StatCounter

Saturday, June 26, 2010

ਬੇਰੁਜ਼ਗਾਰੀ ਦਾ ਮਸਲਾ ਤੇ ਸਰਕਾਰੀ ਨੀਤੀਆਂ



( ਸ਼ੀਰੀਂ ਦਾ ਇਹ ਲੇਖ ਮਿਤੀ 26/06/10 ਦੇ ਪੰਜਾਬੀ ਟ੍ਰਿਬਿਊਨ 'ਚ ਛਪਿਆ ਹੈ, ਜਿਸਨੂੰ ਅਸੀਂ ਇਥੇ ਛਾਪਣ ਦੀ ਖੁਸ਼ੀ ਲੈ ਰਹੇ ਹਾਂ।)

3 ਅਪ੍ਰੈਲ ਦੇ ਪੰਜਾਬੀ ਟ੍ਰਿਬਿਊਨ ਵਿੱਚ ਬੇਰੁਜ਼ਗਾਰ ਵੈਟਰਨਰੀ ਇੰਸਪੈਕਟਰ ਯੂਨੀਅਨ ਪੰਜਾਬ ਵੱਲੋਂ ਟੈਂਕੀਆਂ ਉੱਪਰ ਚੜ੍ਹਕੇ ਆਤਮਦਾਹ ਦੀ ਧਮਕੀ ਦੀ ਖਬਰ ਛਪੀ। 21 ਮਈ ਨੂੰ ਬੇਰੁਜ਼ਗਾਰ ਈ.ਟੀ.ਟੀ. ਅਧਿਆਪਕ ਯੂਨੀਅਨ ਵੱਲੋਂ ਮੁੱਖ ਮੰਤਰੀ ਦੇ ਜੱਦੀ ਪਿੰਡ ਸਥਿਤ ਨਿਵਾਸ ਅੱਗੇ ਆਤਮਦਾਹ ਦੀ ਧਮਕੀ ਤੇ 11 ਮਰਜੀਵੜਿਆਂ ਦਾ ਜਥਾ ਤਿਆਰ ਕਰ ਲਏ ਜਾਣ ਦੀ ਖਬਰ ਲੱਗੀ।ਇਸਤੋਂ 9 ਦਿਨ ਬਾਅਦ ਯੂਨੀਅਨ ਵੱਲੋਂ ਸੰਗਰੂਰ ਵਿੱਚ ਕੀਤੇ ਜਾ ਰਹੇ ਰੋਸ ਮਾਰਚ ਦੌਰਾਨ ਚਾਰ ਬੇਰੁਜ਼ਗਾਰ ਅਧਿਆਪਕ ਟੈਂਕੀ ਤੇ ਜਾ ਚੜ੍ਹੇ ਤੇ 22 ਘੰਟਿਆਂ ਬਾਦ ਕੈਬਨਿਟ ਮੰਤਰੀ ਪਰਮਿੰਦਰ ਢੀਂਡਸਾ ਨਾਲ ਮੀਟਿੰਗ ਦੇ ਭਰੋਸੇ ਤੋਂ ਬਾਦ ਹੀ ਹੇਠਾਂ ਉੱਤਰੇ। 14 ਜੂਨ ਨੂੰ ਵੈਟਰਨਰੀ ਫਾਰਮਾਸਿਸਟ ਯੂਨੀਅਨ ਦੇ 5 ਕਾਰਕੁਨ ਬਠਿੰਡਾ ਵਿਖੇ ਪੈਟਰੋਲ ਦੀਆਂ ਕੇਨੀਆਂ ਹੱਥਾਂ ਵਿੱਚ ਫੜ੍ਹ ਵਾਟਰ ਵਰਕਸ ਦੀ ਟੈਂਕੀ ਉੱਪਰ ਚੜ੍ਹ ਗਏ ਤੇ 36 ਘੰਟਿਆਂ ਬਾਦ ਡੀ.ਸੀ.ਵੱਲੋਂ ਮੁੱਖ ਮੰਤਰੀ ਤੇ ਪਸ਼ੂ ਪਾਲਣ ਮੰਤਰੀ ਨਾਲ ਮੀਟਿੰਗ ਕਰਵਾਉਣ ਦਾ ਭਰੋਸਾ ਲਿਖਤੀ ਰੂਪ ‘ਚ ਹਾਸਲ ਕਰਨ ਤੋਂ ਬਾਦ ਹੀ ਟੈਂਕੀ ਤੋਂ ਉੱਤਰ ਕੇ ਆਏ।ਏਸੇ ਹੀ ਦਿਨ 6 ਬੇਰੁਜ਼ਗਾਰ ਲਾਈਨਮੈਨ ਬਠਿੰਡਾ ਵਿਖੇ ਇੱਕ ਹੋਰ ਟੈਂਕੀ ਤੇ ਚੜ੍ਹ ਗਏ ਤੇ 31 ਘੰਟਿਆਂ ਬਾਦ ਉਦੋਂ ਹੇਠਾਂ ਉੱਤਰੇ ਜਦ ਡੀ.ਸੀ. ਵੱਲੋਂ ਪਾਵਰਕੌਮ ਦੇ ਮੈਨੇਜਿੰਗ ਡਾਇਰੈਕਟਰ ਤੇ ਮੁੱਖ ਮੰਤਰੀ ਨਾਲ ਮੀਟਿੰਗ ਦਾ ਭਰੋਸਾ ਲਿਖਤੀ ਰੂਪ ‘ਚ ਦਿੱਤਾ ਗਿਆ। 5 ਜੂਨ ਨੂੰ ਪੰਜਾਬ ਬੇਰੁਜ਼ਗਾਰ ਈ.ਟੀ.ਟੀ. ਯੂਨੀਅਨ ਵੱਲੋਂ ਮੰਗਾਂ ਨਾ ਮੰਨੇ ਜਾਣ ਦੀ ਸੂਰਤ ਵਿੱਚ ਮਰਜੀਵੜਿਆਂ ਵੱਲੋਂ ਨਹਿਰਾਂ ‘ਚ ਛਾਲ ਮਾਰਕੇ ਆਤਮਹੱਤਿਆ ਕਰਨ ਦੀ ਧਮਕੀ ਦਿੱਤੀ ਗਈ।


ਪਿਛਲੇ ਪੂਰੇ ਇੱਕ ਸਾਲ ਤੋਂ ਫਰਵਰੀ ਮਹੀਨੇ ‘ਚ ਕਪੂਰਥਲਾ ਵਿਖੇ ਕਿਰਨਦੀਪ ਵੱਲੋਂ ਕੀਤੇ ਆਤਮਦਾਹ ਸਮੇਤ ਅਨੇਕਾਂ ਅਜਿਹੀਆਂ ਖਬਰਾਂ ਨੇ ਅਖਬਾਰ ਮੱਲੇ ਹੋਏ ਹਨ।ਇਹਨਾਂ ਤੋਂ ਬਿਨਾ ਕਦੇ ਆਂਗਨਵਾੜੀ ਵਰਕਰਾਂ, ਕਦੇ ਬੀ.ਐਡ. ਅਧਿਆਪਕਾਂ, ਕਦੇ ਈ.ਜੀ.ਐਸ. ਕਰਮੀਆਂ ਕਦੇ ਮਲਟੀਪਰਪਜ਼ ਹੈਲਥ ਵਰਕਰਾਂ, ਕਦੇ ਸਬਸਟੀਚਿਊਟ ਕੰਪਿਊਟਰ ਟੀਚਰਾਂ ਜਾਂ ਹੋਰ ਅਨੇਕਾਂ ਵੰਨਗੀਆਂ ਦੇ ਬੇਰੁਜ਼ਗਾਰਾਂ ਦੀਆਂ ਧਮਕੀਆਂ ਤੇ ਸੰਘਰਸ਼ ਦੀਆਂ ਖਬਰਾਂ ਛਪਦੀਆਂ ਰਹਿੰਦੀਆਂ ਹਨ।ਇਹ ਸਾਰੀਆਂ ਖਬਰਾਂ ਕਿਸ ਗੱਲ ਦਾ ਸੰਕੇਤ ਹਨ ? ਕੀ ਇਹ ਉਸ ਸਿਰੇ ਦੀ ਗੰਭੀਰ ਹਾਲਤ ਦਾ ਮਹਿਜ਼ ਇਸ਼ਾਰਾ ਮਾਤਰ ਨਹੀਂ ਜੋ ਬੇਰੁਜ਼ਗਾਰ ਨੌਜਵਾਨ ਹੰਢਾ ਰਹੇ ਹਨ ਤੇ ਜਿਸ ਹਾਲਤ ਚੋਂ ਨਿਕਲਣ ਲਈ ਉਹ ਖੁਦਕੁਸ਼ੀ ਵਰਗੇ ਅੱਤ ਦੇ ਕਦਮ ਚੁੱਕਣ ਤੱਕ ਜਾ ਰਹੇ ਹਨ ? ਸਿਰਫ ਆਪਣੀ ਗੱਲ ਦੀ ਸੁਣਵਾਈ ਕਰਵਾਉਣ ਲਈ, ਮੰਤਰੀ ਨਾਲ ਮੀਟਿੰਗ ਹਾਸਲ ਕਰਨ ਲਈ ਇਸ ਪੱਧਰ ਦੀਆਂ ਕਾਰਵਾਈਆਂ ਕੀ ਇਸ ਗੰਭੀਰ ਹਾਲਤ ਪ੍ਰਤੀ ਸਰਕਾਰੀ ਪਹੁੰਚ ਦੇ ਸਰਸਰੀਪਣ ਦਾ ਸਬੂਤ ਨਹੀਂ ? ਕੀ ਇਹ ਸਥਿਤੀ ਸੰਕੇਤ ਨਹੀਂ ਕਰਦੀ ਕਿ ਮੌਜੂਦਾ ਸਰਕਾਰੀ ਨੀਤੀਆਂ ਨਾ ਸਿਰਫ ਇਸ ਸਮੱਸਿਆ ਨਾਲ ਨਿਪਟਣ ‘ਚ ਅਸਮਰੱਥ ਨਿਬੜ ਰਹੀਆਂ ਹਨ, ਸਗੋਂ ਇਹ ਹਾਲਤ ਬਣਾਉਣ ਅਤੇ ਇਸਨੂੰ ਦਿਨੋ ਦਿਨ ਹੋਰ ਗੰਭੀਰ ਕਰਦੇ ਜਾਣ ਲਈ ਜਿੰਮੇਵਾਰ ਹਨ ?


