ਪਹਿਲੀ ਮਈ ਅਤੇ ਗੁਰਸ਼ਰਨ ਸਿੰਘ ਨੂੰ ਸਮਰਪਿਤ ਨਾਟਕ ਮੇਲਾ
ਪੰਜਾਬੀ ਭਵਨ ਲੁਧਿਆਣਾ ਦੇ ਬਲਰਾਜ ਸਾਹਨੀ ਰੰਗ ਮੰਚ ਵਿਖੇ ਬੀਤੇ ਢਾਈ ਦਹਾਕਿਆਂ ਤੋਂ ਕਰਵਾਇਆ ਜਾਂਦਾ ਨਾਟਕ ਤੇ ਗੀਤ ਸੰਗੀਤ ਮੇਲਾ ਏਸ ਵੇਰ ਵੀ ਪੂਰੀ ਸ਼ਾਨੋ-ਸ਼ੌਕਤ ਅਤੇ ਜੋਸ਼-ਖਰੋਸ਼ ਨਾਲ ਆਯੋਜਿਤ ਕੀਤਾ ਗਿਆ। ਪੰਜਾਬ ਲੋਕ ਸਭਿਆਚਾਰਕ ਮੰਚ ਵੱਲੋਂ ਇਸ ਵੇਰ ਦਾ ਕ੍ਰਾਂਤੀਕਾਰੀ ਸਭਿਆਚਾਰਕ ਸਮਾਗਮ ਪੰਜਾਬੀ ਰੰਗਮੰਚ ਦੇ ਮਹਾਂਨਾਇਕ ਮਰਹੂਮ ਨਾਟਕਕਾਰ ਗੁਰਸ਼ਰਨ ਸਿੰਘ ਹੋਰਾਂ ਨੂੰ ਸਮਰਪਿਤ ਕੀਤਾ ਗਿਆ। ਇਸ ਵੇਰ ਸਾਰੇ ਨਾਟਕ ਵੀ ਭਾਅ ਜੀ ਗੁਰਸ਼ਰਨ ਸਿੰਘ ਹੋਰਾਂ ਦੇ ਲਿਖੇ ਹੀ ਪੰਜਾਬ ਦੀਆਂ ਸਿਰਮੋਰ ਨਾਟ-ਮੰਡਲੀਆਂ ਨੇ ਪੇਸ਼ ਕੀਤੇ। ਪੰਜਾਬ ਦੀ ਸਿਰਮੋਰ ਗੀਤ ਸੰਗੀਤ ਮੰਡਲੀ ਭਦੋੜ ਦੇ ਜਹੀਨ ਕਲਾਕਾਰਾਂ ਨੇ ਮਾਸਟਰ ਰਾਮ ਕੁਮਾਰ ਦੀ ਅਗਵਾਈ 'ਚ ਇਨਕਲਾਬੀ ਗੀਤਾਂ ਦੀ ਲੜੀ ਪੇਸ਼ ਕੀਤੀ। ਇਨਕਲਾਬੀ ਕਵੀਸ਼ਰੀ ਜੱਥਾ ਰਸੂਲਪੁਰ ਦੇ ਕਲਾਕਾਰਾਂ ਨੇ ਅਮਰਜੀਤ ਪ੍ਰਦੇਸੀ ਦੀ ਅਗਵਾਈ 'ਚ ਤੇ ਜੀਰੇ ਤੋਂ ਪੁੱਜੇ ਪੁਰਾਤਨ ਕਵੀਸ਼ਰ ਮੁਖਤਿਆਰ ਜਫ਼ਰ ਨੇ ਕਵੀਸ਼ਰੀਆਂ ਰਾਹੀਂ ਰੰਗ ਬੰਨਿ•ਆਂ। ਨਾਟਕਾਂ ਦੀ ਸ਼ੁਰੂਆਤ ਭਾਅ ਜੀ ਦੀ ਆਪਣੀ ਟੀਮ ਚੰਡੀਗੜ• ਸਕੂਲ ਆਫ਼ ਡਰਾਮਾ ਦੇ ਕਲਾਕਾਰਾਂ ਵਲੋਂ ਇਕੱਤਰ ਸਿੰਘ ਦੀ ਨਿਰਦੇਸ਼ਨਾ ਹੇਠ ਪੇਸ਼ ਨਾਟਕ 'ਅੱਖਾਂ' ਨਾਲ ਹੋਈ। ਇਸ ਨਾਟਕ ਰਾਹੀਂ ਕਲਾਕਾਰਾਂ ਨੇ ਇਸ ਮਜ਼ਦੂਰ ਆਗੂ ਦੀ ਮੌਤ ਉਪਰੰਤ ਇੱਛਾ ਦਾ ਪ੍ਰਗਟਾਅ ਕਿ ਉਸ ਦੇ ਸ਼ਰੀਰ ਦੇ ਸਾਰੇ ਅੰਗ ਮਨੁੱਖਤਾ ਨੂੰ ਦੇ ਦਿੱਤੇ ਜਾਣ ਪਰ ਉਸ ਦੀਆਂ ਅੱਖਾਂ ਕਿਸੇ ਅਪਾਹਿਜ ਮਜ਼ਦੂਰ ਨੂੰ ਹੀ ਲਗਾਈਆਂ ਜਾਣ ਨਾ ਕਿ ਕਿਸੇ ਪੂੰਜੀਪਤੀ ਨੂੰ। ਜਮਾਤੀ ਸਾਂਝ ਦੀ ਸਦੀਵੀ ਇਕਮੁਠਤਾ ਦਾ ਇਜ਼ਹਾਰ ਇਹ ਨਾਟਕ ਸਫ਼ਲ ਸੰਦੇਸ਼ ਦੇਣ 'ਚ ਕਾਮਯਾਬ ਰਿਹਾ। ਸਮੂਹ ਦਰਸ਼ਕਾਂ ਨੇ ਖੜ•ੇ ਹੋ ਕੇ ਗੁਰਸ਼ਰਨ ਭਾਅ ਜੀ ਨੂੰ ਸ਼ਰਧਾਂਜ਼ਲੀਆਂ ਭੇਟ ਕੀਤੀਆਂ। ਇਸ ਮੌਕੇ ਗੁਰਸ਼ਰਨ ਸਿੰਘ ਦੀਆਂ ਧੀਆਂ ਡਾ. ਅਰੀਤ, ਨਵਸ਼ਰਨ ਅਤੇ ਦਾਮਾਦ ਅਤੁਲ ਸ਼ੂਦ ਮੰਚ 'ਤੇ ਸਸ਼ੋਭਿਤ ਸਨ। ਡਾ. ਅਰੀਤ ਨੇ ਆਪਣੇ ਸੰਬੋਧਨ 'ਚ ਕਿਹਾ ਕਿ ਭਵਿੱਖ ਇਨਕਲਾਬੀ ਰੰਗ ਮੰਚ ਦਾ ਹੈ। ਡਾ. ਅਰੀਤ ਨੇ ਐਲਾਨ ਕੀਤਾ ਕਿ ਅਗਲੇ ਵਰੇ• ਦਾ ਮੇਲਾ ਮਜ਼ਦੂਰ ਔਰਤਾਂ ਨੂੰ ਸਮਰਪਿਤ ਹੋਏਗਾ।
ਇਨਕਲਾਬੀ ਸਭਿਆਚਾਰਕ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਮੰਚ ਦੇ ਸੂਬਾ ਕਮੇਟੀ ਮੈਂਬਰ ਅਮੋਲਕ ਸਿੰਘ ਨੇ ਕਿਹਾ ਕਿ ਪਲਸ ਮੰਚ ਹਾਕਮ ਜਮਾਤੀ ਸਭਿਆਚਾਰ ਦੇ ਖਿਲਾਫ਼ ਗੁਰਸ਼ਰਨ ਭਾਅ ਜੀ ਵਲੋਂ ਉਸਾਰਿਆ ਇਕ ਬਦਲ ਸੀ, ਜਿਸ ਨੂੰ ਮੰਚ ਦੀਆਂ ਟੀਮਾਂ ਪੂਰੇ ਸੂਬੇ ਤੇ ਦੇਸ਼ 'ਚ ਦਿਨ ਰਾਤ ਇਕ ਕਰਕੇ ਖੜ•ਾ ਕਰ ਰਿਹਾ ਹੈ। ਉਨ•ਾਂ ਕਿਹਾ ਕਿ ਮਈ ਦਿਵਸ ਦੇ ਕੌਮਾਂਤਰੀ ਮਜ਼ਦੂਰ ਜਸ਼ਨ ਮੌਕੇ ਪੰਜਾਬੀ ਨਾਟਕ ਦੇ ਮਹਾਂਨਾਇਕ ਨੂੰ ਯਾਦ ਕਰਨਾ, ਅਸਲੇ 'ਚ ਉਨ•ਾਂ ਦੇ ਸੁਪਨਿਆਂ 'ਚ ਰੰਗ ਭਰਨਾ ਹੈ। ਉਨ•ਾਂ ਕਿਹਾ ਕਿ ਪਲਸ ਮੰਚ ਭਾਅ ਜੀ ਦੀ ਯਾਦ ਨੂੰ ਸਦੀਵੀ ਬਣਾਉਣ ਲਈ ਉਨ•ਾਂ ਦੇ ਵਿਛੋੜੇ ਦੇ ਦਿਨ 27 ਸਤੰਬਰ ਨੂੰ ਇਨਕਲਾਬੀ ਪੰਜਾਬੀ ਰੰਗਮੰਚ ਦਿਵਸ ਦੇ ਤੌਰ 'ਤੇ ਸੂਬਾਈ ਪੱਧਰ 'ਤੇ ਮਨਾਵੇਗਾ। ਚੇਤਨਾ ਕਲਾ ਮੰਚ ਚਮਕੌਰ ਸਾਹਿਬ ਦੇ ਕਲਾਕਾਰਾਂ ਨੇ ਗੁਰਪ੍ਰੀਤ ਕੌਰ ਦੀ ਨਿਰਦੇਸ਼ਨਾ ਹੇਠ ਨਾਟਕ 'ਮਿੱਟੀ ਦਾ ਮੁੱਲ' ਰਾਹੀਂ ਦਰਸਾਇਆ ਕਿ ਕਿਰਤੀ ਸ਼੍ਰੇਣੀ ਦੀ ਜਦੋਂ ਚੇਤਨਾ ਦੀ ਅੱਖ ਖੁੱਲ• ਜਾਏ ਤਾਂ ਉਹ ਆਪਣੀ ਅਣਖ ਅਤੇ ਮਿੱਟੀ ਦਾ ਮੁੱਲ ਸਮਾਜ 'ਤੇ ਹਾਵੀ ਸ਼ਕਤੀਆਂ ਨੂੰ ਟਣਕਾ ਦਿੰਦੀ ਹੈ।
ਮੰਚ ਰੰਗ ਮੰਚ ਅੰਮ੍ਰਿਤਸਰ ਦੇ ਕਲਾਕਾਰਾਂ ਨੇ ਪ੍ਰਸਿੱਧ ਨਾਟਕਕਾਰ, ਨਿਰਦੇਸ਼ਕ ਕੇਵਲ ਧਾਲੀਵਾਲ ਦੀ ਨਿਰਦੇਸ਼ਨਾ ਹੇਠ ਭਾਅ ਜੀ ਦਾ ਸਭ ਤੋਂ ਵੱਧ ਚਰਚਿੱਤ ਨਾਟਕ 'ਧਮਕ ਨਗਾਰੇ ਦੀ' ਪੇਸ਼ ਕਰਦਿਆਂ ਦੁੱਲਾ ਭੱਟੀ ਦੀ ਮੁਗਲਸ਼ਾਹੀ ਖਿਲਾਫ਼ ਟੱਕਰ ਦੇ ਸਮੁੱਚੇ ਇਤਿਹਾਸ ਨੂੰ ਪੇਸ਼ ਕਰਦਿਆਂ ਵਿਲੱਖਣ ਰੰਗ ਬੰਨਿ•ਆ। ਲੋਕ ਕਲਾ ਮੰਚ ਮੁੱਲਾਂਪੁਰ ਦੇ ਕਲਾਕਾਰਾਂ ਨੇ ਹਰਕੇਸ਼ ਚੌਧਰੀ ਦੀ ਨਿਰਦੇਸ਼ਨਾ ਹੇਠ ਬੱਬਰ ਅਕਾਲੀ ਲਹਿਰ ਦੀ ਅੰਗਰੇਜ਼ੀ ਸਾਮਰਾਜ ਖਿਲਾਫ਼ ਜ਼ਿੰਦਗੀ ਮੌਤ ਦੇ ਸੰਘਰਸ਼ ਨੂੰ, ਸੂਰਮਗਤੀ ਦੇ ਸ਼ਾਨਦਾਰ ਇਤਿਹਾਸ ਨੂੰ ਬਾਖੂਬੀ ਪੇਸ਼ ਕੀਤਾ। ਸੁਚੇਤਕ ਰੰਗਮੰਚ ਮੁਹਾਲੀ ਦੇ ਕਲਾਕਾਰਾਂ ਨੇ ਅਨੀਤਾ ਸਬਦੀਸ਼ ਦੀ ਨਿਰਦੇਸ਼ਨਾ ਹੇਠ ਮਕਬੂਲ ਨਾਟਕ 'ਸੁੱਖੀ ਵਸੈ ਮਸਕੀਨੀਆ' ਰਾਹੀਂ ਨਿਵੇਕਲਾ ਰੰਗ ਪੇਸ਼ ਕੀਤਾ।
ਇਸ ਸਮੇਂ ਪ.ਲ.ਸ. ਮੰਚ ਵਲੋਂ ਮਾਸਟਰ ਤਰਲੋਚਨ ਦੀ ਨਿਰਦੇਸ਼ਨਾ ਹੇਠ ਭਾਅ ਜੀ ਗੁਰਸ਼ਰਨ ਸਿੰਘ ਦੇ ਸਮੁੱਚੇ ਸੰਗਰਾਮੀ ਜੀਵਨ ਇਤਿਹਾਸ ਬਾਰੇ ਤਿਆਰ ਕੀਤੀ ਦਸਤਾਵੇਜ਼ੀ ਫ਼ਿਲਮ 'ਸਦਾ ਸਫ਼ਰ ਤੇ ਭਾਅ ਜੀ ਗੁਰਸ਼ਰਨ ਸਿੰਘ' ਦਰਸ਼ਕ ਸਮੂਹ ਸਾਹਮਣੇ ਪੇਸ਼ ਕੀਤੀ ਗਈ। ਭਾਅ ਜੀ ਦੀ ਵਿਰਾਸਤ ਨੂੰ ਸੰਭਾਲਣ ਦਾ ਇਹ ਨਿਵੇਕਲਾ ਯਤਨ ਦਰਸ਼ਕਾਂ ਵਲੋਂ ਬੇਹੱਦ ਸਰਾਹਿਆ ਗਿਆ।
ਸਭਿਆਚਾਰਕ ਮੇਲੇ 'ਚ ਨਿਵੇਕਲੇ ਪੁਸਤਕ ਮੇਲੇ ਦਾ ਪ੍ਰਭਾਵ ਦੇ ਰਹੀ ਸੀ ਵਿਸ਼ਾਲ ਪੁਸਤਕ ਪ੍ਰਦਰਸ਼ਨੀ। ਇਸ ਮੌਕੇ 'ਕਥਾ ਰਿੜ•ਦੇ ਪਰਿੰਦੇ ਦੀ' (ਸ਼ਬਦੀਸ਼), 'ਬਾਗੀ ਸੁਭਾਸ਼' (ਕਵੀਸ਼ਰ ਕਰਨੈਲ ਸਿੰਘ ਪਾਰਸ), 'ਰੰਗ ਸੰਗ' (ਜਗਦੀਸ਼ ਗਰਗ) ਅਤੇ 'ਪੰਜਾਬੀ ਰੰਗ ਮੰਚ' ਪੁਸਤਕਾਂ, ਸਾਹਿਤਕ ਮੈਗਜ਼ੀਨ ਵੀ ਲੋਕ ਅਰਪਣ ਕੀਤੇ ਗਏ।
ਮੰਚ ਸੰਚਾਲਨ ਪਲਸ ਮੰਚ ਦੇ ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਨੇ ਬਾਖੂਬੀ ਨਿਭਾਇਆ।
No comments:
Post a Comment