ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਸ਼ਰਧਾਂਜਲੀ ਸਮਾਗਮ ਦਾ ਹੋਕਾ: ਤੇਰੇ ਖ਼ੂਨ 'ਚ ਰੰਗੀ ਧਰਤੀ 'ਤੇ, ਅਸੀਂ ਬੰਨ੍ਹ ਕਾਫ਼ਲੇ ਆਵਾਂਗੇ

ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਸ਼ਰਧਾਂਜਲੀ ਸਮਾਗਮ ਦਾ ਹੋਕਾ: 
ਤੇਰੇ ਖ਼ੂਨ 'ਚ ਰੰਗੀ ਧਰਤੀ 'ਤੇ, ਅਸੀਂ ਬੰਨ੍ਹ ਕਾਫ਼ਲੇ ਆਵਾਂਗੇ

-ਅਮੋਲਕ ਸਿੰਘ

ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਉਗਰਾਹਾਂ) ਦੇ ਹਰਮਨ ਪਿਆਰੇ ਸੂਬਾਈ ਆਗੂ ਸਾਧੂ ਸਿੰਘ ਤਖ਼ਤੂਪੁਰਾ ਨੂੰ ਸ਼ਹੀਦ ਕਰਨ ਪਿੱਛੇ ਕੰਮ ਕਰਦੇ  ਕਾਲੇ ਮਨਸੂਬੇ ਉਸ ਮੌਕੇ ਧੂੜ ਵਿੱਚ ਮਿਲਾ ਧਰੇ ਸਾਫ ਦਿਖਾਈ ਦਿੱਤੇ ਜਦੋਂ ਸ਼ਹਾਦਤ ਤੋਂ ਤਿੰਨ ਵਰ੍ਹਿਆਂ ਪਿੱਛੋਂ ਵੀ ਹਜ਼ਾਰਾਂ ਮਰਦ-ਔਰਤਾਂ ਆਕਾਸ਼ ਗੁੰਜਾਊ ਨਾਅਰੇ ਲਾਉਂਦੇ ਅਤੇ ਕਾਤਲੀ ਲਾਣੇ ਦੇ ਕਾਲਜੇ ਹੌਲ ਪਾਉਂਦੇ ਮਾਝੇ ਦੀ ਉਸ ਧਰਤੀ ਵੱਲ ਉਮੜ ਪਏ ਜਿੱਥੇ ਸਾਧੂ ਸਿੰਘ ਤਖ਼ਤੂਪੁਰਾ ਨੂੰ ਸ਼ਹੀਦ ਕੀਤਾ ਸੀ। 
ਅੰਮ੍ਰਿਤਸਰ ਜ਼ਿਲ੍ਹੇ ਦਾ ਪਿੰਡ ਸੌੜੀਆਂ 20 ਫਰਵਰੀ ਨੂੰ ਵਿਸ਼ਾਲ ਸ਼ਹੀਦੀ ਜੋੜ-ਮੇਲੇ ਦਾ ਰੂਪ ਧਾਰਨ ਕਰ ਗਿਆ। ਟਰੈਕਟਰਾਂ, ਟਰਾਲੀਆਂ, ਬੱਸਾਂ, ਟਰੱਕਾਂ ਅਤੇ ਕੈਂਟਰਾਂ ਆਦਿ ਦਾ 300 ਤੋਂ ਵੱਧ ਵਹੀਕਲਾਂ ਦਾ ਲੰਮਾ ਮਾਰਚ, ਡੁੱਲ੍ਹ ਡੁੱਲ੍ਹ ਪੈਂਦਾ ਜੋਸ਼ ਅਤੇ ਸ਼ਹੀਦ ਦੇ ਪਾਏ ਪੂਰਨਿਆਂ 'ਤੇ ਅੱਗੇ ਵਧਦੇ ਜਾਣ ਦਾ ਦ੍ਰਿੜ੍ਹ ਸੰਕਲਪ ਦੇਖਿਆਂ ਹੀ ਬਣਦਾ ਸੀ। ਸਰੋਂ ਫੁੱਲੇ ਗੁਲਦਸਤਿਆਂ ਨਾਲ ਲੱਦੇ ਖੇਤਾਂ ਵਿੱਚੀਂ ਬਸੰਤੀ ਝੰਡੇ ਲਹਿਰਾਉਂਦੇ ਮਾਰਚ ਕਰਦੇ ਕਾਫ਼ਲੇ ਸ਼ਹੀਦ ਭਗਤ ਸਿੰਘ ਦਾ ਪੈਗ਼ਾਮ ਦੇ ਰਹੇ ਸਨ:

''ਤੁਸੀਂ ਵਿਅਕਤੀ ਨੂੰ ਤਾਂ ਕਤਲ ਕਰ ਸਕਦੇ ਹੋ, ਉਸਦੇ ਵਿਚਾਰਾਂ ਨੂੰ ਨਹੀਂ।''

 

ਮਾਲਵਾ ਖੇਤਰ ਤੋਂ ਸੈਂਕੜੇ ਗੱਡੀਆਂ ਦਾ ਬੱਝਵਾਂ ਕਾਫ਼ਲਾ ਸ਼ਹੀਦੀ ਜੋੜ-ਮੇਲੇ ਵਿੱਚ ਸਮੇਂ ਸਿਰ ਪੁੱਜਣ ਨੂੰ ਯਕੀਨੀ ਬਣਾਉਣ ਲਈ ਇੱਕ ਰਾਤ ਪਹਿਲਾਂ ਹੀ ਬਾਬਾ ਬੁੱਢਾ ਜੀ ਗੁਰਦੁਆਰਾ ਵਿਖੇ ਪਹੁੰਚ ਗਿਆ। ਇਸ ਲੰਮੇਰੇ ਕਾਫ਼ਲੇ ਵਿੱਚ ਵੱਡੀ ਗਿਣਤੀ ਔਰਤਾਂ ਵੀ ਸਨ। ਇਸ ਗੁਰਦੁਆਰੇ ਤੋਂ ਪਿੰਡ ਸੌੜੀਆਂ ਤੱਕ ਅਟਾਰੀ-ਬਾਘਾ ਬਾਰਡਰ ਹੁੰਦਾ ਹੋਇਆ 60 ਕਿਲੋਮੀਟਰ ਮਾਰਚ ਕਰਦਾ ਬੱਝਵਾਂ ਕਾਫ਼ਲਾ ਜਦੋਂ ਪੰਡਾਲ ਵਿੱਚ ਪੁੱਜਾ ਤਾਂ ਵਿਸ਼ਾਲ ਪੰਡਾਲ ਵੀ ਛੋਟਾ ਪੈ ਗਿਆ। ਮਾਝਾ ਖੇਤਰ ਦੇ ਕਾਫ਼ਲੇ ਆਪੋ ਆਪਣੇ ਖੇਤਰਾਂ ਤੋਂ ਸਿੱਧੇ ਪੰਡਾਲ 'ਚ ਪੁੱਜੇ। ਪਹਿਲਾਂ ਪੁੱਜੇ ਜੱਥੇ ਜਿਹੜੇ ਇਹ ਚਰਚਾ ਕਰ ਰਹੇ ਸਨ ਕਿ ''ਬਈ ਇਹ ਐਡਾ ਪੰਡਾਲ ਭਰਨਾ ਕਿਵੇਂ ਐ?'' ਉਹੀ ਟਿੱਪਣੀਆਂ ਕਰ ਰਹੇ ਸਨ ਕਿ, ''ਸਾਡੇ ਤਾਂ ਸਾਰੇ ਅੰਦਾਜ਼ੇ ਹੀ ਗਲਤ ਸਾਬਤ ਹੋ ਗਏ।'' ਸਾਰਾ ਪੰਡਾਲ ਤੁੰਨ ਕੇ ਭਰਿਆ ਸੀ। ਪਿੱਛੇ ਸੜਕ ਤੱਕ ਲੋਕ ਖੜ੍ਹੇ ਸਨ। ਪੰਡਾਲ ਤੋਂ ਬਾਹਰ ਖੜ੍ਹੀਆਂ ਬੱਸਾਂ ਦੀਆਂ ਛੱਤਾਂ ਭਰੀਆਂ ਸਨ। ਬੱਚੇ, ਬੁੱਢੇ, ਨੌਜਵਾਨ, ਵੱਡੀ ਗਿਣਤੀ ਵਿੱਚ ਔਰਤਾਂ ਇੱਕ ਪਲ ਵੀ ਅਜਾਈਂ ਨਾ ਕਰਦੇ ਹੋਏ ਪਲਾਂ-ਛਿਣਾਂ ਵਿੱਚ ਪੰਡਾਲ ਵਿੱਚ ਜੁੜ ਬੈਠੇ।


ਇਸ ਕਾਫ਼ਲੇ ਵਿੱਚ ਸ਼ਾਮਲ ਮਰਦ-ਔਰਤਾਂ ਭਾਵੇਂ ਕਿਸੇ ਵੀ ਇਲਾਕੇ ਤੋਂ ਆਏ, ਭਾਵੇਂ ਕਿਸੇ ਵੀ ਉਮਰ ਦੇ ਸਨ, ਭਾਵੇਂ ਕਿਸੇ ਵੀ ਮਿਹਨਤਕਸ਼ ਤਬਕੇ ਨਾਲ ਸਬੰਧਤ ਸਨ, ਉਹ ਸਭੇ ਆਪਣੇ ਮਹਿਬੂਬ ਸ਼ਹੀਦ ਨੂੰ ਸਿਜਦਾ ਕਰਨ ਆਏ ਇੱਕ ਜਨਤਕ ਸਾਗਰ ਵਿੱਚ ਸਮੋਏ ਜਾਪ ਰਹੇ ਸਨ। ਕੱਦਾਵਰ ਆਗੂ ਦੇ ਵਿਗੋਚੇ ਕਾਰਨ ਇਹ ਚਿਹਰੇ ਉਦਾਸ ਤਾਂ ਕੀ ਹੋਣੇ ਸਨ, ਇਹ ਆਪਣੇ ਆਪ ਨੂੰ ਮਾਣ-ਮੱਤੇ ਮਹਿਸੂਸ ਕਰ ਰਹੇ ਸਨ ਕਿ ਉਹਨਾਂ ਦਾ ਜੁਝਾਰ ਆਗੂ ਉਹਨਾਂ ਨੂੰ ਜ਼ਿੰਦਗੀ ਅਤੇ ਮੌਤ ਦੇ ਮਾਅਨੇ ਸਮਝਾ ਕੇ ਗਿਆ ਹੈ। 

ਪੰਜਾਬ ਦੇ ਇੱਕ ਕੋਨੇ ਤੋਂ ਲੈ ਕੇ ਦੂਜੇ ਕੋਨੇ ਤੱਕ ਦੀ ਜੁੜੀ ਜਨਤਾ ਦੀ ਇਸ ਅਟੁੱਟ ਲੜੀ ਵਿੱਚ ਸਤਲੁਜ, ਬਿਆਸ ਅਤੇ ਰਾਵੀ ਤੱਕ ਦੇ ਪਾਣੀਆਂ ਵਿੱਚ ਉੱਠ ਰਹੀਆਂ ਲੋਕ-ਲਹਿਰਾਂ  ਦੀਆਂ ਤਰੰਗਾਂ ਦੀ ਹਲਚਲ ਸਮੋਈ ਸੀ। ਲੁੱਟੀ ਜਾ ਰਹੀ ਕਿਰਤ ਦੀ ਗਾਥਾ ਸੀ। ਖੋਹੀਆਂ ਜਾ ਰਹੀਆਂ ਜ਼ਮੀਨਾਂ, ਉਜਾੜੇ, ਕਰਜ਼ੇ, ਮਹਿੰਗਾਈ, ਔਰਤਾਂ ਉੱਪਰ ਢਾਹੇ ਜਾ ਰਹੇ ਜਬਰ, ਕਾਲੇ ਕਾਨੂੰਨਾਂ ਦੇ ਤਿੱਖੇ ਕੀਤੇ ਜਾ ਰਹੇ ਦੰਦਿਆਂ, ਜ਼ਮੀਨਾਂ ਗ੍ਰਹਿਣ ਕਰਨ ਲਈ ਕਸੇ ਜਾ ਰਹੇ ਪੇਚਾਂ, ਅਸ਼ਲੀਲ ਸਭਿਆਚਾਰ, ਗ਼ਦਰ ਲਹਿਰ, ਦੁੱਲੇ ਭੱਟੀ ਦੀ ਗਾਥਾ ਅਤੇ ਜਮਹੂਰੀ ਹੱਕਾਂ ਦੀ ਰਾਖੀ ਲਈ ਉੱਠ ਖੜ੍ਹੇ ਹੋਣ ਦੀ ਬੁਲੰਦ ਆਵਾਜ਼ ਸੀ। ਭੂ-ਮਾਫ਼ੀਏ, ਸਰਕਾਰ, ਪੁਲਸ-ਸਿਵਲ ਪ੍ਰਸਾਸ਼ਨ ਅਤੇ ਗੁੰਡਾ ਗੱਠਜੋੜ ਦੇ ਨਾਪਾਕ ਇਰਾਦਿਆਂ ਨੂੰ ਬੇਪਰਦ ਕਰਨ ਅਤੇ ਜਨਤਕ ਤਾਕਤ ਦੇ ਜ਼ੋਰ ਨਾਕਾਮ ਕਰਨ ਦੀ ਗਰਜਵੀਂ ਲਲਕਾਰ ਸੀ।

ਵਾਲੰਟੀਅਰ, ਪ੍ਰਬੰਧਾਂ, ਲੰਗਰ ਦੀਆਂ ਸੇਵਾਵਾਂ ਦੇ ਆਪੋ ਆਪਣੇ ਮੋਰਚਿਆਂ ਉਪਰ ਡਟੇ ਸਭਨਾਂ ਕਾਮਿਆਂ ਦਾ ਕੇਂਦਰੀ ਅਤੇ ਸਾਂਝਾ ਨੁਕਤਾ ਸਮਾਗਮ ਨੂੰ ਹਰ ਹਾਲਤ ਸਫਲ ਕਰਕੇ, ਵਿਸ਼ੇਸ਼ ਤੌਰ 'ਤੇ ਇਸ ਖੇਤਰ ਅੰਦਰ ਲੋਕਾਂ ਨੂੰ ਦਹਿਸ਼ਤਜ਼ਦਾ ਕਰਕੇ ਲਾਦੂ ਕੱਢਣ ਦਾ ਭਰਮ ਪਾਲ ਰਹੇ ਲਾਣੇ ਨੂੰ ਸੁਣਾਉਣੀ ਕਰਨਾ ਸੀ ਕਿ ਜਾਗਦੀ ਅਤੇ ਜੂਝਦੀ ਕਿਸਾਨ ਲਹਿਰ ਨਾਲ ਮੱਥਾ ਲਾਉਣ ਦੀ ਕੀਮਤ ਹਰ ਹਾਲਤ ਤਾਰਨੀ ਪਵੇਗੀ। ਠਾਠਾਂ ਮਾਰਦਾ ਇਹ ਸ਼ਹੀਦੀ ਜੋੜ-ਮੇਲਾ ਉਸ ਹੋਛੇ ਪ੍ਰਚਾਰ ਦੀ ਚੰਗੀ ਖ਼ਬਰ ਲੈ ਰਿਹਾ ਸੀ ਜਿਸ ਰਾਹੀਂ ਇਹ ਪ੍ਰਚਾਰਿਆ ਗਿਆ ਸੀ ਕਿ ''ਸਾਧੂ ਸਿੰਘ ਤਖ਼ਤੂਪੁਰਾ ਦੇ ਵਾਰਸ ਉਸਦੀ ਸ਼ਹਾਦਤ ਉਪਰੰਤ ਹੁਣ ਇਲਾਕਾ ਛੱਡ ਗਏ।'' ਜਦੋਂ ਕਿ ਇਸ ਹੋਛੇ ਅਤੇ ਥੋਥੇ ਪ੍ਰਚਾਰ 'ਚ ਕੋਈ ਦਮ ਨਹੀਂ ਸੀ। ਬੀ.ਕੇ.ਯੂ. ਏਕਤਾ (ਉਗਰਾਹਾਂ) ਦੇ ਸਥਾਨਕ ਕਾਮੇ ਜਿਹੜੇ ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਨਾਲ ਜਖ਼ਮੀ ਵੀ ਹੋਏ ਉਹ ਵੀ ਉਸ ਵੇਲੇ ਤੋਂ ਜਥੇਬੰਦੀ ਦਾ ਝੰਡਾ ਉਠਾ ਕੇ ਤੁਰੇ ਅਤੇ ਸ਼ਹੀਦ ਦੀ ਜੱਥੇਬੰਦੀ ਪੰਜਾਬ ਦੇ ਹੋਰਨਾਂ ਖੇਤਰਾਂ ਅੰਦਰ ਵੀ ਜਾਨ-ਹੂਲਵੇਂ ਕਿੰਨੇ ਹੀ ਗੋਬਿੰਦਪੁਰਾ ਅਤੇ ਸ਼ਰੂਤੀ ਅਗਵਾ ਕਾਂਡ ਵਰਗੇ ਘੋਲਾਂ ਦੇ ਮੈਦਾਨ ਵਿੱਚ ਡਟ ਕੇ ਨਿੱਤਰੀ ਹੈ। ਪੰਜਾਬ ਦੇ ਸ਼ਰੋਮਣੀ ਨਾਟਕਕਾਰ ਗੁਰਸ਼ਰਨ ਸਿੰਘ ਦੀ ਚੰਡੀਗੜ੍ਹ ਵਿਖੇ ਪਲਸ ਮੰਚ ਵੱਲੋਂ ਮਨਾਈ ਬਰਸੀ ਮੌਕੇ ਲਾ-ਮਿਸਾਲ ਸ਼ਮੂਲੀਅਤ ਕਰਨ ਦਾ ਨਮੂਨਾ ਬਣੀ ਹੈ। ਸ਼ਹੀਦ ਸਾਧੂ ਸਿੰਘ ਦੇ ਜਨਮ ਅਸਥਾਨ ਤਖ਼ਤੂਪੁਰਾ ਵਿਖੇ ਬੀਤੇ ਦੋ ਵਰ੍ਹੇ ਮਨਾਈ ਲਗਾਤਾਰ ਪ੍ਰਭਾਵਸ਼ਾਲੀ ਬਰਸੀ ਦੀ ਲੜੀ ਵਜੋਂ, ਇਸ ਵਰ੍ਹੇ 16 ਫਰਵਰੀ ਨੂੰ ਤਖਤੁਪੁਰਾ ਵਿਖੇ ਇਲਾਕਾ ਪੱਧਰੀ ਸਮਾਗਮ ਅਤੇ ਸੌੜੀਆਂ (ਅੰਮ੍ਰਿਤਸਰ) ਵਿਖੇ 20 ਫਰਵਰੀ ਨੂੰ ਸੂਬਾਈ ਸਮਾਗਮ ਨੇ ਆਪੋ ਆਪਣੀ ਥਾਂ ਅਮਿਟ ਪ੍ਰਭਾਵ ਛੱਡਿਆ। 

ਪੰਜਾਬ ਦੇ ਕੋਨੇ ਕੋਨੇ ਤੋਂ ਆਏ ਜੱਥਿਆਂ ਦੇ ਜੱਥੇ ਜੋ ਆਪੋ ਵਿੱਚ ਗੱਲਾਂ, ਵਿਚਾਰਾਂ ਕਰਦੇ ਸੁਣੇ ਗਏ, ਉਸਦਾ ਸਾਰ-ਤੱਤ ਅਜਿਹਾ ਸੀ ਕਿ, ''ਇਕੱਠੇ ਹੋਣ ਅਤੇ ਸੰਘਰਸ਼ ਬਿਨਾ ਕੋਈ ਚਾਰਾ ਨਹੀਂ। ਸਾਧੂ ਤਾਂ ਆਪਣੇ ਹਿੱਸੇ ਦੀ ਜਿੰਮੇਵਾਰੀ ਆਖਰੀ ਸਾਹ ਤੱਕ ਨਿਭਾ ਗਿਆ ਹੁਣ ਸਾਡਾ ਫਰਜ਼ ਬਣਦਾ ਹੈ ਕਿ ਅਸੀਂ ਉਸਦੇ ਅਧੂਰੇ ਕਾਜ਼ ਨੂੰ ਨੇਪਰੇ ਚਾੜ੍ਹਨ ਲਈ ਸਿਰ ਜੋੜ ਕੇ ਅੱਗੇ ਵਧੀਏ।'' ਐਡੀ ਵਿਸ਼ਾਲ ਗਿਣਤੀ ਵਿੱਚ ਮਚਲਦੀ ਭਾਵਨਾ ਇਹ ਦਰਸਾ ਰਹੀ ਸੀ ਕਿ ਉਹ ਕੋਈ ਆਰਥਿਕ ਮੰਗ ਦੀ ਪੂਰਤੀ ਲਈ ਨਹੀਂ ਆਏ। ਇਸ ਦਿਨ ਉਹ ਬਿਜਲੀ ਬਿੱਲਾਂ ਜਾਂ ਕਰਜ਼ੇ 'ਤੇ ਲੀਕ ਮਰਵਾਉਣ ਵੀ ਨਹੀਂ ਆਏ। ਇਸ ਜੋੜ ਮੇਲੇ ਵਿੱਚ ਸਾਮਲ ਹੋਣ ਅਤੇ ਖੜ੍ਹੇ ਹੋ ਕੇ ਆਪਣੇ ਮਹਿਬੂਬ ਸ਼ਹੀਦ ਨੂੰ ਸ਼ਰਧਾਂਜਲੀ ਦੇਣ ਦੀ ਮਹੱਤਤਾ ਦਾ ਪ੍ਰਸੰਗ ਆਰਥਿਕ ਮੰਗਾਂ-ਮਸਲਿਆਂ ਤੋਂ ਕਿਤੇ ਵਡੇਰਾ ਅਤੇ ਉਚੇਰਾ ਹੈ।

ਵਿਸ਼ੇਸ਼ ਕਰਕੇ ਆਬਾਦਕਾਰਾਂ ਨਾਲ ਸਬੰਧਤ ਮਾਝੇ ਦੇ ਖੇਤਰ 'ਚੋਂ ਆਏ ਲੋਕਾਂ ਦੀਆਂ ਟਿੱਪਣੀਆਂ ਸਨ ਕਿ ਜਿਸ ਤਰ੍ਹਾਂ ਭੂ-ਮਾਫ਼ੀਆ ਉਸਦੇ ਸਰਗਰਣੇ ਅਕਾਲੀ ਆਗੂ ਵੀਰ ਸਿੰਘ ਲੋਪੋਕੇ ਵਰਗੇ ਦਹਿਸ਼ਤ ਜਮਾ ਕੇ ਚੰਮ ਦੀਆਂ ਚਲਾਉਣਾ ਚਾਹੁੰਦੇ ਹਨ, ਅੱਜ ਦਾ ਇਤਿਹਾਸਕ ਜੋੜ ਮੇਲਾ ਉਹਨਾਂ ਦੀਆਂ ਕਾਲੀਆਂ ਸਕੀਮਾਂ ਅਤੇ ਇਰਾਦਿਆਂ ਨੂੰ ਧੂੜ ਵਿੱਚ ਮਿਲਾ ਸੁੱਟਣ ਦਾ ਐਲਾਨ ਹੈ। ਆਪਣੀਆਂ ਜ਼ਮੀਨਾਂ ਦੀ ਰਾਖੀ ਲਈ ਉੱਠ ਖੜ੍ਹੇ ਹੋਣ ਲਈ ਨਗਾਰੇ 'ਤੇ ਚੋਟ ਹੈ। ਬੀ.ਕੇ.ਯੂ. ਏਕਤਾ ਬਾਰੇ ਹੋਛੇ ਤੋਤਕੜੇ ਛੱਡਣ ਵਾਲਿਆਂ ਦੀਆਂ ਜੀਭਾਂ ਠਾਕਣ ਦੀ ਗਰਜ਼ ਹੈ। ਕਿਸਾਨ ਅਤੇ ਖੇਤ ਮਜ਼ਦੂਰ ਪਰਿਵਾਰਾਂ ਵਿੱਚੋਂ ਆਈਆਂ ਔਰਤਾਂ ਆਪੋ ਵਿੱਚ ਗੱਲਾਂ ਕਰ ਰਹੀਆਂ ਸਨ ਕਿ, ''ਐਨੀ ਭੀੜ ਦੇ ਬਾਵਜੂਦ ਜਿਵੇਂ ਕਿਸਾਨ ਯੂਨੀਅਨ ਵਾਲੇ ਪੰਡਾਲ, ਅਤੇ ਲੰਗਰ ਆਦਿ ਸਭਨਾਂ ਬੰਦੋਬਸਤਾਂ ਵਿੱਚ ਔਰਤਾਂ ਦਾ ਸਤਿਕਾਰ ਕਰ ਰਹੇ ਹਨ, ਸਾਡੇ ਤਾਂ ਵਿਚਾਰ ਹੀ ਬਦਲ ਗਏ। ਸਾਨੂੰ ਪਿੰਡੋਂ ਚੱਲਣ ਵੇਲੇ ਵੱਡੇ 'ਕੱਠ ਕਰਕੇ 'ਡਰ' ਲੱਗਦਾ ਸੀ ਕਿ ਨਾ ਜਾਣੇ ਕੋਈ ਉਥੇ ਔਰਤਾਂ ਲਈ ਦਿੱਕਤ ਨਾ ਹੋ ਜਾਏ ਪਰ ਅਸੀਂ ਤਾਂ ਆਪਣੀ ਜ਼ਿੰਦਗੀ ਨਾਲ ਸਬੰਧਤ ਦੁੱਖਾਂ ਦਰਦਾਂ ਅਤੇ ਮੁਕਤੀ ਦੀਆਂ ਗੱਲਾਂ ਸੁਣਕੇ ਅਤੇ ਸਾਡੀਆਂ ਇੱਜਤਾਂ ਦੇ ਸਾਂਝੀਆਂ ਦਾ ਵਰਤ ਵਿਹਾਰ ਦੇਖ ਕੇ ਅੱਗੇ ਤੋਂ ਪੱਕਾ ਮਨ ਬਣਾ ਲਿਐ ਕਿ ਸਾਰੇ 'ਕੱਠਾਂ ਵਿੱਚ ਆਇਆ ਕਰਾਂਗੇ। ਯੂਨੀਅਨ ਦੀ ਡਟ ਕੇ ਮੱਦਦ ਕਰਾਂਗੇ।''

ਸਮਾਗਮ ਵਿੱਚ ਜਿਸ ਅੰਦਾਜ਼ ਵਿੱਚ ਵਾਅਦਾ ਮੁਆਫ ਗਵਾਹ ਸੰਦੀਪ ਕੋਹਾਲਾ ਦਾ ਹਲਫ਼ੀਆ ਬਿਆਨ ਪੇਸ਼ ਹੋਇਆ, ਉਸਨੇ ਖਚਾ-ਖਚ ਭਰੇ ਪੰਡਾਲ ਨੂੰ ਝੰਜੋੜ ਕੇ ਰੱਖ ਦਿੱਤਾ। ਦੱਸਿਆ ਗਿਆ ਕਿ ਸੰਦੀਪ ਨੇ ਅਦਾਲਤ ਵਿੱਚ ਅਰਜ਼ੀ ਪੇਸ਼ ਕਰਕੇ ਵੀਰ ਸਿੰਘ ਲੋਪੋਕੇ ਅਤੇ ਉਸਦੇ ਕਾਕੇ ਰਾਣੇ ਸਮੇਤ ਸਭਨਾਂ ਕਾਤਲਾਂ ਨੂੰ ਕਟਹਿਰੇ ਵਿੱਚ ਖੜ੍ਹੇ ਕਰਨ ਦੀ ਮੰਗ ਕੀਤੀ ਹੈ। ਇਹ ਵੀ ਦੱਸਿਆ ਕਿ ਸੰਦੀਪ ਅਤੇ ਇਸ ਕਤਲ ਨਾਲ ਜੁੜੀਆਂ ਤਾਰਾਂ ਕਿਵੇਂ ਜੱਗ ਜ਼ਾਹਰ ਕੀਤੀਆਂ ਹਨ। ਇਸ ਬਿਆਨ ਨੇ ਕਿਸਾਨ ਯੂਨੀਅਨ ਅਤੇ ਸਭਨਾਂ ਇਨਸਾਫਪਸੰਦ, ਇਨਕਲਾਬੀ ਜਮਹੂਰੀ ਸ਼ਕਤੀਆਂ ਵੱਲੋਂ ਕਤਲ ਦੀਆਂ ਅਸਲ ਮੁਜਰਿਮ ਸ਼ਕਤੀਆਂ ਉਪਰ ਪਹਿਲਾਂ ਹੀ ਧਰੀ ਉਂਗਲ ਦੇ ਸਹੀ ਹੋਣ ਦੀ ਪੁਸ਼ਟੀ ਕੀਤੀ ਹੈ।