1991 ਵਿੱਚ ਨਰਸਿਮਹਾ ਸਰਕਾਰ ਵੱਲੋਂ ਆਪਣਾਈਆਂ ਤੇ ਹਰ ਵੰਨਗੀ ਦੀਆਂ ਸਰਕਾਰਾਂ ਵੱਲੋਂ ਜ਼ੋਸ਼-ਖਰੋਸ਼ ਨਾਲ ਲਾਗੂ ਕੀਤੀਆਂ ਜਾ ਰਹੀਆਂ ਨਵੀਆਂ ਆਰਥਕ ਨੀਤੀਆਂ ਸਮਾਜ ਦੇ ਸਭ ਤਬਕਿਆਂ ਉੱਪਰ ਆਪਣਾ ਘਾਤਕ ਅਸਰ ਦਿਖਾ ਚੁੱਕੀਆਂ ਹਨ। ਵੱਡੀ ਪੱਧਰ ਤੇ ਕਿਸਾਨ ਖੁਦਕੁਸ਼ੀਆਂ, ਕਿਸਾਨਾਂ ਦਾ ਖੇਤੀ ਧੰਦੇ ਤੋਂ ਬਾਹਰ ਹੋਣਾ, ਅਜਿਹੇ ਹਿੱਸੇ ਦੀ ਕਿਸੇ ਹੋਰ ਬੇਰੁਜ਼ਗਾਰ ‘ਚ ਰਸਾਈ ਨਾ ਹੋਣਾ, ਛੋਟੀਆਂ ਸਨਅਤਾਂ ਦਾ ਵੱਡੀ ਪੱਧਰ ਤੇ ਉਜਾੜਾ, ਫੈਕਟਰੀ ਤਾਲਾਬੰਦੀਆਂ, ਸਨਅਤੀ ਮਜਦੂਰਾਂ ਦੀਆਂ ਧੜਾਧੜ ਛਾਂਟੀਆਂ, ਮਾੜੀਆਂ ਕੰਮ ਹਾਲਤਾਂ, ਸਾਰੇ ਸਰਕਾਰੀ ਮਹਿਕਮਿਆਂ ਦਾ ਧੜਾਧੜ ਨਿੱਜੀਕਰਨ, ਮੁਲਾਜ਼ਮਾਂ ਤੇ ਕੰਮ ਦੇ ਵਧੇ ਬੋਝ, ਜਬਰੀ ਰਿਟਾਇਰਮੈਂਟਾਂ, ਸਹੂਲਤਾਂ ਦੀ ਛੰਗਾਈ, ਅਮਲੀ ਗਰੀਬੀ ਦਰ ‘ਚ ਵਾਧਾ, ਨਿਘਰ ਰਿਹਾ ਵਾਤਾਵਰਨ ਤੇ ਬੇਰੁਜ਼ਗਾਰਾਂ ਦੀ ਫੌਜ ‘ਚ ਬੇਥਾਹ ਵਾਧਾ ਇਹਨਾਂ ਨਵੀਆਂ ਨੀਤੀਆਂ ਦੀ ਨਾ ਭੁਲਾਈ ਜਾਣ ਯੋਗ ਦੇਣ ਹੈ।


