ 'ਤੇ ਵੀ ਹਰ ਪਿੰਡ ਵਿਚੋਂ ਵਿਰੋਧ ਹੁੰਦਾ ਹੈ। ਲੋਕਾਂ ਦੇ ਰੋਸ-ਵਿਰੋਧ ਨੂੰ ਵੇਖਦਿਆਂ ਲੋਕਾਂ ਦੀਆਂ ਜਾਨਾਂ ਲੈਣੀਆਂ, ਡਾਗਾਂ ਗੋਲੀਆਂ ਵਰਾਉਣਾ, ਝੂਠੇ ਪਰਚੇ ਦਰਜ ਕਰਨੇ ਅਤੇ ਜੇਲ੍ਹੀਂ ਡੱਕਣਾ ਬੰਦ ਕਰਕੇ ਸਰਕਾਰ ਆਪਦਾ ਫੈਸਲਾ ਬਦਲੇ। ਲੋਕਾਂ ਨੂੰ ਆਪਦਾ ਰੋਸ ਤੇ ਮੰਗਾਂ ਸੁਣਾਉਣ ਲਈ ਆਪਣੇ ਯਤਨ ਜਾਰੀ ਰੱਖਣੇ ਚਾਹੀਦੇ ਹਨ। ਇਸ ਕਾਂਡ ਨਾਲ ਸਬੰਧਿਤ ਲੋਕ ਮੋਰਚਾ ਮੰਗ ਕਰਦਾ ਹੈ ਕਿ

1. ਮੀਟਰਾਂ ਨੂੰ ਘਰੋਂ ਬਾਹਰ ਬਦਲੇ ਜਾਣ ਦਾ ਗੈਰ ਕਾਨੂੰਨੀ ਤਰੀਕੇ ਨਾਲ ਕੀਤਾ ਜਾ ਰਿਹਾ ਕੰਮ ਤੁਰੰਤ ਬੰਦ ਕੀਤਾ ਜਾਵੇ। ਇਸ ਦਾ ਤਸੱਲੀਬਖਸ਼ ਹੱਲ ਲੱਭਣ ਲਈ ਕਿਸਾਨਾਂ-ਮਜ਼ਦੂਰਾਂ ਦੀਆਂ ਜਥੇਬੰਦੀਆਂ ਦੇ ਪ੍ਰਤੀਨਿਧਾਂ ਨਾਲ ਗੱਲਬਾਤ ਕੀਤੀ ਜਾਵੇ। ਘਰਾਂ ਤੋਂ ਪੁੱਟੇ ਮੀਟਰ ਦੁਬਾਰਾ ਲਾਏ ਜਾਣ।
2. ਮੁਕੱਦਮਾ ਨੰ: 106 ਮਿਤੀ 21.12.2010 ਥਾਣਾ ਦਿਆਲਪੁਰਾ ਮੁੱਢੋਂ ਰੱਦ ਕਰਕੇ ਗ੍ਰਿਫ਼ਤਾਰ ਔਰਤਾਂ ਤੇ ਆਦਮੀਆਂ ਨੂੰ ਰਿਹਾ ਕੀਤਾ ਜਾਵੇ।
3. ਸਮੁੱਚੇ ਘਟਨਾ ਕ੍ਰਮ ਲਈ ਜੁੰਮੇਵਾਰ ਐਸ.ਡੀ.ਐਮ. ਫੂਲ ਖਿਲਾਫ਼ ਢੁਕਵੀਂ ਕਨੂੰਨੀ ਕਾਰਵਾਈ ਕੀਤੀ ਜਾਵੇ।
4. ਪੁਲਿਸ ਵਲੋਂ ਕੀਤੀਆਂ ਸਾਰੀਆਂ ਗੈਰ ਕਨੂੰਨੀਆਂ ਖਿਲਾਫ਼ ਪਰਚਾ ਦਰਜ ਕੀਤਾ ਜਾਵੇ।
5. ਜਬਰ-ਤਸ਼ੱਦਦ ਦਾ ਸ਼ਿਕਾਰ ਲੋਕਾਂ ਨੂੰ ਢੁਕਵਾਂ ਮੁਆਵਜਾ ਦਿੱਤਾ ਜਾਵੇ।

Murderous attack on Kissan activists

Attempts to terrorize budding farmers' movement

Defeat Evil designs of anti people fascist forces.