ਬੀ.ਕੇ.ਯੂ. ਏਕਤਾ ਦੀ ਸੂਬਾਈ, ਜ਼ਿਲ੍ਹਿਆਂ, ਸਥਾਨਕ ਲੀਡਰਸ਼ਿੱਪ, ਭਰਾਤਰੀ ਕਿਸਾਨ ਜਥੱਬੇਦੀਆਂ ਤੋਂ ਇਲਾਵਾ ਸ਼ਹੀਦ ਦੀ ਤਸਵੀਰ 'ਤੇ ਫੁੱਲ ਭੇਟ ਕਰਨ ਵਾਲਿਆਂ ਵਿੱਚ ਜਮਹੂਰੀ ਹੱਕਾਂ ਦੀ ਲਹਿਰ ਦੇ ਆਗੂ ਡਾ. ਪਰਮਿੰਦਰ ਸਿੰਘ, ਪਲਸ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ, ਜਮਹੂਰੀ ਅਧਿਕਾਰ ਸਭਾ ਦੇ ਅਮਰਜੀਤ ਬਾਈ, ਯਸ਼ਪਾਲ ਝਬਾਲ, ਮੇਜਰ ਸਿੰਘ, ਕਾਮਰੇਡ ਗੁਰਦੇਵ ਕਾਲਾ ਆਦਿ ਸ਼ਾਮਲ ਸਨ। 

ਬੀ.ਕੇ.ਯੂ. ਏਕਤਾ ਦੇ ਪ੍ਰਧਾਨ ਜੋਗਿੰਦਰ ਸਿੰਘ ਉਗਰਾਹਾਂ ਨੇ ਸ਼ਹੀਦ ਤਖਤੂਪੁਰਾ ਦੀ ਕੁਰਬਾਨੀ ਦੀ ਜੈ ਜੈਕਾਰ ਕਰਦਿਆਂ ਕਿਹਾ ਕਿ ਸ਼ਹੀਦ ਦੇ ਲਹੂ ਨਾਲ ਸਿੰਜਿਆ ਜੱਥੇਬੰਦੀ ਦਾ ਬੂਟਾ ਅਨੇਕਾਂ ਝੱਖੜਾਂ ਦੇ ਬਾਵਜੂਦ ਮੌਲਰਦਾ ਜਾ ਰਿਹਾ ਹੈ। ਉਹਨਾਂ ਕਿਹਾ ਕਿ ਆਬਾਦਕਾਰ, ਜ਼ਮੀਨਾਂ ਖੋਹਣ ਦੀ ਧੱਕੜ ਕਾਰਵਾਈ ਅੱਗੇ ਕੰਧ ਬਣ ਕੇ ਖੜ੍ਹੇ ਹਨ। ਉਹਨਾਂ ਕਿਹਾ ਭੂ-ਮਾਫ਼ੀਏ ਦੇ ਚੰਦਰੇ ਮਨਸੂਬੇ ਸ਼ਹੀਦ ਦੀ ਕੁਰਬਾਨੀ ਅਤੇ ਜ਼ਖਮੀਆਂ ਵੱਲੋਂ ਡਟ ਕੇ ਖੜ੍ਹਨ ਦੇ ਇਰਾਦੇ ਸਦਕਾ ਧੂੜ ਵਿੱਚ ਮਿਲਾ ਧਰੇ ਹਨ। 

ਜਥੇਬੰਦੀ ਦੇ ਜਨਰਲ ਸਕੱਤਰ ਸੁਖਦੇਵ ਸਿੰਘ ਕੋਕਰੀ ਕਲਾਂ ਨੇ ਸ਼ਰਧਾਂਜਲੀ ਭੇਟ ਕਰਦੇ ਹੋਏ ਦੱਸਿਆ ਕਿ ਅੱਜ ਦੇ ਦੌਰ ਵਿੱਚ ਸ਼ਹੀਦ ਦੇ ਕਾਜ਼ ਨੂੰ ਅੱਗੇ ਤੋਰਦਿਆਂ ਜੱਥੇਬੰਦੀ ਵੱਲੋਂ ਜ਼ਮੀਨ ਦੀ ਤੋਟ ਪੂਰੀ ਕਰਵਾਉਣ ਅਤੇ ਬੇਘਰਿਆਂ ਨੂੰ ਦਸ ਦਸ ਮਰਲੇ ਦੇ ਪਲਾਟ ਦਿਵਾਉਣ, ਸੂਦਖੋਰੀ ਨੂੰ ਨੱਥ ਮਾਰਦਾ ਕਰਜ਼ਾ ਕਾਨੂੰਨ ਬਣਾਉਣ, ਮੁਕੰਮਲ ਕਰਜ਼ਾ ਮੁਕਤੀ ਕਰਾਉਣ, ਜਨਤਕ ਵੰਡ ਪ੍ਰਣਾਲੀ ਮਜਬੂਤ ਕਰਕੇ ਸਾਰੇ ਲੋੜਵੰਦ ਗਰੀਬਾਂ ਨੂੰ ਜੀਵਨ ਲੋੜਾਂ ਸਸਤੀਆਂ ਦੁਆਉਣ ਅਤੇ 58 ਸਾਲ ਦੀ ਉਮਰ ਤੋਂ ਮਗਰੋਂ ਦਰਜਾ ਚਾਰ ਕਰਮਚਾਰੀ ਦੇ ਬਰਾਬਰ ਪੈਨਸ਼ਨ ਦੁਆਉਣ ਵਰਗੀਆਂ ਬੁਨਿਆਦੀ ਮੰਗਾਂ ਨੂੰ ਲੈ ਕੇ 10 ਮਾਰਚ ਤੋਂ ਬਠਿੰਡਾ ਮਿੰਨੀ ਸਕੱਤਰੇਤ ਅੱਗੇ ਜਚਵਾਂ ਮੋਰਚਾ ਸ਼ੁਰੂ ਕੀਤਾ ਜਾਏਗਾ। ਉਹਨਾਂ ਸਭਨਾਂ ਪ੍ਰਵਾਨ ਸ਼ੁਦਾ ਮੰਗਾਂ ਨੂੰ ਅਮਲੀ ਜਾਮਾ ਪਹਿਨਾਉਣ ਲਈ ਮੋਰਚਾ ਆਵਾਜ਼ ਉਠਾਏਗਾ ਜੋ ਲਿਖਤੀ ਤੌਰ 'ਤੇ ਸਰਕਾਰ ਨੇ ਸਵਾ ਸਾਲ ਪਹਿਲਾਂ ਪ੍ਰਵਾਨ ਕੀਤੀਆਂ ਸਨ। 

ਔਰਤ ਆਗੂ ਹਰਿੰਦਰ ਕੌਰ ਬਿੰਦੂ ਨੇ ਸ਼ਹੀਦ ਤਖਤੂਪੁਰਾ ਵੱਲੋਂ ਔਰਤਾਂ ਨੂੰ ਜਾਗਰਤ ਅਤੇ ਜਥੇਬੰਦ ਕਰਨ ਪੱਖੋਂ ਪਾਏ ਯੋਗਦਾਨ ਨੂੰ ਚਿਤਾਰਿਆ ਅਤੇ ਕਿਹਾ ਕਿ ਸ਼ਰੂਤੀ ਕਾਂਡ ਨਾਲ ਸਬੰਧਤ 9 ਫਰਵਰੀ ਨੂੰ ਫਰੀਦਕੋਟ ਜਥੇਬੰਦੀ ਦੇ ਝੰਡੇ ਥੱਲੇ ਹਜ਼ਾਰਾਂ ਔਰਤਾਂ ਵੱਲੋਂ ਕੀਤੇ ਗੁੰਡਾਗਰਦੀ ਵਿਰੋਧੀ ਵਿਖਾਵੇ ਨਾਲ ਇਸਦਾ ਸਿੱਧਾ ਸਬੰਧ ਹੈ। ਬਿੰਦੂ ਨੇ 1 ਮਾਰਚ ਨੂੰ ਬਰਨਾਲਾ ਵਿਖੇ ਕੀਤੀ ਜਾ ਰਹੀ ਸੂਬਾਈ ਔਰਤ ਜਾਗਰਤੀ ਕਨਵੈਨਸ਼ਨ ਦੇ ਮਹੱਤਵ 'ਤੇ ਵੀ ਰੌਸ਼ਨੀ ਪਾਈ। 

ਬੀ.ਕੇ.ਯੂ. ਦੇ ਸੀਨੀਅਰ ਮੀਤ ਪ੍ਰਧਾਨ ਝੰਡਾ ਸਿੰਘ ਜੇਠੂਕੇ ਨੇ ਜਨਤਕ ਆਧਾਰ ਵਾਲੀ ਕਿਸਾਨ ਜਥੇਬੰਦੀ ਅਤੇ ਲਹਿਰ ਉਸਾਰਨ ਉਪਰ ਜ਼ੋਰ ਦੇ ਕੇ ਸ਼ਹੀਦ ਨੂੰ ਸੱਚੀ ਸ਼ਰਧਾਂਜਲੀ ਭੇਟ ਕਰਨ ਦੇ ਨੁਕਤੇ ਨੂੰ ਕੇਂਦਰ ਵਿੱਚ ਰੱਖਿਆ।

ਬੀ.ਕੇ.ਯੂ. ਦੇ ਆਗੂ ਸ਼ਿੰਗਾਰਾ ਸਿੰਘ ਮਾਨ ਨੇ 20-21 ਫਰਵਰੀ ਨੂੰ ਮੁਲਕ ਵਿਆਪੀ ਦੋ ਰੋਜ਼ਾ ਹੜਤਾਲ ਦੇ ਡਟਵੇਂ ਸਮਰਥਨ ਦਾ ਮਤਾ ਪੇਸ਼ ਕੀਤਾ। ਪੰਜਾਬ ਸਰਕਾਰ ਵੱਲੋਂ ਸਾਮਰਾਜੀ ਕੰਪਨੀ ਮੌਨਸੈਂਟੋ ਨਾਲ ਬੀਜਾਂ ਸਬੰਧੀ ਕੀਤਾ ਕਿਸਾਨ ਮਾਰੂ ਸਮਝੌਤਾ ਰੱਦ ਕਰਨ ਦੀ ਮੰਗ ਕੀਤੀ। 

ਸ਼ਰਧਾਂਜਲੀ ਭੇਟ ਕਰਨ ਵਾਲੇ ਹੋਰ ਬੁਲਾਰਿਆਂ 'ਚ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਪ੍ਰਧਾਨ ਹੀਰਾ ਸਿੰਘ ਚੱਕ ਸਿਕੰਦਰ, ਜਨਰਲ ਸਕੱਤਰ ਹਰਚਰਨ ਸਿੰਘ ਮਹੱਦੀਪੁਰ ਤੋਂ ਇਲਾਵਾ ਕਿਸਾਨ ਸੰਘਰਸ਼ ਕਮੇਟੀ ਦੇ ਕਨਵੀਨਰ ਕੰਵਲਪ੍ਰੀਤ ਸਿੰਘ ਪੰਨੂੰ ਅਤੇ ਦੂਜੀ ਕਿਸਾਨ ਸੰਘਰਸ਼ ਕਮੇਟੀ ਦੇ ਪ੍ਰੈਸ ਸਕੱਤਰ ਸਰਵਨ ਸਿੰਘ ਪੰਧੇਰ ਸਮੇਤ ਹੋਰ ਬਹੁਤ ਸਾਰੇ ਆਗੂ ਸ਼ਾਮਲ ਹੋਏ। ਇਹਨਾਂ ਤੋਂ ਇਲਾਵਾ ਕਸ਼ਮੀਰ ਸਿੰਘ ਧੰਗਾਈ, ਜਸਪਾਲ ਸਿੰਘ ਧੰਗਾਈ, ਅਨੋਖ ਸਿੰਘ ਕਰਾਲੀਆ, ਗੁਰਿੰਦਰਧੀਰ, ਰਛਪਾਲ ਟਰਪਈ, ਸੁਖਵਿੰਦਰ ਸਿੰਘ ਧਰਮਕੋਟ, ਸੰਤੋਖ ਸਿੰਘ ਧਰਮਕੋਟ, ਜਸਕਰਨ ਸਿੰਘ ਲੋਪੋਕੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਪ੍ਰਧਾਨ ਸਕੱਤਰ, ਲਖਵਿੰਦਰ ਸਿੰਘ ਮੰਜਿਆਂਵਾਲੀ ਨਰਿੰਦਰ ਸਿੰਘ (ਕੋਟਲਾ ਬਾਮਾ) ਆਦਿ ਵੀ ਹਾਜ਼ਰ ਸਨ।

ਸਮਾਗਮ ਦੇ ਸਿਖਰ 'ਤੇ ਪੰਜਾਬ ਲੋਕ ਸਭਿਆਚਾਰਕ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ ਨੇ ਕਿਸਾਨ ਮਸਲਿਆਂ ਅਤੇ ਸਭਿਆਚਾਰ ਦੀ ਜੁੜਵੀਂ ਤੰਦ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਸ਼ਹੀਦ ਤਖ਼ਤੂਪੁਰਾ ਦੇ ਯਾਦਗਾਰੀ ਸਮਾਗਮ ਅਤੇ ਅਜੋਕੀ ਹਾਲਾਤ ਬਾਰੇ ਗੁਰਸ਼ਰਨ ਭਾਅ ਜੀ ਜੇ ਜਿਉਂਦੇ ਹੁੰਦੇ ਉਹ ਭਲਾ ਕਿਹੋ ਜਿਹੀ ਟਿੱਪਣੀ ਕਰਦੇ। ਅਸੀਂ ਉਸ ਤਰ੍ਹਾਂ ਦਾ ਯਤਨ ਕਰਦੇ ਹੋਏ ਤੁਹਾਡੇ ਘਰਾਂ, ਟਰੈਕਟਰਾਂ, ਮੋਟਰਾਂ, ਮੋਬਾਈਲਾਂ, ਟੇਪਾਂ ਆਦਿ ਵਿੱਚ ਜ਼ਿੰਦਗੀ ਦੇ ਗੀਤ, ਤਖਤੂਪੁਰਾ ਦੇ ਗੀਤ ਅਤੇ ਸੰਘਰਸ਼ਾਂ ਦੇ ਦੀਪ ਜਗਾਉਂਦੇ ਗੀਤ ਲੈ ਕੇ ਜਾਣ ਦੀ ਅਪੀਲ ਕਰਦੇ ਹਾਂ। ਤੁਹਾਡੇ ਸੰਗ ਸਾਥ ਨਾਲ ਹੀ ਲੋਕ-ਮਾਰੂ ਸਭਿਆਚਾਰ ਨੂੰ ਭਾਂਜ ਦਿੱਤੀ ਜਾ ਸਕਦੀ ਹੈ। ਉਹਨਾਂ ਕਿਹਾ ਕਿ ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਦੁੱਲੇ ਦੀ ਵਾਰ ਦਾ ਅਗਲ ਵਰਕਾ ਹੈ। ਉਹਨਾਂ ਕਿਹਾ ਕਿ ਗ਼ਦਰ ਸ਼ਤਾਬਦੀ ਦਾ ਵਰ੍ਹਾ ਪਗੜੀ ਸੰਭਾਲ ਲਹਿਰ ਅਤੇ ਗ਼ਦਰ ਲਹਿਰ ਨੂੰ ਅਜੋਕੇ ਸਰੋਕਾਰਾਂ ਅਤੇ ਚੁਣੌਤੀਆਂ ਦੇ ਪ੍ਰਸੰਗ ਵਿੱਚ ਸਮਝਣ ਦਾ ਵਰ੍ਹਾ ਹੈ। ਜਿਸਦੀ ਤੰਦ ਅੱਜ ਦੇ ਸ਼ਰਧਾਂਜਲੀ ਸਮਾਗਮ ਨਾਲ ਵੀ ਜੁੜੀ ਹੋਈ ਹੈ।

ਇਸ ਮੌਕੇ ਅਮੋਲਕ ਸਿੰਘ ਦਾ ਲਿਖਿਆ ਅਤੇ ਹਰਵਿੰਦਰ ਦੀਵਾਨਾ ਦੁਆਰਾ ਨਿਰਦੇਸ਼ਤ ਕੀਤਾ ਐਕਸ਼ਨ ਗੀਤ ਪਲਸ ਮੰਚ ਦੀ ਇਕਾਈ ਚੇਤਨਾ ਕਲਾ ਕੇਂਦਰ ਬਰਨਾਲਾ ਦੇ ਕਲਾਕਾਰਾਂ ਵੱਲੋਂ ਪੇਸ਼ ''ਕਬਹੂ ਨਾ ਛਾਡੈ ਖੇਤ'' ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ ਨੂੰ ਵਿਲੱਖਣ ਸ਼ਰਧਾਂਜਲੀ ਸੀ, ਜਿਸਦਾ ਤਾੜੀਆਂ ਦੀ ਗੂੰਜ ਨਾਲ ਭਰੇ ਪੰਡਾਲ ਨੇ ਜ਼ੋਰਦਾਰ ਸੁਆਗਤ ਕੀਤਾ। ਗੀਤ ਦੇ ਮੁੱਖੜੇ ਅਤੇ ਪ੍ਰਭਾਵਸ਼ਾਲੀ ਤਕਰੀਰਾਂ ਨੂੰ ਮਨੀਂ ਵਸਾ ਕੇ ਲਿਜਾਂਦੇ ਹਜ਼ਾਰਾਂ ਲੋਕ ਇਉਂ ਜਾਪ ਰਿਹਾ ਸੀ, ਜਿਵੇਂ ਖੁਦ ਗਾ ਰਹੇ ਹੋਣ: 

ਤੇਰੇ ਖ਼ੂਨ 'ਚ ਰੰਗ ਧਰਤੀ 'ਤੇ
ਅਸੀਂ ਬੰਨ੍ਹ ਕਾਫ਼ਲੇ ਆਵਾਂਗੇ
ਤੇਰੇ ਸੁਪਨੇ ਬੀਜ ਕੇ ਧਰਤੀ 'ਤੇ
ਧਰਤੀ ਨੂੰ ਸਵਰਗ ਬਣਾਵਾਂਗੇ

ਦੁੱਲੇ ਦੀ ਵਾਰ ਦਾ ਅਗਲਾ ਵਰਕਾ: ਸਾਧੂ ਸਿੰਘ ਤਖ਼ਤੂਪੁਰਾ

20 ਫਰਵਰੀ ਸ਼ਹੀਦੀ ਜੋੜ ਮੇਲੇ 'ਤੇ ਵਿਸ਼ੇਸ਼
ਦੁੱਲੇ ਦੀ ਵਾਰ ਦਾ ਅਗਲਾ ਵਰਕਾ: 

ਸਾਧੂ ਸਿੰਘ ਤਖ਼ਤੂਪੁਰਾ

ਸਤਲੁਜ ਤੋਂ ਲੈ ਕੇ ਰਾਵੀ ਦੇ ਪਾਣੀਆਂ ਤੱਕੇ ਦੁੱਲੇ ਭੱਟੀ ਦੀਆਂ ਵਾਰਾਂ, ਬਾਬਾ ਬੰਦਾ ਸਿੰਘ ਬਹਾਦਰ ਵੱਲੋਂ ਜ਼ਮੀਨ ਦੇ ਅਸਲੀ ਹੱਕਦਾਰਾਂ ਬਾਰੇ ਪਾਈ ਗਰਜ਼ ਅਤੇ ਸ਼ਹੀਦ ਭਗਤ ਸਿੰਘ ਦੀਆਂ ਘੋੜੀਆਂ ਦੀ ਤਰੰਗ ਛੇੜਨ ਵਾਲਾ ਮਿਹਨਤਕਸ਼ਾਂ ਦਾ ਮਹਿਬੂਬ ਨਾਇਕ ਸੀ ਸਾਧੂ ਸਿੰਘ ਤਖ਼ਤੂਪੁਰਾ।  ਉਹ ਜਿਸਮਾਨੀ ਤੌਰ 'ਤੇ ਭਾਵੇਂ ਤਿੰਨ ਵਰ•ੇ ਪਹਿਲਾਂ ਕਾਲ਼ੀਆਂ ਤਾਕਤਾਂ ਨੇ ਝਪਟਾ ਮਾਰ ਕੇ ਲੋਕਾਂ ਕੋਲੋਂ ਖੋਹ ਲਿਆ ਪਰ ਉਸ ਦੀ ਸੋਚ ਦਾ ਪਰਚਮ ਲੈ ਕੇ ਤੁਰੇ ਉਸਦੇ ਹਮਸਫ਼ਰਾਂ ਦੇ ਕਾਫ਼ਲੇ ਵਧਦੇ ਜਾ ਰਹੇ ਹਨ।

ਤਖ਼ਤੂਪੁਰਾ (ਮੋਗਾ) ਵਿਖੇ 10 ਮਾਰਚ 1942 ਨੂੰ ਜਨਮੇ ਸਾਧੂ ਸਿੰਘ ਤਖ਼ਤੂਪੁਰਾ ਨੂੰ ਅੰਮ੍ਰਿਤਸਰ ਦੇ ਜਿਸ ਖੇਤਰ ਵਿੱਚ ਹਮਲਾ ਕਰਕੇ ਜਾਨੋਂ ਮਾਰਿਆ ਗਿਆ ਉਸ ਖੇਤਰ ਦੇ ਪਿੰਡ ਸੌੜੀਆਂ ਵਿੱਚ 20 ਫਰਵਰੀ ਨੂੰ 'ਪਗੜੀ ਸੰਭਾਲ' ਦੇ ਗੀਤ ਗਾਉਂਦੇ ਹਜ਼ਾਰਾਂ ਕਾਫ਼ਲੇ ਆਪਣੇ ਸੰਗਰਾਮੀ ਸਾਥੀ ਨੂੰ ਸਿਜਦਾ ਕਰਨ ਉਮੜ ਰਹੇ ਹਨ।  ਪੰਜਾਬ ਅੰਦਰ ਬਹੁ-ਚਰਚਿਤ ਇਸ ਕਤਲ ਕਾਂਡ ਵਿਚ ਸਿਆਸੀ, ਪੁਲਸ-ਸਿਵਲ ਪ੍ਰਸਾਸ਼ਨ, ਗੁੰਡਾ ਅਤੇ ਭੂ ਮਾਫ਼ੀਆਂ ਗ੍ਰੋਹ ਦੇ ਗਠਜੋੜ ਦੀਆਂ ਨਾਪਾਕ ਕੜੀਆਂ ਜੱਗ ਜਾਹਰਾ ਹੋਈਆਂ ਸਨ।  ਮੁਜ਼ਰਿਮਾਂ ਨੂੰ ਢੁਕਵੀਂ ਸਜ਼ਾ ਦਿਵਾਉਣ ਲਈ ਸਾਧੂ ਸਿੰਘ ਤਖ਼ਤੂਪੁਰਾ ਦੀ ਅੱਖ ਦੀ ਪੁਤਲੀ ਤੋਂ ਵੀ ਪਿਆਰੀ ਜੱਥੇਬੰਦੀ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਉਗਰਾਹਾਂ) ਸਮੇਤ ਪੰਜਾਬ ਦੀ ਜਮਹੂਰੀ ਇਨਕਲਾਬੀ ਲਹਿਰ ਲੰਮੇ ਅਰਸੇ ਤੋਂ ਸੰਘਰਸ਼ਸੀਲ ਹੈ।  ਸੌੜੀਆਂ 'ਚ ਜੁੜ ਰਿਹਾ ਯਾਦਗਾਰੀ ਸ਼ਹੀਦੀ ਜੋੜ ਮੇਲਾ ਜਿਥੇ ਸਾਧੂ ਸਿੰਘ ਦੇ ਕਾਤਲਾਂ ਨੂੰ ਸਜ਼ਾਵਾਂ ਲਈ ਆਵਾਜ਼ ਉਠਾਏਗਾ ਉਥੇ ਪੰਜਾਬ ਅੰਦਰ ਪੰਜੇ ਫੈਲਾ ਰਹੀ ਗੁੰਡਾਗਰਦੀ ਦਾ ਡਟਕੇ ਟਾਕਰਾ ਕਰਨ ਲਈ ਜੁਝਾਰੂ ਲੋਕ-ਸ਼ਕਤੀ ਦਾ ਕਿਲ•ਾ ਉਸਾਰਨ ਲਈ ਲੋਕਾਂ ਨੂੰ ਅੱਗੇ ਆਉਣ ਦਾ ਇਤਿਹਾਸਕ ਹੋਕਾ ਵੀ ਦੇਵੇਗਾ।

ਜ਼ਬਰੀ ਜ਼ਮੀਨਾ ਗ੍ਰਹਿਣ ਕਰਨ ਦੇ ਕਾਨੂੰਨਾਂ ਦੇ ਕਸੇ ਜਾ ਰਹੇ ਪੇਚਾਂ, ਕਰਜ਼ਿਆਂ ਦੀ ਬੋਝਲ ਹੋ ਰਹੀ ਪੰਡ, ਖੁਦਕੁਸ਼ੀਆਂ ਦੇ ਵਰਤਾਰੇ, ਨਵੀਆਂ ਨੀਤੀਆਂ ਦੇ ਨਾਗ-ਵਲ ਕਾਰਨ ਜ਼ਿੰਦਗੀ ਮੌਤ ਵਿਚਾਲੇ ਲਟਕ ਰਹੇ ਖੇਤੀ ਉਪਰ ਨਿਰਭਰ ਸਮੂਹ ਹਿੱਸਿਆਂ, ਵਧਦੀ ਮਹਿੰਗਾਈ, ਔਰਤਾਂ ਉਪਰ ਜ਼ੁਲਮੀ ਝੱਖਣ, ਮਾਰੂ ਸਭਿਆਚਾਰ ਅਤੇ ਯੂ.ਏ.ਪੀ.ਏ. ਵਰਗੇ ਕਾਲੇ ਕਾਨੂੰਨਾਂ ਦੀ ਢਿੰਬਰੀ ਕੱਸਣ ਦੇ ਚੁੱਕੇ ਜਾ ਰਹੇ ਕਦਮਾਂ ਨੂੰ ਪਿਛਲਮੋੜਾ ਦੇਣ ਲਈ 20 ਫਰਵਰੀ ਦਾ ਜੋੜ ਮੇਲਾ ਨਵੀਆਂ ਪੁਲਾਂਘਾਂ ਭਰਨ ਦਾ ਬਾਨਣੂੰ ਬੰਨੇਗਾ।

ਸਾਧੂ ਸਿੰਘ ਤਖ਼ਤੂਪੁਰਾ ਸੰਵੇਦਨਸ਼ੀਲ ਚਿੰਤਕ, ਜੱਥੇਬੰਦਕਾਰ, ਬੁਲਾਰਾ, ਗੀਤਕਾਰ, ਪ੍ਰਤੀਬੱਧਤ ਸਿਰੜੀ ਕਾਮਾ ਅਤੇ ਸੁਹੱਪਣ ਲੱਦੇ ਨਵੇਂ ਸਮਾਜ ਦੀ ਸਿਰਜਣਾ ਦੇ ਬੀਜ ਬੀਜਣ ਵਾਲਾ ਸੰਗਰਾਮੀਆਂ ਸੀ।  ਭਰ-ਜੁਆਨੀ ਤੋਂ ਲੈ ਕੇ ਅਧਿਆਪਕ ਦੀਆਂ ਸੇਵਾਵਾਂ ਤੋਂ ਫਾਰਗ ਹੋ ਕੇ ਆਰਾਮ ਕਰਨ ਦੀ ਬਜਾਏ ਲੋਕ ਪੀੜਾ ਦੇ ਭੰਨੇ ਲੋਕਾਂ ਦੀ ਬਾਂਹ ਫੜਕੇ ਤੁਰਨ ਵਾਲਾ ਭਰ ਵਗਦਾ ਦਰਿਆ ਸੀ।

1972 ਦਾ ਮੋਗਾ ਗੋਲੀ ਕਾਂਡ, ਐਮਰਜੈਂਸੀ ਦਾ ਦੌਰ, ਫਿਰਕੂ ਅਤੇ ਹਕੂਮਤੀ ਦਹਿਸ਼ਤਗਰਦੀ ਦੇ ਕਾਲੇ ਪ੍ਰਛਾਵੇਂ, ਵਿਸ਼ਵੀਕਰਨ, ਉਦਾਰੀਕਰਨ ਅਤੇ ਨਿੱਜੀਕਰਨ ਦਾ ਹੱਲਾ, ਜ਼ਮੀਨਾ ਗ੍ਰਹਿਣ ਕਰਨ ਵਿਰੋਧੀ ਛੰਨਾ, ਧੌਲਾ ਅਤੇ ਸੰਘੇੜਾ ਦਾ ਘੋਲ, ਆਬਾਦਕਾਰਾਂ ਨੂੰ ਮਾਲਕੀ ਹੱਕ ਦਿਵਾਉਣ ਦਾ ਸੰਗਰਾਮ, ਔਰਤਾਂ ਨੂੰ ਸੰਗਰਾਮਾਂ ਅੰਦਰ ਮੋਢੇ ਸੰਗ ਮੋਢਾ ਜੋੜਕੇ ਤੋਰਨ ਦੇ ਉੱਦਮ, ਰੰਗ ਕਰਮੀਆਂ, ਕਵੀਆਂ, ਸਾਹਿਤਕਾਰਾਂ, ਜਮਹੂਰੀ ਅਤੇ ਬੁੱਧੀਜੀਵੀ ਹਲਕਿਆਂ ਨਾਲ ਕਿਸਾਨ ਲਹਿਰ ਦੀ ਦੋਵੱਲੀ ਤੰਦ ਜੋੜਨ ਦੇ ਸੁਹਿਰਦਤਾ ਭਰੇ ਨਿਰੰਤਰ ਯਤਨ ਅਤੇ ਖਾਸ ਕਰਕੇ ਕਿਸਾਨਾਂ, ਖੇਤ ਮਜ਼ਦੂਰਾਂ ਨੂੰ 'ਖੁਦਕੁਸ਼ੀਆਂ ਦੀ ਬਜਾਏ ਸੰਗਰਾਮ ਵੱਲ' ਤੋਰਨ ਦੇ ਸੁਲੱਖਣੇ ਵਰਤਾਰੇ ਨੂੰ ਹੁਲਾਰਾ ਦੇਣ ਵਾਲਾ ਸਾਧੂ ਸਿੰਘ ਤਖ਼ਤੂਪੁਰਾ ਅੱਜ ਲੋਕਾਂ ਦੇ ਸਾਹੀਂ ਵਸਦਾ ਅਤੇ ਲੋਕ-ਘੋਲਾਂ ਵਿੱਚ ਧੜਕਦਾ ਹੈ।

ਲੋਕਾਂ ਨਾਲ ਮੱਛੀ ਤੇ ਪਾਣੀ ਦਾ ਰਿਸ਼ਤਾ ਬਣਾਕੇ ਲੋਕ-ਹੱਕਾਂ, ਸਵੈ ਮਾਣ, ਨਿਆਂ, ਖੁਸ਼ਹਾਲੀ ਅਤੇ ਸਮਾਜਕ ਬਰਾਬਰੀ ਦੀਆਂ ਕਦਰਾਂ-ਕੀਮਤਾਂ 'ਤੇ ਟਿਕੇ ਨਵੇਂ ਸਮਾਜ ਦੀ ਸਿਰਜਣਾ ਨੂੰ ਪ੍ਰਨਾਏ ਸਾਧੂ ਸਿੰਘ ਤਖ਼ਤੂਪੁਰਾ ਦੇ ਸੁਪਨੇ ਸਾਕਾਰ ਕਰਨ ਦਾ ਅਹਿਦ ਲਏਗਾ 20 ਫਰਵਰੀ ਨੂੰ ਪਿੰਡ ਸੌੜੀਆਂ (ਅੰਮ੍ਰਿਤਸਰ) ਵਿਖੇ ਹੋ ਰਿਹਾ ਸ਼ਹੀਦੀ ਜੋੜ ਮੇਲਾ।

-ਅਮੋਲਕ ਸਿੰਘ, ਸੰਪਰਕ: 94170 76735

AN IMPORTANT DEVELOPMENT IN SADHU SINGH TAKHTUPURA MURDER CASE - ACCUSED CONFESSES IN COURT

MURDER OF SADHU SINGH TAKHTUPURA

SHAME, GUILT & CONFESSION

Sadhu Singh Takhtupura, Organizing Secretary of the BKU (Ugrahan), who after his retirement as a Teacher was engrossed in organizing the farmers in Majha area, leaving the comforts of his house, was brutally murdered on 16.02.2010. On that day he was holding whirl-wind meetings in various villages, including Lopoke, to organize the people for a Dharna, to be held at Ajnala against Baba Rachhpal Singh SHO, who had killed a poor farmer by torturing him in the police station and then thrown his dead body in the village square, challenging the people. Baba Rachhpal Singh a brute police officer is a very close relative of Veer Singh Lopoke Ex-MLA (SAD Badal). Although Veer Singh Lopoke’s name figured in the FIR as main conspirator, but the police, at the instance of Akali rulers, declared him innocent through a sham inquiry. There were at least four eye-witnesses who testified to have seen the assailants, coming out fully armed from Veer Singh Lopoke’s house and being exhorted by him to attack & kill Sadhu Singh Takhtupura and his companions.