ਇਹਨਾਂ ਨੀਤੀਆਂ ਦੀ ਮਾਰ ਹੰਢਾ ਰਹੇ ਸਭ ਤਬਕੇ ਪਿਛਲੇ ਸਮੇਂ ਦੌਰਾਨ ਜਥੇਬੰਦ ਹੋਣ ਤੇ ਆਪੋ ਆਪਣੀਆਂ ਮੰਗਾਂ ਨੂੰ ਲੈ ਕੇ ਸੰਘਰਸ਼ ਕਰਨ ਦੇ ਰਾਹ ਪਏ ਹਨ (ਹਲਾਂਕਿ ਇਹਨਾਂ ਤਬਕਿਆਂ ਦੇ ਵੱਡੇ ਹਿੱਸੇ ਵੱਲੋਂ ਤਬਕਾਤੀ ਮੰਗਾਂ ਤੋਂ ਉੱਪਰ ਉੱਠ ਕੇ ਸਾਂਝੀ ਕੜੀ ਅਰਥਾਤ ਆਰਥਿਕ ਨੀਤੀਆਂ ਨੂੰ ਪਛਾਨਣ ਤੇ ਸੰਘਰਸ਼ ਇਹਨਾਂ ਵੱਲ ਸੇਧਤ ਕਰਨ ਦੀ ਲੋੜ ਖੜ੍ਹੀ ਹੈ) ਬੇਰੁਜ਼ਗਾਰ ਨੌਜਵਾਨ ਵੀ ਇਸੇ ਸਮੇਂ ਦੌਰਾਨ ਆਪੋ ਆਪਣੀਆਂ ਮੰਗਾਂ ਨਾਲ ਸੰਘਰਸ਼ ਦੇ ਪਿੜ ਵਿੱਚ ਨਿੱਤਰੇ ਹਨ।ਪੰਜਾਬ ਦਾ ਮਾਹੌਲ ਇੱਕੋ ਸਮੇਂ ਅਨੇਕਾਂ ਵੰਨਗੀਆਂ ਦੇ ਬੇਰੁਜ਼ਗਾਰਾਂ ਨੂੰ ਰੁਜ਼ਗਾਰ ਲਈ ਲੜਦੇ ਵੇਖ ਰਿਹਾ ਹੈ।ਨਵੀਆਂ ਆਰਥਕ ਨੀਤੀਆਂ ਦੀ ਅਮਲਦਾਰੀ ਨੇ ਹਰ ਪ੍ਰਕਾਰ ਦੀ ਨਵੀਂ ਭਰਤੀ ਲਈ ਬੂਹੇ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੇ ਹਨ।ਪਹਿਲਾਂ ਹੀ ਮੌਜੂਦ ਅਮਲੇ ਵਿੱਚ ਵੀ ਕਈਆਂ ਨੂੰ ‘ਵਾਧੂ ਦਾ ਲੇਬਲ ਲਾ ਕੇ ਛਾਂਟਣ ਦੇ ਵੰਨ ਸੁਵੰਨੇ ਤਰੀਕੇ ਅਪਣਾਏ ਜਾ ਰਹੇ ਹਨ। ਦੂਜੇ ਪਾਸੇ ਇਹੀ ਨੀਤੀਆਂ ਨਿੱਜੀ ਪੂੰਜੀ ਨੂੰ ਹਰ ਖੇਤਰ ਵਿੱਚ ਖੁੱਲ੍ਹ ਖੇਡਣ ਦੀ ਇਜਾਜਤ ਦੇ ਰਹੀਆਂ ਹਨ। ਨਤੀਜਾ ਇਹ ਹੈ ਕਿ ਕਿ ਇੱਕ ਪਾਸੇ ਬੀ.ਐਡ., ਈ.ਟੀ.ਟੀ. ਵਰਗੇ ਅਨੇਕਾਂ ਤਰ੍ਹਾਂ ਦੇ ਕੋਰਸ ਕਰਵਾਉਣ ਵਾਲੀਆਂ ਨਿੱਜੀ ਸੰਸਥਾਵਾਂ ਧੜਾਧੜ ਖੁੱਲ ਰਹੀਆਂ ਹਨ ਅਤੇ ਮੁਨਾਫੇ ਕਮਾਉਣ ਦੀ ਦੌੜ ਵਿੱਚ ਹਰ ਤਰ੍ਹਾਂ ਦੇ ਨਿਯਮ ਛਿੱਕੇ ਟੰਗਕੇ ਜੁਟੀਆਂ ਹੋਈਆ ਹਨ, ਦੂਜੇ ਪਾਸੇ ਇਹਨਾਂ ਸੰਸਥਾਵਾਂ ਦੀ ਪੈਦਾਵਾਰ ਯਾਨੀ ਕਿ ਕੋਰਸ ਪੂਰੇ ਕਰਕੇ ਨਿਕਲੇ ਵਿਦਿਆਰਥੀਆਂ ਨੂੰ ਰੁਜ਼ਗਾਰ ਦੇਣ ਦੀ ਸਰਕਾਰ ਦੀ ਕੋਈ ਯੋਜਨਾ ਨਹੀਂ।ਵਿੱਦਿਅਕ ਪ੍ਰਬੰਧ ਰੁਜ਼ਗਾਰ ਦੀਆਂ ਅਮਲੀ ਲੋੜਾਂ ਤੋਂ ਪੂਰੀ ਤਰ੍ਹਾਂ ਟੁੱਟਿਆ ਹੋਇਆ ਹੈ।ਸਰਕਾਰ ਜਿਨ੍ਹਾਂ ਕੋਰਸਾਂ ਲਈ ਪ੍ਰਾਈਵੇਟ ਅਦਾਰਿਆਂ ਨੂੰ ਅੰਨੇਵਾਹ ਮਾਨਤਾ ਦੇ ਰਹੀ ਹੈ, ਉਹਨਾਂ ਦੇ ਵਿਦਿਆਰਥੀਆਂ ਪ੍ਰਤੀ ਇਸਦੀ ਕੋਈ ਜਿੰਮੇਵਾਰੀ ਨਹੀਂ।ਲੋਕਾਂ ਨੂੰ ਦਿੱਤੀਆਂ ਜਾਂਦੀਆਂ ਸਹੂਲਤਾਂ ਤੋਂ ਹੱਥ ਪਿੱਛੇ ਖਿੱਚਕੇ ਲੋਕਾਂ ਨੂੰ ਨਿੱਜੀ ਅਦਾਰਿਆਂ ਦੀ ਮੁਨਾਫੇ ਦੀ ਭੁੱਖ ਵੱਸ ਪਾ ਦੇਣ ਦੀ ਪਹੁੰਚ ਦੇ ਸਿੱਟੇ ਵਜੋਂ ਹੀ ਸਟਾਫ ਦੀ ਕਮੀ ਨਾਲ ਸਹਿਕ ਰਹੇ ਸਰਕਾਰੀ ਸਕੂਲਾਂ, ਪੇਂਡੂ ਡਿਸਪੈਂਸਰੀਆਂ, ਬਿਜਲੀ ਗਰਿੱਡਾਂ ਤੇ ਹੋਰ ਅਦਾਰਿਆਂ ਅੰਦਰ ਨਵੀਂ ਪੱਕੀ ਭਰਤੀ ਨਹੀਂ ਕੀਤੀ ਜਾ ਰਹੀ ਸਗੋਂ ਇਹਨਾਂ ਨੂੰ ਹੌਲੀ-ਹੌਲੀ ਦਮ ਤੋੜਦੇ ਜਾਣ ਦੇ ਰਾਹ ਪਾ ਕੇ ਨਿੱਜੀਕਰਨ ਲਈ ਜਮੀਨ ਪੱਧਰੀ ਕੀਤੀ ਜਾ ਰਹੀ ਹੈ।ਜੇ ਕਿਤੇ ਕਿਸੇ ਕਾਰਨ ਵੱਸ ਮਾੜੀ ਮੋਟੀ ਭਰਤੀ ਕੀਤੀ ਵੀ ਜਾਂਦੀ ਹੈ ਤਾਂ ਉਹ ਠੇਕੇ ਉੱਪਰ ਕੁੱਝ ਮਹੀਨਿਆਂ ਜਾਂ ਸਾਲਾਂ ਦੇ ਸੀਮਤ ਅਰਸੇ ਲਈ ਹੁੰਦੀ ਹੈ, ਜੀਹਦੇ ਵਿੱਚੋਂ ਕਿਸੇ ਪੱਕੇ ਰੁਜ਼ਗਾਰ ਵਿੱਚ ਲੱਗੇ ਹੋਣ ਦੀ ਤਸੱਲੀ ਤਾਂ ਦੂਰ, ਹਰ ਵਕਤ ਰੁਜ਼ਗਾਰ ਖੁੱਸ ਜਾਣ ਦਾ ਫਿਕਰ ਸੋਚਾਂ ਮੱਲੀ ਰੱਖਦਾ ਹੈ, ਕਿਸੇ ਹੋਰ ਪੱਕੇ ਰੁਜ਼ਗਾਰ ਦੀ ਭਾਲ ਵਿੱਚ ਭਟਕਾਉਂਦਾ ਹੈ ਤੇ ਮੁੜ-ਮੁੜ ਰੁਜ਼ਗਾਰ ਲਈ ਲੜਨ ਦੇ ਹਾਲਾਤ ਬਣਾਈ ਰੱਖਦਾ ਹੈ।