The murderers let lose by the Akali-rulers have struck again. They have enacted another bloody episode. Today, in the late afternoon, a team of BKU (Ekta-Ugrahan) workers, was brutally attacked in village Lodhi Gujjar by Sarabjit Singh & his goons. The team was pasting posters of the 3 day long Dharna at Amritsar by 22 organizations of farmers and agri-labours to be held from 25th to 27th March. Sarabjit Lodhi Gujjar is one of the main accused in the murder of Sh. Sadhu Singh Takhtupura, Organizing Secretary of the BKU. Four BKU members namely- Gurcharan Singh Lakhuwal, Sardool Singh Ramdas, Dalip Singh Thoba, & Balwinder Singh Kuralian, were severely injured in this attack and have ben admitted in Guru Nanak Hospital, Amritsar.

Now with the connivance and patronage of his political masters, Sarabjit Lodhi Gujjar is making efforts to falsely implicate BKU leadership in a false criminal case. After the above incident, when the BKU activists had taken the injured persons to the Hospital, he took their vehicles to his house to claim that he was attacked in his house by BKU leaders.

Lok Morcha Punjab has earlier noted that the murder of Sadhu Singh Takhtupura was part of a well-planned attack by a combination of anti-people forces on the blossoming farmers movement in Majha region. These black forces have been uprooting the poor farmers from their lands; repressing them on the strength of goonda-gangs; maintaining a strangle-hold on their lives through butcher police officers, corrupt revenue officials, Panchayti Raj institutions etc. As the people have no effective mass-organization of theirs, to assert their will, they were rendered helpless. BKU filled this void. It provided the people, especially the farmers, a platform to raise their voice against injustice and repression. When SI Rashpal Singh, the most notorious police officer, murdered a poor farmer in police custody and threw his body in front of his house the villagers accepted his challenge. They came out in the streets, caused traffic jam and forced the authorities to register a murder case against him. At village Saurian the people openly fought against the land grabbers and made them eat a humble pie on the strength of their organization. The black forces then retaliated by murdering Sh. Sadhu Singh Takhtupura. Their aim was to put fear amongst the rising farmers movement. But they failed. The present attack at village Lodhi Gujjar is a continuation of their evil designs against the militant farmers movement.

In a report prepared jointly by the Lok Morcha and Inqlabi Kender Punjab, in the aftermath of the murder of Sh. Sadhu Singh Takhtupura, it was specifically pointed out that the murderers were being openly protected by the Akali rulers of Punjab. None was left in any doubt in this regard, when Veer Singh Lopoke EX-Akali MLA was seated alongside the Chief Minister Parkash Singh Badal in a public function attended by Union Home Minister P. Chidambram, despite an FIR having been registered against him on murder charges. The police officials investigating the case refused to record any evidence incriminating Veer Singh Lopoke, Sarabjit, SI Rashpal Singh & Kulwinder Singh Sarpanch Saurian. The game plan was to arrest small fries and save their political masters. The 3-day long Dharna was to force the Govt to act against the real culprits. The attack at Lodhi Gujjar village is a crude attempt to terrorise the BKU activists, which is doomed to fail.

Lodhi Gujjar incident deserves strongest condemnation. Evil designs of anti-people black forces should be defeated through more sweeping and broad based mobilization.

समाचार

पोस्टर लगा रहे किसानों पर बरसाई गोलियां

Jan 01, 05:30 am

Print

जागरण प्रतिनिधि, अमृतसर। किसान नेता साधु सिंह तख्तूपुरा की हत्या की न्यायिक जांच व आरोपियों की गिरफ्तारी की मांग को लेकर पोस्टर लगा रहे भारतीय किसान यूनियन एकता के कार्यकर्ताओं पर गोलियों व तेजधार हथियारों से किए गए हमले में चार किसान गंभीर रूप से घायल हो गए। एक व्यक्ति की टांगों पर गोलियां लगी हैं। उसका नाक भी तेजधार हथियार से काट दिया गया है। शेष तीन किसान नेताओं के शरीर पर तेजधार हथियारों के गहरे घाव हैं। घायल किसानों के दो मोटरसाइकल और एक स्कूटर को घटनास्थल पर ही तोड़ दिया गया और पोस्टर लेकर फाड़ दिये गए। घटना शनिवार दोपहर करीब पौने चार बजे की है। घायल किसानों को देर शाम गुरु नानक देव अस्पताल की इमरजेंसी में दाखिल करवाया गया है। डाक्टरों के अनुसार सरदूल सिंह की हालत काफी गंभीर है।