At that time all these persons, namely Veer Singh Lopoke, Baba Rachhpal Singh, Sarabjit Singh Lodhi Gujjar, Kulwinder Singh Saurian, Randhir Singh Rana and Dr. Sharanjit Singh, escaped from being hauled up, as Badal Govt fully protected them. Even the police at the behest of its political masters, converted the case from murder to culpable homicide not amounting to murder.

TRUTH CANNOT BE SUPPRESSED:

But the truth has come out at last. Sandip Singh, one of the accused being tried in this case has now filed an application in the trial court to seek pardon and turn approver. He has disclosed in his application dated 14.01.2013, that he “has been a close confidant of and very near to Veer Singh Lopoke Ex-MLA ……. and Baba Rachhpal Singh, who have been accused of complicity in this case by the complainant in the FIR.”

THE MURDERER PAYS GLOWING TRIBUTES TO SADHU SINGH TAKHTUPURA IN COURT, FEELS GUILTY & SHELL-SHOCKED

Speaking about Sadhu Singh Takhtupura, the accused Sandip Singh says, “... deceased Sadhu Singh Takhtupura, was a very noble soul, tirelessly struggling for the cause of poor farmers to save them from land grabbers in the area. There has been wide-spread sympathy for him and condemnation of his murder. Being a participant in the murder of Sadhu Singh Takhtupura, the condemnations and rebukes by a large number of people has deeply pricked my consciousness. I have been so shell-shocked, that I spent a large number of sleepless nights, introspecting about my role and responsibilities in this case. Slowly, I have come to the conclusion that, remaining silent at the present juncture will result in miscarriage of justice by letting some of the accused off the hook, who had played vital role in conspiring, planning and executing the murder of Sadhu Singh Takhtupura, as he posed a great threat to their evil designs of grabbing the poor farmers’ lands. This will put a permanent scar on my soul, and I will remain burdened with the sense of guilt throughout my remaining life”.

CONFESSION:

He further says in his application that, “having come to the above said conclusion, he has decided to make a full and true discloser of the whole of the circumstances within his knowledge relating to the murder of Sh. Sadhu Singh Takhtupura and also relating to other persons concerned as conspirator, principal or abettor, in the commission thereof and thereby cleanse his soul of the unbearable sin of the murder of such a noble soul like Sadhu Singh Takhtupura”.

Disclosing the sequence of bloody event, he has said, that he, “ used to be present on different occasions since January 2010, when Veer Singh Lopoke, Baba Rachhpal Singh, Sarabjit Singh Lodhi Gujjar, Kulwinder Singh Saurian, Randhir Singh Rana, Dr. Sharanjit Singh etc hatched the conspiracy to murder Sadhu Singh Takhtupura, and made plans to execute it. He was also present on 16.02.2010 in the house of Veer Singh Lopoke at village Lopoke, when he, Rachhpal Singh Baba, Kulwinder Singh Saurian , Sarabjit Singh Lodhi Gujjar, Randhir Singh Rana etc exhorted him and other accused, who were got assembled there by the above said persons after coming to know about Sadhu Singh Takhtupura mobilizing the people for the Dharna to be held at Ajnala on 17.02.2012, demanding arrest of Baba Rachhpal Singh, who is a close relative of Veer Singh Lopoke,  to follow Sadhu Singh Takhtupura and murder him. Acting upon this plan, Sadhu Singh Takhtupura was murdered on the same day. He  was also present at the time when Randhir Singh Rana, Dr. Sharanjit Singh, Tejinder Singh Kala @ Jatinder Singh & others, attacked Sadhu Singh Takhtupura and his companions near  Dhussi Band village Ghoga on 16.02.2012, murdered Sadhu Singh Takhtupura and caused injuries to his companions.”

He has therefore expressed his readiness to give evidence during the trial and prayed for being tendered pardon and allowed to turn approver and to make a full and true discloser of the whole of the circumstances within his knowledge relating to the murder of Sh. Sadhu Singh Takhtupura and also relating to other persons concerned as conspirator, principal or abettor, in the commission thereof.

The court has fixed 21^st January for hearing arguments on this application & taking a decision on it. 

N.K.JEET, Advocate, Bathinda 

Mob : 94175-07363

ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ ਦੀ ਦੂਸਰੀ ਬਰਸੀ ਮੌਕੇ

ਆਰਥਕ ਤੇ ਖੂਨੀ ਹੱਲੇ ਖਿਲਾਫ

ਜਨਤਕ ਟਾਕਰੇ ਦੀ ਲਹਿਰ ਉਸਾਰਨ ਦਾ ਸੱਦਾ

Joginder Singh Ugrahan, President BKU (Ekta) addressing the large gathering at village Takhtupura, held for commemorating the second martyrdom-anniversary of Shaheed Sadhu Singh Takhtupura

ਤਖਤੂਪੁਰਾ, 20 ਫਰਵਰੀ - ਆਬਾਦਕਾਰ ਕਿਸਾਨਾਂ-ਮਜ਼ਦੂਰਾਂ ਨੂੰ ਜ਼ਮੀਨਾਂ ਦੇ ਮਾਲਕੀ ਹੱਕ ਦਿਵਾਉਣ ਲਈ ਲੜੇ ਜਾ ਰਹੇ ਜਮੀਨੀ ਘੋਲ ਦੀ ਅਗਵਾਈ ਕਰਦਿਆਂ ਅਕਾਲੀ ਆਗੂ ਵੀਰ ਸਿੰਘ ਲੋਪੋਕੇ ਦੇ ਭੂ-ਮਾਫੀਆ ਗਿਰੋਹ ਖਿਲਾਫ਼ ਜੂਝਦੇ ਹੋਏ ਸ਼ਹਾਦਤ ਦਾ ਜਾਮ ਪੀਣ ਵਾਲੇ ਉੱਘੇ ਕਿਸਾਨ ਆਗੂ ਸਾਧੂ ਸਿੰਘ ਤਖਤੂਪੁਰਾ ਦੀ ਦੂਸਰੀ ਬਰਸੀ ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) ਵੱਲੋਂ ਉਹਨਾਂ ਦੇ ਜੱਦੀ ਪਿੰਡ ਤਖਤੂਪੁਰਾ ਵਿਖੇ ਮਨਾਈ ਗਈ। ਜਿਸ ਵਿਚ ਸੂਬੇ ਭਰ 'ਚੋਂ ਹਜ਼ਾਰਾਂ ਕਿਸਾਨ-ਮਜ਼ਦੂਰ ਮਰਦ-ਔਰਤਾਂ ਵੱਲੋਂ ਸ਼ਿਰਕਤ ਕੀਤੀ ਗਈ।

ਲੋਕਾਂ ਦੇ ਠਾਠਾਂ ਮਾਰਦੇ ਅਤੇ ਰੋਹ ਨਾਲ ਖਚਾਖਚ ਭਰੇ ਪੰਡਾਲ ਨੂੰ ਸੰਬੋਧਨ ਕਰਦਿਆਂ ਬੀਕੇਯੂ (ਏਕਤਾ) ਦੇ ਸੂਬਾ ਪ੍ਰਧਾਨ ਸ੍ਰੀ ਜੋਗਿੰਦਰ ਸਿੰਘ ਉਗਰਾਹਾਂ, ਜਨਰਲ ਸਕੱਤਰ ਸ੍ਰੀ ਸੁਖਦੇਵ ਸਿੰਘ ਕੋਕਰੀ ਕਲਾਂ ਤੇ ਸੂਬਾ ਸੀਨੀਅਰ ਮੀਤ ਪ੍ਰਧਾਨ ਝੰਡਾ ਸਿੰਘ ਜੇਠੂਕੇ ਨੇ ਇਕਸੁਰ ਹੋ ਕੇ ਆਖਿਆ ਕਿ ਜਮੀਨਾਂ ਦੀ ਰਾਖੀ, ਕਰਜਿਆਂ ਤੋਂ ਮੁਕਤੀ, ਬਿਜਲੀ ਬੋਰਡ ਸਮੇਤ ਸਰਕਾਰੀ ਅਦਾਰਿਆਂ ਦੇ ਨਿੱਜੀਕਰਨ ਨੂੰ ਰੋਕਣ ਵਰਗੇ ਮੁੱਦਿਆਂ ਨੂੰ ਲੈ ਕੇ ਸੰਘਰਸ਼ਾਂ ਦੇ ਅਖਾੜਿਆਂ 'ਚੋਂ ਦਿਨੋ-ਦਿਨ ਵੱਧ-ਫੁੱਲ ਰਹੀ ਉਨ੍ਹਾਂ ਦੀ ਜਥੇਬੰਦੀ ਨੂੰ ਮਸਲ ਕੇ ਕਿਸਾਨ ਲਹਿਰ ਨੂੰ ਸੱਟ ਮਾਰਨ ਦੇ ਖੋਰੀ ਇਰਾਦਿਆਂ ਨੂੰ ਸਿਰੇ ਚਾੜ੍ਹਣ ਲਈ ਹੀ ਬਾਦਲ ਸਰਕਾਰ ਤੇ ਪਰਿਵਾਰ ਦੀ ਸ਼ਹਿ 'ਤੇ ਭੂ-ਮਾਫੀਆ ਵੱਲੋਂ ਸ਼ਹੀਦ ਸਾਧੂ ਸਿੰਘ ਦਾ ਚੁਣ ਕੇ ਸਿਆਸੀ ਕਤਲ ਕੀਤਾ ਗਿਆ ਹੈ।

ਉਨ੍ਹਾਂ ਕਿਹਾ ਕਿ ਅੱਜ ਵੀ ਸ਼ਹੀਦ ਸਾਧੂ ਸਿੰਘ ਦੇ ਵਾਰਸਾਂ ਸਾਹਮਣੇ ਗੰਭੀਰ ਚੁਣੌਤੀਆਂ ਦਰਪੇਸ਼ ਹਨ। ਇਕ ਪਾਸੇ ਸਾਮਰਾਜੀ ਦਿਸ਼ਾ-ਨਿਰਦੇਸ਼ਾਂ ਤਹਿਤ ਸੂਬਾਈ ਤੇ ਕੇਂਦਰੀ ਹਾਕਮਾਂ ਵੱਲੋਂ ਕਿਸਾਨਾਂ ਦੀਆਂ ਜਮੀਨਾਂ ਖੋਹਣ, ਸਬਸਿਡੀਆਂ ਅਤੇ ਜਨਤਕ ਵੰਡ ਪ੍ਰਣਾਲੀ ਦਾ ਭੋਗ ਪਾਉਣ, ਛੋਟੇ ਖੇਤੀ ਕਰਜਿਆਂ ਦਾ ਬਜਟ ਛਾਂਗਣ ਤੋਂ ਇਲਾਵਾ ਨਵੀਂ ਜਲ-ਨੀਤੀ ਰਾਹੀਂ ਲੋਕਾਂ ਨੂੰ ਪਾਣੀ ਵਰਗੀ ਅਨਮੋਲ ਕੁਦਰਤੀ ਦਾਤ ਤੋਂ ਵਾਂਝੇ ਕਰਨ ਅਤੇ ਖੇਤੀ ਤੇ ਖੇਤ-ਮਜ਼ਦੂਰਾਂ ਤੋਂ ਫਰੀ ਬਿਜਲੀ ਸਹੂਲਤ ਖੋਹਣ, ਰੁਜ਼ਗਾਰ ਦੀ ਗਰੰਟੀ ਤੇ ਸਰਕਾਰੀ ਅਦਾਰਿਆਂ ਦਾ ਭੋਗ ਪਾਉਣ, ਵੱਡ-ਅਕਾਰੀ ਐਗਰੋ ਮਾਲ ਖੋਹਲਣ ਵਰਗੇ ਨੀਤੀ ਕਦਮਾਂ ਰਾਹੀਂ ਲੋਕਾਂ ਨੂੰ ਗੰਭੀਰ ਹਮਲੇ ਦੀ ਮਾਰ ਹੇਠ ਲਿਆਂਦਾ ਜਾ ਰਿਹਾ ਹੈ। ਦੂਜੇ ਪਾਸੇ ਆਪਣੇ ਹੱਕਾਂ ਲਈ ਜੂਝ ਰਹੇ ਕਿਸਾਨਾਂ-ਮਜ਼ਦੂਰਾਂ ਤੇ ਹੋਰਨਾਂ ਸੰਘਰਸ਼ਸ਼ੀਲ ਲੋਕਾਂ ਨੂੰ ਜਾਬਰ-ਕਾਲੇ ਕਨੂੰਨਾਂ ਤੇ ਲਾਠੀਆਂ-ਗੋਲੀਆਂ ਦੇ ਜੋਰ ਅੰਨ੍ਹੇ ਤਸ਼ੱਦਦ ਦਾ ਸ਼ਿਕਾਰ ਬਣਾਉਣ ਤੋਂ ਇਲਾਵਾ ਸੂਦਖੋਰਾਂ, ਭੂ-ਮਾਫੀਆ ਗਰੋਹਾਂ ਅਤੇ ਜਗੀਰਦਾਰਾਂ ਦੀਆਂ ਨਿੱਜੀ ਸੈਨਾਵਾਂ ਅਤੇ ਹਥਿਆਰਬੰਦ ਗੁੰਡਾ ਗਰੋਹਾਂ ਨੂੰ ਹਾਕਮਾਂ ਵੱਲੋਂ ਆਪਣੇ ਸਿਆਸੀ ਛਤਰ-ਛਾਇਆ ਹੇਠ ਪਾਲ-ਪਲੋਸ ਕੇ ਕਾਤਲਾਨਾ ਹਮਲੇ ਕਰਵਾਏ ਜਾ ਰਹੇ ਹਨ, ਅਜਿਹਾ ਸਭ ਕੁੱਝ ਦੇਸੀ-ਵਿਦੇਸ਼ੀ ਵੱਡੇ ਸਰਮਾਏਦਾਰਾਂ, ਕਾਰਪੋਰੇਟ ਘਰਾਣਿਆਂ ਤੇ ਬਹੁ-ਕੌਮੀ ਕੰਪਨੀਆਂ ਅੱਗੇ ਦੇਸ਼ ਦੇ ਕੁਦਰਤੀ ਸਾਧਨਾਂ ਤੇ ਸਰਕਾਰੀ ਖਜਾਨੇ ਨੂੰ ਪਰੋਸ ਕੇ ਇਹਨਾਂ ਲੁਟੇਰਿਆਂ ਦੀਆਂ ਤਿਜੌਰੀਆਂ ਭਰਨ ਲਈ ਕੀਤਾ ਜਾ ਰਿਹਾ ਹੈ।

ਕਿਸਾਨ ਆਗੂਆਂ ਨੇ ਕਿਹਾ ਕਿ ਇਹ ਚੌਤਰਫ਼ਾ ਹੱਲਾ ਜਿਥੇ ਕਿਸਾਨਾਂ-ਮਜ਼ਦੂਰਾਂ ਤੇ ਕਿਰਤੀ ਲੋਕਾਂ ਨੂੰ ਜਿਥੇ ਭੁੱਖਮਰੀ ਤੇ ਕੰਗਾਲੀ ਦੇ ਮੂੰਹ ਧੱਕ ਰਿਹਾ ਹੈ, ਉਥੇ ਲੋਕਾਂ ਨੂੰ ਸੰਘਰਸ਼ਾਂ ਦੇ ਰਾਹ ਧੱਕਣ ਦਾ ਖੁਦ ਹੀ ਆਧਾਰ ਤਿਆਰ ਕਰ ਰਿਹਾ ਹੈ। ਉਹਨਾਂ ਕਿਹਾ ਕਿ ਇਸ ਚੌਤਰਫ਼ੇ ਆਰਥਿਕ ਹੱਲੇ ਤੇ ਖੂੰਨੀ ਧਾਵੇ ਖਿਲਾਫ਼ ਜਨਤਕ ਟਾਕਰੇ ਦੀ ਲਹਿਰ ਉਸਾਰਨ ਲਈ ਸਮੂਹ ਕਿਸਾਨਾਂ, ਖੇਤ-ਮਜ਼ਦੂਰਾਂ, ਔਰਤਾਂ, ਨੌਜਵਾਨਾਂ ਤੇ ਸਨਅਤੀ ਕਾਮਿਆਂ ਸਮੇਤ ਲੁੱਟੇ ਜਾ ਰਹੇ ਸਭਨਾਂ ਲੋਕਾਂ ਨੂੰ ਜਥੇਬੰਦ ਕਰਕੇ ਤਿੱਖੇ ਘੋਲਾਂ ਦੇ ਮੋਰਚੇ ਭਖਾਉਣ ਲਈ ਮੈਦਾਨ 'ਚ ਨਿੱਤਰਨਾ ਹੀ ਸ਼ਹੀਦ ਸਾਧੂ ਸਿੰਘ ਨੂੰ ਸੱਚੀ ਸ਼ਰਧਾਂਜਲੀ ਹੈ। ਉਨ੍ਹਾਂ ਐਲਾਨ ਕੀਤਾ ਕਿ ਉਨ੍ਹਾਂ ਦੀ ਜਥੇਬੰਦੀ ਸਭਨਾਂ ਚੁਣੌਤੀਆਂ ਦਾ ਖਿੜੇ ਮੱਥੇ ਟਾਕਰਾ ਕਰਦੀ ਹੋਈ ਸਾਧੂ ਸਿੰਘ ਦੀ ਵਿਰਾਸਤ ਦਾ ਝੰਡਾ ਬੁਲੰਦ ਰੱਖੇਗੀ ਅਤੇ ਕਿਸਾਨ ਲਹਿਰ ਦੀ ਉਸਾਰੀ ਤੇ ਰਾਖੀ ਲਈ ਪੂਰਾ ਤਾਣ ਲਾਵੇਗੀ।

ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਪੰਜਾਬ ਖੇਤ ਮਜਦੂਰ ਯੂਨੀਅਨ ਦੇ ਸੂਬਾ ਜਨਰਲ ਸਕੱਤਰ ਲਛਮਣ ਸਿੰਘ ਸੇਵੇਵਾਲਾ, ਨੌਜਵਾਨ ਭਾਰਤ ਸਭਾ ਦੇ ਸੂਬਾ ਜੱਥੇਬੰਦਕ ਸਕੱਤਰ ਪਾਵੇਲ ਕੁੱਸਾ, ਕਿਸਾਨ ਸੰਘਰਸ਼ ਕਮੇਟੀ ਦੇ ਕਨਵੀਨਰ ਸਤਨਾਮ ਸਿੰਘ ਪੰਨੂੰ, ਕਿਸਾਨ ਸੰਘਰਸ਼ ਕਮੇਟੀ ਦੇ ਕਨਵੀਨਰ ਕੰਵਲਪ੍ਰੀਤ ਸਿੰਘ ਪੰਨੂੰ, ਬੀਕੇਯੂ (ਕਾ੍ਰਂਤੀਕਾਰੀ) ਦੇ ਜਨਰਲ ਸਕੱਤਰ ਦਲਵਿੰਦਰ ਸਿੰਘ ਸ਼ੇਰਖਾਂ, ਬੀਕੇਯੂ (ਏਕਤਾ ਡਕੌਂਦਾ) ਦੇ ਸੂਬਾ ਸੀਨੀਅਰ ਮੀਤ ਪ੍ਰਧਾਨ ਮਨਜੀਤ ਸਿੰਘ ਧੰਨੇਰ ਤੇ ਟੀਐਸਯੂ ਦੇ ਸੂਬਾ ਪ੍ਰਧਾਨ ਸੁਖਵੰਤ ਸਿੰਘ ਸੇਖੋਂ ਨੇ ਸ੍ਰੀ ਸਾਧੂ ਸਿੰਘ ਨੂੰ ਸ਼ਰਧਾਂਜਲੀ ਭੇਂਟ ਕਰਦਿਆਂ ਆਪਣੇ ਸੰਬੋਧਨ 'ਚ ਕਿਹਾ ਕਿ 6 ਮਾਰਚ ਤੋਂ ਬਾਅਦ ਪੰਜਾਬ 'ਚ ਜੀਹਦੀ ਮਰਜੀ ਸਰਕਾਰ ਬਣ ਜਾਵੇ, ਲੋਕਾਂ 'ਤੇ ਹਮਲੇ ਹੋਰ ਵਧਣਗੇ ਜਿੰਨਾਂ ਦਾ ਜਵਾਬ ਦੇਣ ਲਈ ਤਿਆਰ-ਬਰ-ਤਿਆਰ ਰਹਿਣ ਦੀ ਲੋੜ ਹੈ। ਇਸ ਮੌਕੇ ਮਤਾ ਪਾਸ ਕਰਕੇ ਮਜ਼ਦੂਰ ਘਰਾਂ 'ਚੋਂ ਬਿਜਲੀ ਮੀਟਰ ਪੁੱਟੇ ਜਾਣ ਦੀ ਕਾਰਵਾਈ ਦੀ ਸਖਤ ਨਿੰਦਿਆ ਕਰਦਿਆਂ ਐਲਾਨ ਕੀਤਾ ਗਿਆ ਕਿ ਜਥੇਬੰਦੀਆਂ ਕਿਸੇ ਵੀ ਮਜ਼ਦੂਰ ਦਾ ਮੀਟਰ ਨਹੀਂ ਪੁੱਟਣ ਦੇਣਗੀਆਂ। ਸਟੇਜ ਸੰਚਾਲਨ ਦੀ ਜਿੰਮੇਵਾਰੀ ਹਰਦੀਪ ਸਿੰਘ ਟੱਲੇਵਾਲ ਨੇ ਬਾਖੂਬੀ ਨਿਭਾਈ।

ਜਾਰੀ ਕਰਤਾ :

ਸੁਖਦੇਵ ਸਿੰਘ ਕੋਕਰੀ ਕਲਾਂ,

ਜਨਰਲ ਸਕੱਤਰ, ਬੀਕੇਯੂ ਏਕਤਾ

94174-66038

ਸਾਧੂ ਸਿੰਘ ਤਖ਼ਤੂਪੁਰਾ ਦੀ 20 ਫਰਵਰੀ ਨੂੰ ਬਰਸੀ 'ਤੇ ਵਿਸ਼ੇਸ਼

ਉਹ ਤਾਰਾ ਬਣਿਆਂ ਅੰਬਰਾਂ ਦਾ

—ਅਮੋਲਕ ਸਿੰਘ
94170-76735

ਸੰਵੇਦਨਸ਼ੀਲ, ਬੁੱਧੀਮਾਨ, ਕਵੀ, ਹੁਨਰਮੰਦ, ਜੱਥੇਬੰਦਕਾਰ, ਇਨਕਲਾਬੀ ਜਮਹੂਰੀ ਲਹਿਰ ਦੇ ਸਿਰਕੱਢ ਆਗੂ, ਲੋਕ-ਮਨਾਂ ਦੀ ਡਾਇਰੀ 'ਤੇ ਸੰਗਰਾਮੀ ਕਥਾ ਉਘਾੜਨ ਵਾਲੇ ਸਾਧੂ ਸਿੰਘ ਤਖ਼ਤੂਪੁਰਾ ਦੀ 70 ਵਰ੍ਹਿਆਂ ਦੀ ਜੀਵਨ-ਗਾਥਾ, ਜ਼ਿੰਦਗੀ ਨੂੰ ਨਵੇਂ ਅਰਥ ਦੇਣ ਵੱਲ ਜਾਂਦੇ ਨਵੇਂ ਰਾਹਾਂ ਦਾ ਮਾਣ-ਮੱਤਾ ਸਿਰਨਾਵਾਂ ਹੈ।