ਬੇਰੁਜ਼ਗਾਰ ਨੌਜਵਾਨਾਂ ਲਈ ਅਜਿਹੀ ਹਾਲਤ ਦੇ ਸਿੱਟੇ ਦੂਰ ਰਸ ਹੁੰਦੇ ਹਨ। ਉਹ ਨਾਂ ਸਿਰਫ ਬੇਰੁਜ਼ਗਾਰ ਦੀ ਅਣਹੋਂਦ ਕਾਰਨ ਉਪਜੇ ਘਰੇਲੂ ਕਲੇਸ਼ ਹੰਢਾਉਂਦੇ ਹਨ, ਉਹਨਾਂ ਦਾ ਸਵੈ ਵਿਸ਼ਵਾਸ ਵੀ ਮਰੁੰਡਿਆ ਜਾਂਦਾ ਹੈ। ਜੀਵਨ ਸਾਥੀ ਮਿਲਣ ‘ਚ ਦਿੱਕਤਾਂ ਆਉਂਦੀਆਂ ਹਨ।ਆਪਣੇ ਪੈਰਾਂ ਤੇ ਖੜ੍ਹੇ ਨਾ ਹੋ ਸਕਣ ਦੀ ਭਾਵਨਾ ਨਿਰਾਸ਼ਾ ਦੀ ਖੱਡ ‘ਚ ਲਿਜਾ ਸੁੱਟਦੀ ਹੈ, ਨਸ਼ਿਆਂ ਦੇ ਤੇ ਲੱਚਰ ਸੱਭਿਆਚਾਰ ਦੇ ਰਾਹ ਤੋਰ ਦਿੰਦੀ ਹੈ।ਗੈਰ ਉਪਜਾਊ ਤੇ ਅਪਰਾਧਿਕ ਬਿਰਤੀਆਂ ਨੂੰ ਜਨਮ ਦਿੰਦੀ ਹੈ।ਪਿਛਲੇ ਸਮੇਂ ਵਿੱਚ ਪੰਜਾਬ ਦੀ ਫਿਜ਼ਾ ਨੇ ਕਿਸਾਨਾਂ, ਬਿਜਲੀ ਮੁਲਾਜਮਾਂ, ਖੇਤ ਮਜਦੂਰਾਂ ਵੱਲੋਂ ਨਵੀਆਂ ਨੀਤੀਆਂ ਦਾ ਸਰਗਰਮ ਵਿਰੋਧ ਦੇਖਿਆ ਹੈ।ਇਸਨੇ ਬੇਰੁਜ਼ਗਾਰ ਨੌਜਵਾਨਾਂ ਨੂੰ ਵੀ ਸੰਘਰਸ਼ ਦੇ ਪਿੜ ਵਿੱਚ ਆਉਣ ਲਈ ਉਤਸ਼ਾਹਿਤ ਕੀਤਾ ਹੈ।