घटना के चश्मदीद गवाह भारतीय किसान यूनियन एकता के गुरदासपुर जिला के अध्यक्ष लखविंदर सिंह मंज्जियां वाला, सुखबीर सिंह मोहले और हरजिंदर सिंह ने दैनिक जागरण को बताया कि किसान नेता तख्तुपुरा की हत्या में आरोपी अकाली दल के कार्यकर्ताओं और नेताओं की गिरफ्तारी व मामले की न्यायिक जांच की मांग को लेकर 25 मार्च से डीआईजी बार्डर जोन कार्यालय के बाहर शुरू किये जाने वाले धरने के संबंध में इलाके में पोस्टर लगा रहे थे। वह कुल दस किसान तीन मोटरसाइकल व दो स्कूटरों पर थे। जैसे ही वह गांव लोधी गुज्जर पहुंचे तो वहां एक अकाली नेता सर्बजीत सिंह लोधी गुज्जर और उसके भतीजे ने उन्हें पोस्टर लगाने से रोका और गोलियां चलानी शुरू कर दीं। इस दौरान करीब 40-50 और व्यक्ति भी तेजधार हथियारों के साथ आ गए और उन पर हमला कर दिया।

एक गोली सरदूल सिंह निवासी रमदास के पैर पर लगी और वह गिर गया तो उस पर तेजधार हथियारों से हमला बोल दिया। उसका नाक भी कट गया। गुरचरण सिंह निवासी लक्खूवाल, बलविंदर सिंह निवासी कुरालियां और दलीप सिंह निवासी थोबो को तेजधार हथियारों से घायल कर हमलावर फरार हो गए।

सूचना मिलते ही भारी पुलिस बल के साथ जीएनडीएच पहुंचे डीएसपी गुरसेवक सिंह बराड़ ने कहा कि मामले की जांच की जा रही है। सभी के बयान दर्ज करने के बाद ही मामला दर्ज किया जाएगा।

उधर भारतीय किसान यूनियन के राज्य महासचिव सुखदेव सिंह कोकरी कलां और लोक मोर्चा पंजाब के महासचिव अमोलक सिंह ने कहा कि किसानों के आंदोलन को कमजोर करने और किसानों की राज्य स्तरीय लीडरशिप को झूठे मामलों में फंसाने की साजिश तहत ही संगठन वर्करों पर हमला सुनियोजित राजनीति के तहत किया है। हमलावरों को सजा दिलवाने तक उनका आंदोलन जारी रहेगा।

KISAN & KHET MAZDOORS TO HOLD JOINT MORCHA AT AMRITSAR

Twelve organisations of farmers, supported by 9 organisations of agri-labourers have decided to hold a massive 3-day long Dharna at Amritsar from 25th March to 27 th March 2010 to demand:-

1. Arrest of Veer Singh Lopoke, Sarabjit Lodhi Gujjar, Kulwinder Singh Saurian, SI Rashpal Singh and all members of their gang, who have committed murder of Martyr Sadhu Singh Takhtupura.
2. Grant of land ownership rights to ABADKARS & tennants, curb on the activities of Land-grabbers.
3. Arrest of SGPC officials & their collaborators namely, Avtar Singh Makkar, Dalmegh Singh, Kashmir Singh, Amrik Singh Shahpur & their gang members, who are responsible for killings farmers at Khanna Chamara.
4. Suspension of SSP Batala and DSP Dera Baba Nanak & prosecuting them.
5. Withdraw the decision of the Shiromani Gurdwara Parbhandak Comittee to evict tennants from its lands.
6. Disband the SIT constituted to investigate murder of Martyr Sadhu Singh Takhtupura and hold a judicial inquiry to unearth the complete conspiracy.
   

Lok Morcha Punjab fully supports this struggle and calls upon the democratic sections of the society, mass organisations, trade unions and all pro-people organisations to support it in every possible manner.