ਉਹ ਜੀਵਿਆ ਸ਼ਾਨ ਨਾਲ। ਉਹ ਐਸੀ ਮਰਨੀ ਮਰਿਆ ਕਿ ਹਨੇਰਾ ਢੋਂਦੀ ਲੋਕਾਈ ਨੂੰ ਆਪਣੀ ਤਕਦੀਰ ਬਦਲਣ ਲਈ ਸੰਘਰਸ਼ਾਂ ਦੇ ਅਖਾੜਿਆਂ 'ਚੋਂ ਕਸ਼ੀਦੇ ਵਿਚਾਰਾਂ ਨਾਲ ਚਾਨਣ ਚਾਨਣ ਕਰ ਗਿਆ।
10 ਮਾਰਚ 1942 ਨੂੰ ਪਿੰਡ ਤਖ਼ਤੂਪੁਰਾ ਦੇ ਵਿਸਾਖਾ ਸਿੰਘ ਦੇ ਘਰ ਮਾਤਾ ਜੰਗੀਰ ਕੌਰ ਦੀ ਕੁੱਖੋਂ ਜਨਮ ਲੈਣ ਵਾਲਾ ਸਾਧੂ ਸਿੰਘ ਤਖ਼ਤੂਪੁਰਾ ਸਾਡੇ ਸਮਿਆਂ ਦੇ ਮਲਕ ਭਾਗੋਆਂ ਦੇ ਲਿਤਾੜੇ ਭਾਈ ਲਾਲੋਆਂ ਦੇ ਸਰੋਕਾਰਾਂ ਦੀ ਬਾਂਹ ਫੜਦਾ ਅਤੇ ਉਨ੍ਹਾਂ ਲਈ ਮਾਣ-ਸਨਮਾਨ ਵਾਲੇ ਸਮਾਜ ਦੀ ਸਿਰਜਣਾ ਦੇ ਸੁਪਨੇ ਬੀਜਦਾ, ਅਜੇਹੇ ਵਿਚਾਰਾਂ ਦੀ ਫਸਲ ਨੂੰ, ਆਪਣੇ ਲਹੂ ਨਾਲ ਸਿੰਜ ਗਿਆ।
ਉਹ ਭਾਵੇਂ ਆਰਟ ਐਂਡ ਕਰਾਫਟ ਦਾ ਕੋਰਸ ਕਰਕੇ 1964 ਵਿਚ ਡਰਾਇੰਗ ਮਾਸਟਰ ਲੱਗ ਗਿਆ। ਉਸਨੇ ਜੀਵਨ ਜਾਚ ਦੀ ਹਕੀਕੀ ਵਿਦਿਆ ਦੱਬੇ ਕੁਚਲੇ ਲੋਕਾਂ ਨਾਲ ਮੱਛੀ ਅਤੇ ਪਾਣੀ ਵਾਲਾ ਰਿਸ਼ਤਾ ਜੋੜ ਕੇ ਕੀਤੀ। ਉਹਦੀ ਤੀਜੀ ਅੱਖ ਅੰਦਰ ਗਹਿਰਾ ਅਹਿਸਾਸ ਧੜਕਣ ਲੱਗਾ ਕਿ ਕਾਗਜਾਂ 'ਤੇ ਚਿਤਰ ਬਣਾਉਣ ਤੋਂ ਮਹੱਤਵਪੂਰਨ ਕਾਰਜ਼, ਸਮਾਜ-ਸਿਰਜਕਾਂ ਦੇ ਚਿਤਰ ਸਮਝਣ ਅਤੇ ਉਹਨਾਂ 'ਚ ਖ਼ੂਬਸੂਰਤ ਰੰਗ ਭਰਨ ਦਾ ਹੈ।
ਸਾਧੂ ਨੇ ਆਪਣੇ ਹਮਜੋਲੀ ਕਵੀ ਓਮ ਪ੍ਰਕਾਸ਼ ਕੁੱਸਾ ਨਾਲ ਮਿਲ ਕੇ ਸਾਹਿਤਕ ਪੱਤ੍ਰਿਕਾ 'ਜਾਗੋ' ਕੱਢੀ। ਮੋਗਾ ਗੋਲੀ ਕਾਂਡ-1972, ਹੰਗਾਮੀ ਹਾਲਤ, ਵੰਨ-ਸੁਵੰਨੇ ਹਾਕਮ ਧੜਿਆਂ ਦੇ ਬਦਲ 'ਚ ਲੋਕ ਧੜੇ ਦੀ ਉਸਾਰੀ, ਬੇਰੁਜ਼ਗਾਰ ਅਧਿਆਪਕਾਂ ਦਾ ਘੋਲ, ਕਰਜ਼ਾ ਮੁਕਤੀ ਘੋਲ, ਜ਼ਮੀਨੀ ਘੋਲ, ਕੁਰਕੀਆਂ ਵਿਰੋਧੀ ਲਹਿਰ, ਸਨਅਤੀ ਕਾਮਿਆਂ ਦੀ ਹਮਾਇਤ ਆਦਿ ਘੋਲਾਂ ਦਾ ਇਤਿਹਾਸ ਦਰਸਾਉਂਦਾ ਹੈ ਕਿ ਉਹ ਤਬਕਾਤੀ ਵਲਾਗਣਾ ਤੋਂ ਪਾਰ ਜਾ ਕੇ ਮਿਹਨਤਕਸ਼ ਤਬਕਿਆਂ ਦੀ ਸਾਂਝੀ, ਮਜ਼ਬੂਤ ਅਤੇ ਜੁਝਾਰੂ ਇਨਕਲਾਬੀ ਜਨਤਕ ਲਹਿਰ ਦਾ ਕਿਲ੍ਹਾ ਉਸਾਰਨ ਲਈ ਸਰਗਰਮਸ਼ੀਲ ਰਿਹਾ।
ਉਹ ਬਦੇਸ਼ੀ ਧੜਵੈਲ ਬਹੁ-ਕੌਮੀ ਕੰਪਨੀਆਂ ਅਤੇ ਉਨ੍ਹਾਂ ਦੇ ਦੇਸੀ ਯਾਰਾਂ ਤੋਂ ਕੌਮੀ ਮਾਲ-ਖਜ਼ਾਨਿਆਂ, ਕੁਦਰਤੀ ਸਰੋਤਾਂ, ਮਨੁੱਖੀ ਜੀਵਨ ਦੀਆਂ ਮੁਢਲੀਆਂ ਲੋੜਾਂ, ਸਿੱਖਿਆ, ਸਿਹਤ, ਰੁਜ਼ਗਾਰ, ਬਿਜਲੀ, ਪਾਣੀ ਅਤੇ ਆਵਾਜਾਈ ਮਾਰਗਾਂ ਆਦਿ ਖੇਤਰਾਂ ਉਪਰ ਵੀ ਮਾਰੇ ਜਾ ਰਹੇ ਨਿਸੰਗ ਝਪਟਿਆਂ ਖਿਲਾਫ ਨਵੇਂ ਮੁਹਾਵਰੇ 'ਚ ਕੌਮੀ ਜਾਗਰਤੀ, ਲੋਕ-ਮੁਕਤੀ ਦੀ ਚੇਤਨਾ ਅਤੇ ਸੰਗਰਾਮ ਦੀ ਧਾਰਾ ਉਭਾਰਨ ਦਾ ਮਹੱਤਵਪੂਰਨ ਕਾਰਜ਼ ਸਾਹਮਣੇ ਖੜ੍ਹਾ ਕਰ ਗਿਆ ਹੈ।
ਸਾਧੂ ਸਿੰਘ ਤਖ਼ਤੂਪੁਰਾ ਨੇ ਆਪਣੀ ਜੱਥੇਬੰਦੀ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਉਗਰਾਹਾਂ) ਦੇ ਬੂਟੇ ਨੂੰ ਮੌਲਰਨ ਲਈ ਹੀ ਇਸ ਧਰਤੀ ਨੂੰ ਆਪਣੇ ਲਹੂ ਨਾਲ ਨਹੀਂ ਸਿੰਜਿਆ ਸਗੋਂ ਸਮੁੱਚੀ ਕਿਸਾਨ ਅਤੇ ਇਨਕਲਾਬੀ ਜਮਹੂਰੀ ਲਹਿਰ ਅੱਗੇ ਬੁਨਿਆਦੀ ਏਜੰਡਾ ਉਭਾਰਿਆ ਹੈ ਕਿ ਹਕੂਮਤੀ ਦਹਿਸ਼ਤਗਰਦੀ ਅਤੇ ਸਥਾਪਤੀ ਵੱਲੋਂ ਥਾਪੜਾ ਦੇ ਕੇ ਸਿਸ਼ਕਾਰੇ ਹਥਿਆਰਬੰਦ ਨਿਜੀ ਗਰੋਹਾਂ ਦੇ ਵਾਰਾਂ ਤੋਂ ਸਵੈ-ਰਾਖੀ, ਇਨਕਲਾਬੀ ਲੋਕ ਲਹਿਰ ਦੇ ਪਸਾਰੇ ਅਤੇ ਮਜ਼ਬੂਤੀ ਲਈ ਇਨਕਲਾਬੀ ਜਨਤਕ ਟਾਕਰਾ ਲਹਿਰ ਦੀ ਸਿਰਜਣਾ ਲਾਜ਼ਮੀ ਹੈ।
ਕਿਰਤੀ ਕਮਾਊ, ਕਿਰਤਾਂ ਦੇ ਪਹਿਰੇਦਾਰ, ਅਮਨ-ਪਸੰਦ ਅਤੇ ਸਾਊ ਲੋਕ, ਚੜ੍ਹਦੇ ਸੂਰਜ ਵਾਪਰ ਰਹੇ ਵਰਤਾਰਿਆਂ ਦੇ ਪ੍ਰਤੱਖ ਅਮਲਾਂ 'ਚੋਂ ਇਹ ਨਤੀਜੇ ਕੱਢਣਗੇ ਕਿ ਜੇ ਹੱਕ, ਸੱਚ, ਇਨਸਾਫ ਲਈ ਇਥੇ ਕੋਈ ਜਗ੍ਹਾ ਹੀ ਨਹੀਂ ਫਿਰ ਅਜੋਕੇ ਪ੍ਰਬੰਧ ਤੋਂ ਝਾਕ ਕਰਨ ਦੀ ਬਜਾਏ, ਲੋਕ ਆਪਣੀ ਜਾਗਰੂਕ ਸ਼ਕਤੀ ਜੋੜਨ ਅਤੇ ਆਪਣੀ ਪੁੱਗਤ ਅਤੇ ਨਿਜ਼ਾਮ ਦੀ ਸਿਰਜਣਾ ਵੱਲ ਜਾਂਦੇ ਨਵੇਂ ਸਵੱਲੜੇ ਰਾਹਾਂ ਦੀ ਤਲਾਸ਼ ਕਰਨਗੇ।
ਸਾਧੂ ਸਿੰਘ ਤਖ਼ਤੂਪੁਰਾ ਦੀ ਸ਼ਹਾਦਤ ਕੋਈ ਅਚਨਚੇਤ ਵਾਪਰੀ ਘਟਨਾ ਨਹੀਂ। ਸੰਘਰਸ਼ਾਂ ਦੇ ਤਪਦੇ ਮਾਰੂਥਲ 'ਚ ਉਹ ਜ਼ਿੰਦਗੀ ਭਰ ਮੌਤ ਨੂੰ ਮਖੌਲਾਂ ਕਰਦਾ ਰਿਹਾ। ਜੇਠੂਕੇ, ਮਾਈਸਰਖਾਨਾ, ਭਾਈ ਬਖਤੌਰ, ਚੱਠੇਵਾਲਾ, ਜੋਗਾ, ਮਾਨਾਵਾਲਾ, ਛੰਨਾ, ਧੌਲਾ, ਸੰਘੇੜਾ ਅਤੇ ਚੰਡੀਗੜ੍ਹ ਦੀਆਂ ਸੜਕਾਂ 'ਤੇ ਵਗਿਆ ਲੋਕ-ਦਰਿਆ ਆਦਿ ਅਨੇਕਾਂ ਅਜੇਹੇ ਵੇਲੇ ਹਨ ਜਦੋਂ ਵੰਨ-ਸੁਵੰਨੇ ਹਾਕਮਾਂ ਦੇ ਰਾਜ ਅੰਦਰ ਉਨ੍ਹਾਂ ਵੱਲੋਂ ਚੰਮ ਦੀਆਂ ਚਲਾਉਣ ਦੇ ਅਮਲਾਂ ਨੂੰ ਠੱਲ੍ਹ ਪਾਉਣ ਲਈ ਲੋਕ-ਸ਼ਕਤੀ ਨੇ ਕਰਾਰੇ ਝਟਕੇ ਦਿੱਤੇ ਹਨ। ਸਾਧੂ ਸਿੰਘ ਤਖ਼ਤੂਪੁਰਾ ਦੀ ਜੱਥੇਬੰਦੀ ਬੀ.ਕੇ.ਯੂ. (ਏਕਤਾ) ਲੋਕਾਂ ਦਾ ਭਰੋਸਾ ਜਿੱਤਣ 'ਚ ਸਫਲ ਹੋਈ। ਮਜ਼ਦੂਰ ਕਿਸਾਨ ਜੱਥੇਬੰਦੀਆਂ ਦਾ ਸਾਂਝਾ ਥੜ੍ਹਾ ਹਾਕਮਾਂ ਦੀ ਅੱਖ ਦਾ ਰੋੜ ਬਣਨ ਲੱਗਾ। ਅਜੇਹੇ ਮੌਕੇ ਸਾਧੂ ਸਿੰਘ ਤਖ਼ਤੂਪੁਰਾ ਉਪਰ ਕਾਤਲੀ ਹੱਲਾ ਅਸਲ 'ਚ ਉਸਦੀ ਜੱਥੇਬੰਦੀ, ਸਾਂਝੇ ਥੜ੍ਹੇ ਅਤੇ ਸਮੁੱਚੀ ਇਨਕਲਾਬੀ ਜਮਹੂਰੀ ਲਹਿਰ ਨੂੰ ਚੁਣੌਤੀ ਅਤੇ ਕੰਨ ਕਰਨਾ ਹੈ ਕਿ ਹੱਕ, ਸੱਚ, ਇਨਸਾਫ ਅਤੇ ਲੋਕ ਰਜ਼ਾ ਦੀ ਗੱਲ ਕਰਨ ਵਾਲਿਆਂ ਨੂੰ ਇਸਦੇ ਨਤੀਜੇ ਭੁਗਤਣ ਲਈ ਤਿਆਰ ਰਹਿਣਾ ਚਾਹੀਦਾ ਹੈ। ਲੋਕ-ਮਸਲਿਆਂ ਨਾਲ ਗੁੰਦਵੀਂ ਜਮਹੂਰੀ ਹੱਕਾਂ ਦੀ ਲੜਾਈ ਦਾ ਸਥਾਨ ਕਿੰਨਾ ਮਹੱਤਵਪੂਰਨ ਹੈ ਇਸਦਾ ਪ੍ਰਮਾਣ ਸਾਧੂ ਸਿੰਘ ਤਖ਼ਤੂਪੁਰਾ ਦੀ ਸ਼ਹਾਦਤ ਮਗਰੋਂ ਕਾਲੇ ਕਾਨੂੰਨਾਂ ਖਿਲਾਫ ਚੱਲ ਰਹੀ ਜੱਦੋਜਹਿਦ ਦਰਸਾਉਂਦੀ ਹੈ। ਆਪਣੇ ਹੱਕਾਂ ਲਈ ਜੂਝਦੀਆਂ ਮੁਟਿਆਰਾਂ, ਗੱਭਰੂਆਂ, ਕਿਰਤੀ, ਕਿਸਾਨਾਂ, ਮੁਲਾਜ਼ਮਾਂ, ਕਲਮਕਾਰਾਂ ਅਤੇ ਪੱਤਰਕਾਰਾਂ ਉਪਰ ਚੜ੍ਹਦੇ ਸੂਰਜ ਹੁੰਦੇ ਹੱਲੇ ਵੀ ਵਿਸ਼ੇਸ਼ ਧਿਆਨ ਖਿੱਚਦੇ ਹਨ।
ਜ਼ਮੀਨ ਵਾਲੇ ਪਰਿਵਾਰ 'ਚੋਂ ਹੋ ਕੇ ਸਾਧੂ ਸਿੰਘ ਤਖ਼ਤੂਪੁਰਾ ਜਿਵੇਂ ਬੇਜ਼ਮੀਨੇ ਪਰਿਵਾਰ ਦੀ ਧੀ ਦੀ ਦਰਦ-ਪਰੁੰਨੀ ਦਾਸਤਾਂ ਗੀਤ ਰਾਹੀਂ ਬਿਆਨਦਾ ਹੈ ਉਸਤੋਂ ਸਾਧੂ ਦੀ ਕਲਮ ਦੀ ਤੀਖਣ ਅੱਖ 'ਚ ਸੁਲਘਦੇ ਸੁਪਨੇ ਪੜ੍ਹੇ ਜਾ ਸਕਦੇ ਹਨ :

''ਸਾਰਾ ਦਿਨ ਬਾਪੂ ਮੇਰਾ ਕਰਦਾ ਏ ਵਾਢੀਆਂ
ਸਾਰਾ ਦਿਨ ਰਹਾਂ ਨੀ ਮੈਂ ਸਿਲ਼ਾ ਚੁਗਦੀ
ਸਾਥੋਂ ਭੁੱਖਿਆਂ ਤੋਂ ਹੋਰ ਨਾ ਵਗਾਰ ਪੁਗਦੀ''

ਮਿਹਨਤਕਸ਼ਾਂ ਦੀ ਖ਼ੂਨ-ਪਸੀਨੇ ਦੀ ਕਮਾਈ ਨੂੰ ਸੜ੍ਹਾਕਦੇ ਅਤੇ ਸਾਡੇ ਪਿਆਰੇ ਵਤਨ ਦੇ ਕੌਮੀ ਮਾਲ-ਖਜ਼ਾਨਿਆਂ ਨੂੰ ਆਪਣੇ ਹੀ ਕੁਨਬੇ ਦੀ ਮਲਕੀਅਤ ਸਮਝ ਕੇ ਜੋ ਦੋਹੀਂ ਹੱਥੀਂ ਲੁੱਟਦੇ ਹਨ ਉਨ੍ਹਾਂ ਨੂੰ ਭੈਅ ਵੱਢ ਵੱਢ ਖਾ ਰਿਹਾ ਹੈ ਕਿ ਜੇ ਸਾਧੂ ਸਿੰਘ ਤਖ਼ਤੂਪੁਰਾ ਵਰਗਿਆਂ ਨੇ ਲੋਕਾਂ ਦੇ ਮੱਥੇ 'ਚ ਜਮਾਤੀ ਚੇਤਨਾ, ਜਮਾਤੀ ਸੰਗਰਾਮ ਅਤੇ ਜਮਾਤ-ਰਹਿਤ ਨਵੇਂ-ਨਰੋਏ, ਬਰਾਬਰੀ, ਨਿਆਂ ਅਤੇ ਖੁਸ਼ਹਾਲੀ ਭਰੇ ਸਮਾਜ ਦਾ ਦੀਵਾ ਬਾਲ ਦਿੱਤਾ ਤਾਂ ਸਾਰਾ ਕੂੜ-ਅੰਧੇਰ ਭਰਿਆ ਰਾਜ ਭਾਗ ਚਾਨਣ ਅੱਗੇ ਕਿਵੇਂ ਖੜ੍ਹੇਗਾ? ਇਸ ਕੂੜ ਦਾ ਅੰਧਕਾਰ ਫੈਲਾਉਣ, ਜਾਗਦੇ ਅਤੇ ਜਗਦੇ ਸਿਰਾਂ ਨੂੰ ਬੁਝਾਉਣ ਲਈ ਹਿੰਸਾ ਦਾ ਸਹਾਰਾ ਲਿਆ ਜਾਂਦਾ ਹੈ। ਪਰ ਹਰ ਯੁੱਗ ਅਤੇ ਹਰ ਸਮੇਂ ਦੀ ਇਹ ਵੀ ਅਟੱਲ ਸਚਾਈ ਹੈ :

ਜਦੋਂ ਜ਼ਾਲਮ ਕਲੇਜੇ ਰੁੱਗ ਭਰਦਾ ਹੈ
ਇਹ ਧਰਤੀ ਮਾਂ ਹੈ, ਸਦਮੇ 'ਚ ਗਸ਼ ਨਹੀਂ ਖਾਂਦੀ
ਸਦਾ ਸੁਹਾਗਣ ਹੈ, ਇਹਦੀ ਅੱਖ ਦਾ ਨੂਰ ਨਹੀਂ ਮਰਦਾ
ਇਹਦੀ ਗੋਦ ਨੂੰ ਸਿਰਲੱਥਾਂ ਦੀ ਤੋਟ ਨਹੀਂ ਆਉਂਦੀ।

ਅਜੇਹਾ ਹੀ ਪੈਗ਼ਾਮ ਦੇਵੇਗੀ ਅਤੇ ਅਹਿਦ ਲਏਗੀ 20 ਫਰਵਰੀ ਨੂੰ ਪਿੰਡ ਤਖ਼ਤੂਪੁਰਾ (ਮੋਗਾ) ਵਿਖੇ ਮਨਾਈ ਜਾ ਰਹੀ ਸਾਧੂ ਸਿੰਘ ਤਖ਼ਤੂਪੁਰਾ ਦੀ ਦੂਜੀ ਬਰਸੀ। ਬਰਸੀ ਦੀ ਤਿਆਰੀ ਲਈ ਪੰਜਾਬ ਭਰ ਚੱਲੀ ਮੁਹਿੰਮ 'ਚ ਅਜੇਹੇ ਬੋਲ ਕਾਫ਼ਲਿਆਂ ਦੀ ਰੂਹ ਦਾ ਹਿੱਸਾ ਬਣੇ ਹਨ :

ਉਹ ਤਾਰਾ ਬਣਿਆ ਅੰਬਰਾਂ ਦਾ
ਉਹਨੂੰ ਕੌਣ ਕਹੇ ਉਹ ਮੋਇਆ ਏ।

SECOND SHARDHANJLI SAMAGAM OF SHAHEED SADHU SINGH TAKHTUPURA

THOUSANDS PAY HOMAGE TO SHAHEED SADHU SINGH TAKHTUPURA

ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਦੇ ਪਹਿਲੀ ਬਰਸੀ ਸਮਾਗਮ ਦੀਆਂ ਝਲਕਾਂ