ਈ.ਟੀ.ਟੀ. ਬੇਰੁਜ਼ਗਾਰਾਂ ਦਾ ਕਈ ਸਾਲਾਂ ਦਾ ਸੰਘਰਸ਼ ਦਾ ਤਜਰਬਾ ਹੈ।ਹੁਣ ਬੇਰੁਜਗਾਰ ਲਾਈਨਮੈਨ,ਵੈਟਰਨਰੀ ਫਾਰਮਾਸਿਸਟ, ਬੀ.ਐਡ. ਅਧਿਆਪਕ, ਆਂਗਨਵਾੜੀ ਵਰਕਰ, ਕੰਪਿਊਟਰ ਟੀਚਰ, ਹੈਲਥ ਵਰਕਰ ਵੀ ਇਹਨਾਂ ‘ਚ ਆ ਰਲੇ ਹਨ। ਇਹਨਾਂ ਵਿੱਚੋਂ ਬਹੁਤਿਆਂ ਲਈ ਬੇਰੁਜ਼ਗਾਰ ‘ਕਰੋ ਜਾਂ ਮਰੋ ਦਾ ਮਸਲਾ ਹੈ। ਈ.ਜੀ.ਐਸ. ਅਧਿਆਪਕ ਕੁੜੀ ਕਿਰਨਦੀਪ ਇੱਕ ਉਦਾਹਰਨ ਹੈ।ਹਰ ਦਿਨ ਟੈਂਕੀਆਂ ਤੇ ਚੜ੍ਹ ਰਹੇ ਮਰਜੀਵੜਿਆਂ ਦੇ ਜਥੇ ਰੁਜ਼ਗਾਰ ਦੇ ਮਸਲੇ ਦੀ ਗੰਭੀਰਤਾ ਕੂਕ-ਕੂਕ ਕੇ ਬਿਆਨ ਕਰ ਰਹੇ ਹਨ।ਸੁਖਮਨੀ ਸਾਹਬ ਦੇ ਪਾਠ ਤੋਂ ਲੈ ਕੇ ਆਤਮਦਾਹ ਦੀਆਂ ਧਮਕੀਆਂ ਤੱਕ ਹਰ ਤਰ੍ਹਾਂ ਦੇ ਰਾਹ ਅਪਣਾਏ ਜਾ ਰਹੇ ਹਨ।ਪਰ ਨਵੀਆਂ ਆਰਥਕ ਨੀਤੀਆਂ ਦੇ ਵੱਡੇ ਹਮਲੇ ਅੱਗੇ ਅਜਿਹੇ ਰਾਹ ਮਸਲੇ ਦੀ ਤਿੱਖ ਤਾਂ ਬਿਆਨ ਕਰ ਸਕਦੇ ਹਨ, ਪਰ ਕਿਸੇ ਹੱਲ ਤੇ ਪਹੁੰਚਣ ਦਾ ਸਾਧਨ ਨਹੀਂ ਬਣ ਸਕਦੇ।


ਅਜਿਹੇ ਸਮਿਆਂ ਵਿੱਚ ਜ਼ੋਰਦਾਰ, ਤਿੱਖੇ ਤੇ ਸਾਂਝੇ ਸੰਘਰਸ਼ ਹੀ ਹੱਲ ਦਾ ਰਾਹ ਖੋਲਦੇ ਹਨ।ਲੜ ਰਹੇ ਹੋਰਨਾਂ ਹਿੱਸਿਆਂ ਨਾਲ ਜੁੜ ਕੇ ਹਾਲਤ ਦੀਆਂ ਅਸਲ ਜਿੰਮੇਵਾਰ ਨੀਤੀਆਂ ਦੀ ਸ਼ਨਾਖਤ ਤੇ ਇਹਨਾਂ ਉਪਰ ਸਾਂਝਾ ਸੰਘਰਸ਼ ਹੀ ਜਿੱਤ ਦੀ ਜ਼ਾਮਨੀ ਕਰ ਸਕਦਾ ਹੈ।ਈ.ਟੀ.ਟੀ. ਵਾਲਿਆਂ ਦਾ ਸੰਘਰਸ਼ ਤਜਰਬਾ ਇਸ ਗੱਲ ਦਾ ਗਵਾਹ ਹੈ।ਇਸ ਚੱਲ ਰਹੀ ਹਾਲਤ ਵਿੱਚ ਸਰਕਾਰ ਦੀ ਰੁਜ਼ਗਾਰ ਦੇ ਇਸ ਗੰਭੀਰ ਮਸਲੇ ਪ੍ਰਤੀ ਪਹੁੰਚ ਗੈਰ ਸੰਜੀਦਾ ਜਾਪ ਰਹੀ ਹੈ। ਅਧਿਕਾਰੀਆਂ ਨਾਲ ਮਹਿਜ਼ ਮੀਟਿੰਗ ਰਖਵਾਉਣ ਲਈ ਹੀ (ਮਸਲੇ ਦਾ ਹੱਲ ਨਿਕਲਣਾ ਤਾਂ ਦੂਰ ਦੀ ਗੱਲ ਹੈ) ਬੇਰੁਜ਼ਗਾਰ ਨੂੰ ਪੈਟਰੋਲ ਦੀਆਂ ਕੇਨੀਆਂ ਚੁੱਕ ਟੈਂਕੀਆਂ ਤੇ ਚੜ੍ਹਨਾ ਪੈ ਰਿਹਾ ਹੈ। ਬਠਿੰਡਾ ਦੇ ਡੀ.ਸੀ. ਸਾਹਿਬ ਨੇ ਇਸ ਸਮੱਸਿਆ ਦਾ ਬਹੁਤ ਕਾਰਗਰ ਤੇ ਸ਼ਾਨਦਾਰ ਹੱਲ ਲੱਭਿਆ ਹੈ।ਜਲਘਰਾਂ ਦੀਆਂ ਟੈਂਕੀਆਂ ਦੀਆਂ ਪੌੜੀਆਂ ਹੇਠੋਂ ਸੱਤ ਫੁੱਟ ਤੱਕ ਤੋੜਨ ਦਾ ਹੁਕਮ ਦੇ ਦਿੱਤਾ ਹੈ। ਉਹਨਾਂ ਅਨੁਸਾਰ ਸ਼ਾਇਦ ਸਾਰੀ ਸਮੱਸਿਆ ਦੀ ਜੜ੍ਹ ਜਲਘਰਾਂ ਦੀਆਂ ਟੈਂਕੀਆਂ ਨੂੰ ਲੱਗੀਆਂ ਪੌੜੀਆਂ ਹਨ।ਹੋਰਨਾਂ ਜ਼ਿਲ੍ਹਿਆਂ ਵਿੱਚ ਵੀ ਸ਼ਾਇਦ ਇਹੋ ਜਿਹੇ ਹੰਗਾਮੀ ਕਦਮ ਲਏ ਜਾਣ।


