StatCounter

Friday, May 25, 2012

PROTESTS AGAINST PETROL PRICE HIKE

ਪੈਟਰੋਲ ਦੀਆਂ ਵਧੀਆਂ ਕੀਮਤਾਂ ਖਿਲਾਫ਼ ਵਿਖਾਵੇ

ਜਲੰਧਰ, 24 ਮਈ:    ਲੋਕ ਮੋਰਚਾ ਪੰਜਾਬ ਅਤੇ ਇਨਕਲਾਬੀ ਕੇਂਦਰ ਪੰਜਾਬ ਵੱਲੋਂ 25 ਮਈ ਨੂੰ ਬਠਿੰਡਾ, ਰਾਮਪੁਰਾ ਫੂਲ, ਬਰਨਾਲਾ, ਜਗਰਾਓਂ ਅਤੇ 26 ਮਈ ਨੂੰ ਲੁਧਿਆਣਾ, ਸਮਰਾਲਾ ਵਿਖੇ ਪੈਟਰੋਲ ਦੀਆਂ ਵਧੀਆਂ ਕੀਮਤਾਂ ਖਿਲਾਫ਼ ਜਨਤਕ ਵਿਰੋਧ ਪ੍ਰਗਟ ਕੀਤਾ ਜਾਏਗਾ।

ਲੋਕ ਮੋਰਚੇ ਦੇ ਜਨਰਲ ਸਕੱਤਰ ਅਮੋਲਕ ਸਿੰਘ, ਇਨਕਲਾਬੀ ਕੇਂਦਰ ਦੇ ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਨੇ ਸਾਂਝੇ ਪ੍ਰੈਸ ਬਿਆਨ 'ਚ ਕਿਹਾ ਹੈ ਕਿ ਜਦੋਂ ਕੌਮਾਂਤਰੀ ਮੰਡੀ ਅੰਦਰ ਕੱਚੇ ਤੇਲ ਦੀਆਂ ਕੀਮਤਾਂ ਸਥਿਰ ਚੱਲ ਰਹੀਆਂ ਹਨ ਉਸ ਮੌਕੇ ਪੈਟਰੋਲ ਦੀਆਂ ਕੀਮਤਾਂ ਨੂੰ 'ਅੱਗ' ਲਗਾਕੇ ਅਜਾਰੇਦਾਰ ਤੇਲ ਕੰਪਨੀਆਂ ਨੂੰ ਮੋਟਾ ਮੁਨਾਫ਼ਾ ਕਰਾਇਆ ਜਾ ਰਿਹਾ ਹੈ।

ਉਨ•ਾਂ ਪੰਜਾਬ ਸਰਕਾਰ ਉਪਰ ਵੀ ਤਿੱਖੀ ਟਿੱਪਣੀ ਕਰਦਿਆਂ ਕਿਹਾ ਕਿ 'ਰਾਜਨੀਤਕ ਚਤੁਰਾਈ' ਕਰਦੇ ਹੋਏ ਪੰਜਾਬ ਸਰਕਾਰ ਇਸ ਅਥਾਹ ਵਾਧੇ ਲਈ ਇੱਕ ਬੰਨੇ ਕੇਂਦਰ ਸਰਕਾਰ ਉਪਰ ਉਂਗਲ ਧਰਕੇ ਆਪ ਬਰੀ ਹੋਣ ਦੀ ਖੇਡ ਖੇਡਦੀ ਹੈ ਜਦੋਂ ਕਿ ਹਕੀਕਤ ਇਹ ਹੈ ਕਿ ਹੱਥ ਲੱਗਾ ਸੁਨਹਿਰੀ ਮੌਕਾ ਸਮਝਕੇ ਪੰਜਾਬ ਸਰਕਾਰ ਨੇ ਐਨਾ ਵੈਟ ਵਧਾ ਦਿੱਤਾ ਜਿਸ ਸਦਕਾ ਪੰਜਾਬੀਆਂ ਉਪਰ ਪ੍ਰਤੀ ਮਹੀਨਾ 622 ਕਰੋੜ ਰੁਪਏ ਦਾ ਬੋਝ ਲੱਦ ਦਿੱਤਾ ਹੈ।  ਜਿਸ ਤੋਂ ਜੱਗ ਜ਼ਾਹਰ ਹੁੰਦਾ ਹੈ ਕਿ ਵੰਨ-ਸੁਵੰਨੇ ਹਾਕਮ ਧੜੇ ਜੋਕਾਂ ਨੇ ਹਿਮਾਇਤੀ ਅਤੇ ਲੋਕਾਂ ਖਿਲਾਫ਼ ਇੱਕ ਸੁਰ ਹਨ।

ਦੋਵੇਂ ਜਨਰਲ ਸਕੱਤਰਾਂ ਨੇ ਪੰਜਾਬ ਦੀਆਂ ਸਮੂਹ ਲੋਕ-ਹਿਤੈਸ਼ੀ, ਜਮਹੂਰੀ, ਇਨਕਲਾਬੀ ਜੱਥੇਬੰਦੀਆਂ ਨੂੰ ਅਗਲੇ ਦਿਨਾਂ 'ਚ ਇਸ ਵਾਧੇ ਵਿਰੁੱਧ ਵਿਸ਼ਾਲ, ਸਾਂਝੇ ਸੰਘਰਸ਼ ਲਈ ਜੋਟੀ ਪਾਉਣ ਲਈ ਅੱਗੇ ਦੀ ਵੀ ਅਪੀਲ ਕੀਤੀ ਹੈ।

ਅਮੋਲਕ ਸਿੰਘ
94170 76735

1 comment:

  1. i agree with lokmorcha punjab ...........

    ReplyDelete