ਇਨਕਲਾਬੀ ਕਿਸਾਨ ਲਹਿਰ ਜ਼ਿੰਦਾਬਾਦ ਸਾਂਝਾ ਲੋਕ ਸੰਘਰਸ਼ ਜ਼ਿੰਦਾਬਾਦ ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ ਦੀ ਇਨਕਲਾਬੀ ਜੁਝਾਰ ਵਿਰਾਸਤ ਬੁਲੰਦ ਕਰਦਿਆਂ ਇਨਕਲਾਬੀ ਕਿਸਾਨ ਲਹਿਰ ਦੀ ਉਸਾਰੀ ਵੱਲ ਵਧੋ ਉੱਘੇ ਕਿਸਾਨ ਆਗੂ ਸਾਧੂ ਸਿੰਘ ਤਖ਼ਤੂਪੁਰਾ ਨੂੰ ਸ਼ਹੀਦ ਹੋਇਆਂ ਇਕ ਵਰ੍ਹਾ ਬੀਤ ਚੱਲਿਆ ਹੈ। ਉਹ ਸਾਰੀ ਉਮਰ ਇਨਕਲਾਬੀ ਸੋਚ ਤੇ ਅਕੀਦਿਆਂ ਲਈ ਡਟਿਆ ਅਤੇ ਜੂਝਿਆ ਹੈ। ਰਿਟਾਇਰਮੈਂਟ ਤੋਂ ਬਾਅਦ ਆਪਣੇ ਆਪ ਨੂੰ ਇਨਕਲਾਬੀ ਕਿਸਾਨ ਲਹਿਰ ਦੀ ਉਸਾਰੀ ਲਈ ਸਮਰਪਤ ਕਰਦਿਆਂ ਅੰਤ ਲੋਕ ਦੁਸ਼ਮਣਾਂ ਹੱਥੋਂ ਸ਼ਹੀਦੀ ਜਾਮ ਪੀ ਗਿਆ ਹੈ। ਉਹ ਇਨਕਲਾਬੀ ਸੂਝ ਅਤੇ ਕਿਸਾਨ ਹਿੱਤਾਂ ਦਾ ਸਿਰੜੀ ਤੇ ਸਿਦਕਵਾਨ ਪਹਿਰੇਦਾਰ ਹੋ ਨਿਬੜਿਆ ਹੈ। ਉਹ ਇਨਕਲਾਬੀ ਸੋਝੀ ਨਾਲ ਗੜੁੱਚ ਆਪਣੇ ਗੜ੍ਹਕਦੇ ਬੋਲ ਪੁਗਾ ਗਿਆ ਹੈ। ਹੁਣ ਇਨ੍ਹਾਂ ਬੋਲਾਂ 'ਤੇ ਪਹਿਰਾ ਦੇਣਾ ਅਤੇ ਇਨ੍ਹਾਂ ਨੂੰ ਆਪਣੀ ਕਰਨੀ ਰਾਹੀਂ ਪੁਗਾਉਣਾ ਉਸਦੀ ਸ਼ਹਾਦਤ ਨੂੰ ਸਿੱਜਦਾ ਕਰ ਰਹੇ ਕਿਸਾਨ ਕਾਰਕੁੰਨਾਂ ਤੇ ਕਾਫ਼ਲਿਆਂ ਦੀ ਵਾਰੀ ਹੈ। ਸਾਧੂ ਸਿੰਘ ਤਖ਼ਤੂਪੁਰਾ ਦੀ ਸ਼ਹਾਦਤ ਲੋਕ-ਦੁਸ਼ਮਣ ਲਾਣੇ ਨਾਲ ਭੇੜ ਦਾ ਨਤੀਜਾ ਇਹ ਸਾਧੂ ਸਿੰਘ ਹੋਰਾਂ ਦੀ ਕਿਸਾਨ ਜਥੇਬੰਦੀ ਹੀ ਸੀ, ਜਿਸਨੇ ਜ਼ਿਲ੍ਹਾ ਅੰਮ੍ਰਿਤਸਰ 'ਚ ਮੌਕਾਪ੍ਰਸਤ ਸਿਆਸਤਦਾਨਾਂ ਦੀ ਬੁੱਕਲ 'ਚ ਪਲ਼ਦੇ ਭੋਂ-ਮਾਫ਼ੀਆ ਗਰੋਹ ਵੱਲੋਂ ਸਤਾਏ ਕਿਸਾਨਾਂ ਦੀ ਬਾਂਹ ਫੜੀ ਸੀ। ਇਸ ਗੁੰਡਾ ਭੋਂ-ਮਾਫ਼ੀਆ ਗਰੋਹ ਵਲੋਂ ਨਿਤਾਣੇ ਸਮਝੇ ਜਾਂਦੇ ਕਿਸਾਨਾਂ ਦਾ ਤਾਣ ਬਣੀ ਸੀ। ਸਾਧੂ ਸਿੰਘ ਦੀ ਸਿੱਧੀ ਅਗਵਾਈ ਹੇਠ ਸਾਬਕਾ ਅਕਾਲੀ ਵਿਧਾਇਕ ਵੀਰ ਸਿੰਘ ਲੋਪੋਕੇ ਦੇ ਭੋਂ-ਮਾਫ਼ੀਆ ਗਰੋਹ ਦੀ ਬੁਰਛਾਗਰਦੀ ਨੂੰ ਲਲਕਾਰਦਿਆਂ, ਉਸ ਵੱਲੋਂ ਜਬਰੀ ਹਥਿਆਈ ਕਿਸਾਨਾਂ ਦੀ ਜ਼ਮੀਨ ਨੂੰ ਵਾਪਸ ਲੈਣ ਦਾ ਬੀੜਾ ਚੁੱਕਿਆ ਸੀ। ਇਸੇ ਕਰਕੇ, ਇਲਾਕੇ ਅੰਦਰ ਸਿਰ ਉਠਾ ਰਹੇ ਕਿਸਾਨ ਲਹਿਰ ਦੇ ਕਾਫ਼ਲੇ ਦਾ ਤਹਿਕਾ ਮੰਨਦਿਆਂ ਅਤੇ ਇਸਨੂੰ ਖੋਰਨ-ਖਿੰਡਾਉਣ ਦਾ ਭਰਮ ਪਾਲਦਿਆਂ ਸਾਧੂ ਸਿੰਘ 'ਤੇ ਖ਼ੂਨੀ ਵਾਰ ਕੀਤਾ ਗਿਆ ਸੀ। ਸਾਧੂ ਸਿੰਘ ਦੇ ਕਤਲ ਤੋਂ ਬਾਅਦ, ਜਿਵੇਂ ਇਸ ਗਰੋਹ ਦੇ ਸਰਗਣੇ ਵੀਰ ਸਿੰਘ ਲੋਪੋਕੇ ਅਤੇ ਉਸਦੇ ਜਵਾਈ ਬਾਬਾ ਰਛਪਾਲ ਠਾਣੇਦਾਰ ਵਗੈਰਾ ਨੂੰ ਕੇਸ 'ਚੋਂ ਕੱਢਣ ਤੇ ਕੇਸ ਨੂੰ ਰਫ਼ਾ-ਦਫ਼ਾ ਕਰਨ ਲਈ ਪੁਲਸ ਅਫਸਰਾਂ ਵੱਲੋਂ ਜ਼ੋਰ ਲਾਇਆ ਗਿਆ, ਜਿਵੇਂ ਬਾਦਲ ਹਕੂਮਤ ਵਲੋਂ ਅੰਮ੍ਰਿਤਸਰ ਵਿਖੇ ਕੀਤੇ ਜਾਣ ਵਾਲੇ ਸੂਬਾਈ ਕਿਸਾਨ ਮੁਜ਼ਾਹਰੇ ਨੂੰ ਜ਼ਬਰੀ ਰੋਕਣ ਲਈ ਅਤੇ ਕਾਤਲਾਂ ਨੂੰ ਓਟ-ਛਤਰੀ ਮੁਹੱਈਆ ਕਰਨ ਲਈ ਨੰਗਾ-ਚਿੱਟਾ ਪੱਖਪਾਤੀ ਰਵੱਈਆ ਅਖਤਿਆਰ ਕੀਤਾ ਗਿਆ, ਇਸਨੇ ਇਹ ਗੱਲ ਜ਼ੋਰ ਨਾਲ ਉਘਾੜੀ ਹੈ ਕਿ ਸਾਧੂ ਸਿੰਘ ਦੇ ਡੁੱਲ੍ਹੇ ਖ਼ੂਨ ਨਾਲ ਵਾਹੀ ਲਕੀਰ ਦੇ ਇੱਕ ਪਾਸੇ ਲੁੱਟੀ-ਪੁੱਟੀ ਤੇ ਦੱਬੀ ਕੁਚਲੀ ਕਿਸਾਨ ਜਨਤਾ ਖੜ੍ਹੀ ਹੈ ਅਤੇ ਦੂਜੇ ਪਾਸੇ-ਭੋਂ-ਮਾਫ਼ੀਆ ਗਰੋਹਾਂ, ਪੁਲਸ ਅਫਸਰਸ਼ਾਹੀ, ਮੌਕਾਪ੍ਰਸਤ ਸਿਆਸਤਦਾਨਾਂ ਤੇ ਸਰਕਾਰ ਦਾ ਲੋਕ-ਦੁਸ਼ਮਣ ਗੱਠਜੋੜ ਖੜ੍ਹਾ ਹੈ। ਜਦੋਂ ਤੀਕ ਸਮਾਜ ਅੰਦਰ ਅਜਿਹੇ ਭੋਂ-ਮਾਫ਼ੀਆ ਗਰੋਹਾਂ, ਜ਼ਾਬਰ ਪੁਲਸ, ਮੌਕਾਪ੍ਰਸਤ ਸਿਆਸਤਦਾਨਾਂ ਅਤੇ ਉਨ੍ਹਾਂ ਦੀਆਂ ਸਰਕਾਰਾਂ ਦਾ ਬੋਲਬਾਲਾ ਹੈ, ਕਿਸਾਨ ਜਨਤਾ ਅਤੇ ਹੋਰਨਾਂ ਕਮਾਊ ਲੋਕਾਂ ਦੇ ਹਿੱਤਾਂ ਦੀ ਖ਼ੈਰ ਨਹੀਂ। ਆਪਣੇ ਹੱਕਾਂ, ਹਿੱਤਾਂ ਦਾ ਹਰ ਕਦਮ ਵਧਾਰਾ ਅਜਿਹੇ ਗੱਠਜੋੜ ਦੇ ਕਾਲਜੇ ਸੂਲ਼ ਪਾਉਂਦਾ ਹੈ। ਇਹ ਭੇੜ ਜੱਦੀ-ਪੁਸ਼ਤੀ ਹੈ, ਬੁਨਿਆਦੀ ਹੈ ਸਾਧੂ ਸਿੰਘ ਦੀ ਸ਼ਹਾਦਤ ਨਾਲ ਇਸ ਲੋਕ-ਦੁਸ਼ਮਣ ਗੱਠਜੋੜ ਨਾਲ ਸਾਹਮਣੇ ਆਇਆ ਭੇੜ ਨਾ ਪਹਿਲਾ ਹੈ ਅਤੇ ਨਾ ਹੀ ਕੋਈ ਵਕਤੀ ਜਾਂ ਥੋੜ-ਚਿਰਾ ਵਰਤਾਰਾ ਹੈ। ਇਹ ਭੇੜ ਜੱਦੀ-ਪੁਸ਼ਤੀ ਹੈ, ਬੁਨਿਆਦੀ ਹੈ। ਇਸ ਪਿਛਾਖੜੀ ਸਮਾਜਿਕ-ਆਰਥਿਕ ਪ੍ਰਬੰਧ ਦੀ ਪੈਦਾਇਸ਼ ਹੈ, ਜਿਥੇ ਮੁਲਕ ਦੀ ਜ਼ਮੀਨ-ਜਾਇਦਾਦ, ਕਾਰਖਾਨਿਆਂ, ਕਮਾਈ ਦੇ ਵਸੀਲਿਆਂ ਅਤੇ ਦੌਲਤ ਖਜ਼ਾਨਿਆਂ 'ਤੇ ਸਾਮਰਾਜੀਆਂ ਅਤੇ ਉਨ੍ਹਾਂ ਦੇ ਦੱਲੇ ਵੱਡੇ ਸਰਮਾਏਦਾਰਾਂ ਤੇ ਜਗੀਰਦਾਰਾਂ ਦਾ ਕਬਜ਼ਾ ਹੈ। ਮੌਕਾਪ੍ਰਸਤ ਸਿਆਸਤਦਾਨਾਂ, ਅਫਸਰਸ਼ਾਹਾਂ, ਭੋਂ-ਮਾਫ਼ੀਆ ਗੁੰਡਾ ਗਰੋਹਾਂ ਵਗੈਰਾ ਦਾ ਲਾਣਾ ਵੱਡੇ ਸਰਮਾਏਦਾਰਾਂ ਤੇ ਜਗੀਰਦਾਰਾਂ ਦਾ ਪਾਲਤੂ ਲਾਣਾ ਹੈ, ਜਿਹੜਾ ਲੋਕਾਂ ਦੀ ਲੁੱਟ-ਖੋਹ 'ਚੋਂ ਹਿੱਸਾ-ਪੱਤੀ 'ਤੇ ਪਲਦਾ ਹੈ। ਕਰਜ਼ਾ-ਜਾਲ 'ਚੋਂ ਛੁਟਕਾਰੇ ਦਾ ਮੁੱਦਾ ਰਹਿੰਦੀ ਕਸਰ ਹਾਕਮ ਜਮਾਤਾਂ ਵੱਲੋਂ ਮੁਲਕ ਦੇ ਲੋਕਾਂ 'ਤੇ ਵਿੱਢੇ ਸਾਮਰਾਜੀ ਸੰਸਾਰੀਕਰਨ, ਉਦਾਰੀਕਰਨ ਤੇ ਨਿੱਜੀਕਰਨ ਦੀਆਂ ਨੀਤੀਆਂ ਦੇ ਹੱਲੇ ਨੇ ਪੂਰੀ ਕਰ ਦਿੱਤੀ ਹੈ। ਇਹ ਹੱਲਾ ਕਮਾਊ ਲੋਕਾਂ ਦੇ ਬੇਰੁਜ਼ਗਾਰੀ ਦੇ ਜਬਾੜਿਆਂ 'ਚ ਧੱਕਣ ਦਾ ਕਾਰਨ ਬਣ ਰਿਹਾ ਹੈ। ਸਾਮਰਾਜੀ ਕੰਪਨੀਆਂ ਲਈ ਮੁਲਕ ਨੂੰ ਲੁੱਟਣ ਦੀ ਖੁੱਲ੍ਹ ਖੇਡਣ ਵਾਸਤੇ ਦਰ ਮੋਕਲੇ ਕੀਤੇ ਜਾ ਰਹੇ ਹਨ। 'ਪਬਲਿਕ ਅਸਾਸਿਆਂ'' ਨੂੰ ਕੌਡੀਆਂ ਭਾਅ ਦੇਸੀ-ਵਿਦੇਸ਼ੀ ਕੰਪਨੀਆਂ ਨੂੰ ਸੌਂਪਿਆ ਜਾ ਰਿਹਾ ਹੈ। ਸਿਹਤ,ਵਿਦਿਆ, ਰਾਸ਼ਨ, ਆਵਾਜਾਈ, ਬਿਜਲੀ, ਪਾਣੀ ਆਦਿ ਸੰਬੰਧੀ ਮਿਲਦੀਆਂ ਮਾੜੀਆਂ-ਮੋਟੀਆਂ ਰਿਆਇਤਾਂ ਵਾਪਸ ਝਪਟੀਆਂ ਜਾ ਰਹੀਆਂ ਹਨ। ਖੇਤੀ ਸਬਸਿਡੀਆਂ 'ਤੇ ਕੈਂਚੀ ਫੇਰੀ ਜਾ ਰਹੀ ਹੈ। ਖੇਤੀ 'ਚ ਖਪਤ ਦੀਆਂ ਵਸਤਾਂ ਦੀਆਂ ਕੀਮਤਾਂ ਅਸਮਾਨੀਂ ਚਾੜ੍ਹੀਆਂ ਜਾ ਰਹੀਆਂ ਹਨ। ਜਿਸ ਕਰਕੇ ਗਰੀਬ ਕਿਸਾਨਾਂ ਤੇ ਦਰਮਿਆਨੇ ਕਿਸਾਨਾਂ ਲਈ ਖੇਤੀ ਇਕ ਘਾਟੇ ਦਾ ਸੌਦਾ ਬਣਕੇ ਰਹਿ ਗਈ ਹੈ। ਖੇਤੀ ਦੀ ਗੱਡੀ ਰੁੜ੍ਹਦੀ ਰੱਖਣ ਅਤੇ ਹੋਰਨਾਂ ਘਰੇਲੂ ਲੋੜਾਂ ਦੀ ਪੂਰਤੀ ਲਈ ਗਰੀਬ ਤੇ ਦਰਮਿਆਨੇ ਕਿਸਾਨਾਂ ਨੂੰ ਸੂਦਖੋਰਾਂ ਕੋਲੋਂ ਭਾਰੀ ਵਿਆਜ਼ 'ਤੇ ਕਰਜ਼ਾ ਚੁੱਕਣ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ। ਕਿਸਾਨਾਂ ਦੇ ਇਹ ਹਿੱਸੇ ਕਰਜ਼ਾ-ਜ਼ਾਲ'ਚ ਉਲਝਦੇ ਜਾ ਰਹੇ ਹਨ। ਸੂਦਖ਼ੋਰ ਸ਼ਾਹੂਕਾਰ ਅਤੇ ਜਗੀਰੂ ਚੌਧਰੀ ਕਰਜ਼ੇ ਦੀ ਵਸੂਲੀ ਲਈ ਕਿਸਾਨਾਂ ਦੀਆਂ ਜ਼ਮੀਨਾਂ 'ਤੇ ਝਪਟ ਰਹੇ ਹਨ ਅਤੇ ਇਨ੍ਹਾਂ ਕਿਸਾਨਾਂ ਨੂੰ ਕੰਗਾਲਾਂ, ਬੇਜ਼ਮੀਨੇ ਤੇ ਬੇਰੁਜ਼ਗਾਰ ਕਿਸਾਨਾਂ ਦੀਆਂ ਕਤਾਰਾਂ 'ਚ ਸ਼ੁਮਾਰ ਹੋਣ ਲਈ ਮਜਬੂਰ ਕਰ ਰਹੇ ਹਨ। ਸੋ ਸੂਦਖ਼ੋਰਾਂ ਤੋਂ ਕਿਸਾਨ ਜ਼ਮੀਨਾਂ ਦੀ ਰਾਖੀ ਅਤੇ ਕਿਸਾਨਾਂ ਦਾ ਕਰਜ਼ਾ-ਜ਼ਾਲ'ਚੋਂ ਛੁਟਕਾਰੇ ਦਾ ਮਾਮਲਾ, ਕਿਸਾਨ ਲਹਿਰ ਦੇ ਸਿਰ ਕੂਕਦਾ ਮੁੱਦਾ ਬਣ ਗਿਆ ਹੈ। ਜ਼ਮੀਨ ਦੀ ਰਾਖੀ ਦਾ ਸੁਆਲ ਸਾਮਰਾਜੀ ਕੰਪਨੀਆਂ ਅਤੇ ਉਨ੍ਹਾਂ ਦੀਆਂ ਭਾਈਵਾਲ ਦੇਸੀ ਕੰਪਨੀਆਂ ਦੇ ਕਾਰੋਬਾਰਾਂ ਨੂੰ ਅਖੌਤੀ ਵਿਕਾਸ ਦੇ ਨਾਂ ਹੇਠ ਉਗਾਸਾ ਦੇਣ ਲਈ ਸੜਕਾਂ ਚੌੜੀਆਂ ਕਰਨ, ਵਿਸ਼ੇਸ਼ ਆਰਥਿਕ ਜੋਨ ਬਣਾਉਣ, ਵੱਡੇ ਮਾਲਾਂ ਦੀ ਉਸਾਰੀ ਕਰਨ, ਖਾਣਾਂ ਖੋਦਣ ਅਤੇ ਹੋਰਨਾਂ ਪ੍ਰੋਜੈਕਟਾਂ ਦੀ ਉਸਾਰੀ ਲਈ ਹਾਕਮਾਂ ਵਲੋਂ ਕਿਸਾਨਾਂ ਦੀਆਂ ਉਪਜਾਊ ਜ਼ਮੀਨਾਂ ਸਸਤੇ ਭਾਅ ਹਥਿਆ ਕੇ ਇਨ੍ਹਾਂ ਕੰਪਨੀਆਂ ਨੂੰ ਸੌਂਪਣ ਦਾ ਅਮਲ ਵਿੱਢਿਆ ਹੋਇਆ ਹੈ। ਸੂਦਖ਼ੋਰ ਸ਼ਾਹੂਕਾਰਾਂ ਤੇ ਪੇਂਡੂ ਚੌਧਰੀਆਂ ਕੋਲੋਂ ਜ਼ਮੀਨਾਂ ਦੀ ਰਾਖੀ ਦੇ ਸੁਆਲ ਨਾਲ ਜੁੜਕੇ ਦੇਸੀ-ਵਿਦੇਸ਼ੀ ਕੰਪਨੀਆਂ ਦੇ ਹਿੱਤਾਂ ਦੇ ਵਧਾਰੇ ਲਈ ਹਕੂਮਤ ਵਲੋਂ ਜ਼ਬਰ-ਜ਼ੋਰ ਨਾਲ ਹਥਿਆਈਆਂ ਜਾ ਰਹੀਆਂ ਜ਼ਮੀਨਾਂ ਦੀ ਰਾਖੀ ਦਾ ਸੁਆਲ ਕਿਸਾਨ ਸੰਘਰਸ਼ ਲਈ ਇਕ ਬਹੁਤ ਹੀ ਅਹਿਮ ਤੇ ਭਖਵੇਂ ਮੁੱਦੇ ਵਜੋਂ ਉਭਰਿਆ ਹੋਇਆ ਹੈ। ਜਾਬਰ ਕਾਨੂੰਨਾਂ ਦੇ ਵਾਰ ਖਿਲਾਫ਼ ਸੰਘਰਸ਼ ਦਾ ਕਾਰਜ ਪਿਛਲੇ ਅਰਸੇ ਦੌਰਾਨ ਪੰਜਾਬ ਦੀ ਕਿਸਾਨ ਲਹਿਰ, ਹਕੂਮਤਾਂ ਵਲੋਂ ਲੋਕਾਂ 'ਤੇ ਵਿੱਢੇ ਨਵੀਆਂ ਆਰਥਿਕ ਨੀਤੀਆਂ ਦੇ ਹੱਲੇ ਸਾਹਮਣੇ ਇਕ ਚੁਣੌਤੀ ਬਣਕੇ ਉੱਭਰੀ ਹੈ। ਕਿਸਾਨ ਲਹਿਰ ਵਲੋਂ ਧੌਲਾ, ਛੰਨਾ, ਅੰਮ੍ਰਿਤਸਰ ਆਦਿ ਵਿਖੇ ਸਰਕਾਰ ਵਲੋਂ ਜ਼ਮੀਨ ਹਥਿਆਉਣ ਦੇ ਯਤਨਾਂ ਨੂੰ ਨਾਕਾਮ ਬਣਾਇਆਗਿਆ ਹੈ। ਬਿਜਲੀ ਬਿਲ ਮੁਆਫ਼ ਕਰਾਉਣ 'ਚ ਸਫ਼ਲਤਾ ਹਾਸਲ ਕੀਤੀ ਗਈ ਹੈ। ਬੇਜ਼ਮੀਨੇ ਕਿਸਾਨਾਂ ਦੇ ਬਿਲਾਂ ਦੀ ਮੁਆਫ਼ੀ ਲਈ ਘੋਲ ਜਾਰੀ ਹੈ। ਸਰਕਾਰ ਦੇ ਪੰਜਾਬ ਰਾਜ ਬਿਜਲੀ ਬੋਰਡ ਦੇ ਨਿਗਮੀਕਰਨ/ਨਿੱਜੀਕਰਨ ਦੇ ਅਮਲ 'ਚ ਵਰ੍ਹਿਆਂ ਬੱਧੀ ਵਿਘਨ ਪਾਉਣ ਅਤੇ ਰੋਕ ਕੇ ਰੱਖਣ 'ਚ ਉਭਰਵਾਂ ਰੋਲ ਨਿਭਾਇਆ ਗਿਆ ਹੈ। ਦਰਜਨਾਂ ਪਿੰਡਾਂ 'ਚ ਸੂਦਖ਼ੋਰ ਸ਼ਾਹੂਕਾਰਾਂ ਅਤੇ ਬੈਂਕ ਅਧਿਕਾਰੀਆਂ ਦੇ ਕਰਜ਼ਾ ਮਾਰੇ ਕਿਸਾਨਾਂ ਦੀਆਂ ਜ਼ਮੀਨਾਂ ਕੁਰਕ ਕਰਨ ਦੇ ਯਤਨਾਂ ਨੂੰ ਪਛਾੜਿਆ ਗਿਆ ਹੈ। ਹੁਣ ਫਿਰ 17 ਕਿਸਾਨ ਤੇ ਖੇਤ ਮਜ਼ਦੂਰ ਜਥੇਬੰਦੀਆਂ ਆਪਣੀਆਂ ਹੱਕੀ ਮੰਗਾਂ/ਮਸਲਿਆਂ ਲਈ ਇਕਜੁੱਟ ਹੋ ਕੇ ਸੰਘਰਸ਼ ਦੇ ਮੈਦਾਨ 'ਚ ਨਿੱਤਰੀਆਂ ਹੋਈਆਂ ਹਨ। ਇਉਂ, ਅਖੌਤੀ ਵਿਕਾਸ ਦੇ ਨਾਂ ਹੇਠ ਨਵੇਂ ਆਰਥਿਕ ਹੱਲੇ ਨੂੰ ਅੱਗੇ ਵਧਾਉਣ ਲਈ ਪੱਬਾਂ ਭਾਰ ਹੋਈ ਅਕਾਲੀ-ਭਾਜਪਾ ਹਕੂਮਤ ਵਲੋਂ ਪੰਜਾਬ ਦੀ ਕਿਸਾਨ ਲਹਿਰ ਨੂੰ ਸੱਟ ਮਾਰਨ ਲਈ ਸਿੱਧੇ-ਅਸਿੱਧੇ ਵਾਰ ਕੀਤੇ ਜਾ ਰਹੇ ਹਨ, ਪਰ ਫਿਰ ਵੀ ਇਹ ਉਸ ਲਈ ਇਕ ਤਕੜੀ ਸਿਰਦਰਦੀ ਬਣਕੇ ਉੱਭਰੀ ਹੈ। ਇਸ ਲਈ, ਨਵੇਂ ਆਰਥਿਕ ਹੱਲੇ ਨੂੰ ਅੱਗੇ ਵਧਾਉਣ ਲਈ ਰਾਹ ਪੱਧਰਾ ਕਰਨ ਵਾਸਤੇ ਕਿਸਾਨ ਲਹਿਰ (ਸਮੇਤ ਹੋਰਨਾਂ ਸੰਘਰਸ਼ਸ਼ੀਲ ਜਥੇਬੰਦੀਆਂ ਦੇ) ਦੀਆਂ ਸਰਗਰਮੀਆਂ ਨੂੰ ਸੱਟ ਮਾਰਨਾ ਇਸ ਹਕੂਮਤ ਦੀ ਇਕ ਅਹਿਮ ਲੋੜ ਬਣ ਗਈ ਹੈ। ਪਿਛਲੇ ਸ਼ੈਸਨ 'ਚ ਵਿਧਾਨ ਸਭਾ 'ਚ ਪਾਸ ਕਰਵਾਏ ਦੋ ਜ਼ਾਬਰ ਕਾਲੇ ਕਾਨੂੰਨ (ਸਰਕਾਰੀ ਅਤੇ ਨਿੱਜੀ ਜਾਇਦਾਦ ਨੁਕਸਾਨ ਰੋਕੂ ਅਤੇ ਵਿਸ਼ੇਸ਼ ਸੁਰੱਖਿਆ ਗਾਰਡ ਕਾਨੂੰਨ) ਹਕੂਮਤ ਵਲੋਂ ਇਸੇ ਲੋੜ ਨੂੰ ਹੁੰਗਾਰਾ ਹੈ। ਇਹ ਦੋਵੇਂ ਜਾਬਰ ਕਾਨੂੰਨਾਂ ਦਾ ਮਕਸਦ-ਪਹਿਲ ਪ੍ਰਿਥਮੇ-ਸਮੁੱਚੀ ਜਨਤਕ ਲਹਿਰ ਨੂੰ ਆਪਣੀਆਂ ਸਰਗਰਮੀਆਂ ਲਈ ਹਕੂਮਤੀ ਰਜ਼ਾ ਦਾ ਮੁਥਾਜ਼ ਬਣਾਉਣਾ ਹੈ, ਦੂਜਾ ਹਕੂਮਤੀ ਰਜ਼ਾ ਤੋਂ ਨਾਬਰ ਹੋ ਕੇ ਸੰਘਰਸ਼ ਸਰਗਰਮੀ ਦੇ ਰਾਹ ਪੈਣ ਵਾਲੀ ਜਥੇਬੰਦੀ ਦੀ ਸਰਗਰਮੀ ਨੂੰ ਗੈਰ-ਕਾਨੂੰਨੀ ਕਰਾਰ ਦੇਣਾ ਹੈ,ਤੀਜਾ, ਗੈਰ ਕਾਨੂੰਨੀ ਹੋਣ ਦਾ ਠੱਪਾ ਲਾਉਂਦਿਆਂ, ਸੰਬੰਧਤ ਜਥੇਬੰਦੀ ਨੂੰ ਹਕੂਮਤੀ ਜ਼ਬਰ ਦੀ ਮਾਰ ਹੇਠ ਲਿਆਉਣਾ ਹੈ ਅਤੇ ਚੌਥਾ, ਪੁਲਸ ਨੂੰ ਕਿਸੇ ਵਿਅਕਤੀ/ਲੋਕਾਂ 'ਤੇ ਝਪਟਣ, ਗੋਲੀ ਚਲਾਉਣ ਤੇ ਕਤਲ ਕਰਨ ਲਈ ਬੇਲਗਾਮ ਕਰਨ ਨੂੰ ਕਾਨੂੰਨੀ ਵਾਜਬੀਅਤ ਮੁਹੱਈਆ ਕਰਨਾ ਹੈ। ਇਉਂ, ਇਹ ਜ਼ਾਬਰ ਕਾਨੂੰਨ ਪੰਜਾਬ ਦੇ ਲੋਕਾਂ ਦੇ ਜਥੇਬੰਦ ਹੋਣ ਅਤੇ ਸੰਘਰਸ਼ ਕਰਨ ਦੇ ਜਮਹੂਰੀ ਹੱਕਾਂ 'ਤੇ ਹਮਲਾ ਹੈ। ਬੋਲਣ ਤੇ ਲਿਖਣ ਦੇ ਜਮਹੂਰੀ ਅਧਿਕਾਰ 'ਤੇ ਹਮਲਾ ਹੈ। ਜਨਤਕ ਜਥੇਬੰਦੀਆਂ ਦੀ ਆਜ਼ਾਦਾਨਾ ਤੇ ਖੁਦਮੁਖਤਿਆਰ ਹੈਸੀਅਤ 'ਤੇ ਹਮਲਾ ਹੈ। ਲੋਕਾਂ ਦੀ ਜਮਹੂਰੀ ਰਜ਼ਾ 'ਤੇ ਅਤੇ ਜੀਣ ਦੀ ਵਿਅਕਤੀਗਤ ਆਜ਼ਾਦੀ 'ਤੇ ਹਮਲਾ ਹੈ। ਇਸੇ ਲਈ, ਪੰਜਾਬ ਸਰਕਾਰ ਵਲੋਂ ਇਨ੍ਹਾਂ ਜ਼ਾਬਰ ਕਾਨੂੰਨਾਂ ਦੀ ਸ਼ਕਲ 'ਚ ਜਨਤਕ ਜਮਹੂਰੀ ਲਹਿਰ ਵੱਲ ਸੇਧਤ ਇਸ ਜ਼ਾਬਰਾਨਾ ਵਾਰ ਖਿਲਾਫ਼ ਸੰਘਰਸ਼ ਦਾ ਕਾਰਜ ਕਿਸਾਨ ਲਹਿਰ ਲਈ ਬਹੁਤ ਹੀ ਅਹਿਮ ਕਾਰਜ ਬਣਦਾ ਹੈ। ਕਿਸਾਨ ਲਹਿਰ ਦੀ ਸਵੈ-ਰਾਖੀ ਦਾ ਕਾਰਜ ਕਿਸਾਨ ਲਹਿਰ ਨੂੰ ਪਿਛਲੇ ਵਰ੍ਹਿਆਂ ਦੌਰਾਨ ਕਈ ਰਾਜਕੀ ਹਥਿਆਰਬੰਦ ਤਾਕਤਾਂ (EXTRA STATE ARMED GANGS) ਦੇ ਵਾਰਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਜਿਥੇ ਰਾਜਕੀ ਹਥਿਆਰਬੰਦ ਤਾਕਤ (ਪੁਲਸ) ਵਲੋਂ ਸੰਘਰਸ਼ਸ਼ੀਲ ਕਿਸਾਨਾਂ 'ਤੇ ਹਮਲਾ ਬੋਲਣ ਦੀਆਂ ਕਿੰਨੀਆਂ ਹੀ ਮਿਸਾਲਾਂ ਮੌਜੂਦ ਹਨ, ਉਥੇ ਸਾਧੂ ਸਿੰਘ ਤਖ਼ਤੂਪੁਰਾ ਦਾ ਕਤਲ, ਖੰਨਾ, ਚਮਿਆਰਾ ਵਿਖੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਅਗਵਾਈ ਹੇਠਲੇ ਹਥਿਆਰਬੰਦ ਗਰੋਹਾਂ ਵਲੋਂ ਦੋ ਕਿਸਾਨਾਂ ਦਾ ਕਤਲ ਅਤੇ ਮਾਨਸਾ ਖੇਤਰ 'ਚ ਕਿਸਾਨ ਆਗੂ ਪ੍ਰਿਥੀਪਾਲ ਸਿੰਘ ਦਾ ਸੂਦਖ਼ੋਰ ਆੜ੍ਹਤੀਆਂ ਅਤੇ ਉਹਨਾਂ ਦੇ ਗੁੰਡਿਆਂ ਵਲੋਂ ਕੀਤਾ ਕਤਲ ਗੈਰ-ਰਾਜਕੀ ਹਥਿਆਰਬੰਦ ਤਾਕਤਾਂ ਦੇ ਹਮਲੇ ਦੀਆਂ ਤਿੰਨ ਉੱਭਰਵੀਆਂ ਤਾਜ਼ਾ ਮਿਸਾਲਾਂ ਹਨ। ਆਉਣ ਵਾਲੇ ਅਰਸੇ 'ਚ ਨਵੇਂ ਆਰਥਿਕ ਹੱਲੇ ਨਾਲ ਕਿਸਾਨਾਂ ਨੂੰ ਮਿਲਦੀਆਂ ਸਬਸਿਡੀਆਂ ਨੂੰ ਖੋਰਾ ਲੱਗਣਾ ਹੈ, ਮਹਿੰਗਾਈ ਵਧਣੀ ਹੈ, ਗਰੀਬ ਕਿਸਾਨਾਂ ਨੇ ਕਰਜ਼ੇ ਦੀ ਮਾਰ ਹੇਠ ਆਉਣਾ ਹੈ, ਕਿਸਾਨਾਂ ਹੱਥੋਂ ਜ਼ਮੀਨਾਂ ਖਿਸਕਣ ਦਾ ਸਿਲਸਿਲਾ ਹੋਰ ਤੇਜ਼ ਹੋਣਾ ਹੈ, ਜ਼ਮੀਨ ਦੀ ਕਾਣੀ-ਵੰਡ ਹੋਰ ਵਧਣੀ ਤੇ ਪੱਕੀ ਹੋਣੀ ਹੈ, ਬੇਰੁਜ਼ਗਾਰਾਂ ਤੇ ਅਰਧ-ਬੇਰੁਜ਼ਗਾਰਾਂ ਦੀ ਫੌਜ'ਚ ਬੇਓੜਕ ਵਾਧਾ ਹੋਣਾ ਹੈ। ਇਸ ਅਮਲ ਨੇ ਸਾਮਰਾਜੀ ਜਗੀਰੂ ਲੁੱਟ ਅਤੇ ਦਾਬੇ ਦੇ ਅਧਾਰ ਨੂੰ ਹੋਰ ਤਾਕਤ ਬਖਸ਼ਣੀ ਹੈ। ਇਸਨੇ ਮੋੜਵੇਂ ਰੂਪ 'ਚ ਸਸਤੀ ਕਿਰਤ, ਕੱਚੇ ਮਾਲ ਅਤੇ ਕੁਦਰਤੀ ਦੌਲਤ-ਖਜ਼ਾਨਿਆਂ ਦੀ ਸਾਮਰਾਜੀ ਲੁੱਟ-ਖੋਹ ਨੂੰ ਤਕੜਾਈ ਦੇਣੀ ਹੈ। ਇਸ ਹਾਲਤ 'ਚ ਜਦੋਂ ਕਿਸਾਨ ਲਹਿਰ ਨੇ ਕਰਜ਼ਾ ਮੁਕਤੀ, ਵਾਜਬ ਦਿਹਾੜੀ ਲੈਣ, ਰੁਜ਼ਗਾਰ ਪ੍ਰਾਪਤੀ ਅਤੇ ਜ਼ਮੀਨ ਦੀ ਰਾਖੀ ਦੇ ਸੁਆਲਾਂ ਨੂੰ ਸੰਘਰਸ਼ ਦੇ ਅਹਿਮ ਮੁੱਦਿਆਂ ਵਜੋਂ ਲੈਂਦਿਆਂ, ਸੰਘਰਸ਼ ਦੇ ਰਾਹ ਅੱਗੇ ਵਧਣਾ ਹੈ, ਤਾਂ ਇਸਨੇ ਸੂਦਖ਼ੋਰ ਸ਼ਾਹੂਕਾਰਾਂ, ਜਗੀਰਦਾਰਾਂ, ਭੋਂ-ਮਾਫ਼ੀਆ, ਹਾਕਮ ਜਮਾਤੀ ਸਿਆਸਤਦਾਨਾਂ ਅਤੇ ਉਨ੍ਹਾਂ ਦੀ ਪਹਿਰੇਦਾਰ ਹਕੂਮਤ ਦੀ ਨੀਂਦ ਹਰਾਮ ਕਰਨੀ ਹੈ। ਕਿਸਾਨ ਲਹਿਰ ਨੂੰ ਰਾਜਕੀ ਹਥਿਆਰਬੰਦ ਤਾਕਤਾਂ ਅਤੇ ਗੈਰ-ਰਾਜਕੀ ਹਥਿਆਰਬੰਦ ਗਰੋਹਾਂ ਦੇ ਹਮਲੇ ਹੇਠ ਲਿਆਉਣ ਦੀਆਂ ਗੁੰਜਾਇਸ਼ਾਂ ਵਧਣੀਆਂ ਹਨ। ਵੱਖ-ਵੱਖ ਫੱਟਿਆਂ ਹੇਠ ਹਾਕਮਾਂ ਵਲੋਂ ਪਾਲੇ-ਪੋਸ਼ੇ ਫਾਸ਼ੀ ਗੁੰਡਾ ਗਰੋਹਾਂ ਨੂੰ ਹਥਿਆਰਬੰਦ ਕਰਨਾ ਅਤੇ ਲੋਕ ਲਹਿਰ 'ਤੇ ਝਪਟਣ ਲਈ ਸ਼ਿਸ਼ਕਾਰਨਾ ਹਾਕਮਾਂ ਦਾ ਪਰਖਿਆ-ਪਰਤਾਇਆ ਹਥਿਆਰ ਹੈ। ਉਪਰੋਕਤ ਜ਼ਿਕਰ 'ਚ ਆਏ ਕਿਸਾਨਾਂ ਦੇ ਆਗੂਆਂ ਦੇ ਕਤਲ, ਹਾਕਮਾਂ ਦੇ ਅਜਿਹੇ ਹਰਬਿਆਂ ਦੀ ਕੜੀ ਦਾ ਹੀ ਹਿੱਸਾ ਹਨ। ਛਤੀਸਗੜ੍ਹ ਅੰਦਰ ਬਦਨਾਮ ਸਲਵਾ-ਜੂਦਮ ਦੇ ਨਾਂ ਹੇਠ ਆਦਿਵਾਸੀ ਕਿਸਾਨ ਲਹਿਰ ਨੂੰ ਕੁਚਲਣ ਲਈ ਹਾਕਮਾਂ ਵਲੋਂ ਅਜਿਹਾ ਹੀ ਹਰਬਾ ਵਰਤਿਆ ਗਿਆ ਹੈ। ਇਸ ਲਈ, ਕਿਸਾਨ ਲਹਿਰ ਦੀ ਅਗਲੇਰੀ ਪੇਸ਼ਕਦਮੀ ਦੇ ਪ੍ਰਸੰਗ 'ਚ ਕਿਸਾਨ ਲਹਿਰ ਦੇ ਉਭਰਵੇਂ ਕਾਰਕੁੰਨਾਂ ਤੇ ਲਹਿਰ ਦੀ ਸਵੈ-ਰਾਖੀ ਦਾ ਕਾਰਜ ਇਕ ਅਣਸਰਦੇ ਤੇ ਲਾਜ਼ਮੀ ਕਾਰਜ ਵਜੋਂ ਸੰਬੋਧਤ ਹੋਣ ਦੀ ਮੰਗ ਕਰਦਾ ਹੈ। ਇਸ ਕਾਰਜ ਵਾਸਤੇ ਕਿਸਾਨ ਜਨਤਾ ਤੇ ਕਾਰਕੁੰਨਾਂ ਨੂੰ ਤਿਆਰ ਕਰਨ ਲਈ ਹੰਭਲਾ ਮਾਰਨ ਦੀ ਲੋੜ ਹੈ। ਖੇਤ ਮਜ਼ਦੂਰਾਂ/ਬੇਜ਼ਮੀਨੇ ਕਿਸਾਨਾਂ ਨੂੰ ਕਿਸਾਨ ਲਹਿਰ ਦੇ ਮੋਹਰੀ ਜੁਝਾਰ ਹਿੱਸੇ ਵਜੋਂ ਉਭਾਰਨ ਦੀ ਲੋੜ ਕਿਸਾਨ ਲਹਿਰ ਨੇ ਜਗੀਰਦਾਰਾਂ ਤੋਂ ਵਗੈਰ ਬਾਕੀ ਸਭਨਾਂ ਕਿਸਾਨ ਪਰਤਾਂ ਨੂੰ ਆਪਣੀ ਬੁੱਕਲ 'ਚ ਲੈਣਾ ਹੈ। ਪਰ ਇਸਦਾ ਇਨਕਲਾਬੀ ਦਿਸ਼ਾ 'ਚ ਕਦਮ ਵਧਾਰਾ ਓਨਾ ਚਿਰ ਸੰਭਵ ਨਹੀਂ, ਜਦੋਂ ਤੀਕ ਬੇਜ਼ਮੀਨੇ ਕਿਸਾਨਾਂ ਅਤੇ ਗਰੀਬ ਕਿਸਾਨਾਂ (ਥੁੜ-ਜ਼ਮੀਨੇ ਕਿਸਾਨਾਂ) ਨੂੰ ਕਿਸਾਨ ਲਹਿਰ ਦੇ ਦੋ ਜੁੜਵੇਂ ਥੰਮ੍ਹਾਂ ਵਜੋਂ ਉਸਾਰਨ ਦਾ ਅਮਲ ਨਹੀਂ ਚਲਾਇਆ ਜਾਂਦਾ। ਕਿਉਂਕਿ ਇਨਕਲਾਬੀ ਕਿਸਾਨ ਲਹਿਰ/ਜਰੱਈ ਇਨਕਲਾਬੀ ਲਹਿਰ ਦਾ ਅੰਤਮ ਨਿਸ਼ਾਨਾ ਜਿਥੇ ਸਾਮਰਾਜੀ ਗਲਬੇ ਤੋਂ ਮੁਲਕ ਨੂੰ ਮੁਕਤ ਕਰਨਾ ਹੈ, ਉਥੇ ਜ਼ਮੀਨ 'ਤੇ ਜਗੀਰੂ ਅਜਾਰੇਦਾਰੀ ਨੂੰ ਖ਼ਤਮ ਕਰਦਿਆਂ, ਜ਼ਮੀਨ ਦੀ ਕਾਣੀ-ਵੰਡ ਦਾ ਭੋਗ ਪਾਉਣਾ ਹੈ। ਬੇਜ਼ਮੀਨੇ ਕਿਸਾਨਾਂ (ਖੇਤ ਮਜ਼ਦੂਰਾਂ) ਦਾ, ਲਗਪਗ ਸਾਰਾ ਹਿੱਸਾ 'ਨੀਂਵੀਆਂ ਜਾਤਾਂ' ਨਾਲ ਸੰਬਧਤ ਹੈ। ਇਹ ਹਿੱਸਾ ਸਦੀਆਂ ਤੋਂ 'ਉੱਚੀਆਂ ਜਾਤਾਂ' ਨਾਲ ਸੰਬੰਧਤ ਸਮੇਂ ਦੀਆਂ ਹਾਕਮ ਜਮਾਤਾਂ ਵਲੋਂ ਜ਼ਮੀਨ-ਜਾਇਦਾਦ ਤੋਂ ਉੱਕਾ ਹੀ ਵਿਰਵਾ ਕੀਤਾ ਹੋਇਆ ਹੈ ਅਤੇ ਸਮਾਜਿਕ-ਸਿਆਸੀ ਜ਼ਿੰਦਗੀ ਦੇ ਖੇਤਰ 'ਚੋਂ ਵੀ ਦੁਰਕਾਰਿਆ ਤੇ ਛੇਕ ਕੇ ਰੱਖਿਆ ਹੋਇਆ ਹੈ। ਜ਼ਮੀਨ ਦੀ ਕਾਣੀ-ਵੰਡ ਦੇ ਖ਼ਾਤਮੇ ਅਤੇ ਸਮਾਜ ਅੰਦਰ ਮੱਧਯੁਗੀ ਜਾਤਪਾਤੀ ਦਾਬੇ ਤੇ ਵਿਤਕਰੇ ਦੀਆਂ ਕੰਧਾਂ ਨੂੰ ਨੇਸਤੋ ਨਬੂਦ ਕਰਨ ਵੱਲ ਸੇਧਤ ਜਰੱਈ ਇਨਕਲਾਬੀ ਲਹਿਰ ਦੀ ਉਸਾਰੀ 'ਚ ਕਿਸਾਨੀ ਦੇ ਇਸ ਹਿੱਸੇ ਦੀ ਹੋਰਨਾਂ ਸਭਨਾਂ ਕਿਸਾਨ ਹਿੱਸਿਆਂ ਨਾਲੋਂ ਮੁਕਾਬਲਤਨ ਵੱਧ ਦਿਲਚਸਪੀ ਤੇ ਸਰੋਕਾਰ ਹੋਣਾ ਕੁਦਰਤੀ ਹੈ। ਇਸ ਲਈ, ਬੇਜ਼ਮੀਨੇ ਕਿਸਾਨਾਂ ਨੇ ਨਾ ਸਿਰਫ਼ ਭਵਿੱਖ ਦੀ ਜਰੱਈ ਇਨਕਲਾਬੀ ਲਹਿਰ ਦਾ ਇਕ ਥੰਮ੍ਹ ਬਣਨਾ ਹੈ, ਸਗੋਂ ਸਭਨਾਂ ਕਿਸਾਨ ਹਿੱਸਿਆਂ ਨਾਲੋਂ ਵੱਧ ਜੂਝਾਰਤਾ ਤੇ ਦ੍ਰਿੜ੍ਹਤਾ ਦੀ ਮਾਲਕ ਪਰਤ ਵਜੋਂ ਜਰੱਈ ਇਨਕਲਾਬੀ ਲਹਿਰ ਦੀ ਗੁੱਲੀ ਦਾ ਰੋਲ ਨਿਭਾਉਣਾ ਹੈ। ਇਸ ਲਈ, ਮੌਜੂਦਾ ਕਿਸਾਨ ਲਹਿਰ ਦੀ ਇਨਕਲਾਬੀ ਰੁੱਖ ਕਾਇਆ ਪਲਟੀ ਲਈ ਯਤਨਸ਼ੀਲ ਕਾਰਕੁੰਨਾਂਨੂੰ ਉਪਰੋਕਤ ਸਮਝ ਨੂੰ ਲੜ ਬੰਨ੍ਹਦਿਆਂ, ਜਿਥੇ ਗਰੀਬ ਕਿਸਾਨਾਂ ਨੂੰ ਉਭਾਰਨ 'ਤੇ ਜ਼ੋਰ ਲਾਉਣਾ ਚਾਹੀਦਾ ਹੈ, ਉਥੇ ਬੇਜ਼ਮੀਨੇ ਕਿਸਾਨਾਂ ਨੂੰ ਕਿਸਾਨ ਲਹਿਰ ਦੇ ਮੋਹਰੀ ਜੁਝਾਰ ਹਿੱਸੇ ਵਜੋਂ ਉਭਾਰਨ ਅਤੇ ਸੰਘਰਸ਼ ਦੇ ਅਖਾੜੇ 'ਚ ਲਿਆਉਣ 'ਤੇ ਤਾਣ ਲਾਉਣਾ ਚਾਹੀਦਾ ਹੈ। ਇਉਂ, ਕਰਨ ਲਈ ਜਿਥੇ ਘੱਟੋ-ਘੱਟ ਉਜਰਤ, 8 ਘੰਟੇ ਦਿਹਾੜੀ, ਸਾਲ ਭਰ ਲਈ ਰੁਜ਼ਗਾਰ ਜਾਂ ਨਿਸ਼ਚਤ ਰੁਜ਼ਗਾਰ ਭੱਤਾ, ਵਿੱਦਿਆ ਅਤੇ ਮੁਫ਼ਤ ਮੈਡੀਕਲ ਇਲਾਜ ਆਦਿ ਦੇ ਮੁੱਦਿਆਂ ਨੂੰ ਉਭਰਵੇਂ ਸੰਘਰਸ਼ ਦੇ ਮੁੱਦੇ ਬਣਾਉਣਾ ਚਾਹੀਦਾ ਹੈ ਉਥੇ ਅਜਿਹੇ ਠੋਸ ਮੁੱਦਿਆਂ ਦੀ ਨਿਸ਼ਾਨਦੇਹੀ ਅਤੇ ਚੋਣ ਕਰਨੀ ਲਾਜ਼ਮੀ ਹੈ, ਜਿਨ੍ਹਾਂ ਨੂੰ ਕਿਸਾਨ ਲਹਿਰ ਦੇ ਅਹਿਮ ਤੇ ਉਭਰਵੇਂ ਮੁੱਦੇ ਬਣਾਉਂਦਿਆਂ, ਇਸ ਹਿੱਸੇ ਨਾਲ ਸਮਾਜਿਕ-ਸਭਿਆਚਾਰਕ ਅਤੇ ਆਰਥਿਕ ਵਿਤਕਰੇਬਾਜ਼ੀ ਅਤੇ ਦਾਬੇ ਦੀਆਂ ਸ਼ਕਲਾਂ ਨੂੰ ਮਾਰ ਹੇਠ ਲਿਆਂਦਾ ਜਾ ਸਕੇ ਅਤੇ ਪੇਂਡੂ ਜੀਵਨ ਅੰਦਰ ਇਸ ਹਿੱਸੇ ਦੀ ਸਦੀਆਂ ਤੋਂ ਖੁੱਸੀ ਬਾ-ਵਕਾਰ ਤੇ ਸਨਮਾਨਯੋਗ ਸਮਾਜਿਕ-ਆਰਥਿਕ ਹੈਸੀਅਤ ਦੀ ਮੁੜ ਬਹਾਲੀ ਦਾ ਅਧਾਰ ਸਿਰਜਣ ਦਾ ਤੋਰਾ ਤੋਰਿਆ ਜਾ ਸਕੇ। ਕਿਸਾਨ ਲਹਿਰ ਦੀ ਇਨਕਲਾਬੀ-ਰੁਖ ਉਸਾਰੀ ਦੀ ਉਭਰਵੀਂ ਲੋੜ ਪਿੱਛੇ ਜ਼ਿਕਰ ਕੀਤੇ ਉਭਰਵੇਂ ਤੇ ਭਖਵੇਂ ਮੁੱਦਿਆਂ ਨੂੰ ਸੰਘਰਸ਼ ਮੁੱਦਿਆਂ ਵਜੋਂ ਲੈਂਦਿਆਂ, ਕਿਸਾਨ ਸਮੂਹਾਂ ਨੂੰ ਲਾਮਬੰਦ ਅਤੇ ਜਥੇਬੰਦ ਕਰਨ 'ਤੇ ਜ਼ੋਰ ਲਾਉਣਾ ਚਾਹੀਦਾ ਹੈ। ਖ਼ਾਸ ਕਰਕੇ ਬੇਜ਼ਮੀਨੇ ਕਿਸਾਨਾਂ ਨੂੰ ਕਿਸਾਨ ਲਹਿਰ ਦੀ ਮੋਹਰੀ ਜੁਝਾਰ ਟੁਕੜੀ ਵਜੋਂ ਉਭਾਰਨ 'ਤੇ ਤਾਣ ਲਾਉਣਾ ਚਾਹੀਦਾ ਹੈ। ਕਿਸਾਨ ਜਨਤਾ ਅੰਦਰ ਸਰਗਰਮ ਵੱਖ-ਵੱਖ ਕਿਸਾਨ ਜਥੇਬੰਦੀਆਂ ਦੀ ਅਗਵਾਈ ਹੇਠਲੀ ਕਿਸਾਨ ਤਾਕਤ ਨੂੰ ਇਕਜੁੱਟ ਕਰਨ ਲਈ ਸਾਂਝੀ ਸਰਗਰਮੀ ਲਈ ਯਤਨ ਕਰਨਾ ਚਾਹੀਦਾ ਹੈ। ਨਵੇਂ ਆਰਥਿਕ ਹੱਲੇ ਦੀ ਮਾਰ ਹੇਠ ਆਏ ਸਭਨਾਂ ਸੰਘਰਸ਼ਸ਼ੀਲ ਸਨਅਤੀ ਮਜ਼ਦੂਰਾਂ, ਮੁਲਾਜ਼ਮਾਂ, ਪੜ੍ਹੇ-ਲਿਖੇ ਬੇਰੁਜ਼ਗਾਰਾਂ ਅਤੇ ਹੋਰਨਾਂ ਤਬਕਿਆਂ ਦੀਆਂ ਜਥੇਬੰਦੀਆਂ ਨਾਲ ਸੰਘਰਸ਼-ਸਾਂਝ ਉਸਾਰਨ ਦੀਆਂ ਕੋਸ਼ਿਸ਼ਾਂ ਕਰਨੀਆਂ ਚਾਹੀਦੀਆਂ ਹਨ। ਆਪਣੇ-ਆਪਣੇ ਖਿੱਤਿਆਂ ਅੰਦਰ ਜੂਝ ਰਹੀਆਂ ਮੁਲਕ ਦੀ ਕਿਸਾਨ ਲਹਿਰ ਦੀਆਂ ਹੋਰਨਾਂ ਟੁਕੜੀਆਂ ਵੱਲ ਸਾਂਝ ਦਾ ਹੱਥ ਵਧਾਉਣ ਲਈ ਯੱਕਜਹਿਤੀ ਸਰਗਰਮੀਆਂ ਕਰਨ ਦੀ ਦਿਸ਼ਾ ਅਖ਼ਤਿਆਰ ਕਰਨੀ ਚਾਹੀਦੀ ਹੈ। ਉਪਰੋਕਤ ਠੋਸ ਦਿਸ਼ਾ 'ਚ ਕਦਮ ਵਧਾਉਂਦਿਆਂ, ਪੰਜਾਬ ਦੀ ਮੌਜੂਦਾ ਕਿਸਾਨ ਲਹਿਰ ਨੂੰ ਮੁਲਕ ਅੰਦਰ ਭਵਿੱਖ ਦੀ ਜਰੱਈ ਇਨਕਲਾਬੀ ਲਹਿਰ ਦੀ ਲੜਾਕੂ ਟੁਕੜੀ 'ਚ ਪਲਟਣ ਦਾ ਅਮਲ ਅੱਗੇ ਵਧਾਇਆ ਜਾ ਸਕਦਾ ਹੈ। ਸ਼ਹੀਦ ਸਾਧੂ ਸਿੰਘ ਦੀ ਇਨਕਲਾਬੀ ਵਿਰਾਸਤ 'ਤੇ ਪਹਿਰਾ ਦੇਣ ਅਤੇ ਉਸਦੇ ਬੋਲਾਂ ਨੂੰ ਅਮਲ ਅੰਦਰ ਪੁਗਾਉਣ ਦਾ ਇਹੀ ਢੁਕਵਾਂ ਸਲੀਕਾ ਬਣਦਾ ਹੈ। 20 ਫਰਵਰੀ ਦਿਨੇ ਠੀਕ 11 ਵਜੇ ਤਖ਼ਤੂਪੁਰਾ ਵਿਖੇ ਸ਼ਹੀਦ ਸਾਧੂ ਸਿੰਘ ਤਖ਼ਤੂਪੁਰਾ ਦੀ ਪਹਿਲੀ ਬਰਸੀ 'ਤੇ ਜੁੜ ਰਹੀ ਇਕੱਤਰਤਾ, ਇਸਦੀ ਤਿਆਰੀ ਮੁਹਿੰਮ ਅਤੇ ਇਕੱਤਰਤਾ ਉਪਰੰਤ ਨਿਰੰਤਰ ਇਨਕਲਾਬੀ ਕਿਸਾਨ ਲਹਿਰ ਦੀ ਉਸਾਰੀ ਵੱਲ ਅੱਗੇ ਵਧਣ ਦਾ ਕਾਰਜ ਸਾਡੇ ਸਭ ਦੇ ਬਣਦੇ ਯੋਗਦਾਨ ਲਈ ਆਵਾਜ਼ਾਂ ਮਾਰ ਰਿਹਾ ਹੈ। ਸੂਬਾ ਕਮੇਟੀ, ਲੋਕ ਮੋਰਚਾ ਪੰਜਾਬ ਅਮੋਲਕ ਸਿੰਘ (ਜਨਰਲ ਸਕੱਤਰ) 94170-76735(amolaksinghlmp@yahoo.com) ਐਨ. ਕੇ. ਜੀਤ (ਪ੍ਰਧਾਨ) 94175-07363(nkjeetbti@gmail.com)