ਉਹਨਾਂ ਦੀ ਇਹ ਗੱਲ ਇਸ ਖਤਰਨਾਕ ਹਾਲਤ ਪ੍ਰਤੀ ਉੱਚ ਪ੍ਰਸ਼ਾਸਨਿਕ ਅਧਿਕਾਰੀਆਂ ਦੇ ਰਵੱਈਏ ਤੇ ਝਾਤ ਪਵਾਉਂਦੀ ਹੈ।ਨੌਜਵਾਨ ਸਮਾਜ ਦਾ ਸਭ ਤੋਂ ਸੰਵੇਦਨਸ਼ੀਲ ਤਬਕਾ ਗਿਣਿਆ ਜਾਂਦਾ ਹੈ।ਨਿਰਾਸ਼ਾ ਦੀਆਂ ਹਾਲਤਾਂ ‘ਚ ਇਹੀ ਸੰਵੇਦਨਸ਼ੀਲਤਾ ਉਹਨਾਂ ਨੂੰ ਖੁਦਕੁਸ਼ੀ ਵਰਗੇ ਕਦਮ ਚੁੱਕਣ ਤੱਕ ਲੈ ਜਾਂਦੀ ਹੈ।ਪਰ ਉਹਨਾਂ ਦੀਆਂ ਤਕਲੀਫਾਂ ਦੇ ਜਿੰਮੇਵਾਰ ਅਸਲ ਕਾਰਨਾਂ ਦੀ ਨਿਸ਼ਾਨਦੇਹੀ ਤੇ ਲੋਕਾਂ ਦੀ ਸਾਂਝ ਦਾ ਨਿੱਘ ਲੈ ਕੇ ਚੁਣੌਤੀਆਂ ਸੰਗ ਮੱਥਾ ਲਾਉਣ ਦੀ ਕੋਸ਼ਿਸ਼ ਉਹਨਾਂ ਨੂੰ ਸਮਾਜ ਅੰਦਰ ਵੇਗਮਈ ਤਾਕਤ ਬਣਾ ਸਕਦੀ ਹੈ। ਅੱਜ ਬੇਰੁਜ਼ਗਾਰਾਂ ਵੱਲੋਂ ਵੱਖ_ਵੱਖ ਮੰਗਾਂ ਨੂੰ ਲੈ ਕੇ ਲੜੀ ਜਾ ਰਹੀ ਲੜਾਈ ਸਭ ਲੋਕ ਹਿਤੂ ਹਿੱਸਿਆਂ, ਬੁੱਧੀਜੀਵੀ ਵਰਗ ਤੇ ਸੰਘਰਸ਼ੀਲ ਤਬਕਿਆਂ ਤੇ ਸਰਕਾਰ ਦੇ ਗੰਭੀਰ ਧਿਆਨ ਦੀ ਮੰਗ ਕਰਦੀ ਹੈ। ਇਸ ਸਰੋਕਾਰ ਦੀ ਅਣਹੋਂਦ ਘਾਤਕ ਹੋ ਸਕਦੀ ਹੈ।

Tuesday, June 8, 2010

Sangram Rally Moga

ਮੋਗਾ ਸੰਗਰਾਮ ਰੈਲੀ 'ਚ ਕਿਸਾਨਾਂ-ਮਜ਼ਦੂਰਾਂ ਦਾ ਲਾਮਿਸਾਲ ਇਕੱਠ

23 ਜੂਨ ਨੂੰ ਨਹਿਰੀ/ਬਿਜਲੀ ਮੰਗਾਂ ਸਬੰਧੀ ਐਕਸੀਅਨ ਦਫ਼ਤਰਾਂ ਅੱਗੇ ਧਰਨੇ ਦੇਣ ਦਾ ਐਲਾਨ





ਪੰਜਾਬ ਦੀਆਂ 17 ਕਿਸਾਨ ਮਜ਼ਦੂਰ ਜੱਥੇਬੰਦੀਆਂ ਦੇ ਸੱਦੇ 'ਤੇ ਸੰਗਰਾਮ ਰੈਲੀ 'ਚ ਕੱਲ੍ਹ ਮੋਗਾ ਵਿਖੇ ਪੰਜਾਬ ਦੇ ਕੋਨੇ ਕੋਨੇ 'ਚੋਂ ਪਰਿਵਾਰਾਂ ਸਮੇਤ ਪੁੱਜੇ 50,000 ਤੋਂ ਵੱਧ ਕਿਸਾਨਾਂ ਮਜ਼ਦੂਰਾਂ ਦਾ ਲਾਮਿਸਾਲ ਇੱਕਠ ਇਤਿਹਾਸਕ ਹੋ ਨਿਬੜਿਆ । ਇਸ ਰੈਲੀ ਸੰਬਧੀ ਜੱਥੇਬੰਦੀਆਂ ਵਲੋਂ ਜਾਰੀ ਪ੍ਰੈਸ ਨੋਟ ਪੜ੍ਹਨ ਲਈ ਇਥੇ > ਕਲਿਕ< ਕਰੋ।

Saturday, June 5, 2010

PAKISTANI INTELLECTUALS MOVE FOR A NATIONAL MEMORIAL TO SHAHEED- E - AZAM BHAGAT SINGH & HIS COMRADES.


1. SSP office Lahore,where Saunders was killed by Bhagat Singh--Rajguru on 17th December,1928


2. Phansighat, where Bhagat Singh-Rajguru-Sukhdev and earlier Kartar Singh Sarabha were
executed, now
Shadman Chowk Lahore



3. Bhagat Singh's painting on Jadanwala- Faislabad main highway


4. Primary school Chak No. 105,where Bhagat Singh had his primary education

5. Inside view of Bhagat Singh birth house in Chak No. 105, Lyallpur Bange (Faislabad)-2007

Note: We are thankful to Prof. ( Dr.) Chaman Lal J.N.U. who provided all the above photographs, relating to this post. We are extremely sorry for not having inadvertently mentioned it earlier.



Some years ago Lok Morcha Punjab brought out the pathetic condition of Shaheed Bhagat Singh's ancestral house at village Khatkar Kalan (India). The anti-people rulers of India, are making every possible effort to obliterate the places associated with revolutionary anti-imperialist struggle like Jallianwala Bagh, Amritsar by making these as picnic-spots and amusement parks. The rulers in Pakistan are no better. Given above are some photographs of the places associated with Shaheed-e-Azam Bahagat Singh, put on the face-book.

Some of the Pakistani intellectuals have initiated a campaign to raise a national memorial to Bhagat Singh and his companions. They are greatly hurt by the plight of places associated with Bhagat Singh in Pakistan. Here are some interactions on this subject on the face-book:



Syed Asif Shahkar

what a shame for punjabi nation, the birth place of national and international hero in such a shameful and miserable condition.

June 1 at 7:37pm


Dhillon Amandeep

parnaam.........is mitti nu,es ghar nu..........jithe Bhagat Singh di chho te khusbo vsdi ae........

June 1 at 7:40pm


Syed Asif Shahkar

parnam ki karna sanoo te sherm naal murna chaida hae

June 1 at 8:09pm


Lok Raj

I agree with Asif sahib, saadey layi dubb key maran wali gall aey

June 1 at 9:15pm


Nasreen Khan

Does someone live there now? This place should be restored and be given the historical status.

June 1 at 9:46pm


Chaman Lal

Yes one Faislabad advocate family. Two new rooms have been made,which are in one other photo.Family got 17 acre mango garden of Bhagat Singh's family in the village. Bhagat Singh's family was quite rich


Chaman Lal

Actually it was a big house and now four brothers are sharing.I am forgetting the name now,but i met advocate member of family,they are nice people

June 1 at 9:50pm


Rachana Sagar

Yahan dunlup ka gadda to nahi , par sukun ka ahsas hai yahan sir par chhat to nahi par , par sath hi anupasthit bhotikta ki pyas hai na dar hai kuch lutne ka , na logo ka jeewan star par kiya jane wala parihas hai meri dharti ka har ek gaon anmol hai apne aap me khas hai ...........


Syed Asif Shahkar

I am thank full to all friends who agreed with me. we talk about religious places to restore, but we never talk about such a historical places. I mentioned in my article about rai Ahamad Khan Kharal a great Punjabi hero. I wish Chaman Lal would have visited Kharral's grave. I am sure he would have cried. We punjabis are brain washed about our heros. we have long way to respect and adore our heros.

Wednesday at 2:39am


Chaman Lal

Dear Asif,I really wish to visit 1857'd Punjabi hero Ahmad Khan Kharl house,earlier Ahamd Salim has also mentioned about him,but don't know,when will I get a chance. My salute to the memory of Ahmad Khan Kharl,who brought glory to Punjab by his resistance in 1857, when many feudal lords like of Patiala were courting the British colonialists


Syed Asif Shahkar

Let me ask all Punjabis of the world. Is there any Punjabi who can take an initiative to start a campaign or movement to take over Bhagat Singh's birth place as our national asset and build a monument there.

Thursday at 4:53pm


Nasreen Khan

@Syed Asif Shanker, this should have been done very long ago, but it is never too late, the people should take the initiative and the govt should take it from there. It is a historical place..


Syed Asif Shahkar

Nasreen ji tussen bohat achi gall kiti hae. mera khyal hae ess kum di ibtada tuseen karo, fer ess qafale wich hor lok v shamal ho jan ge. es kum wich www.sanjhapunjab.net v tohadi madad kare ga. tuseen agge lago.


Tariq Yazdani

han edi shrooat asi face book te Saheed Bhagat Sing de ghar noon National asset banaan lai te ohnaan di yagar banaan lai group bananan nal kar sakde haan.


Shahid Akhtar

Shaheed-e-Azam will always remain in the hearts of millions of people - of India and Pakistan. He is a hero of Indian subcontinent.


Sayak Chakraborty

He will remain the ever charming hero of every heart..No boundary can hinder this emotion n love for him n for his sacrifice. Com Bhagat Singh lal salaam.