The Poster released by BKU(Ekta) & KMU on Martyrdom day of Shaheed Sadhu Singh Takhtupura:

ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ ਅਮਰ ਰਹੇ! ਮਜ਼ਦੂਰ-ਕਿਸਾਨਾਂ ਦਾ ਭਾਈਚਾਰਾ, ਇਕੱਠੇ ਹੋਣਾ ਪਾਰ ਉਤਾਰਾ!! ਜ਼ਮੀਨੀ ਘੋਲ ਦੀ ਰਣਭੂਮੀ 'ਚ ਕੁਰਬਾਨ ਹੋਏ ਸਿਰਲੱਥ ਯੋਧੇ ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ ਦੀ ਪਹਿਲੀ ਬਰਸੀ 20 ਫ਼ਰਵਰੀ ਨੂੰ ਸੰਗਰਾਮੀ ਸ਼ਰਧਾਂਜਲੀ ਦੇਣ ਤਖਤੂਪੁਰਾ ਪੁੱਜੋ ਲੁੱਟੇ ਲਤਾੜੇ ਕਿਸਾਨ-ਮਜ਼ਦੂਰ ਭੈਣੋ ਤੇ ਭਰਾਵੋ, ਅੰਮ੍ਰਿਤਸਰ ਜ਼ਿਲ੍ਹੇ ਵਿਚ ਜਮੀਨਾਂ ਦੀ ਰਾਖੀ ਲਈ ਘੋਲ ਦੀ ਅਗਵਾਈ ਕਰਦਿਆਂ ਅਤੇ ਲੋਕ-ਕਲਿਆਣ ਲਈ ਜੂਝਦਿਆਂ ਉੱਘੇ ਕਿਸਾਨ ਆਗੂ ਸਾਧੂ ਸਿੰਘ ਤਖਤੂਪੁਰਾ ਪਿਛਲੇ ਵਰ੍ਹੇ ਬਾਦਲ ਪਰਿਵਾਰ ਅਤੇ ਪੰਜਾਬ ਸਰਕਾਰ ਦੇ ਚਹੇਤੇ ਵੀਰ ਸਿੰਘ ਲੋਪੋਕੇ ਦੇ ਭੌਂ-ਮਾਫੀਆ ਹੱਥੋਂ ਸ਼ਹੀਦੀ ਜਾਮ ਪੀ ਗਏ ਸਨ। ਦੋਸ਼ੀਆਂ ਨੂੰ ਸਜ਼ਾ ਦੇਣ ਦੀ ਮੰਗ ਲਈ ਚੱਲੇ ਘੋਲ ਨੂੰ ਠੱਲ੍ਹਣ ਲਈ ਅਕਾਲੀ-ਭਾਜਪਾ ਹਕੂਮਤ ਨੇ ਜਿਵੇਂ ਅੱਡੀ-ਚੋਟੀ ਦਾ ਜ਼ੋਰ ਲਾਇਆ, ਇਸਨੇ ਹਕੂਮਤ ਦੇ ਕਿਸਾਨ-ਮਜ਼ਦੂਰ ਲਹਿਰ ਨਾਲ ਸਿਰ ਵੱਢਵੇਂ ਵੈਰ ਦੀ ਅਤੇ ਕਾਤਲਾਂ ਨਾਲ ਮਿਲੀਭੁਗਤ ਦੀ ਗਵਾਹੀ ਭਰੀ ਹੈ। ਅੱਜ ਵੀ ਕੇਂਦਰੀ ਤੇ ਸੁਬਾਈ ਹਾਕਮਾਂ ਵਲੋਂ ਸਾਮਰਾਜੀ ਨੀਤੀਆਂ ਤਹਿਤ ਆਮ ਲੋਕਾਂ ਤੋਂ ਬਿਜਲੀ, ਪਾਣੀ, ਸਿਹਤ ਅਤੇ ਵਿੱਦਿਆ ਵਰਗੀਆਂ ਸਹੂਲਤਾਂ ਖੋਹਣ ਅਤੇ ਜ਼ਮੀਨਾਂ ਹੜੱਪਣ ਲਈ ਵਿੱਢੇ ਹੱਲੇ ਨੂੰ ਅੱਗੇ ਵਧਾਉਣ ਲਈ ਅਤੇ ਹੱਕੀ ਸੰਘਰਸ਼ਾਂ ਨੂੰ ਕੁਚਲਣ ਲਈ ਕਾਲੇ ਕਨੂੰਨਾਂ ਰਾਹੀਂ ਜਾਬਰ ਰਾਜ-ਮਸ਼ੀਨਰੀ ਦੇ ਦੰਦੇ ਹੋਰ ਤਿੱਖੇ ਕੀਤੇ ਜਾ ਰਹੇ ਹਨ। ਸਾਧੂ ਸਿੰਘ ਤਖਤੂਪੁਰਾ ਦੇ ਆਦਰਸ਼ ਉਹ ਕਿਸਾਨਾਂ ਦੀਆਂ ਖੁੱਸੀਆਂ ਜਮੀਨਾਂ ਦੀ ਵਾਪਸੀ ਅਤੇ ਖੇਤ-ਮਜ਼ਦੂਰਾਂ ਤੇ ਥੁੜ-ਜਮੀਨਿਆਂ ਦੀ ਜਮੀਨੀ ਤੋਟ ਪੂਰੀ ਕਰਾਉਣਾ ਲੋਚਦਾ ਸੀ। ਉਹ ਸੂਦਖੋਰੀ ਲੁੱਟ ਤੇ ਪ੍ਰਬੰਧ ਦਾ ਖਾਤਮਾ ਚਾਹੁੰਦਾ ਸੀ। ਉਹ ਵਿਦੇਸ਼ੀ ਸਾਮਰਾਜੀ ਲੁੱਟ ਅਤੇ ਦਾਬੇ ਦਾ ਖਾਤਮਾ ਚਾਹੁੰਦਾ ਸੀ। ਉਹ ਕਿਸਾਨਾਂ ਅਤੇ ਖੇਤ ਮਜ਼ਦੂਰਾਂ ਦੀ ਸਮਾਜ ਵਿੱਚ ਪੁੱਗਤ ਦਾ ਮੁਦਈ ਸੀ। ਉਹ ਸਮਾਜ ਵਿੱਚ ਔਰਤਾਂ ਦੀ ਬਰਾਬਰੀ ਦਾ ਹਾਮੀ ਸੀ। ਉਹ ਬੇਰੁਜ਼ਗਾਰੀ,ਮੰਹਿਗਾਈ, ਫਿਰਕਾਪ੍ਰਸਤੀ, ਨਸ਼ੇਖੋਰੀ ਅਤੇ ਜਾਤਪਾਤ ਵਰਗੀਆਂ ਅਲਾਮਤਾਂ ਦਾ ਨਾਸ਼ ਚਾਹੁੰਦਾ ਸੀ। ਉਹ ਲੋਕਾਂ ਦੇ ਕਲਿਆਣ ਲਈ ਭਗਤ ਸਿੰਘ ਦੇ ਸੁਪਨਿਆਂ ਦਾ ਸਮਾਜ ਚਾਹੁੰਦਾ ਸੀ। ਉਹ ਕਿਸਾਨ ਲਹਿਰ ਦੀ ਸਫ਼ਲਤਾ ਲਈ ਮਜ਼ਦੂਰਾਂ ਨਾਲ ਸਾਂਝ ਅਤੇ ਨੌਜਵਾਨਾਂ ਤੇ ਔਰਤਾਂ ਦੀ ਸਰਗਰਮ ਭੂਮਕਾ ਨੂੰ ਅਹਿਮ ਮੰਨਦਾ ਸੀ ਅਤੇ ਲੁੱਟ-ਜਬਰ ਦਾ ਸ਼ਿਕਾਰ ਹੋਰ ਤਬਕਿਆਂ ਨਾਲ ਸਾਂਝ ਨੂੰ ਜਰੂਰੀ ਸਮਝਦਾ ਸੀ। ਅਧੂਰੇ ਕਾਜ ਦੀ ਪੂਰਤੀ ਲਈ ਅੱਗੇ ਵਧੋ ਜਮੀਨ ਦੀ ਰਾਖੀ ਲਈ ਜਾਨ-ਹੂਲਵੇਂ ਅਤੇ ਵਿਸ਼ਾਲ ਘੋਲਾਂ ਦੀ ਉਸਾਰੀ ਕਰੋ। ਖੁੱਸੀਆਂ ਜਮੀਨਾਂ ਦੀ ਵਾਪਸੀ ਅਤੇ ਜਮੀਨੀ ਸੁਧਾਰਾਂ ਨੂੰ ਲਾਗੂ ਕਰਵਾਉਣ ਲਈ ਕੁਰਬਾਨੀਆਂ ਭਰੇ ਤਿੱਖੇ ਘੋਲਾਂ ਲਈ ਲੱਕ ਬੰਨ੍ਹੋ। ਕਿਸਾਨਾਂ ਅਤੇ ਖੇਤ-ਮਜ਼ਦੂਰਾਂ ਦੀ ਸਾਂਝ ਹੋਰ ਵਧਾਓ ਅਤੇ ਜਾਤ-ਪਾਤ ਦੇ ਅੜਿੱਕੇ ਹੋਰ ਦੂਰ ਕਰੋ। ਕਿਸਾਨ ਲਹਿਰ 'ਚ ਨੌਜਵਾਨਾਂ ਤੇ ਔਰਤਾਂ ਦਾ ਰੋਲ ਵਧਾਓ। ਕਿਸਾਨ ਲਹਿਰ ਦੀ ਰਾਖੀ ਲਈ ਪੂਰਾਂ ਦੇ ਪੂਰ ਸੂਝਵਾਨ, ਨਿੱਧੜਕ ਤੇ ਬੇਗਰਜ਼ ਆਗੂ ਮੋਹਰੀ ਸਫ਼ਾਂ 'ਚ ਆਓ ਅਤੇ ਵਲੰਟੀਅਰ ਭਰਤੀ ਲਈ ਤਾਣ ਲਾਓ। ਸੂਦਖੋਰੀ ਅਤੇ ਸਾਮਰਾਜੀ ਲੁੱਟ ਤੋਂ; ਕਰਜ਼ਿਆਂ ਅਤੇ ਬੇਰੁਜ਼ਗਾਰੀ ਤੋਂ ਅਤੇ ਮੰਹਿਗਾਈ ਤੇ ਸਮਾਜਕ ਬੇਵੁਕਤੀ ਤੋਂ ਛੁਟਕਾਰਾ ਪਾਉਣ ਲਈ ਸਰਕਾਰੀ ਖਜਾਨੇ ਦਾ ਮੂੰਹ ਲੋਕਾਂ ਵੱਲ ਖੁਲਵਾਉਣ ਲਈ ਹੋਰਨਾਂ ਤਬਕਿਆਂ ਨਾਲ ਸਾਂਝ ਲਈ ਉਦਮ ਜਟਾਓ। ਇਹੀ ਸਾਧੂ ਸਿੰਘ ਨੂੰ ਸੱਚੀ ਸ਼ਰਧਾਂਜਲੀ ਹੈ। ਸੋ ਆਓ ਸਾਧੂ ਸਿੰਘ ਤਖਤੂਪੁਰਾ ਦੇ ਸੰਘਰਸ਼ਮਈ ਜੀਵਨ ਤੇ ਕੁਰਬਾਨੀ ਤੋਂ ਪ੍ਰੇਰਨਾ ਲੈਂਦੇ ਹੋਏ ਕਿਸਾਨ-ਮਜ਼ਦੂਰ ਜੁਝਾਰ ਚੇਤਨਾ ਨੂੰ ਸਾਣ 'ਤੇ ਲਾਓ ਤੇ ਸਾਂਝੇ ਸੰਘਰਸ਼ਾਂ ਨੂੰ ਪ੍ਰਚੰਡ ਕਰੋ। ਕਿਸਾਨਾਂ, ਮਜ਼ਦੂਰਾਂ, ਮੁਲਾਜ਼ਮਾਂ, ਵਿਦਿਆਰਥੀਆਂ ਅਤੇ ਸਨਅਤੀ/ਬਿਜਲੀ ਕਾਮਿਆਂ ਦੀਆਂ ਸਮੂਹ ਸੰਘਰਸ਼ੀਲ ਜਥੇਬੰਦੀਆਂ ਨੂੰ ਸਮਾਗਮ ਵਿੰਚ ਪੁੱਜਣ ਦੀ ਪੁਰਜ਼ੋਰ ਅਪੀਲ ਹੈ। ਪ੍ਰਕਾਸ਼ਕ: ਸੁਖਦੇਵ ਸਿੰਘ ਕੋਕਰੀ ਕਲਾਂ ਵਲੋਂ: ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) - ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਪ੍ਰਕਾਸ਼ਨ ਮਿਤੀ:1-02-2011

Takhtupura murder: Farmer union to launch stir against police

The Bhartiya Kissan Union (Ekta) has planned to stage a protest against the SAD-BJP government on Monday at all block headquarters across the state. Irked over what they term the “insensitive attitude of the Punjab Police”, they plan to protest the alleged change of facts and circumstances in the case of alleged murder of farmers’ leader Sadhu Singh Takhtupura. In a challan submitted before a court on May 17, the police had attached a copy of a medical report in which it has been mentioned that Takhtupura died of heart attack. In the challan, Section 302 (murder) of the IPC was also removed.

It is alleged that Takhtupura was murdered on February 16 by some people with iron rods and swords in the border village of Bhindian Saida in the Amritsar district. According to reports, almost 15 people intercepted the jeep of Takhtupura who was travelling with his friends from village to village to motivate the people to assemble at Ajnala town on February 20 to protest against the atrocities of police. The ‘atrocities’ were in reference to the reported death of a youth of torture in police custody at the Lopoke police station. Senior Akali Leader Vir Singh Lopoke was among those named for the murder. A few days later the name of Lopoke was dropped from the FIR while those of others remain. Sukhdev Singh Kokri, General Secretary of BKU (Ekta) said,”The police in a blatant attempt to give a clean chit to senior Akali leader and his kin named in this murder have twisted the facts. The way this case is being presented before the court by the Amritsar police makes it clear that the SAD(B) is trying to cripple even the judicial system of the state.” Outlining the programme Kokri added that on May 25, supporters and activists of 17 farmers’ organisations and trade unions will assemble outside the office of the District Magistrate, Amritsar, demanding arrest of the real culprits. He added that the union was firm on holding a rally in Moga on June 7.
(May 23, 2010, Indian Express)

Murderous attack on Kissan activists

Attempts to terrorize budding farmers' movement

Defeat Evil designs of anti people fascist forces.

The murderers let lose by the Akali-rulers have struck again. They have enacted another bloody episode. Today, in the late afternoon, a team of BKU (Ekta-Ugrahan) workers, was brutally attacked in village Lodhi Gujjar by Sarabjit Singh & his goons. The team was pasting posters of the 3 day long Dharna at Amritsar by 22 organizations of farmers and agri-labours to be held from 25th to 27th March. Sarabjit Lodhi Gujjar is one of the main accused in the murder of Sh. Sadhu Singh Takhtupura, Organizing Secretary of the BKU. Four BKU members namely- Gurcharan Singh Lakhuwal, Sardool Singh Ramdas, Dalip Singh Thoba, & Balwinder Singh Kuralian, were severely injured in this attack and have ben admitted in Guru Nanak Hospital, Amritsar.

Now with the connivance and patronage of his political masters, Sarabjit Lodhi Gujjar is making efforts to falsely implicate BKU leadership in a false criminal case. After the above incident, when the BKU activists had taken the injured persons to the Hospital, he took their vehicles to his house to claim that he was attacked in his house by BKU leaders.

Lok Morcha Punjab has earlier noted that the murder of Sadhu Singh Takhtupura was part of a well-planned attack by a combination of anti-people forces on the blossoming farmers movement in Majha region. These black forces have been uprooting the poor farmers from their lands; repressing them on the strength of goonda-gangs; maintaining a strangle-hold on their lives through butcher police officers, corrupt revenue officials, Panchayti Raj institutions etc. As the people have no effective mass-organization of theirs, to assert their will, they were rendered helpless. BKU filled this void. It provided the people, especially the farmers, a platform to raise their voice against injustice and repression. When SI Rashpal Singh, the most notorious police officer, murdered a poor farmer in police custody and threw his body in front of his house the villagers accepted his challenge. They came out in the streets, caused traffic jam and forced the authorities to register a murder case against him. At village Saurian the people openly fought against the land grabbers and made them eat a humble pie on the strength of their organization. The black forces then retaliated by murdering Sh. Sadhu Singh Takhtupura. Their aim was to put fear amongst the rising farmers movement. But they failed. The present attack at village Lodhi Gujjar is a continuation of their evil designs against the militant farmers movement.

In a report prepared jointly by the Lok Morcha and Inqlabi Kender Punjab, in the aftermath of the murder of Sh. Sadhu Singh Takhtupura, it was specifically pointed out that the murderers were being openly protected by the Akali rulers of Punjab. None was left in any doubt in this regard, when Veer Singh Lopoke EX-Akali MLA was seated alongside the Chief Minister Parkash Singh Badal in a public function attended by Union Home Minister P. Chidambram, despite an FIR having been registered against him on murder charges. The police officials investigating the case refused to record any evidence incriminating Veer Singh Lopoke, Sarabjit, SI Rashpal Singh & Kulwinder Singh Sarpanch Saurian. The game plan was to arrest small fries and save their political masters. The 3-day long Dharna was to force the Govt to act against the real culprits. The attack at Lodhi Gujjar village is a crude attempt to terrorise the BKU activists, which is doomed to fail.

Lodhi Gujjar incident deserves strongest condemnation. Evil designs of anti-people black forces should be defeated through more sweeping and broad based mobilization.

समाचार

पोस्टर लगा रहे किसानों पर बरसाई गोलियां

Jan 01, 05:30 am

Print

जागरण प्रतिनिधि, अमृतसर। किसान नेता साधु सिंह तख्तूपुरा की हत्या की न्यायिक जांच व आरोपियों की गिरफ्तारी की मांग को लेकर पोस्टर लगा रहे भारतीय किसान यूनियन एकता के कार्यकर्ताओं पर गोलियों व तेजधार हथियारों से किए गए हमले में चार किसान गंभीर रूप से घायल हो गए। एक व्यक्ति की टांगों पर गोलियां लगी हैं। उसका नाक भी तेजधार हथियार से काट दिया गया है। शेष तीन किसान नेताओं के शरीर पर तेजधार हथियारों के गहरे घाव हैं। घायल किसानों के दो मोटरसाइकल और एक स्कूटर को घटनास्थल पर ही तोड़ दिया गया और पोस्टर लेकर फाड़ दिये गए। घटना शनिवार दोपहर करीब पौने चार बजे की है। घायल किसानों को देर शाम गुरु नानक देव अस्पताल की इमरजेंसी में दाखिल करवाया गया है। डाक्टरों के अनुसार सरदूल सिंह की हालत काफी गंभीर है।

घटना के चश्मदीद गवाह भारतीय किसान यूनियन एकता के गुरदासपुर जिला के अध्यक्ष लखविंदर सिंह मंज्जियां वाला, सुखबीर सिंह मोहले और हरजिंदर सिंह ने दैनिक जागरण को बताया कि किसान नेता तख्तुपुरा की हत्या में आरोपी अकाली दल के कार्यकर्ताओं और नेताओं की गिरफ्तारी व मामले की न्यायिक जांच की मांग को लेकर 25 मार्च से डीआईजी बार्डर जोन कार्यालय के बाहर शुरू किये जाने वाले धरने के संबंध में इलाके में पोस्टर लगा रहे थे। वह कुल दस किसान तीन मोटरसाइकल व दो स्कूटरों पर थे। जैसे ही वह गांव लोधी गुज्जर पहुंचे तो वहां एक अकाली नेता सर्बजीत सिंह लोधी गुज्जर और उसके भतीजे ने उन्हें पोस्टर लगाने से रोका और गोलियां चलानी शुरू कर दीं। इस दौरान करीब 40-50 और व्यक्ति भी तेजधार हथियारों के साथ आ गए और उन पर हमला कर दिया।

एक गोली सरदूल सिंह निवासी रमदास के पैर पर लगी और वह गिर गया तो उस पर तेजधार हथियारों से हमला बोल दिया। उसका नाक भी कट गया। गुरचरण सिंह निवासी लक्खूवाल, बलविंदर सिंह निवासी कुरालियां और दलीप सिंह निवासी थोबो को तेजधार हथियारों से घायल कर हमलावर फरार हो गए।

सूचना मिलते ही भारी पुलिस बल के साथ जीएनडीएच पहुंचे डीएसपी गुरसेवक सिंह बराड़ ने कहा कि मामले की जांच की जा रही है। सभी के बयान दर्ज करने के बाद ही मामला दर्ज किया जाएगा।

उधर भारतीय किसान यूनियन के राज्य महासचिव सुखदेव सिंह कोकरी कलां और लोक मोर्चा पंजाब के महासचिव अमोलक सिंह ने कहा कि किसानों के आंदोलन को कमजोर करने और किसानों की राज्य स्तरीय लीडरशिप को झूठे मामलों में फंसाने की साजिश तहत ही संगठन वर्करों पर हमला सुनियोजित राजनीति के तहत किया है। हमलावरों को सजा दिलवाने तक उनका आंदोलन जारी रहेगा।

KISAN & KHET MAZDOORS TO HOLD JOINT MORCHA AT AMRITSAR

Twelve organisations of farmers, supported by 9 organisations of agri-labourers have decided to hold a massive 3-day long Dharna at Amritsar from 25th March to 27 th March 2010 to demand:-

1. Arrest of Veer Singh Lopoke, Sarabjit Lodhi Gujjar, Kulwinder Singh Saurian, SI Rashpal Singh and all members of their gang, who have committed murder of Martyr Sadhu Singh Takhtupura.
2. Grant of land ownership rights to ABADKARS & tennants, curb on the activities of Land-grabbers.
3. Arrest of SGPC officials & their collaborators namely, Avtar Singh Makkar, Dalmegh Singh, Kashmir Singh, Amrik Singh Shahpur & their gang members, who are responsible for killings farmers at Khanna Chamara.
4. Suspension of SSP Batala and DSP Dera Baba Nanak & prosecuting them.
5. Withdraw the decision of the Shiromani Gurdwara Parbhandak Comittee to evict tennants from its lands.
6. Disband the SIT constituted to investigate murder of Martyr Sadhu Singh Takhtupura and hold a judicial inquiry to unearth the complete conspiracy.
   

Lok Morcha Punjab fully supports this struggle and calls upon the democratic sections of the society, mass organisations, trade unions and all pro-people organisations to support it in every possible manner.

Morcha's Leaflet on Takhtupura Murder incident

ਕਿਸਾਨ ਆਗੂ ਤਖਤੂਪੁਰਾ ਦੇ ਕਾਤਲਾਂ ਨੂੰ ਗ੍ਰਿਫ਼ਤਾਰ ਕਰਾਉਣ ਤੇ ਸਜਾਵਾਂ ਦਿਵਾਉਣ ਲਈ

ਕਿਸਾਨ ਜਨਤਾ ਨੂੰ ਉਭਾਰੋ ਅਤੇ ਕਿਸਾਨ ਲਹਿਰ ਤੇ ਆਗੂਆਂ ਦੀ ਸੁੱਰਖਿਆ ਦੇ ਕਾਰਜ ਨੂੰ ਗੰਭੀਰਤਾ ਨਾਲ ਹੱਥ ਪਾਓ

ਭਵਿੱਖ 'ਚ ਅਜਿਹੇ ਫਾਸ਼ੀ ਗਰੋਹਾਂ ਦੀ ਧੌਂਸ ਤੇ ਦਬਸ਼ ਨੂੰ ਭੰਨਣ ਅਤੇ ਇਨ੍ਹਾਂ ਦੇ ਹਿੰਸਕ ਹੱਲਿਆਂ ਦਾ ਟਾਕਰਾ ਕਰਨ ਲਈ ਸਮੂਹਿਕ ਮਾਨਸਿਕ ਤਿਆਰੀ ਦਾ ਅਮਲ ਵਿੱਢਣਾ ਚਾਹੀਦਾ ਹੈ ਅਤੇ ਮੂਹਲੀਆਂ ਸਫ਼ਾਂ 'ਚ ਜੂਝ ਰਹੇ ਉਭਰਵੇਂ ਤੇ ਚੋਣਵੇਂ ਜਨਤਕ ਖਾੜਕੂਆਂ ਦੇ ਗੁਫ਼ਲਿਆਂ ਨੂੰ ਜਥੇਬੰਦੀ ਤੇ ਆਗੂਆਂ ਦੀ ਸੁਰੱਖਿਆ ਲਈ ਤਾਇਨਾਤੀ ਵਾਸਤੇ ਤਿਆਰ ਕਰਨਾ ਅਤੇ ਸਿੱਖਿਆ ਸਿਖਲਾਈ ਦੇ ਅਮਲ 'ਚ ਪਾਉਣ ਦੇ ਅਹਿਮ ਕਾਰਜ ਨੂੰ ਗੰਭੀਰਤਾ ਨਾਲ ਹੱਥ ਲੈਣਾ ਚਾਹੀਦਾ ਹੈ। ਇਸ ਦਿਸ਼ਾ 'ਤੇ ਦ੍ਰਿੜਤਾ ਨਾਲ ਪਹਿਰਾ ਦਿੰਦਿਆਂ ਅਤੇ ਅੱਗੇ ਵਧਦਿਆਂ ਹੀ ਪੰਜਾਬ ਦੀ ਜਨਤਕ ਇਨਕਲਾਬੀ ਲਹਿਰ, ਖਾਸ ਕਰਕੇ ਕਿਸਾਨ ਲਹਿਰ ਨੂੰ ਪਿਛਾਖੜੀ ਰਾਜ ਭਾਗ ਨੂੰ ਬਦਲਕੇ ਲੋਕ ਜਮਹੂਰੀ ਰਾਜ ਭਾਗ ਉਸਾਰਨ ਲਈ ਉੱਠ ਰਹੀ ਇਨਕਲਾਬੀ ਲਹਿਰ ਸੰਭਾਲਣ ਵੱਲ ਵਧਾਇਆ ਜਾ ਸਕਦਾ ਹੈ ।

ਹੋਰ ਪੜ੍ਹਨ ਲਈ ਇੱਥੇ ਕਲਿਕ ਕਰੋ

ਜੀਵਨ ਝਾਤ

ਲੋਕ ਘੋਲਾਂ ਦਾ ਨਾਇਕ ਸਾਧੂ ਸਿੰਘ ਤਖਤੂਪੁਰਾ

16ਫ਼ਰਵਰੀ ਦੀ ਸ਼ਾਮ ਨੂੰ ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) ਦੇ ਸੂਬਾ ਸੰਗਠਨ ਸਕੱਤਰ ਸਾਧੂ ਸਿੰਘ ਤਖਤੂਪੁਰਾ ਨੂੰ ਅੰਮ੍ਰਿਤਸਰ ਜ਼ਿਲੇ ਦੇ ਸਰਹੱਦੀ ਪਿੰਡ ਭਿੰਡੀ ਔਲਖ ਨੇੜੇ ਭੌਂਇ-ਮਾਫ਼ੀਏ ਦੇ ਗੁੰਡਿਆਂ ਵਲੋਂ ਸ਼ਹੀਦ ਕਰ ਦਿੱਤਾ ਗਿਆ। ਉਹ ਅੰਮ੍ਰਿਤਸਰ ਖੇਤਰ 'ਚ ਅਬਾਦਕਾਰ ਕਿਸਾਨਾਂ ਨੂੰ ਜਮੀਨਾਂ ਦੀ ਮਾਲਕੀ ਦਾ ਹੱਕ ਦਵਾਉਣ ਲਈ ਪਿਛਲੇ ਦੋ ਕੁ ਸਾਲਾਂ ਤੋਂ ਉਹਨਾਂ ਦੀ ਜੱਥੇਬੰਦੀ ਵਲੋਂ ਲੜੇ ਜਾ ਰਹੇ ਸੰਘਰਸ਼ ਦੀ ਅਗਵਾਈ ਕਰਦੇ ਆ ਰਹੇ ਸਨ। ਲੋਕਾਂ ਦੇ ਹੱਕਾਂ ਦੀ ਲਹਿਰ ਕੁੱਝ ਵੀ ਕੁਰਬਾਨ ਕਰਨ ਲਈ ਤੱਤਪਰ ਰਹਿਣ ਵਾਲੇ ਦਲੇਰ ਅਤੇ ਸਿਰੜੀ ਯੋਧੇ ਸਾਧੂ ਸਿੰਘ ਨੇ ਆਪਣੇ ਲਹੂ ਦਾ ਆਖਰੀ ਕਤਰਾ ਵੀ ਲੋਕਾਂ ਲੇਖੇ ਲਾ ਦਿੱਤਾ ਤੇ ਕਿਸਾਨ ਲਹਿਰ ਦੇ ਸ਼ਹੀਦਾਂ ਦੀ ਕਤਾਰ 'ਚ ਜਾ ਸ਼ਾਮਲ ਹੋਏ।...........(ਹੋਰ ਪੜ੍ਹਨ ਲਈ ਇੱਥੇ ਕਲਿਕ ਕਰੋ )

ਕ੍ਰਿਸ਼ਨ ਦਿਆਲ ਕੁੱਸਾ (94170-54014), ਸੂਬਾ ਕਮੇਟੀ ਮੈਂਬਰ, ਲੋਕ ਮੋਰਚਾ ਪੰਜਾਬ.

ਕਿਸਾਨ ਮਜ਼ਦੂਰ ਜਥੇਬੰਦੀਆਂ ਵਲੋਂ ਸੱਦਾ

ਕਿਸਾਨਾਂ-ਮਜ਼ਦੂਰਾਂ ਦਾ ਵਿਸ਼ਾਲ ਏਕਾ-ਜ਼ਿੰਦਾਬਾਦ ਕਿਸਾਨਾਂ ਦੀ ਕਾਤਲ ਬਾਦਲ ਸਰਕਾਰ-ਮੁਰਦਾਬਾਦ ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ ਸ਼ਰਧਾਂਜਲੀ ਸਮਾਗਮ 28 ਫਰਵਰੀ ਨੂੰ ਪਿੰਡ ਤਖਤੂਪੁਰਾ ਪੁੱਜੋ ਸ਼ਹਾਦਤ ਨੂੰ ਸਿਜਦਾ ਕਰੋ-ਸੰਘਰਸ਼ ਦੀ ਮਸ਼ਾਲ ਹੋਰ ਉੱਚੀ ਕਰੋ ਖੂੰਨੀ ਹਮਲੇ ਦੀ ਵੰਗਾਰ ਕਬੂਲ ਕਰੋ ਬੀਕੇਯੂ ਏਕਤਾ (ਉਗਰਾਹਾਂ) ਦੇ ਸੂਝਵਾਨ ਅਤੇ ਦਲੇਰ ਆਗੂ ਸਾਧੂ ਸਿੰਘ ਤਖਤੂਪੁਰਾ ਦੀ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ ਗਈ ਹੈ।ਇਹ ਘਿਨਾਉਣਾ ਖੂਨੀ ਕਾਰਾ ਕਿਸੇ ਨਿੱਜੀ ਦੁਸ਼ਮਣ ਦਾ ਨਹੀਂ ਹੈ। ਲੋਕ-ਸੇਵਾ ਅਤੇ ਕੁਰਬਾਨੀ ਦੇ ਜਜ਼ਬੇ ਨਾਲ ਭਰਿਆ ਇਹ ਮਕਬੂਲ ਅਤੇ ਸਤਿਕਾਰਤ ਆਗੂ, ਹਰ ਮਨੁੱਖੀ ਦਿਲ ਦਾ ਪਿਆਰ ਅਤੇ ਪ੍ਰਸੰਸਾ ਖੱਟਦਾ ਸੀ। ਨੇਕੀ ਉਸਦੇ ਅੰਦਰ ਵਸੀ ਹੋਈ ਸੀ। ਉਸ ਨਾਲ ਕਿਸੇ ਦੀ ਨਿੱਜੀ ਦੁਸ਼ਮਣੀ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ। ਇਸ ਮਿਆਰੀ ਸ਼ਖਸ਼ੀਅਤ ਨੂੰ ਦਰਿੰਦਗੀ ਨਾਲ ਕੋਹ ਕੋਹ ਕੇ ਸ਼ਹੀਦ ਕੀਤਾ ਗਿਆ। ਅੰਨੀ ਜਮਾਤੀ ਨਫ਼ਰਤ ਦੀ ਵਿਹੁ ਨਾਲ ਭਰੇ ਲੋਕਾਂ ਦੇ ਦੁਸ਼ਮਣ ਹੀ ਅਜਿਹਾ ਜੁਲਮ ਕਮਾ ਸਕਦੇ ਹਨ। ਸੂਬੇ ਅੰਦਰ ਹੱਕਾਂ ਦੀ ਰਾਖੀ ਲਈ ਜਾਗਰਤ ਹੋ ਰਹੇ ਕਿਸਾਨਾਂ ਅਤੇ ਕਿਰਤੀਆਂ ਦੀ ਉਭਰਦੀ ਜਥੇਬੰਦ ਲਹਿਰ ਲੋਕਾਂ ਦੇ ਸਭਨਾਂ ਦੁਸ਼ਮਣਾਂ ਲਈ ਚੁਣੌਤੀ ਬਣੀ ਹੋਈ ਹੈ। ਵੱਡੇ-ਵੱਡੇ ਧਨਾਢ ਚੌਧਰੀਆਂ ਨੂੰ, ਕਤਲਾਂ ਦੇ ਸ਼ੌਕੀਨ ਪੁਲਸ ਅਫ਼ਸਰਾਂ ਨੂੰ, ਲੋਕ-ਦੁਸ਼ਮਣ ਸਿਆਸਤਦਾਨਾਂ ਨੂੰ, ਲੋਕਾਂ ਦੀ ਛਿੱਲ ਲਾਹੁੰਦੀ ਭ੍ਰਿਸ਼ਟ ਅਫ਼ਸਰਸ਼ਾਹੀ ਨੂੰ ਅਤੇ ਰੱਤ-ਚੂਸ ਰਾਜਭਾਗ ਦੇ ਮਾਲਕਾਂ ਨੂੰ ਅੰਨ੍ਹੀ ਵਿਹੁ ਚੜ੍ਹੀ ਹੋਈ ਹੈ। ਸਾਧੂ ਸਿੰਘ ਤਖ਼ਤੂਪੁਰਾ ਦੀ ਸ਼ਹਾਦਤ ਰਾਜਭਾਗ ਦੇ ਮਾਲਕਾਂ ਵਲੋਂ ਆਪਣੇ ਹੀ ਅਮਨ-ਕਾਨੂੰਨ ਨੂੰ ਪੈਰਾਂ ਹੇਠ ਲਤਾੜਕੇ, ਲੋਕ ਹੱਕਾਂ ਦੀ ਲਹਿਰ ਨੂੰ ਸਿਆਸੀ ਕਤਲਾਂ ਦੇ ਰਾਜਸੀ ਹੱਥਕੰਡੇ ਰਾਹੀਂ ਨੱਜਿਠਣ ਦਾ ਐਲਾਨ ਹੈ।ਜੱਥੇਬੰਦ ਹੋ ਕੇ ਜੂਝਣ ਦੇ ਰਾਹ ਪਏ ਸਭਨਾਂ ਲੋਕਾਂ ਲਈ ਚੁਣੌਤੀ ਹੈ।ਪਹਿਲਾਂ ਇਸੇ ਨੀਤੀ ਤਹਿਤ ਖੰਨਾ-ਚਮਿਆਰਾ ਵਿਖੇ ਸਿੱਧੀ ਹਕੂਮਤੀ ਪਾਲਸੀ ਤਹਿਤ ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੀ ਟਾਸਕ ਫ਼ੋਰਸ ਨੇ ਦੋ ਮੁਜਾਰੇ ਕਿਸਾਨਾਂ ਨੂੰ ਗੋਲੀਆਂ ਨਾਲ ਭੁੰਨ ਸੁਟਿਆ ਅਤੇ ਨੌਂ ਨੂੰ ਜ਼ਖ਼ਮੀ ਕੀਤਾ ਹੈ। ਇਸ ਕਤਲ ਦੀ ਸਾਜਿਸ਼ ਵਿੱਚ ਸਾਬਕਾ ਅਕਾਲੀ ਐਮ.ਐਲ.ਏ ਵੀਰ ਸਿੰਘ ਲੋਪੋਕੇ ਦੀ ਜੁੰਡੀ ਸ਼ਾਮਿਲ ਹੈ, ਜੋ ਬਾਦਲ ਪਰਿਵਾਰ ਦਾ ਖ਼ਾਸ ਚਹੇਤਾ ਹੈ ਅਤੇ ਜੋ ਆਬਾਦਕਾਰ ਕਿਸਾਨਾਂ ਦੇ ਹੱਕ ਮਾਰਨ ਲਈ ਇਲਾਕੇ ਵਿੱਚ ਬਦਨਾਮ ਭੌਂ-ਮਾਫ਼ੀਏ ਦੀ ਅਗਵਾਈ ਕਰ ਰਿਹਾ ਹੈ। ਉਸਦਾ ਰਿਸ਼ਤੇਦਾਰ ਬੁੱਚੜ ਥਾਣੇਦਾਰ ਰਛਪਾਲ 'ਬਾਬਾ' ਸ਼ਾਮਲ ਹੈ, ਜਿਸਨੂੰ ਇੱਕ ਕਿਸਾਨ ਦੇ ਕਤਲ 'ਚ ਹੱਥਕੜੀਆਂ ਲਵਾਉਣ ਲਈ ਪਹਿਲਾਂ ਹੀ ਸੰਘਰਸ਼ ਚੱਲ ਰਿਹਾ ਹੈ। ਕੇਸ ਦਰਜ ਹੋ ਜਾਣ ਦੇ ਬਾਵਜੂਦ ਇਨ੍ਹਾਂ ਮੁਜ਼ਰਮਾਂ ਨੂੰ ਗ੍ਰਿਫ਼ਤਾਰ ਕਰਨ ਤੋਂ ਇਨਕਾਰ ਜਾਹਰ ਕਰਦਾ ਹੈ ਕਿ ਸੂਬੇ ਦੀ ਬਾਦਲ ਹਕੂਮਤ ਦੀ ਕਾਤਲਾਂ ਨੂੰ ਸਿੱਧੀ ਸ਼ਹਿ ਪ੍ਰਾਪਤ ਹੈ। ਆਓ ! ਆਪਣੇ ਸ਼ਹੀਦ ਸਾਥੀ ਦੇ ਡੁਲ੍ਹੇ ਲਹੂ ਦੀ ਲਾਲੀ ਨੂੰ ਅੱਖਾਂ 'ਚ ਵਸਾ ਕੇ ਰੋਹਲੀ ਲਲਕਾਰ ਬਨਕੇ ਉੱਠੀਏ। ਲੋਕ-ਨਫ਼ਰਤ ਦੇ ਸੇਕ ਨਾਲ ਸਿਆਸੀ ਕਾਤਲਾਂ ਦੇ ਮਖੌਟੇ ਲੂਹ ਸੁੱਟੀਏ। ਕਿਸਾਨਾਂ-ਕਿਰਤੀਆਂ ਦੀ ਜੱਥੇਬੰਦ ਲਹਿਰ ਦੀ ਰਾਖੀ ਲਈ ਸਾਂਝੀ ਤਾਕਤ ਦਾ ਕਿਲਾ ਉਸਾਰਕੇ ਸੰਘਰਸ਼ ਦਾ ਝੰਡਾ ਹੋਰ ਉੱਚਾ ਚੁੱਕੀਏ। ਆਪਣੇ ਪਿਆਰੇ ਆਗੂ ਦੇ ਸ਼ਹਾਦਤ ਦੇ ਝੰਜੋੜੇ ਨੂੰ ਕਿਸਾਨਾਂ-ਕਿਰਤੀਆਂ ਦੇ ਹੱਕਾਂ ਲਈ ਜੂਝਣ ਦੇ ਪ੍ਰਚੰਡ ਇਰਾਦੇ 'ਚ ਬਦਲ ਦੇਈਏ। ਮੰਗਾਂ ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ ਦੇ ਕਾਤਲਾਂ ਨੂੰ ਗ੍ਰਿਫ਼ਤਾਰ ਕਰਕੇ ਸਖ਼ਤ ਸਜਾਵਾਂ ਦਿਓ ਆਬਾਦਕਾਰਾਂ ਨੂੰ ਮਾਲਕੀ ਦੇ ਹੱਕ ਤੁਰੰਤ ਦਿਓ ਥਾਣੇਦਾਰ ਰਛਪਾਲ 'ਬਾਬਾ' ਨੂੰ ਦੋਹੇਂ ਕਤਲਾਂ ਵਿਚ ਗ੍ਰਿਫ਼ਤਾਰ ਕਰੋ ਖੰਨਾ-ਚਮਿਆਰਾ ਕਤਲਕਾਂਡ ਦੇ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਸਖ਼ਤ ਸਜਾਵਾਂ ਦਿਓ ਵਲੋਂ: ਭਾਰਤੀ ਕਿਸਾਨ ਯੂਨੀਅਨ ਏਕਤਾ(ਉਗਰਾਹਾਂ) ਭਾਰਤੀ ਕਿਸਾਨ ਯੂਨੀਅਨ ਏਕਤਾ(ਡਕੌਂਦਾ) ਕਿਰਤੀ ਕਿਸਾਨ ਯੂਨੀਅਨ ਪੰਜਾਬ ਕਿਸਾਨ ਯੂਨੀਅਨ ਭਾਰਤੀ ਕਿਸਾਨ ਯੂਨੀਅਨ(ਕ੍ਰਾਂਤੀਕਾਰੀ) ਕਿਸਾਨ ਸੰਘਰਸ਼ ਕਮੇਟੀ(ਸਤਨਾਮ ਪੰਨੂ) ਕਿਸਾਨ ਸੰਘਰਸ਼ ਕਮੇਟੀ(ਕੰਵਲਪ੍ਰੀਤ ਪੰਨੂ) ਜਮਹੂਰੀ ਕਿਸਾਨ ਸਭਾ ਪੰਜਾਬ ਕਿਸਾਨ ਸਭਾ ਕਿਰਤੀ ਕਿਸਾਨ ਸਭਾ,ਪੰਜਾਬ ਪੰਜਾਬ ਕਿਸਾਨ ਸਭਾ ਭਾਰਤੀ ਕਿਸਾਨ ਯੂਨੀਅਨ ਏਕਤਾ(ਸਿੱਧੂਪੁਰ) ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਪੇਂਡੂ ਮਜ਼ਦੂਰ ਯੂਨੀਅਨ(ਮਸ਼ਾਲ) ਪੇਂਡੂ ਮਜ਼ਦੂਰ ਯੂਨੀਅਨ,ਪੰਜਾਬ ਮਜ਼ਦੂਰ ਮੁਕਤੀ ਮੋਰਚਾ,ਪੰਜਾਬ ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ ਦਿਹਾਤੀ ਮਜ਼ਦੂਰ ਸਭਾ ਕੁਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ,ਪੰਜਾਬ ਪੰਜਾਬ ਖੇਤ ਮਜ਼ਦੂਰ ਸਭਾ ਕ੍ਰਾਂਤੀਕਾਰੀ ਖੇਤ ਮਜ਼ਦੂਰ ਸਭਾ,ਪੰਜਾਬ

ਪ੍ਰਕਾਸ਼ਕ: ਸੁਖਦੇਵ ਸਿੰਘ ਕੋਕਰੀ ਕਲਾਂ, ਮਿਤੀ:23.2.2010

ਸ਼ਹੀਦ ਸਾਧੂ ਸਿੰਘ ਤਖਤੂਪੁਰਾ

ਕਿਸਾਨ ਲਹਿਰ ਦਾ ਮਾਣਮੱਤਾ ਵਰਕਾ ਸੰਘਰਸ਼ਾਂ ਦੇ ਅਧਿਕਾਰ 'ਤੇ ਇਹ ਹਿੰਸਕ ਝਪਟਾਂ ਜ਼ਾਹਰ ਕਰਦੀਆਂ ਕਿ ਸੂਬੇ ਵਿਚ ਫੁੱਟ ਰਹੀਆਂ ਕਿਸਾਨ ਜਾਗਰਤੀ ਦੀਆਂ ਕਰੂੰਬਲਾਂ ਸਰਬੱਤ ਦੋਖੀ ਅਧਿਕਾਰਸ਼ਾਹੀ ਨੂੰ ਭੈਅ-ਭੀਤ ਕਰ ਰਹੀਆਂ ਹਨ। ਖੰਨਾ-ਚਮਿਆਰਾ ਕਤਲ-ਕਾਂਡ ਅਤੇ ਸਾਧੂ ਸਿੰਘ ਤਖਤੂਪੁਰਾ ਦੀ ਸ਼ਹਾਦਤ ਇਸ ਗੱਲ ਦਾ ਸੰਕੇਤ ਹੈ ਕਿ ਹਾਕਮ ਕਿਸਾਨ ਹੱਕਾਂ ਦੀ ਲਹਿਰ ਨਾਲ ਹਿੰਸਾ ਅਤੇ ਸਿਆਸੀ ਕਤਲਾਂ ਦੇ ਜ਼ੋਰ ਨਜਿਠਣ 'ਤੇ ਉਤਾਰੂ ਹਨ। ਕੁਰਬਾਨੀਆਂ ਨਾਲ ਰਚੇ ਜਾ ਰਹੇ ਕਿਸਾਨ ਲਹਿਰ ਦੇ ਇਤਿਹਾਸ ਵਿੱਚ ਇੱਕ ਹੋਰ ਲਿਸ਼ਕਦਾ ਸੂਹਾ ਵਰਕਾ ਜੋੜ ਕੇ ਸਾਧੂ ਸਿੰਘ ਤਖ਼ਤੂਪੁਰਾ 16 ਫਰਵਰੀ ਨੂੰ ਸ਼ਹੀਦਾਂ ਦੀ ਕਤਾਰ ਵਿਚ ਜਾ ਸ਼ਾਮਲ ਹੋਇਆ। 65 ਵਰ੍ਹਿਆਂ ਦੀ ਉਮਰ 'ਚ ਉਹ ਲਟ ਲਟ ਬਲਦੇ ਉਤਸ਼ਾਹ ਨਾਲ ਪੰਜਾਬ ਦੇ ਇੱਕ ਤੋਂ ਦੂਜੇ ਸਿਰੇ ਤੱਕ ਕਿਸਾਨ ਜਾਗਰਤੀ ਦਾ ਹੋਕਾ ਦਿੰਦਾ ਫਿਰਦਾ ਸੀ। ਅਧਿਆਪਕ ਦੇ ਕਿੱਤੇ ਤੋਂ ਰਿਟਾਇਰਮੈਂਟ ਲੈ ਕੇ ਉਹ ਜੁਝਾਰ ਕਿਸਾਨ ਲਹਿਰ ਦੇ ਕਾਫ਼ਲੇ ਵਿਚ ਜਾ ਕੁੱਦਿਆ ਸੀ। ਕਿਉਂਕਿ ਉਸਦਾ ਵਿਸ਼ਵਾਸ ਸੀ ਕਿ ਮੁਲਕ ਦੇ ਸਭਨਾਂ ਮਜ਼ਲੂਮ ਲੋਕਾਂ ਦੀ ਮੁਕਤੀ ਕਿਸਾਨਾਂ-ਕਿਰਤੀਆਂ ਦੀ ਮੁਕਤੀ ਨਾਲ ਜੁੜੀ ਹੋਈ ਹੈ। ਕਿਸਾਨ ਸੰਘਰਸ਼ਆਂ 'ਤੇ ਨਹੱਕੇ ਪੁਲਸ ਹਮਲਿਆਂ ਦਾ ਦਲੇਰੀ ਨਾਲ ਸਾਹਮਣਾ ਕਰਦਿਆਂ ਮੌਤ ਕਈ ਵਾਰ ਉਸ ਨਾਲ ਖਹਿ ਕੇ ਲੰਘਦੀ ਰਹੀ। ਛੰਨਾਂ ਵਿਚ ਕਿਸਾਨ ਘੋਲ ਦੌਰਾਨ ਵਰਦੀਆਂ ਗੋਲੀਆਂ ਦੌਰਾਨ ਜਦੋਂ ਉਸਦੀਆਂ ਉਂਗਲਾਂ ਜ਼ਖਮੀ ਹੋਈਆਂ ਉਦੋਂ ਉਸਦੀ ਪੋਤਰੀ ਵੀ ਕਿਸਾਨ ਕਾਫਲੇ ਦੀਆਂ ਅਗਲੀਆਂ ਕਤਾਰਾਂ ਵਿਚ ਉਸਦੇ ਅੰਗ ਸੰਗ ਜੂਝ ਰਹੀ ਸੀ। ਖਤਰਿਆਂ ਤੋਂ ਬੇਪਰਵਾਹ ਕੁਰਬਾਨੀ ਦੀ ਅਡੋਲ ਭਾਵਨਾ ਨਾਲ ਉਹ ਆਖਰੀ ਸਾਹ ਤੱਕ ਜੂਝਿਆ। ਉਸ ਨੇ ਮਿਹਨਤਕਸ਼ ਲੋਕਾਂ ਦੇ ਦਰਦ ਵਿਚ ਪਰੋਏ ਗੀਤਾਂ ਦੀ ਰਚਨਾ ਕੀਤੀ। ਉਸਦਾ ਗੀਤ "ਸਾਨੂੰ ਭੁੱਖਿਆਂ ਨੂੰ ਹੋਰ ਨਾ ਬਗਾਰ ਪੁੱਗਦੀ" ਚਾਰ ਦਹਾਕਿਆਂ ਤੋਂ ਮਿਹਨਤਕਸ਼ਾਂ ਦੀਆਂ ਸਟੇਜਾਂ 'ਤੇ ਗੂੰਜਦਾ ਆ ਰਿਹਾ ਹੈ। ਆਪਣੇ ਬੋਲਾਂ ਨੂੰ ਆਪਣੇ ਲਹੂ ਨਾਲ ਸਿੰਜ ਕੇ ਉਹ ਇਹਨਾਂ ਦੀ ਗੂੰਜ ਉੱਚੀ ਕਰ ਗਿਆ। 14 ਫ਼ਰਵਰੀ ਨੂੰ ਮੈਂ ਉਸ ਨੂੰ ਆਖ਼ਰੀ ਵਾਰ ਤੱਕਿਆ ਸੀ। ਉਹ ਅੰਮ੍ਰਿਤਸਰ ਚੱਲ ਰਹੇ ਕਰੜੇ ਸੰਘਰਸ਼ ਦੇ ਮੈਦਾਨ ਵਿੱਚੋਂ ਮੁਹਾਲੀ ਆਇਆ ਸੀ। ਲੋਕ ਪੱਖੀ ਸਾਹਿਤ ਦੀ ਮਕਬੂਲ ਹਸਤੀ ਸੰਤੋਖ ਸਿੰਘ ਧੀਰ ਦੇ ਸ਼ਰਧਾਂਜਲੀ ਸਮਾਗਮ 'ਚ ਸ਼ਾਮਲ ਹੋਣ ਲਈ। ਮਜ਼ਲੂਮ ਲੋਕਾਂ ਦੀਆਂ ਆਸਾਂ, ਉਮੰਗਾਂ ਅਤੇ ਸੁਪਨਿਆਂ ਦੀ ਅਵਾਜ਼ ਬਣ ਕੇ ਗੂੰਜਦੀ ਰਹੀ ਵਿੱਛੜ ਗਈ ਸੰਗਰਾਮੀ ਕਲਮ ਨੂੰ ਸ਼ਰਧਾਂਜਲੀ ਭੇਂਟ ਕਰਦਿਆਂ ਉਸ ਨੇ ਪੰਡਾਲ ਵਿੱਚ ਜੁੜੇ ਸਰੋਤਿਆਂ ਨੂੰ ਪ੍ਰੋਫ਼ੈਸਰ ਮੋਹਨ ਸਿੰਘ ਦੇ ਬੋਲ ਯਾਦ ਕਰਵਾਏ ਅਤੇ ਦਾਤੀਆਂ ਕਲਮਾਂ ਅਤੇ ਹਥੌੜਿਆਂ ਦੀ ਏਕਤਾ ਦਾ ਸੱਦਾ ਦਿੱਤਾ। "ਲੋਕ ਕਵੀ ਸੰਤੋਖ਼ ਸਿੰਘ ਧੀਰ ਅਮਰ ਰਹੇ" ਦਾ ਬੈਨਰ ਅਤੇ ਉਹਨਾਂ ਦੀਆਂ ਕਵਿਤਾਵਾਂ ਦੀਆਂ ਤਖਤੀਆਂ ਚੁੱਕੀਂ ਪੰਡਾਲ ਵਿਚ ਦਾਖਲ ਹੋਏ ਸੈਂਕੜੇ-ਮਜ਼ਦੂਰਾਂ ਦੇ ਕਾਫ਼ਲੇ ਨੇ ਸਭਨਾਂ ਦਾ ਧਿਆਨ ਖਿੱਚਿਆ ਸੀ। ਸਾਧੂ ਸਿੰਘ ਤਖ਼ਤੂਪੁਰਾ ਨੇ ਜੋਰ ਦਿੱਤਾ ਕਿ ਲੋਕਾਂ ਦੇ ਸਾਹਿਤਕਾਰਂ ਨੂੰ ਸੰਭਾਲਣਾ ਪਹਿਲ-ਪ੍ਰਿਥਮੇ ਲੋਕਾਂ ਦੀਆਂ ਜਥੇਬੰਦੀਆਂ ਦੀ ਜੁੰਮੇਵਾਰੀ ਹੈ। ਲੋਕ-ਹਿਤੈਸ਼ੀ ਕਲਮਾਂ ਦੇ ਸਤਿਕਾਰ ਅਤੇ ਉਹਨਾਂ ਨਾਲ ਰਿਸ਼ਤੇ ਦੇ ਇਜ਼ਹਾਰ ਵਜੋਂ ਹੀ ਬੀ.ਕੇ.ਯੂ (ਉਗਰਾਹਾਂ) ਅਤੇ ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਵਲੋਂ ਸੰਤੋਖ ਸਿੰਘ ਧੀਰ ਦੇ ਪਰਿਵਾਰ ਨੂੰ ਪੈਂਤੀ ਹਜ਼ਾਰ ਰੁਪਏ ਦੀ ਰਾਸ਼ੀ ਭੇਂਟ ਕੀਤੀ ਗਈ। ਸ਼ਾਇਦ ਇਹ ਇਤਫ਼ਾਕ ਨਹੀਂ ਸੀ ਕਿ ਇਸ ਸਮਾਗਮ ਵਿਚ ਸ਼ਰੀਕ ਹੁੰਦਿਆਂ ਮੈਂ ਇਸ ਗੱਲ ਦਾ ਜ਼ਿਕਰ ਕੀਤਾ ਕਿ ਸਮਾਜ ਦੀ ਅਸਲੀਅਤ ਨੂੰ ਪੇਸ਼ ਕਰਦੀ ਸੰਤੋਖ਼ ਸਿੰਘ ਧੀਰ ਦੀ ਰਚਨਾ ਮੁਲਕ ਦੇ ਸਮਾਜਿਕ ਪ੍ਰਬੰਧ ਦੇ ਹਿੰਸਕ ਸੁਭਾਅ ਨੂੰ ਚਿਤਰਦੀ ਹੈ। ਉਹਨਾਂ ਦੀਆਂ ਕਿੰਨੀਆਂ ਹੀ ਕਵਿਤਾਵਾਂ ਅਤੇ ਕਹਾਣੀਆਂ ਤਾਕਤ ਦੀ ਟੀਸੀ 'ਤੇ ਬੈਠੀਆਂ ਜਮਾਤਾਂ ਅਤੇ ਉਹਨਾਂ ਦੇ ਰਾਜ ਪ੍ਰਬੰਧ ਦੇ ਵਜੂਦ 'ਚ ਸਮੋਈ ਇਸ ਹਿੰਸਾ ਦੀ ਘਿਨਾਉਣੀ ਅਸਲੀਅਤ ਪੇਸ਼ ਕਰਦੀਆਂ ਹਨ। ਸਾਧੂ ਸਿੰਘ ਤਖਤੂਪੁਰਾ ਇਸ ਸਮਾਗਮ ਤੋਂ ਰੁਖ਼ਸਤ ਲੈਂਦਿਆਂ ਹੀ ਮੁੜ ਸੰਘਰਸ਼ ਦੇ ਮੈਦਾਨ 'ਚ ਪਰਤ ਗਿਆ, ਜਿੱਥੇ ਸਮਾਜਿਕ ਤਾਕਤ ਦੀਆਂ ਮਾਲਕ ਗਿਰਝਾਂ ਦਾ ਹਿੰਸਕ ਪੰਜਾ ਉਸ ਉੱਤੇ ਘਾਤ ਲਾ ਕੇ ਝਪਟ ਲੈਣ ਲਈ ਇੰਤਜ਼ਾਰ ਕਰ ਰਿਹਾ ਸੀ। ਸੰਘਰਸ਼ ਦੇ ਮੈਦਾਨ 'ਚ ਸ਼ਹਾਦਤ ਪਾ ਕੇ ਸਾਧੂ ਸਿੰਘ ਤਖਤੂਪੁਰਾ ਨੇ ਸੰਤੋਖ ਸਿੰਘ ਧੀਰ ਦੀ ਰਚਨਾ ਦੀ ਗਵਾਹੀ ਆਪਣੇ ਲਹੂ ਨਾਲ ਲਿਖ ਦਿੱਤੀ। ਇਉਂ ਉਹ ਖੁਦ ਸੰਤੋਖ ਸਿੰਘ ਧੀਰ ਦੀ ਅਣ-ਲਿਖੀ ਕਵਿਤਾ ਹੋ ਨਿਬੜਿਆ। ਸਾਧੂ ਸਿੰਘ ਤਖਤੂਪੁਰਾ ਦਾ ਕਤਲ ਇੱਕ ਸਿਆਸੀ ਕਤਲ ਹੈ। ਅੰਮ੍ਰਿਤਸਰ ਵਿੱਚ ਚਲ ਰਹੀ ਜਦੋਜਹਿਦ ਆਬਾਦਕਾਰ ਕਿਸਾਨਾਂ ਦੀ ਮਾਲਕੀ ਦੇ ਹੱਕ ਲਿਤਾੜ ਕੇ ਜਮੀਨਾਂ ਹੜੱਪ ਲੈਣ ਲਈ ਝਪਟ-ਰਹੀ ਲੋਕ ਦੁਸ਼ਮਣ ਜੁੰਡੀ ਨੂੰ ਬੇਆਰਾਮ ਕਰ ਰਹੀ ਸੀ। ਇਸ ਜੁੰਡੀ ਵਿੱਚ ਵੱਡੇ ਧਨਾਢ, ਸਿਆਸਤਦਾਨ ਅਤੇ ਪੁਲਸ ਅਧਿਕਾਰੀ ਸ਼ਾਮਲ ਹਨ। ਇਹਨਾਂ ਵਿਚ ਸਾਬਕਾ ਐਮ.ਐਲ.ਏ ਵੀਰ ਸਿੰਘ ਲੋਪੋਕੇ ਸ਼ਾਮਲ ਹੈ। ਥਾਣੇਦਾਰ ਰਛਪਾਲ ਸਿੰਘ ਬਾਬਾ ਸ਼ਾਮਲ ਹੈ, ਇੱਕ ਕਿਸਾਨ ਸੁੱਖਾ ਸਿੰਘ ਦੇ ਕਤਲ ਦੇ ਦੋਸ਼ ਵਿਚ ਜਿਸਦੀ ਗ੍ਰਿਫ਼ਤਾਰੀ ਲਈ 17 ਫ਼ਰਵਰੀ ਨੂੰ ਅਜਨਾਲਾ ਵਿਚ ਕਿਸਾਨਾਂ ਨੇ ਧਰਨਾ ਰੱਖਿਆ ਹੋਇਆ ਸੀ। ਇਸ ਤੋਂ ਪਹਿਲਾਂ ਸੌੜੀਆਂ ਵਿਚ ਕਿਸਾਨਾਂ 'ਤੇ ਖੂਨੀ ਹਮਲਾ ਹੋ ਚੁੱਕਿਆ ਸੀ ਅਤੇ ਖੰਨਾ-ਚਮਿਆਰਾ ਪਿੰਡ ਵਿਚ ਖ਼ੂਨੀਂ ਕਾਂਡ ਰਚਾ ਕੇ ਦੋ ਕਿਸਾਨ ਸ਼ਹੀਦ ਕਰ ਦਿੱਤੇ ਗਏ ਸਨ। ਖੰਨਾ-ਚਮਿਆਰਾ ਕਾਂਡ ਦੇ ਮੁਜ਼ਰਮਾਂ ਵਿਚ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਦਾ ਨਾਂ ਬੋਲਦਾ ਹੈ। ਕਤਲਾਂ ਦੇ ਇਹ ਮੁਜ਼ਰਮ ਅਜੇ ਤੱਕ ਸੁਰਖਿਅਤ ਹਨ। ਇਹ ਗੱਲ ਕਾਤਲਾਂ ਨੂੰ ਰਾਜ-ਭਾਗ ਦੀ ਸਰਪ੍ਰਸਤੀ ਦੀ ਚੁਗਲੀ ਕਰਦੀ ਹੈ। ਇਹ ਗੱਲ ਵਰਨਣਯੋਗ ਹੈ ਕਿ ਗੁਰਦਾਸਪੁਰ ਅਤੇ ਅੰਮ੍ਰਿਤਸਰ ਵਿਚ ਚੱਲ ਰਹੇ ਕਿਸਾਨ ਸੰਘਰਸ਼ਾਂ ਦੇ ਸਿੱਟੇ ਵਜੋਂ ਅਖੌਤੀ ਅਮਨ ਕਨੂੰਨ ਨੂੰ ਸੂਈ ਤਾਂ ਕੀ ਸਿਲਤ੍ਹ ਵੀ ਨਹੀਂ ਸੀ ਵੱਜੀ। ਇਸਦੇ ਬਾਵਜੂਦ ਸੰਘਰਸ਼ਾਂ ਦੇ ਅਧਿਕਾਰ 'ਤੇ ਇਹ ਹਿੰਸਕ ਝਪਟਾਂ ਜ਼ਾਹਰ ਕਰਦੀਆਂ ਕਿ ਸੂਬੇ ਵਿਚ ਫੁੱਟ ਰਹੀਆਂ ਕਿਸਾਨ ਜਾਗਰਤੀ ਦੀਆਂ ਕਰੂੰਬਲਾਂ ਸਰਬੱਤ ਦੋਖੀ ਅਧਿਕਾਰਸ਼ਾਹੀ ਨੂੰ ਭੈਅ-ਭੀਤ ਕਰ ਰਹੀਆਂ ਹਨ। ਖੰਨਾ-ਚਮਿਆਰਾ ਕਤਲ-ਕਾਂਡ ਅਤੇ ਸਾਧੂ ਸਿੰਘ ਤਖਤੂਪੁਰਾ ਦੀ ਸ਼ਹਾਦਤ ਇਸ ਗੱਲ ਦਾ ਸੰਕੇਤ ਹੈ ਕਿ ਹਾਕਮ ਕਿਸਾਨ ਹੱਕਾਂ ਦੀ ਲਹਿਰ ਨਾਲ ਹਿੰਸਾ ਅਤੇ ਸਿਆਸੀ ਕਤਲਾਂ ਦੇ ਜ਼ੋਰ ਨਜਿਠਣ 'ਤੇ ਉਤਾਰੂ ਹਨ। ਇਹ ਨਾ ਸਿਰਫ਼ ਕਿਸਾਨਾਂ ਲਈ ਸਗੋਂ ਹੱਕਾਂ ਲਈ ਜੂਝ ਰਹੇ ਸਭਨਾਂ ਲੋਕਾਂ ਲਈ ਖਤਰੇ ਨੂੰ ਪਛਾਨਣ ਦੀ ਘੜੀ ਹੈ। 28 ਫ਼ਰਵਰੀ ਨੂੰ 22 ਕਿਸਾਨ ਅਤੇ ਖੇਤ ਮਜ਼ਦੂਰ ਜੱਥੇਬੰਦੀਆਂ ਪਿੰਡ ਤਖਤੂਪੁਰਾ ਵਿਚ ਆਪਣੇ ਸ਼ਹੀਦ ਨੂੰ ਸ਼ਰਧਾਂਜਲੀ ਦੇਣ ਲਈ ਸਾਂਝਾ ਸਮਾਗਮ ਕਰ ਰਹੀਆਂ ਹਨ। ਤਖਤੂਪੁਰਾ ਦਾ ਡੁੱਲ੍ਹਿਆ ਲਹੂ ਹੱਕਾਂ ਲਈ ਵਿਸ਼ਾਲ ਏਕਾ ਉਸਾਰ ਕੇ ਜੂਝਣ ਦਾ ਹੋਕਾ ਬਣ ਗਿਆ ਹੈ। ਇਹ ਸਾਂਝਾ ਸਮਾਗਮ ਸਮੇਂ ਦੀ ਲੋੜ ਨੂੰ ਹੁੰਗਾਰਾ ਹੈ ਅਤੇ ਕਿਸਾਨ ਆਗੂ ਨੂੰ ਖ਼ਰੀ ਸ਼ਰਧਾਂਜਲੀ ਦਾ ਰਸਤਾ ਹੈ। ਕਿਸਾਨ ਲਹਿਰ ਦੇ ਅਗਲੇ ਵਰਕੇ ਸ਼ਹੀਦ ਤਖਤੂਪੁਰਾ ਦੇ ਡੁਲ੍ਹੇ ਲਹੂ ਨਾਲ ਰੌਸ਼ਨ ਹੋਣ ਦੀ ਇੰਤਜ਼ਾਰ ਵਿਚ ਹਨ।

ਵਲੋਂ- ਜਸਪਾਲ ਜੱਸੀ
ਮਕਾਨ ਨੰ: 15509, ਗਲੀ ਨੰ:1,
ਹਜ਼ੂਰਾ ਕਪੂਰਾ ਕਲੋਨੀ
ਬਠਿੰਡਾ - 151001